全新飛行體驗法國布列塔尼自駕遊之旅2019-11-23第零天Part 1(天晴)

上星期日...諗住今日唔做家務就訓晏少少起身...點知同平時要做家務既星期日一樣早起身XXXD廢物的我...中午老夫人煮左阿宗麵線...fika完就寫下blog...成個下午隨心所欲真好~夜晚在家吃~懶洋洋真的好舒服~.....上星期一....好多好多野做呀~不過頂得住~因為我番埋下個星期就會放一個月大假喇~~~雖然無旅行去...已經係第二年大假無旅行去喇...；[.....飯後做運動~....上星期二...今日有個婆婆係我counter好大聲叫我哥哥...然後我話我係姐姐...然後佢聽唔到我重覆左三次XXXXXXD好老尷.....上星期三....頂...突然起身頭痛...衝去睇醫生...休息兩天....上星期四...一早起身飲完啡我就開始做家務~做做下仲餓到手震...中午老夫人買左和陽小日俾我食...食完再做....然後做運動....上星期五...厚多野做呀~~放左工去食味藏~~....上星期六.....驗左核酸...中午食左喜公館...又行ikea...夜晚去左探臭蜆~~~.....星期日...一早俾賽車聲嘈醒...一年一次...我忍你~...咁咪起身搞下仔仔啲野XXXD....中午食意粉...fika完做家務...晚上老夫人煎蝦碌~~~......星期一...救命...今日多野做到我胃痛...啲野樣樣趕住出...攰到我...夜晚食飽飯做完運動先精神番啲....星期二...訓到6點左右胃痛痛醒~早上食左個雞扒包呵番個胃~(其實雞扒包咁油唔係增加胃部負責咩?XXXXD...你無理...總之我好番XXXXXD)....好彩今日工作無咁多~~...星期三....今日唔算多野做..但最㢢係死機..啲野搞到亂糟糟.....搞到我好眼花XXD....星期四...少少頭痛...唔緊要!!頂住!!!番埋聽日!!!我放一個月大假!!!!!......星期五...好喇好喇~番埋今日工!都好彩今日工作日都算係順利既~係有D頭痛囉~放工就去左新濠影匯食pizza~番屋企時...同事send左個WhatsApp俾我....跛同Win套2gether戲會係UA上呀!!!!!!我直頭痴左線流左滴眼淚呀!我以為無機架喇!!得左喇我地!!呢個係送俾我一個月大假既最好禮物~....星期六..好早起身陪毛寶整野...食左個bagel做早餐~又幾好食~中午食真點心後又再忙...忙到夜晚...去左探臭蜆...我懷疑自己太攰...頭極痛~痛到番屋企嘔左兩次....



登登登櫈~你又再次估我唔到~你又以為我出食記~我就出個旅行blog~有無人期待~有啦~最少有一個人有XXXD因為哥個人冤左我好耐~然後又話寫前寫後都要請我食慶功宴XXXXD咁飯都食左一餐~無理由唔寫既~可~



2019/11/23
Day 0---Part 1(澳門 Macau->香港 Hong Kong)
點解係Day 0？點解係第零天?有無人留意到呀?XXXXXD...好無聊呀我XXXXXD....話實在...我地其實係11月24日凌晨機既~咁要提前去機場架嘛~咁梗係要早一日就出發啦~所以咪第零天囉~如果仲有人記得既話...我地呢次既旅行兩年前有提到...我同毛寶D亞洲萬里通有一批即將要到期~所以我地就把心一橫~決定一次過用哂哥D里數佢XXXXD.....因為我地儲里數都由始至終都係想換頭等....所以唔會碎濕濕咁換...因為如果飛日韓台我係澳門飛仲舒服....普通去歐洲既經濟艙都係幾千蚊....要換..就要換最高階既!....其實當時里數只係夠換單程頭等....我地都打算換去程...回程就窮L咁買單程經濟艙XXXXXD....但......當我地決定左要換頭等時...當時淨係放一張頭等出黎(睇左幾個禮拜都係)....send埋e mail去問話可摸耳兩個一齊等頭等...CS話可以...留左我地資料等...但當時都好耐無回覆....眼見日子一日日咁過....我再上網望下問毛寶：你想唔想降grade坐商務?....但可以坐來回XXXXD....點知毛寶答：好呀!.....然後我又再研究下D航班.....最後...我地就換左來回商務航班促成今次既旅行喇~好~我地一路出發住再一路講XXXXD



哈哈哈~為左要完全體驗今次呢個來回商務艙之旅~我決定唔坐機場船~唔要直入禁區....我要由check in就感受商務艙快感~XXXXXD....所以我地採用港珠澳大橋路線去香港機場~出發前一個月仲路線實習係我生日時去左一次迪士尼XXXXD等我地今次拉住gip搭港珠澳無咁緊張~我地請阿Sam車我地去港珠澳既澳門口岸~班機係凌晨...但我地前一日既下午2點半已經出左門口XXXD~謝謝Sam~

