鳥取自駕遊&大阪之旅2018-12-04第四天Part 1(晴天及後轉陰)

兩周不見~有無想我~上星期日...我俾一聲巨響嚇醒...個結果係嚇到我半死...但不詳述了...中午食左toff...然後我休息左成個下午...毛寶夜晚帶左去開生日會既野食俾我做晚飯......上星期一...我經過驚嚇周末後...呢日番工都係遊魂中......上星期二...坐夜......上星期三...出殯...睇見我媽哭哭我心也很難受......上星期四...中午同左媽媽去文華東方午餐輕鬆下...跟住行左陣one central(啲貴婦百貨點會有野啱我地行丫咁啱線走既時候落大雨咋)...跟住去屋企哥頭睇下搞成點...點知行到樓下見到有人搬緊我地拆左哥個神枱上貨車XXD...見到可能沙塵滾滾還是不要上去打搞好了XXD所以去左行超市...夜晚約左屋企人食觀光塔間葡餐......上星期五...早上一早出去出左一身汗...走左2間銀行搞手續...中午同左毛寶食八分目...飯後仲買左杯bloom凍啡...好舒爽...下午又走多兩間銀行...突然覺得自己好能幹XXD...夜晚食左tree cafe......上星期六...晨早去左攞洗左既被...然後又貢黎貢去...成朝做左懶多野咁...中午食左comma cafe...下午開始幸福忙...揾九州既mapcode...夜晚痴痴貢......星期日...凌晨時分勁頭痛...5點至9點食左兩次止痛藥...中午勁爆大雨去左食羅浮...佢個餐牌完全改哂...無哂我鍾意食既野...但係佢新既藍芝士漢堡勁好食...新發現...下午幸福忙夜晚痴痴貢......星期一...還在假期中...今天在家耍廢...煲劇和吃零食...研究一下大假個旅行...張機票XD......星期二...番工順順利利...今日下午菓子軒仲黎探我班...好開心呀XXD...放工買左暫居地附近間台式小食個鹽酥雞加餸...好好味......星期三...起身又頭痛...慘......星期四...今日ot...下午勁眼訓...放工好開心同公子去永利皇宮食自助餐為麥公子慶生......星期五...放工去左食翡翠拉xxxx...好難食...同香港上次食差咁遠既?...見到菓子軒係威尼斯人食緊飯即衝過去同佢佢玩XXD......星期六...中午食恨食左好耐既狸小路...台灣開過黎既日本餐廳.....如果用試業價食都唔錯既算係....食飽飽下午靜靜咁出現左一張機票喇~~~~~~~~~~~~~~夜晚同左屋企人去食南湖明月~



2018/12/04
Day 4-Part 1(日本,鳥取,三朝溫泉 Japan,Tottori Ken,Misasa Onsen->大山 Daisen->大山牧場 Daisen Milk no Sato->米子市 Yonago Shi->皆生溫泉 Kaike Onsen)
噚晚太驚....太驚都會令人眼訓...一早訓左...又6點起身浸私人風呂.....入廁所又唔見哂d蟲...唔知係咪夜晚有燈才出現...好千與千尋!......浸完舒舒服去食早餐~不過又係我唔鐘意既自助形式~(我發現鳥取幾個溫泉區都係自助早餐)




試下大山牛奶先!




呢間個自助早餐都算幾多野食~尤其多春魚即燒的超香~蛋液撈飯~~~





走飽攞埋行李就走啦~check out埋單64,736円=4,207.8hkd(2人)...係一泊二食價+酒+雪糕+入湯稅




出發~~~~~咁好天磨~~~~岩哂今日既行程~~~~




er....果然係會小氣......天氣都會.........................




揸左一陣停係便利店~又想買支啡飲飲呀~見到呢隻沙北包裝勁靚!!!但我唔會飲~因為有奶~




見到蛋黃哥我又忍唔住買俾某公子~





買支呢支熱既~貪佢有蓋未飲哂可以吸番埋~如果唔係我會買Lawson咖啡~




好~繼續~又晴又密雲....到底我可唔可以完成今日既行程?





棵樹係正路中心~~好搞笑~~~好似兩邊馬路佢都為大家遮陰~~即係打和呀!!!super!




上山ing~天氣好似越黎越差~




睇黎呢度冬天應該好大雪!!睇下支反光棒高到!!!!!




其實我地今日既活動...係要行大山(だいせん)既!....咁佢其實附近有個坐纜車既點叫大山桝水高原(だいせんますみず高原)......坐上去可以飽覽大山景色(重點係唔使自己行)....點知出發......發現佢係我地出發前一星期....就冬季休息了.....................我發現...我好多纜車都搭唔到架....塔斯曼尼亞哥次因為大雨.....蘇格蘭哥次因為大風.....鳥取今次因為冬季休息..................我又再次影到停駛的纜車喇...............




黎到呢個西日本媲美富士山既神山~大山......既步行徑起點~由溫泉旅館黎到要1小時~Mapcode：252 499 480*05.....最好行之前上山陰・鳥取 大山町公式觀光網頁留意下大山登山道最新情形......話哂攻頂都要6小時架!(來回)




既然無纜車坐....雖有靠自己行上山啦......嗚嗚




好!!出發!!!一齊"來提步 壯闊跑道".......但.......行唔夠10步...真係無10步.....我：喂.....條路好爛喎......我地裝備好似唔係好夠(普通波鞋+無糧水)......不如........唔好行咯~.....毛寶：梗係好啦~~~~~~~~~...........呢兩個人唔知黎呢度做咩~~~其實呢日天氣唔算好.....個天時晴時陰.....難以估計山中天氣~都係制唔過~其實最好都係去到大山桝水高原坐纜車望哂成個大山!有時d野...唔使下下都攻頂既....可~




其實係呢個登山徑隔離就有一間我地平時好鐘意行既商店~陣間話你知~




拿~真係時晴時陰又想落雨狀咁架~山中天氣好像尤其差(不停諗藉口俾自己)




一場黎到無理由咩都唔做既...咪行過少少去附近既大山寺望下囉~(呢條斜路我有少少扯蝦)




行完一條長斜路上到去....華!!!仲有架?!?!?!?不停扯蝦ing~喂!等埋我呀!!!!







