鳥取自駕遊&大阪之旅2018-12-07第七天(陰天)

星期日.....老爺生日呀~~~生日快樂~之前一晚我係毛寶家陪佢睇柏鳥小姐的童幻世界黎倒數生日~點知講講下發話：呢套戲係我地第一次去UA既Director's Club睇既戲~(亦暫時係唯一一次~因為太貴我唔捨得~XXD).....然後講講下：咦!上次去Director's Club咪3年前你生日囉!!...3年後又竟然睇同一套戲慶生~~中午去左食雅吉慶祝~下午無無聊行下威尼斯人~咦~買左褲喎~夜晚去左試PADRE Modern Cuisine~....星期一....就算今日要番工都覺得無咩野~因為番埋今日又可以放兩日~~衰在下午訓醒晏覺時有少少頭痛~.........星期二....放假丫嘛~起身神清氣爽~中午去左食羅浮~食完仲玩埋佢條兩層樓高滑梯~滑完....我有少少頭暈....@@....下午毛寶幫我剪頭毛....夜晚試左Goa night....星期三....今日都放假~中午去接毛寶放工前我已做左好多野!本身只係想買野...但我遲左出門口本身我以爲連野都買唔到XDD點知我買到野之餘...仲可以襯毛寶放工前10分鐘去銀行入埋張票...天呀太完美喇<3然後去左潮興隆食蠔仔包心丸貴刁...食飽之後去找埋啲裝修材料錢~夜晚就係屋企食~......星期四...臨天光又頭痛...起身食粒藥再訓...起身仲係痛...加油呀番埋今日聽日就可以去嘆世界架喇!......星期五...番番下工我身體發出從未出現過既癥狀...仲好似越黎越嚴重...嚇到我即刻同老闆講出去睇醫生...我心情有啲差...毛寶叫我放鬆心情...嗚嗚...夜晚去左加東食海南雞飯...我覺得佢個海南雞好食過文華東方...我要早啲休息先得喇.......星期六...我訓左差唔多12個鐘...感覺好似好左少少...但哥個癥狀未完全消失~希望快D完全消失啦~(我噚晚發夢見到陳仕燊＜3)....中午食左TOFF...然後去左金沙城間apple陪人整電話...跟住番左屋企執野lu~夜晚係屋企食~聽日早機去日本喇~希望呢個旅程順順利利~玩得開心~



2018/12/07
Day 7(日本,大阪 Japan,Osaka)
喂~早晨呀喂~好似陰陰地天咁既~都好既~唔怕曬~






好喇~噚日行左成日梅田區~~~今日離開呢區玩喇~第一次去東梅田駅搭車~我真係好叻~(不過上次識去枚方我已經覺得自己好叻~)






係東梅田駅搭地下鉄既谷町線至天滿橋駅~我第一次黎呢區....一出駅就見到條河~我仲見到有觀光船係河上~




今日又先黎嘆嘆啡先~今日試R J Cafe..地址：大阪市北區天滿3-2-1




我地黎到哥時應該岩岩開門~一個人都無~佢d裝修同佈置得每個角落都唔同咁~同埋好似件件傢俬都唔同咁~~~








我地坐左係窗邊門口張二人枱~貪佢影相夠光~我地點解千里迢迢搭車黎到天滿橋呢???係為左呢樣!!!!!!!!!用餅乾杯盛的咖啡~~~~~~~~~~~~~~~~~~~~~~~~




同埋有午餐set~~~




叫左野食再望下~佢有個角落仲有野買既~包括裝咖啡既餅乾杯~~~同埋咖啡豆等等~






我地叫左一個set....叫豚の角煮....1,000円=65hkd......好奇點解我地無叫牛.....無叫就岩喇!!!因為呢個豚の角煮係勁爆好味呀!!!!!係咪叫五花肉呀一層一層咁...但食落係完全唔肥架!!!!超入味...個汁又好食~~~~~成個餸入面包括蘿蔔哥d都好好味...勁好下飯....好想食多次呢個!(連平時唔食肥肉既毛寶都話好食!)