淮揚曉宴

喂..我好懶XXXD...最近忙緊Brightwin啲自我膨脹既野....隔左3星期先上水XXXD....上上星期日...中午去左食銀河間法國餐廳..但古靈精怪地有其他野食...夜晚在家吃~....上上星期一...好唔想番工~但安慰自己就快放假架喇~....上上星期二...下午爆爆爆勁多野做...夜晚約左Diana食飯~....上上星期三...今日最突別既事...應該係...2gether the movie係香港上映第一場...我心神恍惚左一日....好想睇呀；[....好鄧香港D BWs開心~好似兩個仔擺酒咁開心!....上上星期四....放左工同7公子去食十二春!!好開心!!笑到喉嚨痛!!...上上星期五...下午攞番之前OT一個鐘早走~...夜晚去左金沙城食喜公館~...上上星期六...中午去左食100年無食既文哥...然後去試附近既park coffee....去左ikea買間新屋俾仔仔s(其實只係掛係衣櫃一格格哥啲儲物格XXXD)....再去銀河買戲飛(反正免費泊車我想慳上網買既手續費XXXD)...買完再去奈和美嘆炭燒咖啡~~....遊左陣車河....夜晚再去食海灣~~....上星期日...訓到成11點先起身XXXD...中牛老夫人煮牛尾湯米...fika後做家務...夜晚叫外賣~~.....上星期一....好開心今日放自己假~~但俾電鑽嘈醒....中午食左comma...去左郵局攞野...再去%飲多次啡XXXD....然後去左UA睇007....睇完有少少sad...再去食鼎泰豐....上星期二...好開心!!公眾假期!!!中午食左蘿蔔糕...下午毛寶幫我剪頭毛...晚上叫外賣~.....上星期三...放左4日假番工仲要番早真係好難受XXXXD好眼訓呀~不過唔算吃力地番工~緊奀~然後!!我最鍾意食哥檔麵開番喇!!即食!!!....上星期四...今日都無乜特別~但我又食左我最愛麵檔多一次~~同一款麵~~佢休左成5個月~掛屎我~~...上星期五...2gether the movie會係12月正式在香港上映!!!!我好羨慕呀!!!!!澳門仲未有聲氣!!!!!!!我好想睇呀!!!!!....上星期六...驗核酸後去左Lofi...然後東跑西跑...夜晚去左補吃毛寶生日既天頤~因疫情後關門最近開番~但...我地都覺得差左...失望.....星期日...中午飯後fika後做家務~夜晚在家吃~~....星期一...好多好多野做~~尤其朝早~~~下午好啲~~...星期二...今日容許我自己食呑拿魚蛋三文治做早餐~實在太豐富~做野ok啦~~唔算太忙~期待年尾大假中~.....星期三...我今日獎我自己食麥炸雞餐XXXXD因為我成日睇Mirror賣廣告食到好多汁汁..好脆...所以我好想食~但今日食已經無哂卡~個麥炸雞盒你估下係邊個~係Lan線呀XXXXXXXXD....星期四....無啦啦勁多野做...同事們都在說...因為今日雙十一XXXXXXD關咩事~.....星期五...今日又係好多野做~無所謂啦~都星期五咯~放左工去左新開既燊哥冰室食嘢...然後去新開既英皇戲院睇戲~依家試業有折~睇左永恆族~有人話看後感好極端~一係好鍾意一係話好悶...我又ok喎...可能我幾鍾意女主角~因為之前我好鍾意睇crazy rich asian有佢份做~~....星期六...一早起身..帶左兩隻仔出街影相~中午湊毛寶放工去左食金非!!好味~...然後驗核酸..了到個喉勁痛...然後又到一大堆野~去見臭蜆玩左陣...夜晚去左新開既味賞同凱公子慶生~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~咁呢~華~呢個blog好新好新呀~去左食新餐廳呀...去左倫敦人新開既中餐叫淮揚曉宴~有請仔仔s出場~為左食呢餐~我地特登著靚D架~好紳士呀~XXXXXD......我係佢舖隔離狂望...望下佢有無食左我愛店Chiado個舖位...好彩....Chiado舊年臨時關閉到依家仲未開番...我依家驚驚地....

鮨玥

上星期日...打完風落左成晚雨...朝早起身就衝去做核檢...點知我又揀錯地方做勁多人...仲要落住大雨室外位等我同毛寶都成身濕哂...襪都濕埋...最終1小時15分做完...了到個喉極痛...去左文華東方食..因為想有停車場有瓦遮頭唔使再濕身...疫情lounge無開...唯有上2樓...但無set食...得單點...食物水準比set差.....番到屋企我只想沖個熱水涼同訓個晏覺獎自己...夜晚在家吃.....上星期一...中午去左郵局攞香港寄過黎既應援包...爆勁大包!爆勁豐富!好開心~...下下下...又有颱風....好驚呀..係咪我買左熱浪就會打唔成風?!....但今日放工超級市場爆夠人我攝唔到入去買...由於唔想排隊懦夫既我去左7仔去買左兩支水....然後又嫌貴無買熱浪......保佑港澳呀!!!...食飽飯又去左攞souri~~~新出既馬德蓮系列我期待左好耐!!!....攞之前同個中同bws黎左個第一次娃聚...好開心~~~~跛仔同winnie見到其他兄弟喇~~~~.......上星期二...我懷疑個風迫近....噚晚開始頭赤赤~....中午又SF收到個應援包~~好開心~又係好靚~今晚宣佈左會10點掛8號....希望快來快去啦!....上星期三...訓得好差..覺得自己醒左100次咁...以為醒咁多次接近清晨...望下個手提...先3點幾...然後訓唔番....再訓番到鬧鐘響...上網睇話8號風球在早上維持...咁我可以再訓了....10點醒左...颱風餐係半份芝士辣魚治半份魚鬆治....fika既甜食係前日去攞既souri madeline~~我覺得以咁遠運黎加上擺左幾日黎講佢質感好過好多本澳既舖頭...口味上黎講甜左少少~~但黑芝麻味既London Fog我覺得很可以~~~過多陣睇氣象局話8號波在下午維持...咁代表唔使番工了....其實我星期五就開始放自己假喇...星期四重陽假...即係...我開始放假了...放多左一日...唯一唔好係今日本身約左公子晚飯慶生趴...要改期了....下午節目係攞仔仔出黎影應援包XXXD...同埋睇netflix...夜晚在家吃.....上星期四...重陽嘛...公眾假期不出街好了~~中午起身食糭XXXD...屋企附近街市買..都幾好味~fika食埋盒souri~剪偷髮~幫仔仔換塵生衫仔~~做運動~~在家吃晚飯~~....上星期五...仲係放假~但俾樓上裝修嘈醒~中午食左後巷...然後去左揸人地架車遊車河~...再過星皓行下街...夜晚約左唯三大學同學去金殿堂慶生~~多謝~~...上星期六....一早去驗核酸...然後拜老豆(本身上周拜..但打風)...然後去左食念湯舍...single origin飲啡...探臭蜆...夜晚毛寶同我去左慶生~~多謝~~....星期日...早上又俾樓上無啦啦巨響嚇醒...等極澳門作曲人個𡃁仔都未大....醒左就做下家務...在家午餐..fika..又做家務..晚上在家吃~~....星期一...仲放緊假~...不過都早起身有野搞...然後同左3隻小妖去左南湖明月飲茶....然後去左攞buy and ship攞我啲astro stuff~~~..夜晚7公子同我與杯慶生食左兄弟煲~~多謝~...星期二....喂!我生日呀喂!....勁早起身陪毛寶整野~~中午食左奈和美...兜左轉路環...再去pace飲咖啡...夜晚係屋企老夫人請我食生蠔慶生~~好正...聽日要番工喇~~~.....星期三....華~勁眼訓...今日番工既我勁笨蕉...摸住份表諗緊：我做緊D乜野?XXXXXD.....星期四....一起身又頭痛...妖~~~....落勁大雨開始凍...中午無回家吃...下午忙忙的~唔緊要....明天星期五了~~....星期五...唔知搞乜...一起身就胃痛...但也堅持食麥老當....胃痛了一朝...攤大手板問朗公子攞胃藥...食左好啲...夜晚又痛過....早早去睡.....臨訓前仲發冷....凍到我打冷震....星期六....其實噚晚下半夜已正常番...不過都唔算訓得好好....中午食左度小月....食埋澤賢記再飲埋rethink...夜晚去左探臭蜆~好掛住隻衰豬~~

(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



最近好似無乜好寫咁(其實係懶)...旅行blog提唔起勁去排相加字~(可能心諗寫哂就無所以都係慢慢黎)...都係輕輕鬆鬆寫住野食先~又係鮨玥...地址：澳門巴黎街255號星海豪庭地下AA座...電話：2892 0382.....記得記得~一定要訂位~記得記得~一定要訂板前位~仔仔都有一齊去食呀XXXXXXD點解我D小朋友著得咁型仔~

