鳥取自駕遊&大阪之旅2018-12-02第二天Part 3(大晴天及後轉陰)

上星期五...放早係開心d既~~放左工食八分目...食前食後都執左陣野......然去左睇反斗奇兵4...真係好好睇...d馬尿係眼狂轉轉下~~~上星期六....中午食左巴黎人間法式餐廳~~(食set幾抵~~)....下午梗係又執野喇~夜晚又痴痴貢~~~~上星期日....中午想食Toff的但附近整費事塞車...最後去左食Root....終於食得番毛寶最愛既魷魚麵....好好味...下午梗係又執野啦...夜晚食左御前上茶...之後我同毛寶兩人搬左9大袋野去暫搬地...我倆好強XXD..........星期一...都幾多野做...由佢啦...又唔係第一次咁遲XXD...將電腦還番俾毛寶...番屋企覺得有啲空虛添...夜晚睇J2既北歐潮甚麼...原來我都有啲掛住冰島!........星期二...又係好多野做~~仲知道左下年營業額可能要調高XXD呢度真係好好玩...又有新鮮野............星期三...放左工去左睇裝修啲蘇位點放...我隻眼眼訓到一路聽一路睇野化開XXD事後我同毛寶講:靠你喇我頭先對眼化開...毛寶:唔好意思我頭先對眼都化開左XD............星期四...放左工無飯食...去左買鹵肉飯加鹹酥雞...然後點算下有咩搬去暫住地........星期五...放左工食不夜天...食完又搬少少野去暫居地...好鬼攰.........星期六...盛大既搬屋日...一早起身梳洗好...執好野...her一聲就搬...人地做慣野真係唔同啲...我揾哥間又平又企理又有氣有力...勁推...雖然期間發生左啲事...但老實講...搬得勁快...個幾鐘就搞掂...嘆左杯啡之後...番屋企再執少少野(毛寶:你哥啲咁叫做少少)...去暫居地再執日常要用既野...夜晚叫左好耐無食過既關東煮外賣...結束這漫長的一天...我隻手條筋抽野抽到腫左...係暫居地度住好似去左旅行咁...我當我自己去幾個月旅行好了.........星期日...第一晚係暫居地訓....訓得麻麻.....訓得著但狂醒...好早起左身又番屋企攞左d野去暫居地再去食Terra.....好彩係噚日搬咋!!!!!因為今日超大雨!!!如果搬哥日咁大雨我會好頭痕...因為d紙皮可能會濕哂!!!!!!!!!!!感恩呀!!下午梗係去毛寶家休息下出下blog啦~~~我好耐無寫野隻手好痕呀!!!!!!夜晚痴痴貢~~



2018/12/02
Day 2-Part 3(日本,鳥取,鳥取市 Japan,Tottori Ken,Tottori Shi->岩美町 Iwami Chō->賀露町西 Karochonishi->羽合溫泉 Hawai Onsen)
好啦~離開白兔神社~我地向今晚既住宿進發喇~





好似開始有d雲~天陰陰~




今晚我地會住羽合溫泉區(はわい温泉)既住宿~我地揀左千年亭....都係自己係佢官網預訂咋~呢條橋可以車行...好有千與千尋Feel~




千年亭地址：鳥取県東伯郡湯梨浜町はわい温泉4-62.....Mapcode：345 481 860*84.....由白兔神社過黎大約40分鐘~




一落車已經有人迎接~同埋幫我地攞行李~呢度係大堂~我地到哥時極度多人check in~(呢張係第二朝食完早餐後check out影既~)....羽合溫泉區好多間都可以望住東鄉湖既....我地本身係諗住揀另一間叫望湖樓既溫泉旅館既...因為佢有個係東鄉湖上既溫泉好靚~(但我睇過一個台灣blog話試過浸浸下企起身周圍望時發現湖上有漁船係度飛過XXXD).....不過我地望望下望湖樓d房唔係幾岩我地心水~最後揀左呢間有其中幾間房翻新過既千年亭~~~大堂對住個庭園好靚~





我見大堂坐左好多公公婆婆係度...但職員又俾我地Check in先喎~可能我地個房型已經有喇卦~(因為我地哥隻房型全館好似得3間~)....睇下人地呢間幾仔細丫~幾時食飯俾時間我地揀~係邊度食又寫得詳細~(睇我幾記仇..我仲記住上次和歌山哥間溫泉旅館唔俾我揀食飯時間要我食5點半)




check左in佢就叫我地揀浴衣啦~(依家寫Blog上網睇番官網先知原來呢間溫泉旅館6樓有個劇院....仲有個操場咁大打搥球既場地!!!)