仲叫左個Margarita Pizza(M size).....700円=45.5hkd......呢個ok既~但又未係好好食~




主角來之前.....先俾我地睇睇飲呢個餅乾杯咖啡要注意既事項~記得!!!!!唔好攞住佢杯柄飲~~因為會爛架~~~同埋飲完先食餅乾杯~~~如果唔係會裂開倒到成身都係~




黎喇~~~我地叫左一杯Expresso Macchiato~~~~650円=42.3hkd........華!!!!!




細細杯咁仲要有熊仔拉花!!!!!真係抵得佢丫!!!!!!!!!!!超可愛!!!!





將最可愛(我講我)同可愛(杯咖啡)既野擺埋一齊...成件事點呀?好睇囉~唯美囉~






我地有乖乖咁飲哂先食~不過你地知啦我飲開齋啡架嘛~macchiato我依家麻麻~好彩夠細杯咋~




還有更可愛的!!!!就係呢杯Expresso Affogato.....800円=52hkd......超!!!!可!!!!愛!!!!!




你咁既樣咁得意仔咁無辜!!!叫人點食你?!?!?!?!




於是我同毛寶為左紀念佢....想為佢影個慢鏡既倒咖啡片....點知呀!有人賴屎賴尿咁呀....倒到一圍都係呀!!我無講係邊個!

你睇下...搞到熊仔上吐下瀉咁!




熊仔好似拍完鬼片咁...不過其實....根本都無位俾我倒啡落去食...一倒實係落碟......古靈精怪咁~(不過呢間啡其實我麻麻岩飲...因為佢偏酸~)




呢餐食左3,150円=204.8hkd.....每人100hkd左右....都開心既~~因為餅乾杯影相開心同埋個豚の角煮真係好正~.....一定好食過噚日哥間生忌廉雪糕~




然後係天滿橋駅搭谷町線至谷町9丁目....再轉千日前線去到難波~~~黎到呢個第一次黎既Namba Parks...地址：大阪府大阪市浪速區難波中2-10-70.....但係點知毛寶想睇哥樣野係Namba Parks已經執左............但哥間野官網明明寫有~算啦~咪假行下囉...不過真係無野岩行~記得呢個位勁大風~






然後又行番去難波駅搭四つ橋線至四ツ橋既4號出口~~~~~




梗係又行下堀江啦~~~~~次次黎大阪都要行一次~




行下porter囉~佢話某個系列就黎唔出丫嘛~但真係無野岩~




都係鐘意行呢邊多d~




山系野我又鐘意行~




家品店我又喜歡~今次見到呢個手沖咖啡壺我堅鐘意!!!!我影左當買左...因為我覺得貴...點知....我後悔到依家




又行north face~我今次有收獲呀!!!




再行埋呢間唔知咩...因為佢話有隻唔知咩錶同唔知咩牌子corssover..XXXD我d資訊真係好全面




然後就番梅田了~由於今晚訂左好夜先食飯...所以買當時好想試既麥叔叔麥樂雞番酒店做下午茶!...係伊勢海老味呀!!!另一隻好似係牛味~




又行去另一邊搵下毛寶頭先係難波搵唔到既野....點知都係無.....就見番好耐以前第一次黎大阪時....狂歡三寶去呢間好好食既居酒屋點餐點到哥個侍應喊XXXXD係真喊....係咪真係我地太大食XXD




番左酒店後又諗...華..仲有成3個鐘先食飯...今晚咪搞到好夜先有得執行李?!我又忽發奇想............不如依家咁早(好像是6點....)....試下去餐廳問下訂左位有無得早d食咯~於是就衝去喇~去到佢又好好人話可以~~yeah~我地呢晚訂左はまぐり庵...地址：大阪市北區角田町8-47阪急32番街28樓(大阪市北区角田町8-47阪急グランドビル28F).....可網上訂位訂野食~




佢另外有一間係阪急三番街的~但我揀呢間既原因...係因為呢間係28樓~有埋夜景望下~另一間係B2....哈哈~





齋睇名唔識日文唔知佢食咩~佢專係食蜆架喂~~~~~~




我覺得最勁係呢個!!!!!