參觀左一陣...發現仲有條樓梯行上去!!!!!!!呢條路d樹好高同樹紋好靚~






上到黎影左一兩張就走了~









行番落行去停車場....路過見到d旗仔寫大山開山1300年祭!好勁呀!!




頭先我地話大山登山徑望到既商店係Mont Bell呀XXXD殺呀~~~~~地址：鳥取県西伯郡大山町大山115




行山前如果發現裝備唔夠可以考慮下買完再登山喎XXD都幾大間架~




有Mont Bell既大山tee...買件送俾媽媽先~




去攞車時發現Mont Bell旁邊有個登山下山登記冊~如果行山既話記得填下喇~





好喇~又出發下一點~泊好車.......呢邊都可以望番大山既方向~原來大山同長白山係姊妹山XXD




個衰妹就係唔俾我見全貌;[




好彩勁大風~吹吹下d雲中間有條空隙俾我地影到~感恩~






我地其實係黎大山牧場牛奶故鄉(大山まきばみるくの里)....地址：鳥取縣西伯郡伯耆町小林水無原2-11....Mapcode：252 436 737*82....由大山條登山徑過黎呢度係5分鐘.....出發前查....佢地係我地到前兩日......又開始冬季休業......我唔信!!!牧場d牛牛休息je!!點都有雪糕食卦!!點都有d野賣卦!!!(佢個牛奶雪糕非常出名...如果黎大山一定要食哥種).....點知黎到......真係關門關到圍哂木板......................................




對開係一大片草地...望到米子市.....草地好多牛屎...要小心~




我食唔到好出名既大山牧場牛奶雪糕....勁灰色





望番牧場哥邊大山又悄悄出來了~如果佢開菜時間來應該唔錯既~因為我見有好多體驗~可以帶小朋友黎玩~我差兩日就食到牛奶雪糕架喇嗚嗚





走囉!驅車駛入米子市~




係時候要食午飯~不過市內好似無咩特別食肆...咁求其揀呢間啦~反正食左咁多日日本野~食下西式囉~




小店~




有沙律set又有意粉set....時值午飯時間但都無乜人...生意真難做~~




叫左個salad lunch....1,280円=83.2hkd....有個菇菇沙律加法包~幾好食~




另外叫個辣蕃茄意粉set....1,150円=74.8hkd.....有個細沙律同意粉.....個意粉整得好好食!而且有好多芝士粉任加~好開心~




兩個set都有餐飲~我地兩個都叫左熱既茉莉花茶~呢間野d侍應好有禮貌又醒目...係澳門真係好難搵到.....係澳門餐廳食野好多侍應成日企係度放空然後你叫極都無反應(又難怪既...都無人願做...好難請人)...呢間係留意住你用餐....適當時候行過黎問你需要...我覺得我自己去左高級餐廳咁~




食飽飽臨時加插行商場行程~不過無野岩買~而且行得好侷促(因為d售貨員會緊貼你有咩需要~~但我覺得好老尷~因為個商場完全無人行)...開始落出雨呀!走咯!













哈哈~
我之前去南美哥次....
終於的起心肝去開個亞洲萬里通既賬戶~~
經過3年既儲里數...(澳門真係儲得好慢)
係今日我終於都成功換左我第一套既機票喇~~~~~~~
(我想繼續儲住唔郁既~可惜出年年頭有一批里數過期)
迫住我唔用唔得~~~
不過都煩左好耐..因為11月一早mark左自己放假..
但係我年頭已經想換張"單程"既頭等機票~
(我儲里數係想試下換頭等~~~因為我估計呢世都唔捨得買)
我d里數又唔夠來回頭等喎~唯有換單程...
然後回程買一張單程econ啦~(好悲哀的玩法)
但佢系統顯示得一張....我同毛寶兩個人去....
所以有一張係waiting list~
可惜我等呀等....等呀等
等左半年都未等到~~~~~~~~~~~
未有機票我又唔想訂酒店哥d野住....
於是.....算喇~
我放棄頭等~換個玩法啦~
做人唔可以咁死古古既~
於是...........我地換左來回都坐商務~~~~~~~~~~~~~~~
(咪仲好~來回都有得嘆~~
因為我突登揀左兩間唔同既航空公司來回~
一程直航一程要轉機~~~~
即係可以試3程商務~~~
仲要3程既機型唔同~~~~~~
仲有3個唔同既lounge試~~~~~~
好開心呀救命~~~~~~~~~~~~~~~~~~~~~~~~~~)
想知去邊~~~睇下面報時啦~~~~~



2019/08/24的開心事：
我今朝發夢見到我阿爹呀~~~~~~~
我地仲緊緊相擁呀~~~~~
好開心呀~~~~~~~~~~~~~~~~~~~~~~~
******************************************************
同埋換到來回商務機票~~~~~



報時：距離九州自駕遊之旅仲有---42日~
報時：距離全新飛行體驗法國布列塔尼自駕遊之旅仲有---91日~~~~~~~
報時：距離宜蘭聖誕親子遊之旅仲有---117日~
好開心呀~~~~淨係俾稅同附加費~~
就坐到長途既來回商務~~~~~~~
我d里數一鋪清袋喇~~~~~~
但我好開心呀~~~~