跟住就有職員帶我地上房啦~




我地呢晚既房係5樓既花梨~~~~~~~~塊牌唔知係咪講緊呢間房既木都係用花梨木黎整呢?因為我地當時上網找google老師幫忙...佢譯到鬼五馬六咁





一入房....華~~~~好大呀~~~~~~~~~左邊門係通向房...中間一入門口對住就係沖涼....右邊係洗手盆同廁所~




行去房哥邊望望先~~~~~華~~~~~~~房都好大呀~~~呢種房型全館有3間~另外兩間叫"鹿子"同"胡桃"...都係咁樣新裝修過既~比較新式同埋和洋房~3間都有少少唔同~~~但佢俾左我地最鐘意哥間我~~~~~想睇埋另外兩間房型請按我~~




我地呢種房型屬於半露天風呂付き客室.....係比較大既~一泊二食價係25,380円=1,649.7(每人)~~老實講...佢其他房型完全吸引唔到我~




超鐘意張床~~一望就知好訓~~~~~~





企係床哥邊望過去~好大呀~身心好舒暢呀~~~~~個景係對住東鄉湖架~個天又開始陰~(住溫泉旅館對海對湖既話必定變陰天~定律黎既~)






仲有按摩椅~招積~




華!!!有咖啡機添呀!!!!!!d咖啡杯好靚靚~





茶具同茶點~用真茶葉~次次住親溫泉酒店就係咁~成個大鄉里咁乜都影一餐~







跳番頭先玄關位影埋沖涼位俾大家睇先~正對住玄關位~





毛巾同埋俾我地裝野去溫泉既袋~~係一個膠袋~~~~




可以獨立入去或者係沖涼個位入去既半露天風呂~老實講有d失色~如果佢可以做到係室外同埋整到唔好成個浴缸咁會更有風味~




玄關位既右邊係洗手盆同廁所~廁所好大痾得好舒暢~





後悔無攞走備品~岩我去哥d無買行李既旅行~~~哈哈~~





介紹下先~頭先我地係賀露漁港都有買少少生果~~~就係呢兩樣~士多啤梨700円=45.5hkd......黎到點都要試下二十世紀梨啦....都幾平....300円=19.5hkd






好~擺靚靚~對住東鄉湖飲個下午茶先~~~~~士多啤梨勁好食呀~~~~~~~~~~~~~~~~~~~(個梨未食)...毛寶嘆西式茶我嘆啡~~~~好舒服呀~~~






呢個佢送既茶點超級好食!!!!入面係軟芝士~外面係魚蛋製品~




本小姐嘆得好滿意~係時候去浸溫泉喇~~~~~換上浴衣先~~~係喎...我點解會揀呢隻色既?....附上正確著浴衣方法~(左邊係面疊係面架!!!!)....記得唔好著錯邊一邊係上面呀!!!!因為有一邊係死人既著法!不過我依家睇番先知原來條腰帶有分男女縛法~





準備好就去番大堂一樓哥層去浸溫泉啦~




佢有兩個公眾露天風呂...一個係千年の湯...另一個係元祖幸助湯......兩個溫泉每日會男女互換既~我既今日既女湯係元祖幸助湯




(官網圖片)因為入面唔方便影相啦~所以俾官網圖片俾大家睇啦~呢個係內湯~




(官網圖片)呢個就係對住東鄉湖既露天風呂喇~都幾靚既望住哥個景~而且呢個時候浸溫泉真係好~諗番起6月去和歌山浸溫泉時熱到我呀~家陣涼涼地勁舒服~同毛寶對住個湖浸一路浸一路傾計好舒服呀~....浸浸下唱左句：Let's see what the night can do~..........此情此景唱呢首歌真係勁身心舒暢~~~~~