天頤 Yí

上星期日...今日係世界休息日~但我勁廢...都係9點幾醒左...起身玩左陣...媽媽煮中午飯...食飽fika...又同仔仔s玩左陣...吸塵前發現個熱水爐個電制壞左....個壞法好玩野...晚餐在家吃....上星期一...今日唔算多野做~放工食飽飯俾我知道左一個消息!!!就係BrightWin既2gether:the movie...係香港電影節上映喇!!!!!!!!!!!澳門呢???澳門呢!!!!!!!我好想睇呀!!!!!!.......上星期二.....澳門今日又多3個輸入關聯個案...心情有啲sad sad地....上星期三....有人生日~所以呢日我地都請左假...呢日仲要係我地兩個今年第一次放既自己假XXXD...我地好夠耐力...9個月都無攞過一日自己假~~去左路環既cafe食中午飯...係路環影影逛逛一日...諗住去下新開既上葡京行下...啲路勁亂好難揾停車場...搞左勁耐先行到入去...但佢本身入面都好多野封哂...算喇..走喇...夜晚飯左棽莜omakase慶祝~....上星期四..中午去左萊斯酒店間葡餐食飯...然後行新開既donki...勁多人...買左啲和牛聽晚食~~去左探臭蜆~~之後買外賣回家吃~~上星期五...中午食媽媽煮既水餃麵~~fika食souri既signature box~~終於捨得開黎食....食左3粒....都係a day with Souri好食啲~~....做家務~夜晚在家吃~.......上星期六...一起身又去做核酸..好彩仲係有澳門居民首次做免費...如果唔係我會勁嬲...做完去食toff~~行盧九同仔仔影相~~陪毛寶睇野~~...夜晚食鼎泰豐~今晚電視做coco...喊到我呀...星期日...中午食杯烏冬...fika食埋最後3粒souri...想哭~今次食清楚..果然跛最喜歡的焦糖味最好吃!!!...食完玩洗洗衣機XXXD好污糟....勁乖呀我...我有做運動!!夜晚在家吃~....星期一...今日仲係放假...突然勁好訓到11點~起身又變天..又有確診個案...仲一日黎3個...又要做核檢...我前兩日先做完......中午去左卡夫卡...食完去左揾win做封面既Esquire hk~買完就番屋企..夜晚在家吃~~...星期二...今日番早...一起身又話多一單...番番下工就被公司告知因疫情要暫時關門...靜哂......跟住放1點順便去做埋核酸先番屋企食飯...今次好快15分鐘搞掂...夜晚也在家吃......星期三....仍在停工中...當然乖乖的留在家中啦~中午食麵包同即沖粉絲...下午睇下netflix同做運動...夜晚在家吃.....星期四...在家抗疫抗到唔記得星期幾...寫blog哥下記得喇~~被樓上裝修嘈醒...中午媽媽買乾炒牛河我食...下午耍廢...晚上在家吃....星期五...無番幾日工...本身今日一開都唔係幾忙既...因為一個人一個意搞到5個同事都好忙......下午清閒番d....夜晚去左食味藏~食左今年第一條晚秋刀魚~好好味~....星期六...一起身...又變天...本身港澳天文台都話唔會掛8號...點知朝早就掛左....同埋澳門又多兩單確診...確診到我無感.....呢日好多野做...要拜老豆要驗核酸...一個8號風球又暫停~留在家發左瘋咁無論幾錢都好想睇到BrightWin個日本Fan Meeting....結果毛寶當生日禮物送俾我~多謝~雖然抽唔中互動~但都睇得好開心~睇完又有少少失落...我幾時先可以見到BrightWin；[....肺炎呢單野幾時完???



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今年年頭時~我地去食左次摩珀斯入面既天頤 Yí...位於21樓~電話：8868 3446.....之前都食過兩次...未試過年頭食~

十二春火煱

上星期日....打佢個肺...Astro Stuffs玩左我成晚...由噚日朝早8點玩到我第二日凌晨5點先買到..期間入左50次地址...集運倉泰國地址我都就嚟識背...去到4點我入到一度想放棄...好彩賭仔心態令我繼續XXXD...好彩買到...5點先訓但我9點幾就起身~中午食牛尾湯米..fika完後做家務...夜晚在家吃同線上看hocc演唱會~~好開心佢有唱出走太平洋<3.....上星期一...今日勁多古靈精怪既人....又多野做~好彩順利收工~.....上星期二....無啦啦又大雨到中午番唔到屋企食...留左係公司食餃子~...呢日正式出左通告喇~公司要我地打疫苗~唔打就要狂驗核酸~....Astro話今個星期六又出番短袖pre orderXXXXXD我要買番黑色大logo..我係咪今周末又要玩到5點XXXD.....上星期三...放左工約左唯三既大學同學仔去食cheche慶祝毛寶生日~....上星期四....我今日生意幾好~好開心~諗住放工食飽飽去攞Souri同約左中同一齊去同仔仔影相..點知去買外賣時爆勁大雨打消念頭~約會取消了~仲諗住帶仔仔去探下佢D兄弟添!....上星期五....放左工到我最期待既畫面!!就係!!我老母請我去鮨玥做節~~~~一如既往無令我失望~~....上星期六...中午帶3隻小妖去左個新景點~好靚~我都幫仔仔影左相~但呢日勁熱流左好多汗...之後去左永利宮飲茶...第一次試飲茶...飲一次不想再去了~....跟住去左睇尚氣...好好睇...我俾潮偉的深情所感動了~之後去左食Fado~....星期日...噚晚算早訓(星期六晚一點訓算早啦可？)....所以9半醒左就開始做家務~唔知係我老左訓唔到咁耐呢?....中午老夫人整牛丸麵...fika完又再做家務...家務後又到下午茶....訓晏覺...夜晚在家吃~.....星期一...番工攰到成個人趴係度..不過好開心有姑媽整既豉油雞食~...飯後做運動...星期二...中秋節快樂~~按照國際慣例...呢日點都少人黎~幾好~放左工之後同姑媽做節~~....星期三..中秋節翌日補假~~晨早9點幾醒左...搞黎搞去到中午食左自制煙三文魚豬仔包~....fika食老夫人朋友整既可麗露...同奶黃月餅...好好食....下午毛寶幫我剪頭毛....夜晚叫外賣食~~整天都懶洋洋~~好舒服~~....星期四....放左工同左七公子去Caffe B為毛寶慶生~pizza好好食~....星期五...番工無乜野...放左工去左同臭蜆慶祝一歲生日~夜晚番到屋企就見到澳門有第64例...然後再有關聯病例65同66....有D不安.......星期六...一起身見到公司WhatsApp Group有200幾個訊息...然後見到話小朋友停課...然後再見到要再全民核檢....本身公司已經話唔打針就要做核檢先可以番工...我一早約左北安做...點知全民核檢免費...公司話唔接受...一定要做收費核檢先俾番工....由於我本身約收費核檢既北安變左做免費全民核檢站....我亦唔知我本身約既有無效...於是成朝就係度約其他收費檢測...但條link又死....好不容易約左另一收費檢測...快快手係屋企食左個杯麵出發去核檢...等左40分鐘完成...做完出黎勁多人...好彩....之後去左奈和美飲炭燒咖啡....幾抵幾好飲~本身約左fine dinning慶生...都打黎話暫時關閉...都明白既~再去攞buy and ship...然後求其食個船麵了事~最後....



