鳥取自駕遊&大阪之旅2018-12-02第二天Part 2(大晴天及後轉陰)

星期二.....番工呢日算係咁....無乜意外無乜乞人憎既人~星期三......工作量簡直就係超乎我想像~~但唔好囂張呀~~敵人可能會襯你疏於防範時就會攻入黎架喇~星期四.....今日生意額奇差~不過算啦~因為聽日我要過周末了~~~~~~~



2018/12/02
Day 2-Part 2(日本,鳥取,鳥取市 Japan,Tottori Ken,Tottori Shi->岩美町 Iwami Chō->賀露町西 Karochonishi->羽合溫泉 Hawai Onsen)
"好辛苦"咁樣行完浦富海岸區我地又再出發~





做咩急急腳走je~~~~~因為~~~我地要去賀露漁港(鳥取港海鮮市場かろいち)...地址：鳥取縣鳥取市賀露町西3丁目27-1.....Mapcode：125 696 807*26(停車場既).......呢日黎個停車場都幾full下~由浦富海岸區過黎大約20分鐘車程~




講下鳥取出名d咩先~鳥取縣係日本人口最少既縣...但係蟹既產量係全日本之冠~所以有個"蟹取縣"既暱稱~~~~~~而鳥取最出名就係松葉蟹~~係每年11月6日至隔年既3月20日先可以捕捉~~~所以松葉蟹可謂"冬味之王"~~~而鳥取另一樣出名既就係紅楚蟹~每年9月至隔年6月都可以捕捉~被稱為"秋之味"....聽講係松葉蟹既近親~體型同松葉蟹差不多...但價錢屬平靚正之選~不過好難運送...運得出去既多數係加工品~要食都係要到蟹取縣食為佳~.....但吸引我黎呢個漁港既並唔係以上兩種蟹~因為以上兩種蟹我分別係唔同既溫泉酒店都有訂到黎食~我今次黎呢度最主要係想試我聽都未聽過既"猛者蝦"(モサエビ)!!!呢隻被稱為幻の海老既猛者蝦有咩吸引我?...因為呢隻蝦長居深海~一撈上黎由於長期處於黑暗地....一見光會即暈左....然後好快死~所以根本唔能夠運出鳥取縣.....即係話...只有鳥取縣先會食到幻の海老既刺身!!!!!產季係9月至5月~~聽講蝦身結實又鮮甜~~~岩哂時間~~去見識下先~




華~~好熱鬧鬧呀~睇下左下哥個綠衫伯伯睇得幾開心~




諗住慢慢行下逛下行哂成個場先~見到差不多每一檔都係賣當季松葉蟹~當然都有紅楚蟹啦~按大細價格當然有唔同~如果俾我買我會買大的~~~咁難得黎到嘛~細隻哥d蟹腳唔夠粗無咁吸引~~~同埋價錢係當地買唔貴啦一定~不過有d深淺色之分...因為有d已經熟左?有d係冰鮮左?同埋聽講蟹殼上有一粒粒黑色哥d痴住先係好野!









其實我覺得最吸引係魚缸入面仲係生勾勾哥d~~~~





出發之前上網睇到好多人介紹食呢種蟹蓋蟹膏~一個150円=9.8hkd.....7個1,000円=65hkd(即每個9.3hkd...都唔係差好多XXXD)...本身諗住買一個試下的....但諗住做左正經野先~




我地行左成個場.....喂....幻の海老呢??猛者蝦呢??モサエビ呢??.......可能我睇漏左je.....然後我再行多次....都係唔見喎!!淨係見有一盒盒既甜蝦賣咋喎!!於是俾猛者蝦幅相俾檔主睇...佢話無;[;[;[;[;[;[;[;[;[;[;[;[;[我地晏左?!定今日根本無呀?!嗚嗚!




你明唔明好想食但食唔到哥種心情係有幾失落!!!我日盼夜盼左好耐~~~最後食唔到...我地帶住失望既心情.....睇下佢場外哥d餐廳....有一間係cafe...諗住飲杯啡散下心....但又唔想食佢d日式cafe野.....另一間係和食....叫天然海水いけす海陽亭.....吸引左我突然停低........有新鮮白烏賊刺身呀喂~~~~




謹慎起見...入去問下有無先好攞位.....喂~~~有喎~~~食咯~~~我想試好耐~~~~





被安排坐呢個水池位~




華~~iPad點餐~




呢個餐都好似唔錯~點埋先~




點左兩個小前菜~醋漬水雲~324円=21.1hkd...好味~




仲有呢個係墨汁漬魷魚~432円=28.1hkd.....d墨汁黑到呢~~~同埋有少少咸~~~但都幾好味~送飯食會好d~





然後主角出場了!!!!!!!!!!!!!!!海陽亭名物呀!!!活白いか姿造り.....4,320円=280.8hkd........生猛登場!!!!!!






我之前都好想試架~~~點知無搵過資料之下又俾我撞到佢喎~~~而且超新鮮~~~佢出到黎既時候仲郁緊架!!!!你睇下佢條鬚鬚幾咁動L~~~~~~~~~






等佢冷靜左一陣之後諗住食佢前....突然見到佢好似啤住我咁...............