毛寶今次好醒呀~提我要帶錢去浸溫泉~~~~我地浸完整理好之後就去自助機買牛奶飲啦~~~好開心終於試到浸完溫泉飲牛奶呢件事~~~~~~~~~~~~~~~





番上房坐左一陣就去2樓食飯啦~今晚食飯有個室呀!!!!!正~





我地約左6點食飯既~自己去2樓搵自己個室....坐左一陣已經有員工知我地黎左入黎問我地飲咩~~~~~茶呀水呀哥d就入面個室有可以自助~(飲料係一泊二食入面無包架下~)




今晚既餐單~呢晚我上網訂溫泉旅館時特登訂咩都有d既餐~因為後兩日我都訂左主題餐呢日都係簡樸一點好了XXXD




叫左野飲之後頭先帶我地上房哥個員工突然棒住刺身船出現~~XXXD....跟住話幫我地影相XXXXD...好啦~~~你盛意拳拳咁~~~(你話喇你話浴衣隻色同我係咪唔襯喇~)




酒來了~毛寶飲熱既Sake...648円=42.1hkd




我就梗係梅酒on rock啦~648円=42.1hkd~




好喇~食野喇~有個前菜5種盛啦~仲有餐前小杯梅酒食前酒~前菜有蝦仔有鴨胸之類~大路野~正常味無驚喜~






有鮮魚刺身5種盛....都ok既~剌身船係兩人份~





好似同我say緊hi




季節の小鍋.....哥個肉丸肉質勁phere.....個湯就ok既~





オレイン55鉄板焼き.....鳥取和牛既鐵板燒~呢個オレイン55我相信係鳥取和牛其中一個比較高級既品種....有興趣你禁入條link睇睇~因為得日文~google老又譯到鬼五馬六咁





毛寶開頭見到話好驚架!.....但食食下又話覺得好好味.....又話：咁樣少少地咪幾好囉..............呢個真的不錯吃





活アワビス テーキ......燒活鮑魚呀~~~~~都幾大隻喎~





のどぐろ塩焼き.......鹽燒喉黑魚....(我上網查架咋....好像是高級的食材)....烤得不錯耶~




天麩羅.....係咁啦~一般~




茶碗蒸し........好靚呀個器皿~有蟹肉既茶碗蒸~幾好味~





到食事同漬物啦...有鳥取產既米~飯好味~配埋頭先既鳥取和牛オレイン55簡直一絕~




咪通常仲有個麵豉湯同飯一齊黎既.......佢一放低....我就好奇點解個麵豉湯咁大個~~~




華....大佬............成煲魚頭湯既物體.....我真係搞唔掂喇咁大個........................................(唔知係頭先同我say hi哥條魚?!)




好~食到甜品喇~永遠呢part都係生果最好食(除左上次和歌山哥間栖原溫泉是一個例外)....蛋糕食一啖就放下了~




食飽飽去行下紀念品店~有人買左件衫仔俾菓子軒呀~~~~好可愛架著到成個阿笨與阿占哥隻馬騮仔咁~~~XXXD




見到個勁大既二十世紀梨...成千円一個架!!!!不過我地無買喇...房度仲有個未食~番入房...刷好牙.....按左兩次按摩椅...然後攤上床....浸溫泉時明明唱左Let's see what the night can do~....最後就係未夠9點我已睡了~~~~~~~~~~~~~~~~~~~~~~~~~~








係搬屋裝修呢件事上面...
我要超感激毛寶...佢真係幫我執左好多個月....
由舊年開始執...執到噚日...
又陪我搬左好多次野又車我去暫居地...
多謝我最大既車位贊助商麥公子...
佢借左好多次佢個車位俾毛寶泊車黎幫我執野...
仲有杯公子都係...
朗公子又成日心理輔導我...
最後我想多謝我媽媽...好多謝有佢陪我經歷呢一切...
唔使我一個人面對...如果得我一個人...
我應該處理唔到呢件事!



2019/07/27的開心事：
過左成個星期終於有得上黎出下blog~~
終於都搬左...大家有無架字禾酸?
搬左成個人都開朗哂~終於可以休息下~



報時：距離九州自駕遊之旅仲有---69日~
報時：距離宜蘭聖誕親子遊之旅仲有---144日~