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇好喇~要講講我近排好鐘意食既一間打邊爐~就係十二春火鍋~地址：澳門孫逸仙博士大馬路350號泉亮花園(第一座)地下A舖....電話：2883 3103

帝雅廷意大利餐廳 Ristorante il Teatro

上星期日....天陰陰又落雨又行雷咁我都差D訓到11點~中午左老夫人代購買番黎既台灣肉骨茶細粉~fika後做家務...夜晚在家吃~.......上星期一...以為又要落大雨中午無番屋企食....點知又無喎XXXD....呢個8月好似成日落雨咁~~....上星期二...無啦啦中午又落勁大雨~但我今日番屋企食中午XXXXXXD呢日無咩特別~....上星期三...以為小朋友開學會少人D~朝早係少左既~但係一到中午又湧黎XXXXXD...番學啦好無!XXXXD....上星期四...我今日遇到兩個挫折..1.我噚晚食左紅肉火龍果...今朝篤屎無粉紅色!!我好傷心!第一次咋!.....2.我今日俾人認錯兩次是男生...我有那麼的女生男相麼???.......夜晚放工前突然狂標汗...相信血糖低....狂食兩包餅加一條粟米條個人先定啲....上星期五....喂~啲小朋友堅番學喇~~呢日工作量算ok喎~...放左工去左食十二春~~.....上星期六...一早貢左去食terra...試埋久日咖啡...再帶仔仔s去影靚靚~...夜晚去左食盈暉...但中午飲茶好食好多...夜晚啲餸好油....星期日...中午媽媽煮左蟹醬油拉麵~開左盒納豆食...我以前超憎...唔知係咪我老左呢???我覺得好好味喎XXXD...fika最近好鍾意食一隻比利時waffle...好夾~...然後又喪做家務....夜晚在家吃~今晚有花膠吃~唔怪得我咁靚啦~~....星期一....今~日~異~常~地~輕~鬆~...小朋友開學簡直就係我地既獎勵~......星期二...咦~今日竟然多野做過星期一XXXXD...點算...今日win子新雪糕品牌Velato會係9月9有售....我好想試呀!!但雪糕代購唔知代唔代到.....然後Bright子既Astro Stuff出新衫!!星期六開售!!天呀!你個網站唔好死呀!!我一定要買到架如果唔係又喊呀我XXXXXD.....星期三....公司無啦啦死機...ot一小時~....星期四....放左工無咩忙...做完運動之後忙住幫人網購XXXD....希望到我星期六買Astro時都咁順利~....星期五...放左工去左食apron~好耐無食~都唔錯~....星期六...噚晚望左好耐都無出Astro...又無講幾點開售...訓左..6點醒左次...訓番..8點幾醒左...開電話睇下...中同話我知佢6點幾買左...叫我醒左好入去買..即入...頂...試左成朝都入唔到...8點幾醒左訓唔番...中午去左食念湯舍...然後去左hc Life Concept嘆啡...又入Astro成個下午...曾經入到...加哂購物車以為自己掂哂...點知到俾錢哥步就停左...我哭呀；[....好想買到....夜晚去食齋...保佑我今晚買到



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



前排又去左食一間食過一次但好耐都無去食既餐廳...就係澳門永利酒店入面既帝雅廷意大利餐廳(Ristorante il Teatro)...一入永利正門入口右邊就有一個小入口~入去搭電梯上就ok啦~(有無睇得出我地唔小心合照左)

Mizumi「泓」日本料理

上星期日....起身中午食老夫人煮既罐頭牛尾湯米~然後fika後做家務~夜晚在家吃~飯後開了個小P~~.....上星期一...喂我勁黑喎今日!仲衰過上星期五既黑色星期五!首先我今日好蠢咁想開個我平時用開既銀行app入左3次錯密碼XXXXD要親身去銀行開番....但你知啦...銀行D櫃枱服務有幾慢有幾耐架啦...我都衰唔哂問人借到銀行VIP卡去攞籌~10分鐘搞掂~之後下午....人地話牆國玻璃心我都唔信!但我今日終於都見識到了...牆國入面的人覺得我攞文件隻手好輕佻...覺得我好唔親切要投訴我.....襯地林啦你~......上星期二...打你個肺呀...我係咪中左星期二魔咒?起身又頭痛...我的辛酸有誰懂?但我實在拋唔開七師傅既七救星去早訓!內心好糾結!!.....上星期三...今日中午放工去左銀行然後買左麥叔叔蝦堡食...我覺得無以前咁好食~...今日最特別應該係幫個90歲既客做完野然後佢祝我身體健康~我成個人好似俾人祝聖左咁~XXXXD....上星期四...華~~今晚媽媽整蒜蓉芫茜開邊蒸蝦~~~仲有貓山王做飯後果~~~.....上星期五...上午勁多怪人...下午勁多野做....放工去左永利食意大利餐~~~....上星期六....朝早自己帶左仔仔s去玩~華...熱到我....同佢地玩左兩個點我要衝去買杯凍啡飲哂成杯個心定啲XXXD....中午去左日麗飲茶~~下午又跑左兩場睇野...好熱好攰...熱到我同毛寶會跑去買梳打特飲係西環解暑....再去星皓行行...見到就有新戲院開!!!好開心...食左星皓入面間韓餐...好難食....星期日...今~日~好~悠~閑~....因為今日俾我定性為世界唔做家務日XXXD....但我9點醒左...係床攣左一個鐘...起身好忙咁諗要幫仔仔換咩衫XXXD....仲要俾毛寶話著得好醜XXXD.....中午食媽媽煮既麵~...今日慢慢嘆fika~...坐一陣又食下午茶XXD....之後沖左涼去訓左45分鐘晏覺...真心舒爽~夜晚老夫人煮飯~....星期一...噚晚訓好耐先訓得著~搞到今朝起身個人都矇矇地咁~今日星期一仲要勁多野做...加油頂到星期四開公子生日會呀~~.....星期二...errr...暑假尾...好多野做之餘...我頭痛加肚痛.....又有星期二魔咒嗎?....星期三...噚晚頭痛10點幾訓左...訓到4點痛醒左訓唔番衝左去睇醫生...俾左兩日假我休息...睇完番屋企食左早餐訓醒食埋午餐我也沒閒著...換哂兩間房既床單~我好強~.....星期四....呢日好番啲喇~做左啲家務!!!....星期五...今日番工~~喂!但我又開始另一邊頭痛XXXD....好煩呀喂!!....放工去左食味藏~~.....星期六...中午去左和庭試佢個$228午餐set....我覺得....兩個主菜都唔好食...羊肉啲肉梅既...海膽意粉啲汁有啲白醋既酸味~.....唔小心行入aesop又跌低幾両.....然後去左探臭蜆~~~夜晚痴痴貢去左食聯邦(我懷疑我中學謝師宴後都無去過XXD)



