小t: 鳥取自駕遊&大阪之旅2018-12-03第三天Part 1(陰天少雨及後轉晴)

星期一...搬完屋太攰......頭痛又來襲..........星期二...好開心呀搬左屋之後終於可以一覺訓天光喇....之前係個個鐘都醒一次...好難頂.........星期三.....明明打算成日都係3號波架嘛...無啦啦番番下又講到話2點會掛8號波...但又遲遲唔講幾時俾我地放工...最後2點掛...我放點九...家陣公司同暫居地有少少距離...我都擔心搭唔到車番去...行又驚全身濕哂...最後竟然毛寶放工番屋企攞車車我呀...動已感!...如果唔係我實成身濕哂.......星期四...中午走左出去攞認別證...放左工同毛寶去睇Fuerza Bruta...好好睇呀好精彩....好彩趕係佢完之前睇咋!...多謝皮幫我地買飛...多謝毛寶請我睇!......星期五...好戀攰呀...我做到眼都dup...加上無得訓晏覺...好攰...好彩放左工去食鼎太豐~~最衰今次啲小籠包皮又硬肉又鞋...失望...飯後去左睇獅子王...丁滿與鵬鵬真係好盞鬼XD........星期六中午開左個小型既生日會!...主角係小公子個妹同埋八寶...好開心~~夜晚同左屋企人食飯.......星期日....中午食左Root~因為有人又好想食魷魚麵~~~~下午就打下blog.....剪頭髮之類之類~夜晚未諗食咩~

2018/12/03
Day 3-Part 1(日本,鳥取,羽合溫泉 Japan,Tottori Ken,Hawai Onsen->倉吉市 Kurayoshi shi->三朝溫泉 Misasa Onsen)
哈哈~呢日~6點就起身浸下個溫泉喇又~~~~係咪好早呀~~~咩呀~~噚晚未夠9點已經訓到不醒人事~~6點起身其實已經訓左9個鐘~~~

天才剛微微亮~

浸完梳洗好天光喇~東鄉湖對面既山好似有好多霧氣咁~呢日天氣好似麻麻咁喎~

湖上好多鴨仔游緊~

我地揀左8點食早餐.....訂哥時都知係食自助早餐....其實我去溫泉旅館勁唔鐘意食自助早餐.......(但無奈我睇左幾間羽合溫泉既溫泉旅館都係自助早餐............).....華!!!!咁多人排隊既?!?!?!?

點知排左一陣發現....原來條隊係排緊攞白飯........................................位已經一早有自己行入去搵自己個姓氏坐低然後自助攞野食就得..............................

早餐ok啦~又唔係好好味又唔係唔好味~我砌得幾靚丫可~

落黎餐廳呢邊睇對面座山d雲霧更突出~

食飽飽上房執埋d野就check out啦~咁一泊二食+食飯叫既酒+溫泉稅總共52,356円=3,403.1hkd....每人1,701.6hkd~哈哈~

check完out佢仲送左兩支兩辣辣既綠茶俾我地!!好貼心呀!!!

然後仲送我地上車睇住我地架車走....此時已開始落起雨!辛苦哂~

雨天下出發~好彩唔係噚日鳥取砂丘落咋...如果唔係就好掃慶喇!

大約20分鐘車程...就黎到倉吉市(くらよしし)

黎倉吉市既目的就係想睇白壁土藏群呢~搵既地址係倉吉市內既旅行觀光詢問處黎既：鳥取縣倉吉市魚町2568赤瓦十號内......Mapcode：189 654 305*26....mapcode就係觀光詢問處旁既停車場~相中間屋仔就係觀光詢問處

唔好泊佢連住既停車場...因為連住既停車場好似有許可先泊得~泊佢對面哥個啦~(即我地依家泊緊哥個)...不過呢個停車場唔算多位得13個....如果呢個無哂都可以泊個遠少少既~(有成200個位)俾埋圖你睇~免費的~

白壁土藏群地圖



泊好車就去參觀啦~好似落車時無雨落喇~淨係陰天je~

白壁土藏群係一個建築群.....土藏係倉庫咁解....白壁就係白色牆壁~大多係江戶同明治時期所建造...即係今日既節目就係行行老街感受下懷舊風情~

中間有小河每間鋪都用橋仔去連接~幾靚~

以前既商店大多係酒窖...油店...米店...醬油庫之類...依家就改哂做其他商店~

有一間我覺得改建得特別靚~好新舊融合~賣香氛呀...衫呀...CD呀...杯杯碟碟咁....毛寶都係度買左隻CD~

呢個好似迷你版既白壁土藏群咁XXXD

行過見到兩隻喵.....其中一隻好鄙視我地XXD

咪咁嬲啦~~同隔離哥隻一齊訓下咪好囉~

再行下內街...有d應該係民居



我見有d鋪似係老字號咁喎!唔通真係保留左咁耐?!

行過幾棵樹都見到有d果實好墮.....墮到好似d好墮既胸咁XXD....好奇行上前睇睇XXXD(真係好八)....原來係柿黎架~咦!!突然藍天既?!

唔知呢棵咩黎既呢...個形狀咁搞笑既~

行行下內街....發現一間好神秘既野...

