鳥取自駕遊&大阪之旅2018-12-02第二天Part 1(大晴天及後轉陰)

星期五.....救命呀~~~呢幾晚都訓得好差呀~~~噚晚碌到點幾先訓到....訓到3點幾又醒左....直到5點半先訓得番....呢日番工都成舊魂遊太虛...放左工去左寶雅座同露仙慶生~但今晚d野勁難食~星期六...中午同左3個老小孩去MGM Cotai既淳飲茶~(但勁一般)...下午執野...夜晚痴痴貢~夜晚先黎幸福忙~~我地幾勁呀~~一晚就訂好哂成個九州之旅既房同排好哂行程~~~多謝毛寶豬事前研究好哂~~~乖~~~~~~~星期日.....本身想食Terra...點知行到上去無!!開!!!....望去後面..新明記逢周日休息.....唯有去食quick..............下~午~又~執~野~~~~我好攰呀~~~~~呢日真係執到攰到一個點~~~~~夜晚食左食味方丈外賣~~~星期一.....好多野做~~~~~但大單野算係落實左~~我下次出blog話俾大家知發生緊咩事~~~~~(如果你想關心既話XXD因為可能無人想知)



2018/12/02
Day 2-Part 1(日本,鳥取,鳥取市 Japan,Tottori Ken,Tottori Shi->岩美町 Iwami Chō->賀露町西 Karochonishi->羽合溫泉 Hawai Onsen)
知唔知呢日幾點起身呀~~~~~係5點呀~~~~我地7點已經Check埋out走左~~~~~又幾快日出喎~早到條街都靜靜的~






今日呢個景點我地覺得唔使急!!最緊要早!!!.....泊好車發現要俾停車場錢~但停車場個亭無人~我地玩完玩罷臨走見有人即刻補番俾先~咪做走數旅客呀~500円=32.5hkd~張飛我覺得幾靚~




而呢個唔使急最緊要早既景點就係鳥取砂丘...地址：鳥取縣鳥取市福部町湯山2164-661....Mapcode：125 733 833*38....個mapcode應該我係搵佢旁邊停車場既~由酒店黎呢度...只係15分鐘車程~





我地既認知本身係諗住行呢條大樓梯上既~咦~但係佢寫話行右邊喎~跟你囉咁~




如果著左唔適合既鞋黎...停車場近廁所哥邊有免費拖鞋可以借俾大家著架~真貼心~~~~~




按指示沿呢條路行~~~~~~~唔知係咪真係夠早呢~~好似真係一個人都無~~~





華!!見到喇~~~~





雖然!!我地真係唔係最早到~(我地黎到時好似係未夠8點~).......我地到既時候已經有另外兩個人到左~不過佢地應該仲早好多~~所以佢地已經行到好遠~影相既話想避開影唔到有人都易好多~~~~~~yeah~可以影到鳥取砂丘無人既相~(因為遲黎真係會人滿為患..好難影)....似唔似去左撒哈拉沙漠?....都似既~不過要睇你企係邊個位睇~




我地所講既唔使急~最緊要快既原因......除左係想影到無人既砂丘之外....另一樣想睇既就係沙漠既風紋~~~要有番咁上下風力.....係每一日既清晨就會有機會睇到~~~如果唔夠早...你睇到既只會係滿滿的腳印!!(仲要係一大堆).....d風紋堅靚!!






我們與風紋~老實講~有少少似橙皮紋~不過我覺得好靚~




咦~~~~有狗仔行過喎~~~~~~~~~~




諗番起呢日~其實勁凍....有人懶型....唔著功能性外套.....就強充話唔凍呀....你睇下佢....吹到塊面好似腫左咁~




發現清晨時份黎無人仲可以玩呢種無聊相呀~~~幾有趣呀~







睇下~早過我地黎哥兩個人已經行到上頂~~見唔見到兩粒黑影?...我地都行下上去咯~




一路行上去~一路再睇下風紋~發現呢邊有陽光灑落去風紋度更有層次~~~~~~~其實d沙好難行上去~~好似行兩步又落番一步咁~~~(不過對比起撒哈拉沙漠其實算無咁難~)





幾經艱辛行到上去!!華!!!!!!!!!!!!另一邊係大海黎架!!!係咪海市蜃樓黎架!!!!!!又砂丘...又海灘咁...幾咁有趣~




而臨洶湧的日本海~~~~~~~~~~~~~同埋黎到尖頂呢度要落去海邊好似好直不甩垂直落咁~




呢個景象就係傳聞中如果你唔夠早黎...你睇唔到風紋之餘就係睇到人地既一堆腳印....真係爭好遠~





但.....我地話哂係7公子其中兩員....加上毛寶個名.....都足夠幫我影到超帥的帥照!!!!!!!我與風紋~唔怕得罪講句....其實我都幾有型~XXXXXD....感激呢日有好天氣~~如果落雨或陰天就會無咁靚~





呢張我都好鐘意!!!!好似全世界既人都離棄我!!!得番我一個係沙漠咁~~~~(有無人會知呢個Blogger想講咩XXXD)......