好喇~好耐無出過食記~我估有半年喇~因為依家疫情嘛~出blog出慢左~(關咩事XXXD係我自己懶~同埋旅行blog買少見少)...加上依家打理多一個仔仔s既ig page...係好忙好困身(明明係為興趣XXXD)....宣傳下先~我地跛win仔仔s既ig page叫brightwin_inmacau~想同我傾心事可以去哥度XXXD我基本上每天都update~(誰要跟你這個死八婆傾心事XXD)



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~我終於要試呢間餐廳喇~就咁既~開左好耐但一直都無去過試....唯一既原因就係：貴.....唔係簡單既貴...係好X貴~....就係永利入面既Mizumi「泓」日本料理....現時只開星期五至日既晚餐時間...同埋記得要訂位...坐左成晚明明有好多枱淨...但對walk in客都係話客滿~電話：8986 3663....餐廳入口古靈精怪...一係賭場入...另一個非賭場入口我地要經過一間餐廳先去到....

九州自駕遊之旅2019-10-13第八天(天晴)

上星期日....今日係世界休息日~我決定今日咩家務都唔做~(但責任心重的我還是一起身就去洗左抽油煙機..咁好既女仔係邊度搵~)...中午叫外賣試左間未食過既花雕雞米..幾好味~同仔仔s玩左成個下午XXXD最近沉迷男色無心寫blogXXXXD...夜晚叫左韓燒外賣~.....上星期一...今日番工唔夠人~~好q攰~...但我今日放工都有做運動...算係咁~~....上星期二...唉...捱左一年零七個月完全無出過澳門境...邊度都無去過....換黎係今日新增4個變種病毒個案...成家人有哂病徵去過大陸都唔去睇醫生哥下神奇....仲係如果唔係佢阿爸阿媽去珠海續張核酸檢測紙都唔知已有4個人感染...受感染係澳門成個星期行黎行去又飲茶...無味覺又有咩好飲?....你忍得耐無出過去玩...唔通我又好好受？....上星期三....噚晚凌晨公佈左要全民核檢...3日內要完成...唔做健康碼會轉藍色邊度都去唔到....然後衛生局個網又死左...但俾你約到又點?有約無約都係一齊等...我6點半放工去飯都無食(話驗前兩小時唔好食野丫嘛)...9點半先走到..我叫做揀左個舒服既地點..有櫈坐又有冷氣涼...有啲點係好天曬落雨淋哥種...點解等咁耐?因為我揀哥個點得一人採樣......佢好慘...我都鄧佢攰.......上星期四...我突然覺得自己好蠢...今日啲人先去做核檢才5分鐘就完成XXXD...我昨天到底在幹什麼XXXD...有啲人...真係覺得同佢道不同不相為謀.....上星期五....因為放工前接哥個客因為自己戇戇居居差啲累全team人遲收工...罰自己放工食燒飯團XXXD.......上星期六.....11點半前開出街...先帶仔仔s快閃一個景點...跟住lofi...barbie攞賢者vip價109真心抵...成個下午跑左3個點陪人睇野...夜晚食心椽...好攰~....星期日...9點幾醒左...閑始做家務~中午食阿宗...fika嘆souri~今次係集之前幾盒既大成..有幾粒真係好好味~唔知下次出咩新味呢~~夜晚老夫人煮~奧運咁就完左...我到今日先知原來下一屆係巴黎(好想念巴黎~估我唔到咁講呢~)......星期一....星期一朝早竟然超少人...都....開心既XXD....係放工落左陣雨有D掃慶(關咩事XXXXD)....星期二...今日係我識左好耐好耐既blog友移民既日子..感慨..祝你有美好的新生活~~~今日姑媽整葡式椰汁雞呀~~配豬仔包一齊食好好味~~....星期三....放工陪左毛寶去驗車然後去左食西澳龍蝦~~好好味~~~....星期四....今日獎自己食KFC~至於點解要獎?查實無咩特別理由~XXXXXD....星期五....今日朝早頭一個鐘接左一個客咋XXXD得閒到.....中午以為佢落留係公司食點知佢放晴~放工陪毛寶攞番驗好左既車去左食風雅廚...wow....依家好難食~~~~.....星期六...中午試左奈和美個海膽飯~幾好食~然後陪毛寶買野~去埋Barbie買零食~好多收獲~夜晚同3隻小妖一齊去食喜迎樓食冬瓜盅祝賀七夕~



2019/10/12
Day 8(日本,九州,福岡縣,福岡市 Japan,Kyushu,Fukuoka Ken,Fukuoka Shi->澳門 Macau)
早呀~今日最後一日係福岡要番澳門喇~~天好晴呢~我地酒店房望出去就係呢個景~

九州自駕遊之旅2019-10-12第七天Part 2(陰天大風)

上星期日...俾大雨嘈醒~9點幾咋喎...但又訓唔番...起身做家務....中午食麵..fika完又家務..5點無啦啦掛1號風球....夜晚外賣台式小食同pizza~~....上星期一...番工好多野做做做做呀呀呀呀~~不過無計...學校又考完試...同事們又開始放大假~頂住呀好快就到我放~~下午好似開始掛3號風球....上星期二...今日起身都係3號風球...但我又頭痛了~~玩野呀~~....上星期三...頂...仲係頭痛緊~...搞咩呀我呢兩個禮拜~....佢又唔係好痛既...不停地輕微扯住痛~....上星期四....今日終於起身唔頭痛喇~yeah~放左工做運動再食飯~呢個禮拜過得好慢好慢~但我終於都可以講：聽日星期五喇!!!!....上星期五...起身頭又有啲赤...番工今日好ok喎唔算多野做...放工去左食梳打埠~......上星期六...中午出發老夫人請我同毛寶食好西~食左永利皇宮既泓~然後去攞集運~今次買左Bright代言既lays芝士味薯片~又幾好味~~夜晚食左生記~~.....星期日...中午食左糉~係...大拿拿7月尾先食我今年第一隻糉XXXXD....fika完睇左一陣Bright噚晚個live後就做家務~夜晚媽媽煮茄汁蝦意粉~好好味~~~.......星期一...番工順利~~放工食飽飯去左攞Souri~~勁威威呀今次竟然早過香港有~~但未捨得食~~....星期二...頂...我又戴口罩戴到頭痛!!!我頭好痛呀連續3個星期二都頭痛呀嗚嗚嗚.....星期三...噚晚由於太頭痛...我10點就訓左...訓左9個幾鐘起身番工...仲係少少少少咁多痛....所以放工獎自己食熱浪XXXD....星期四...今日終於神清氣爽咁起身~~放左工食左飯就做運動~~今日收到BW既應援物感到好開心!!!....星期五...今日唔夠人都幾多野做....好彩順利收工去左食12春~~~......星期六...毛寶番工...我一早就帶左仔仔s出街玩~~~勁熱XXXD....中午食左真點心然後又忙左好多野~~....夜晚去左探臭蜆~~~