我同毛寶叫左一杯梅香 百年梅酒....另外一杯っルっル完熟 マンゴー梅酒....各600円=39hkd....唔好問我邊杯打邊杯喎~




赤玉煮たまゾのせ....600円=39hkd...有隻半熟蛋同有d菜仲有炸藕片呢個前菜幾好食...隻半熟蛋好濃香~




然後就到我話好勁哥個天然7年もの 焼きはまぐり...即係7年天然生長既蜆呀喂!!!!!!燒生左7年既蜆呀喂!!!!......另外一隻係天然10年もの 焼きはまぐり.......食天然7年既阿姨都唔夠...仲要食埋隻10年自然生既阿婆蜆.........無人性架!....7年生既每隻680円=44.2hkd......10年生既每隻1,230円=80hkd....出到黎仲要係你面前點哂火咁!!!(我有上網預訂呢個野食)





火呀!!其實係入面燒好...再黎到面前再燒燒je~燒到d水卜卜聲~~

用毛寶隻小手指俾你對比下大小~~10年生的大哥大!




食喇喎~~~~




7年生的飲勝~不錯呀!味道幾濃~




10年生的婆婆~我以為會好硬好鞋~又唔怕喎~同埋再濃味d~叫做試過下10年生啦~80hkd一隻太貴喇~




はまぐり出汁巻たまご...850円=55.3hkd....玉子燒入面有蜆肉...同埋用蜆湯一齊食~不過呢個一般~(好驚無哂所以都有預訂)





はまぐリ鯛茶漬け....980円=63.7hkd....呢個價錢唔貴又好食喎!





呢個堅要預訂先有的~~~“名物”はましゃぶ はまぐり(30ヶ)...2,750円=178.8hkd~~~~~有成30隻~都ok~







隻隻都幾大隻下~~~而且岩岩好熟就撈上來吃!!!!!!!勁爆鮮嫩!!!!!





仲可以一路食一路飲蜆湯...勁鮮甜!!!!




有人唔理我~~




呢餐食左11,008円=715.5hkd...每人357.8hkd...不便宜~但蜆鍋很鮮美~試過一次全蜆宴都不錯丫~




然後又行經阪急門口~諗緊佢d聖誕櫥窗會唔會裝飾同大阪車站一樣都係無變時...點知係唔同的~係驚喜但係我覺得舊年靚d~傳送門在此~上年係好多聖誕精靈~





又去番Lucca哥d行一陣街~因為見百貨公司未收~早左食飯丫嘛~個書包同你真係襯~買番個啦~我買左頂冷帽~




呢日既收獲~




我係north face買左個紫牌既書包呀~~~~~去旅行用~~~~(用左3次之後條書包帶有d爛...激屎我!!上一個紫牌書包都係咁!!!!係咪紫牌既衰d?)




好喇~要執野喇~咁多日既收獲~~~~~~




咁多樣最鐘意係呢樣~多謝老爺~依家日日都戴~




日用品類~




memo紙類~濕爬既同一memo紙呀~~~




御守類.....我好耐去日本無買過御守..我覺我真係幾靚~




好彩毛寶係當地還番個細gip俾我~~~我唔夠裝呀~~~XXXXD....好耐未試過唔夠位~~~執好野之後諗住嘆下我個伊勢海老醬麥樂雞~~~~點知一攞出黎....下....係普通醬喎...呃我既!!!!!BBQ同芥末喎!!!...然後回想起我買時佢同我講左一堆日文我表示聽唔明....然後佢扮無野就咁塞醬入去打發我走....佢應該係想同我講無哂呢兩款醬...我嬲!...凍左既麥樂雞..就像一塊厚紙皮~





Good Night City~我訓喇~聽日走喇~又無咩唔捨得喎~








2019/10/05的開心事：
覺得訓醒好似恢復不少元氣~



報時：距離九州自駕遊之旅仲有---0日~
報時：距離全新飛行體驗法國布列塔尼自駕遊之旅仲有---49日~~~~~~~
報時：距離宜蘭聖誕親子遊之旅仲有---75日~
喂~到左我既生日月喇~
聽日就出發喇~好開心~