拿!呢張係咪靚先!!!!!你地見毛寶個名實話靚架!有味道架!呢張相係我影架!你地班人淨係鐘意名牌~唔鐘意我呢種雜嘜攝影師~(突然好多勞騷)




係頂度望番落去.....望到有個人....唔知點解覺得呢個情景...好似佢係沙漠行左好耐無水飲...又無人幫到佢哥種絕望情景~而後面就好似海市蜃樓一片綠洲~




咦~玩左好一陣子~開始多人行上黎喇~我地走咯~




落番下面臨住走時....見到一個怪異既畫面.....我踎係度望左好耐......我問毛寶：喂!你睇下!個腳印咁怪既!係由咩造成架?古古怪怪咁.....係咪有人貪得意搵d花既模具吸上去架?.................毛寶：好明顯係一隻雀既腳印啦好無?.....我：XXXXXXXD係咩~...................(又一事例證明呢個Blogger係真係kai既XXD)




我地沿另外一邊出番去....經過另外一邊時發現呢度無乜風紋同埋好多一個個坑咁~佢好似中間仲有個凹落去既平地有個水池咁既~





行到上最頂......原來再落去就係頭先一開始哥條長樓梯~好彩我地係另一邊入je~咁先可以快d睇到風紋區~同埋呢個鳥取沙丘好搞笑架有好多其他野玩....有滑翔傘啦!滑沙啦!體驗異國風情既騎駱駝啦!....不過本人對以上活動都無咩興趣~尤其對騎乘動物係最無興趣~......而鳥取砂丘附近仲有個砂之美術館(砂の美術館)...即係睇沙雕~要錢架~我又係無興趣~走咯~




出發去第二度啦~





睇到山頭有點點紅葉仔~開心~





咁由鳥取砂丘黎到我地下一個景點既停車場只需15分鐘...泊好車.....其實仲未知個景點係邊...因為我上網搵左好多blog同其他資料都無確實形容到係邊...不過呢個免費停車場就應該係最近架喇~好啦~食左少少早餐先啦~~~就食呢個噚晚買既Lawson蛋沙律雞蛋餐包啦~又真係唔錯既~如果多d料會仲好~包幾軟熟~不過3個小餐包兩份分唔係好夠飽~





我地第二個景點就係要去浦富海岸區(うらどめかいがん)...地址：鳥取縣岩美郡岩美町大谷2182....Mapcode：125 890 704*74(停車場).....過對面馬路望住呢座山既方向行啦~




行過對面馬路見到岩美町呢個地圖終於見到有浦東海岸既指示喇~




沿住海岸線向住頭先座山進發~




沿住海岸線有好多漁船泊係度~毛寶影得好靚靚~




終於到喇!!!!呢個浦富海岸區都係屬於山陰海岸地質公園(山陰海岸ジオパーク)既其中一員~(條官網link有好多唔同地質公園既路線可供參考)....第二幅圖成條紅色線全部都係浦富海岸區....我好驚呀~~~~~~





好~一鼓作氣~出發~~~~呢個起點叫"中国近畿連絡自然步道"...係一條沿海既自然步道




行左唔夠十級....好攰呀喂~~你唔好行咁快好無呀?d級又闊又剩...你仲行咁快!等都唔等下我!(明明我運動多過佢?點解成日扯蝦哥個都係我?!XXXXD)




明明頭先係砂丘仲係強風吹又凍爆架~做咩家陣好似越黎越熱咁既~呢張相好夏天feel~(唔係喎..明明有紅葉..係秋天feel喎)




咦!成個浦富海岸我最想睇既景竟然係我行左10分鐘之後就出現左喇~好野~




就係呢個千貫松島(せんがんまつしま)~係呢個花崗岩既海蝕洞上有一棵松樹!!奇景~依岩而生~呢個係浦富海岸最出名既景~~~成個小型円月島咁~






諗住行落少少睇~不過其實都係沿路行~唔係特登兜落去~但呢條樓梯路對於無著爬山鞋既我有d難行~咦~我影呢張相又幾靚個喎衰鬼~




行到個觀景台再睇~不過聽講呢棵松樹已經係第二代~





咁睇完最出名最想睇哥個都要繼續行下既~唔通就咁走咩~你話係咪喇~沿路風景~




越行越唔掂........又上又落...又落又上....有d地方都幾難行......來來去去都係咁既樣.......好攰呀救命!!!!!同埋發展係不停咁上山.....我地行左持續半個鐘~~~~~~~~~~~~~




行到呢個位...見到哥個鴨ヶ磯海岸要成980m架!!!!太遠喇...我搞唔掂呀!!!!!980m係向上既山路喎!!!!我諗要行多1個鐘囉~~~~唔玩喇!




行前兩步影埋呢個網代燈塔就回程了~~~~




行左幾多步上山~就行番幾多步落山~不過望番d風景都幾靚既~好彩今日好天氣咋~唔知望過去哥邊係咪網代港呢~





行落山呢個好日式庭園feel~好靚~






行到番落黎先見到有個觀景台~頭先都無為意~紅色箭咀係我地頭先去網代燈塔個方向(講明呀!!上山路要半個鐘有多呀!!!好多樓級架!!)......藍色箭咀係觀音浦既觀景台方向~




hi~觀音浦~




影大d個範圍....喂!!右上角哥個燈塔咪我頭先行過哥個網代燈塔!!!唔怪得我行得咁辛苦啦!!!!原來咁高架?!?!??!查實有一個無咁辛苦唔使行山既方法睇浦富海岸區既...就係坐觀光船喇~可以好近距離睇到千貫松島同埋其他景又唔使行~不過缺點就係...你係平視景點~我有時又鐘意高空睇囉~(講到尾其實我唔係好鐘意坐觀光船XXXD)


唔得喇好熱呀好攰呀走咯~









2019/07/15的開心事：
傾完大單野實左先辣款~爽爽佢~



報時：距離九州自駕遊之旅仲有---82日~
報時：距離宜蘭聖誕親子遊之旅仲有---157日~