2019/10/12
Day 7---Part 1(日本,九州,福岡縣,福岡市 Japan,Kyushu,Fukuoka Ken,Fukuoka Shi)
番酒店放低就行酒店隔離既博多城AMU Plaza....就係博多駅內~

九州自駕遊之旅2019-10-12第七天Part 1(陰天大風)

上星期日...好早起左身~食野做家務~然後夜晚食全蟹宴~好正~....上星期一....華!!!啲小孩考完試喇!!!勁多人!!!!人頭湧湧!!!!......上星期二....天呀!!我個玻璃窗終於裝番塊玻璃喇!!好感動呀!!....上星期三...好開心呀今日放工同左公子去食十二春!!!爆食!!!!7個人飲左20杯野飲就知我地有幾狂XXXD.....上星期四....呢幾日放工都覺得好攰~...食飽飽都有做運動~....上星期五....番工還好~放工去左食千笹~....上星期六....中午試左愛素食~幾好食但上菜慢~又周圍行黎行去~勁熱~夜晚試左金沙城shake shack~....星期日...中午媽媽煮牛尾湯米~fika完做家務~...夜晚叫韓國野外賣~~......星期一...今~日~多~野~做~到~痴~線~我放工做完運動食完飯獎自己食左幾塊薯片~好開心~......星期二...好救命....今日都係好攰...我真係要搵野獎下自己!!食少少薯片少不了!!....星期三...唔知搞咩...一起身又爆頭痛又出疹...去左睇醫生俾左兩日病假我....星期四...今日都係病假....但又有一件驚嚇事發生左.....搞左7個鐘....真心驚嚇....呢啲事好似呢3年每年發生一次...可摸耳唔好再嚇我;(...我好細膽架咋......星期五....今日番工還好啦~...放工去左食che che~......星期六...一早起身去拜老豆...熱到個頭狂爆汗...拜完去左食文華東方個lounge~查實佢個lounge唔算好食XXXD....下午又行東行西做左好多野~夜晚食左鼎太豐~~



2019/10/12
Day 7---Part 1(日本,九州,福岡縣,福岡市 Japan,Kyushu,Fukuoka Ken,Fukuoka Shi)
好喇~訓醒出發食中午飯~聽講呢間係超長龍店~早D出發~由於已 經還左車~所以要搭公共交通啦~第一次搭福岡既地鐵~

九州自駕遊之旅2019-10-11第六天Part 3(晴天及後轉陰)

上星期日.....中午去試左間日本野...但好難食XXXD...去左toff嘆左陣啡....再去買日用品零食之類...夜晚痴痴貢去南湖明月食父親節飯~整日在街..其實好攰~.....上星期一....都多野做~攰~做某崗位做到頭毛計仔都濕晒~......上星期二...好驚呀今朝好大雨又大風!!!!好驚我隻假窗頂唔順!!!!!再加厚紙皮再包膠!!!!.....上星期三...今日又係落好大雨...不過加左紙皮安心好多XXXD......頂...夜晚上上下網上唔到......上星期四...今日又係落雨~~仲要唔記得帶大遮XXXD...硬住頭皮用縮骨遮衝番公司~~....今日下午個口mark到好大咁傾計~~....好開心呀今晚有人黎整番個上網喇~~~.....上星期五....中午好忙...又做到出晒汗~~放工去左試山里~~.....上星期六....毛寶番工我自己帶左仔仔去附近影相~~好開心~不過好熱~~中午食左Lofi....下午超忙好多野睇~~夜晚食日與夜~~...星期日...中午食阿宗麵線....fika完做家務...夜晚去食葡餐慶祝姑媽生日~~~.....星期一....凌晨落好大雨...仲紅雨添...好彩紙皮窗仲頂得順~~...以為中午落大雨無番屋企食點知又無落雨~...放工番屋企食左飯就去左攞SOURI~~~好開心~今次哥隻好好味~好開心澳門有代購~~....星期二...唔知搞咩個頭又有啲痛.....中午放工前又灑左陣大雨~~.....噚晚大叔的愛好好笑XXD......星期三....唔知呢~硬係個頭都有啲實實地~但又唔係痛既~今日收左包裹~仔仔又有新衫著~好開心~~....星期四....放左工同左diana去mgm慶生~....星期五...我發現我番公戴足7個鐘口罩隻耳仔真係好痛....放左工去同我唯三大學同學慶生~~....星期六...節目豐富~~10點半已經係條街度行黎行去~中午食左潮興隆~~下午又行黎行去...之後去左探蜆豬子~~夜晚食左pizza同炸雞~~



2019/10/11
Day 6---Part 3(日本,九州,福岡縣,福岡市 Japan,Kyushu,Fukuoka Ken,Fukuoka Shi->糸島市 Itoshima Shi->福岡市 Fukuoka Shi)
我地還左車就去左博多駅行下~因為有好多好多手信舖~好似仲多過大阪駅~

九州自駕遊之旅2019-10-11第六天Part 2(晴天及後轉陰)

上星期日...凌晨5點又頭痛醒...食左藥再訓...決定今日抖抖唔做家務.........上星期一....勁多野做~~不過起身只有丁點頭痛我已感恩~~....上星期二...起身又頭痛~然後又多野做~真係好好玩~.....上星期三...起身好過噚日....但都係有D頭痛；[......上星期四...起身雖然仲有少少痛~但已經好番好多啦~...今日唔算好多野做...好開心~...番埋聽日就要過長周末喇~~下個星期一係端午節放假呀~~連放3日~~....上星期五...呢日一早知會番工番得勁辛苦..因為好多人放假~~但我地太優秀!!竟然準時收工!!放工去食度小月~...之後我做左樣我年半無做既事....就係入戲院睇戲!!!!!!!我揀左去UA~~因為可以食埋我最鍾意既焦糖爆谷~吸引我入戲院既係:無聲絕境2!!!......上星期六...一早起身...因為又頭痛痛醒;(....中午本身諗住去試一間cafe既...點知附近停車場勁爆無位...轉左去巴黎人食法國餐~....然後去mam cotai嘆多次啡....然後去行街...然後夜晚痴痴貢去食丹桂軒做節~~....星期日...家務日...上星期懶左今個星期超多野做~~食飽飯諗住望下聽日叫pizza個app點玩...我求其㩒兩個小食諗住試下...點知我落左單....點解我個人咁戇居XXXXD....大拿拿12隻雞翼飯後送到我屋企~~~.....星期一...選擇端午節唔出街~中午起身用外賣app叫野食...下午剪頭毛睇BW live做運動~夜晚都係外賣app搞掂XXXD...好頹廢既生活~但我鍾意~....星期二....放左3日假一番工救命呀勁多野做~~XXXD....好彩今日收到兩個仔仔既衫衫令我心情好靚靚~~....星期三...番工好多野做~放工勁攰~~....星期四...呢日番番下工個肚痛~~~堅強捱下去~~~~好快星期五架喇.......星期五....一早知今日難過...因為某個崗位做成日...要長企~但我個心熱熱的!!!!!因為我今晚有得去永利意大利餐食餐好既!!!!......星期六.....10點左右醒左~然後同仔仔photoshot呀今日XXXXXXXD....無咩事我都唔會幫佢再換哥套衫衫...除非同我一齊換XXXXXD....好攰~中午叫外賣食然後做家務~做做下聽到pok一聲...以為地拖跌落地....點知毛寶大叫：喂!你衣帽間隻玻璃窗爆左呀!!!.....我跑入房...係成塊玻璃全碎....好彩我有貼防爆玻璃貼....同埋好彩我星期六竟然係屋企即時發現!!....即刻打電話俾裝修公司叫佢搵人黎搞!...然後叫跑落去有平台既單位叫佢唔好出平台住!!我勁驚跌落去整親人!!....好彩好快有人黎拆左玻璃...但新玻璃要10日後先有....下周好似會落大雨...我好擔心...希望呢10日唔好打風；[.....夜晚都係叫外賣食~



