與三老小孩佐賀自駕遊之旅2024-10-23第五天(晴天)

10月18日..中午食茶杯..探豬..夜晚毛寶請我食天頤~…10月19日…中午去路環間新啡食中午飯~..去Venetian睇下有無兔買，又無..去睇我老爹要去旅行..喊到我係戲院抽搐..夜晚毛寶請我食鮨吉祥~多謝毛寶請我食好味野又送我禮物~~…10月20日..番工~今日好可怕~遇到個公主癌既客XXD勁魔音~.....10月21日...今日唔算多野做~幾好~...10月22日...下午少忙~但!!無啦啦買左張下年機票!!!....10月23日..放工去左試男爵…唔…..10月24日…中午去左coppa嘆…探豬..夜晚同3個老小孩食雅憩~..10月25日..中午試OCT..啲包好味…夜晚叫外賣~….10月26日..呢幾日應該有啲熱氣...喉有D唔舒服!叫老夫人幫我買支涼茶...飲完好飲好D...不過夜晚變左有少少咳XXXXD....10月27日...今朝起身變聲...同埋有D咳~...10月28日...噚晚早訓...但係猛咳醒...快D好番啦我就黎去旅行喇~~~...10月29日...都係喉唔舒服今朝去左睇醫生…食左藥訓到痴左線…10月30日….我訓左全日..夜晚食raffles lounge…10月31日..中午食文哥..飲啡..探豬..夜晚買外賣食~



2024/10/23
Day 5(日本,福岡 Japan,Fukuoka->糸島 Itoshima->福岡 Fukuoka)
早~噚晚係便利店買左早餐~各自係房食~

食飽飽就出發去景點喇~~




今日我地去糸島(Itoshima)~~我同毛寶去過~但3個老小孩未去過~一到糸島就放晴~~




第一站依然係櫻井二見浦...Mapcode：224 789 270*70(停車場)....係福岡過黎大約45分鐘~(自駕)




雖然已經第二次黎~但係仍然覺得呢度好舒服好靚~






不過今日異常大風...你睇下老夫人條褲吹到XXXXXD好似D商場出面吹黎吹去哥D公仔XXXXD






拿~我地呢個旅行團好人道架~今朝食完早餐...行一個一步到位既景點...又去放飯喇XXXXXD....去餐廳途中...經過油站就入下油啦~入完之後發現做乜硬係有人望住既....唉...又俾貓啤；[(內心暗喜)




中午去食活魚茶屋 ざうお 本店...Mapcode：224 762 074*17(有停車場)....頭先景點過黎大約8分鐘~...佢有室外燒烤位又有樓上室內位~我地預約左室內位~可官網預約~(樓上食定食已結業得番樓下釣魚)




雖然呢度有好多海鮮類既野試~但帶佢地黎呢度主要係想俾佢地試下福岡其中一 樣好出名既野食~就係鯛魚茶漬飯~之前我同毛寶黎去福岡時係食超長龍店よし田(我記得係無得訂位既)...咁無理由要佢地排隊架嘛...同埋有機會要坐榻榻米...咁就揀左黎呢度試啦~~




我地5個有4個人都揀呢個鯛茶漬け...1,880円(稅込)=97.8hkd...望落好豐富~~




我記得我仲加左680円=35.4hkd追加多一倍鯛魚漬~




好~佢餐牌就教第一就單飲下佢個湯先~係好鮮甜既~...第二就連飯食.....喂....errrrrr......我覺得佢個鯛魚漬好食過超長龍店喎~




第三係加湯落去食....頂!!!!呢個食法勁正呀喂!!!!...佢用熱湯輕灼左D魚有少少熟反而個魚味仲出!!!....天呀!!太正喇~~~佢個湯下面仲有火熱住!!!keep住熱~~~好出色!!!....好彩帶佢地黎食呢間咋!!好出色!!




其中一人叫左呢個汁煮魚set~聽講都話好食~




好似糸島咪有間好出名向海既海鮮丼飯既...不過話得個景靚...野食就.......呢間其實都有海睇架~只不過唔係望二見浦咋~咁我寧願黎呢間食喇XXXXXD






食飽飽仲可以係佢出面海灘影下相~好多裝置俾你免費玩~我地都影左一陣~






飯後就參觀白絲瀑布...mapcode：224 216 366*47...餐廳過黎45分鐘~










再去雷山千如寺大悲王院...mapcode：224 282 023*83...瀑布過黎24分鐘左右~hello~~hello~~hello~~




又俾貓西我面XXXXXXXD




連環打喊露XXXXXD影到唔捨得入去參觀喇XXXXD








豬子!拉姨又摸其他貓喇!




參觀個寺既外圍~同埋睇下佢棵百年楓樹~我覺得棵百年楓樹個形態好靚~~紅葉季黎一定好多人~不過今次無帶佢地入去參觀喇~(因為入面有條好長既樓梯XXXD)










之後番福岡市~車左佢地番房休息一陣~我地兩個自己去還車~




大約5點9我地就去食飯!!!因為一早上網訂左位!!淨係得6點呢個時間揀~~~唔緊要!!!有得食就得喇~~




我地今晚食人形町今半!!!今次終於都撞岩有松茸喇!!係JR博多city9樓~係我最鐘意既sukiyaki呀~~~








係訂位既時候已經要揀埋食咩set...一早上網俾左錢~(要用PayPal俾)....我地訂左松茸套餐...19,602円=1,019.3hkd~黎到再叫野飲~






前菜~還好啦~




松茸土瓶蒸!!!...我好鐘意飲土瓶蒸~今次仲要係松茸~正~






喂!!入戲肉!!!








一路睇住佢煎一路流口水~~










秋之王!!讚!!!






第二round有埋蔬菜~吸汁~好送飯~








牛柳都好好味<3






最後仲整個飯(好飽XXD)






甜品~




大家都好滿意~(我話咋~)




食飽推D人去JR駅內手信店買手信散步(懶散的領隊)










yeah~今日又有禮物收~仲要係夫婦岩既神社~仲要係大吉!!好毒男呀我~









2026/10/31的開心事：
好耐無食茶茶仔~今晚食下~



報時：距離馬爾他慢遊猛食紅蝦之旅仲有---4日~~
報時：距離曼谷飲啡按摩猛食野之旅仲有---42日~
報時：距離與3老小孩台北逛逛吃吃之旅仲有---145日~
係~買左機票同佢地去台北~
輕鬆啲機程近D~無咩行程~
主要想食下野~不過都有少少少少特別既~