隱身在兩棟高高的建築物中間....收收埋埋咁

點估到佢原來賣野飲既je~~~~好~試下先~

我地揀左みかん甘酒...680円=44.2hkd....係蜜柑甘酒~有蜜柑~甘酒~同埋豆奶~~~第一次飲~幾特別~由於即整~所以都等左好一陣子~~~~唔通呢d係日本既廢水XXXXXD(不過飲落係天然味既).....店員見我地影相仲俾左兩個柑我地襯埋一齊影...真係貼心+窩心......跟住我地坐係佢空地條木度飲緊時...有一堆香港人(一堆叔叔同姨姨).....佢地諗緊叫咩野飲時.........好大聲咁話：一係叫哥兩個男仔飲哥杯囉.....................................er....佢應該唔知我地識聽廣東話...同埋.................我地唔係男仔囉........................................我係好靚既女仔~(我真係唔明塵世間既人點解覺得短頭髮既一定係男仔)

查實一個鐘度就咩都行完架喇~不過我地又好早貢左出黎....咪亂行下囉....行左去d民居附近遠離商店街.......見到個好生活化既魚檔~

左逛右逛咁樣覺得是時候吃午餐了~(但其實又唔係好餓既因為早餐食左一大碗飯XD)....行到黎呢間野望下佢門口有餐牌喎...好啦入去睇下啦...點知入到去....明明呢度係賣紀念品店喎......同埋似賣畫既畫廊~想問下係咪有野食...然後Sumimase左好耐無人應~....於是我鼓起勇氣~行上樓上XD

行上兩層........終於見到XXD

咁就行入去啦....入到去有人親切的打招呼叫我地坐....見到吧枱無哂位我地就坐外圍啦......望下餐廳周圍.....有勁濃厚既古舊氣息!勁似d老字號店!

坐低睇餐牌發現全日文~睇唔明~不過反正唔係太肚餓~就睇圖叫左兩個麵吃吃看~

我同毛寶都叫左呢個互味そば....870円=56.6hkd......熱既蕎麥麵~~~湯底清清的很不錯!!而且勁爆熱辣辣......岩哂冬天食!葉上黃色哥pat係柚子皮既蓉.........加左落去食勁香呢!

我都幾開心自己食到呢間既そば...因為唔係預先搵既...係在地臨時發現.....加上唔係連鎖野....同埋坐低食咁耐見全部入黎食既都係日本人......加上餐廳哥種舊舊裝修既氣息....令我久唔久都會諗番起呢碗簡單但令我食得好舒服既そば...因為依家d餐廳可能整既野食太天花龍鳳....有時可能簡單既野反而會令人嚮往~

二人食左1,740円=113.1hkd

好啦~行番去主要觀光區~除左白壁土藏群....仲有"赤瓦"...赤瓦係舊醬油店同酒廠改建而成既建築群~網上資料說：屋頂使用倉吉獨特的紅色石州瓦因而得名....赤瓦有分好多個館....分別改建做手信店呀...咖啡室呀....餐廳呀之類之類咁~

我地就主要行下手信店je~又撞到哥個伯伯喇~

呢個扮一箱二十世紀梨..好似一箱生果店既生果~~~扮得幾似~~~不過呢種和菓子甜耶耶一睇就知唔會係我杯茶~

咸既零食才是王道~我買左呢個~好好味~

我都有買呢個細細包既零食...我覺得呢類海鮮乾貨零食點都會好食...但點知真係麻麻!失望~

係喎~~~同埋呢度有得試二十世紀梨味雪糕~~~買個黎試下先~

二十世紀梨味雪糕...250円=16.3hkd

出到黎見到有藍天呀!!!!!二十世紀梨你快d同白壁土藏群合照一個~~~~食後感：佢寫二十世紀梨使用....佢話使用je~又無話俾幾多%落去~~~~~我覺得隻味好香精味~試一次無下次之選~

伯伯你好~你又食雪糕呀?仲一路食一路睇小河入面既超大錦鋰~

影多兩張藍天白雲既白壁土藏群就走啦~

行番去倉吉市內既旅行觀光詢問處見到藍天白雲又忍唔住影左張~其實白壁土藏群同赤瓦都係好快可以參觀完既景點~我地夠膽屎呢日排哥一個景點~又早出門口喎~距離下一間酒店既check in時間仲有好耐~咁呀...我知呢度附近有個公園...一係唔攞車住去行下先咯!

星期四去睇Fuerza Bruta....
然後毛寶車我番屋企.....
車停低後...我跟毛寶說....
我：er......你做咩送番我去舊屋呀?XXD
毛寶：妖...我行呢條路時你唔同我講XXXD

濕爬係8月2日出左隻國語碟.......
打算進軍台灣市場......
啲詞實在係令人眼界大開........大開眼界~
我家仕燊啲普通話發音會有好大既進步空間
正因為咁....忠粉手持兩隻支持佢地進步.....
係非常合理既一件事.......
下周五同8月31既台北聽歌會仲有簽唱會加油唷~
(其實我好想去XXXXXXD)

2019/08/04的開心事：
習慣了暫居地......番工交通還好~

報時：距離九州自駕遊之旅仲有---62日~
報時：距離宜蘭聖誕親子遊之旅仲有---137日~