2019/10/11
Day 6---Part 2(日本,九州,福岡縣,福岡市 Japan,Kyushu,Fukuoka Ken,Fukuoka Shi->糸島市 Itoshima Shi->福岡市 Fukuoka Shi)
食飽又出發~好似陰陰地天喎...唔通個風到?

九州自駕遊之旅2019-10-11第六天Part 1(晴天及後轉陰)

上星期日...中午食椒麻拌麵...搞唔掂~太辣~...下午做少少家務~...就盡情休息~...夜晚食媽媽飯~......上星期一...過左上個禮拜一...成個人番工都精神哂~笑meme的~....不過噚晚訓得唔係幾好~第一晚戴牙套訓感覺怪怪的~狂流口水~.....上星期二...番工勁攰~唉~實在太過份.....俾我見到日本上2gether the movie會有勁多精品.....會有超可愛既watine既畢業公仔匙扣......但要在地先買到............即係一定要搵代購....天呀....冷靜下睇第7次既2getherXXXXD.....上星期三...今日好多個Bright同Win既Live睇~~好忙呀~可惜中午既live at Lunch睇一陣就要番工~只好睇重播~勁唔捨得出門口XXXXXD.....原來今晚有超級月亮月全蝕~我坐係房望望出面~原來我訓係張床都睇到XXXXD....上星期四...好熱~熱辣辣~放工食飽飯做運動~......上星期五....我覺得今日反高潮咁唔多人黎~好開心~.....放工輕鬆時間帶左仔仔s去影相(我講我對brightwin公仔XXXD)...影左好靚既相~之後食味藏~~....上星期六...中午食左terra...然後過左氹仔行下~再去林高咖啡買杯冰滴~成個下午都在睇花姐error遊~夜晚食老上海~....星期日...晨早9點幾起身做家務...好攰XXXD....夜晚獎自己食韓式炸雞~.....星期一....番晏訓多一個鐘~個人係醒晨D~希望呢個禮拜順順利利咁過啦~.....星期二...激爆大雨...啲小朋友又唔使番學黎哂我地度玩喇~~中午大雨到都無番屋企食....好彩順利收工!!!....今日收到兩隻仔仔啲新衫衫喇~~好開心~~......星期三... 噚晚臨訓前去個睡前尿...沖完廁諗住洗手...發現無水!!好X驚...諗緊醒左番工個頭點算...諗哂逃生路線諗諗下諗到訓左XXXXD...起身好彩有水~今日番工勁攰~好多野做~聽日Velence開賣!好緊張~.....星期四...番工無咩特別~~星期五...好開心呢日本身番晏既有得番早~~放左工去食鼎泰豐~~再同仔仔影左陣相~~....星期六...一早起身頭痛...同朗公子去左terra食午餐~~...之後同仔仔影相...探臭蜆...夜晚痴痴貢~~



2019/10/11
Day 6---Part 1(日本,九州,福岡縣,福岡市 Japan,Kyushu,Fukuoka Ken,Fukuoka Shi->糸島市 Itoshima Shi->福岡市 Fukuoka Shi)
早le~今日又係一個大晴天~岩哂~我地今日去第二個城市玩~

九州自駕遊之旅2019-10-10第五天Part 3(晴天)

上星期日...朝早10點彈醒....起身做家務~中午媽媽煮賈以食日...fika完再做家務...然後母親節大餐係我叫左生蠔..海膽..韓餐..愛玉甜品外賣係屋企舒舒服服咁嘆~~.....上星期一...噚晚係Netflix睇左個叫Twogether既旅遊節目...係一個旅遊節目...最搞笑係講韓文既李昇基同講國語既劉以豪做節目主持XXXD雞同鴨講~見到印尼D景點都好靚~好想有機會去到~今日都多野做~但係今日收到香港寄黎既包褢~~係我為兩隻仔買既衫衫呀~依家好多衫衫換呀~好興奮~......上星期二...心不在焉...可能因為擔心緊下周一...嗚嗚嗚...希望下周一快D過；[.....上星期三...番工唔使忙~幾好~快D過左下個禮拜一啦.....上星期四...救命呀...日日一早起身已經好熱~好想飲凍啡~...晚飯後運動運動一番~.....開始左睇第六次既BrightWin~~好痴線呀我XXXXXXD....上星期五...唔~番工無咩特別~放工去左食旋宮~.....上星期六.....一大早起身~~先去arabica幫人圓埋個凍啡夢....再去試一間新啡...佢明明寫12點開無啦啦行到去先話開1點...唯有去佢附近食拉麵..我唔鍾意拉麵...再行番去頭先間新啡叫多個包同啡試....好難食~~~~~再同仔仔去影靚靚....今日勁熱~~再去睇牙覆診~~再陪人睇傢俬...再買野同攞brightwin既包裹~~同剪埋頭毛....夜晚痴痴貢~好彩早起身先做到咁多野~~.......星期日....中午食麵包...睇win既live at lunch...好好笑XXXD...自己整哥杯野自己都扮唔到好飲既樣XXXD...做家務...夜晚屋企食.....星期一.....我今日做肥貓....我心神恍惚只想今日快啲放工俾我衝去揾你!!!!!....你知唔知精神上既攰衰過肉體上既攰；[......好彩見到你咁精神我又開心番~我終於過左呢個咁難過既周末~~......星期二....今日放工前有少少濕滯...好彩最後準時收工~對眼有d唔舒服有野頂下頂下....頂到好痕痕到標眼水鼻水.....星期三....今日放佛誕假我都無乜去邊~中午食左個杯麵~約左朋友仔去攞訂左既SOURI~~係win仔做CEO既macaron~~估唔到曼谷都送到黎澳門~~好感動~~好多謝朋友仔幫我訂~~.....星期四.....妖....唔舒服...頭痛又發作...對眼仲有d發炎...其中一隻眼望野有d重影....去左睇醫生放病假...醫生俾左兩日我休息.....對眼快d好番啦......星期五...今日起身頭不痛了...眼仔好番少少...睇野都係少矇...但起碼無重影了~~飲左咖啡做住家務等老夫人買野番來我吃~食完又做家務...做完就做運動~夜晚在家吃~.....星期六...又一早去揾牙醫...中午已經痴痴貢....今日熱到痴咗線....下午睇左成個下午error遊....隻眼入面無粒野頂住喇.....但睇野都係有少少矇...夜晚都係痴痴貢~~