我唔客氣喇~~~~~~~~~~~~~~~~~(仍然在啤住我).....老實說...真的很鮮美~~~~~~~~是我吃過最好吃的烏賊刺身!!!




而且好神奇........可能佢d神經未死哂所以仲識郁...之前係韓國都試過哥種郁郁八爪魚....但佢除左識郁之外....仲識閃爍閃爍閃爍!!!!!!你地睇唔睇到呀??????

當你食完個身之後.....佢會再問你第二食點食(鬚鬚佢未切架~同埋個身仲有d肉)..你可以揀再刺身食或者天婦羅食都得...我地想原汁原味咁食所以都係揀左刺身食~~一樣咁好食~~但由於之前無上網做過呢間餐廳功課...原來佢天婦羅食都做得唔錯...粉衣夠薄而且炸得好食~下次我會揀天婦羅的~(碟前方哥part肉質好爽身好好味)




食完一次攞番入去再整再出番黎...佢d鬚鬚仲係識郁同埋仲係迫閃爍閃爍閃爍!!!!!!

我地另外叫左一個定食...係d汁煮魚既set....1,620円=105.3hkd....好味~好送飯~條魚連條邊位都煮到可以食哂唔使吐骨~一set都幾多野食~幾抵~




我地前面個魚缸前係養住松葉蟹~岩岩好見到師傅捉蟹~




佢見我影相仲特登咁樣俾我影~~你人真好~又師氣~




另一邊魚缸就係養住我地頭先食哥d白烏賊啦~佢地係用海水養住架~





呢餐食左6,696円=435.2hkd....217.6hkd....都ok呀~




食飽飽諗住行下~....見到俾小朋友玩既~好似番左以前大陸咁~




漁市場另一邊仲有個蔬果市場~咦~伯伯又係你呀~你黎買餸?





場內都好多野賣~




d牛肉好靚呀~~~~不過噚晚食得太多仲未漏完~~~~~




望下有咩生果先~





我有俾呢個吸引左~不過兩大個~好難消化~





買左兩樣生果就走啦~又出發去下一站~




一路沿著白兔海岸行駛~




我地既下一站就係位於白兔海岸旁邊既白兔神社(白兎神社 はくと じんじゃ)....地址：鳥取縣鳥取市白兔宮腰603....Mapcode：345 689 601*37....係賀露漁港過黎白兔神社大約19分鐘~






黎到呢度郵筒都變粉紅色有兔兔公仔~





一路行上去看看~




呢度有好多兔兔石雕~~而每隻兔兔石雕上都會頂住好多結び石~~~~連燈柱上既兔兔都唔放過~好多唔同形態既兔兔~~好可愛~應該都係將石仔放到係兔上唔跌有好運之類啦~係神社有結び石賣呀~不過我無買~








呢度有個大沙雕....應該就係想講述神話「因幡的白兔」...想睇?自己click入link度睇~~~~~XXD




一個向海的鳥居....重點係話你將d石拋到上鳥居就為你帶來好運.....但....你地係點拋上去架?!?!?!?!好高喎!!!





入神社前~先乖乖洗手~





hello~白兔神社~上網睇話呢個神社求傷口癒合同皮膚都好得...後來又話被稱為戀人之聖地......個範圍...都好廣下喎~







行去睇下佢d御守先~




當中都有d用兔仔造型既~




我以為我對求籤免疫~~~點知都係有求~~







喂!點解你又咁好彩架!




點解我又係末吉既!!有無人幫我解畫~






唔緊要啦...橫掂都係放係度趨吉避凶架啦~





佢d繪馬都幾靚架!





我買左呢d御守~好鐘意第一個~真係好可愛~~~~我好耐無買過御守架喇~






臨走影張合照啦~其實兩張相無咩唔同...只係一張打橫一張打直~但我覺得兩張毛寶個樣都有不同的可愛感~<3....所以兩張都想post~吹咩~個眼鏡整到成隻米老奇咁~





好鐘意呢張~好有味道~(唔講唔知~呢張相其實係我影既~)




臨上車係紀念品店借廁所時見到有命駅長駐守~~~~仲寫明出勤時間係08:30-19:00XXXXD....份工既工時都幾長喎~~~




難怪你係出勤時間行埋一邊訓覺啦XXXXD







2019/07/18的開心事：
就係~~~~
成日講既大單野~~~
係我屋企就黎要重新大裝修啦~~~
同裝修公司傾左超耐....查實呢個過程我都覺得好攰~
終於都傾掂簽埋約~~~
所以點解我最近個個禮拜都係度執野執野再執野....
下星期就要暫搬去其他地方住~
(搬左我已經覺得好開心...因為唔使再執野)
但我暫搬哥度無得上網~所以~
我只可以每個星期係毛寶屋企出一次blog咁大把~
大家會唔會掛住我呢?
祝我裝修順利~~唔好超支咁多~~~~~~~
我好想快d搬番入屋企住~~~(因為番工好遠~~)
但好感激有人借地方俾我住...感謝你~

裝修係現今世代真係好貴...我諗我要乞食一輪先得喇~
***********************************************************
今晚阿媽整午餐肉煎蛋飯~~~~~好開心~



報時：距離九州自駕遊之旅仲有---79日~
報時：距離宜蘭聖誕親子遊之旅仲有---154日~