2019/10/10
Day 5---Part 2(日本,九州,大分縣,日田市 Japan,Kyushu,Ōita Ken,Hita Shi->福岡縣,太宰府市 Fukuoka Ken,Dazaifushi->福岡市 Fukuoka Shi)
食飽飽就行街啦~行過姆明專門店~日本人出精品既能力真係好強...往往比原產地強好多~一罐潤膚膏都咁靚~

九州自駕遊之旅2019-10-10第五天Part 2(晴天)

上星期日.....一早俾樓下鄰居鎚唔知乜野嘈醒!!!9點幾咋大佬!!!星期日呀!!!咪起身做家務囉...中午老夫人整左雲吞菜麵我地吃...fika完再做家務....夜晚又係屋企食....上星期一....發瘟喇...鐘意左兩隻仔個幾月...我每隔幾日就會夢見Bright........噚晚我又夢見佢...仲要同佢賽跑~~~兩小無猜狀XXXXXD...但有咩好鬥呀點會夠佢跑呀XXXXD人地183cm...我得哥16Xcm....番工係咁啦~食飽飽就做運動~....上星期二...下雨天...個人特別梅~....上星期三...下午放工落勁大雨~條褲濕哂~....上星期四...一朝早有少少雨落~到中午就放晴~~~今日全日做肥貓呢個崗位做到我頭毛濕哂~~我真係同P'Bright一樣咁大汗~XXXD.....今晚睇完第4次既2gether...開始第5次XXXD....上星期五...老夫人大壽之喜~去左間我想試好耐既餐廳食~(係...係我想食既餐廳XXXXXD)...祝你福如東海壽比南山~......上星期六...中午約左3個老小孩去巴黎軒飲茶....一心去試佢個煙燻香茅乳鴿....但同啲點心一樣勁一般般~今日係五一....係我同仕燊既第一次相見紀念日四周年XXXXD.....夜晚痴痴貢......星期日...中午去左澳大間elysee食...好難食XXXD....然後去買左我好鍾意食既明太子紫菜~~夜晚叫左外賣回家吃~~......星期一.....今日有補假~~好開心~~訓到自然醒~~然後食娘親煮既牛肉麵....fika後做家務然後再做運動...我真係好勤力好抵鍚~~.......星期二...番工....人地既黄金周....預左多野做........星期三...噚晚為我對BW公仔係IG開左個新acc....諗住俾我發花癲用XXXD...個名叫brightwin_inmacau....得閒follow下XXXD....唔知係咪開完個acc太興奮....我兩邊鼻哥窿各生左粒暗瘡~......星期四...今日做肥貓個崗位做左成日...朝早還好...下午做到頭毛計仔都濕晒~~不過呢日情緒有啲彷彿...彷彿到做錯野~煩到心愛的杯公子~多謝你救我~~.....星期五....番工無乜野~幾順利~~放工又去左味藏飲燒飯團<3.....星期六.....晨8咁早起左身...噚晚訓得麻麻~~一早帶左兩隻仔去大三巴影遊客相XXXD.....再帶兩隻仔去埋啱啱開既arabica嘆杯啡~....去睇牙醫再去買左幾輪野毛寶先放工....中午叫左外賣去臭蜆度食~~夜晚痴痴貢去食齋慶祝母親節~~~



2019/10/10
Day 5---Part 2(日本,九州,大分縣,日田市 Japan,Kyushu,Ōita Ken,Hita Shi->福岡縣,太宰府市 Fukuoka Ken,Dazaifushi->福岡市 Fukuoka Shi)
走人~

九州自駕遊之旅2019-10-10第五天Part 1(晴天)

上星期日...中午食阿宗麵線...fika完又去做家務~....夜晚媽媽煮茄汁蝦~~......上星期一...幾毒呀...噚晚隻蚊咬我腳踭!!...又訓得差喎!!..好彩朝早幾多生意~開心~晚飯後有運動....成頭汗~~.....上星期二...公司有把度高既尺...我將把尺拉去Bright既183cm身高....然後企係度呆望傻笑XXXXXXD...可能D同事以為我痴線XXXXD....放工個頭赤赤地~食飽飽休息下先~.....上星期三...朝早心情勁差.....中午我就知道點解了XXXXXXD.......上星期四...妖...頭痛...獎自己唔食麥皮買包食~....同埋今晚我開始睇第四次既Brightwin~~~......上星期五...起身頭痛好左啲但仲係痛....好彩唔算太辛苦今日~~放左工又去左食味藏~~......上星期六...一早起身有野做....搞完去左Fill Cafe....再去攞包裹~因為我係泰國網買既brightwin公仔寄到黎啦~~~~~夜晚約左公子食澧收~~......星期日....中午訓到成11點8....如果唔係有責任在身...我諗我會繼續訓...食飽fika完做家務....做得勁求其...學我同事話齋...我有春困XXXD.....今日沖完涼用win代言支lotion覺得好好用...感覺brightwin包圍住我咁~~.....星期一...番工今日唔算多野做~幾好~食飽飽做運動~.....星期二...今日既亮點就係有兩個同事幫我買左Esqyure Hong Kong~~係Bright做封面架~~仲要第一次做香港雜誌封面~好靚~~睇完覺得好熱~.....星期三...今日好開心~~放左工約左4位公子去血戰12春!!!好好味~~今晚又笑到我標哂眼水XXXD.....星期四...唔小心噚晚手快快上網買左Bright子同win豬做代言既維他命C同膠原蛋白~呢兩個偶像好危險呀XXXXXXD...下午又俾我搵到野買XXXXXD好恐佈呀XXXXXD....星期五...呢日中午連騎兩個工作崗位做到我pat蔭都出哂汗.....放工去左食梳打埠同我唯三既大學同學慶生~~~.....星期六....中午去左食TOFF~掛住佢杯啡~再係附近行下~不過好熱~所以買左好味手抓餅就跑去毛寶家~求佢幫我剪下個頭~夜晚又同屋企人食葡餐~~我連續兩晚都食葡餐~感覺自己像個葡國人~



2019/10/10
Day 5---Part 1(日本,九州,大分縣,日田市 Japan,Kyushu,Ōita Ken,Hita Shi->福岡縣,太宰府市 Fukuoka Ken,Dazaifushi->福岡市 Fukuoka Shi)
早晨呀~望住山景浸溫泉~睇住日出~

九州自駕遊之旅2019-10-09第四天Part 4(晴天)

上上星期日....一早起身陪人有野搞...勁眼瞓....祝你呢壇野順順利利~...中午食左間唔好食既越南餐~...之後番屋企睇左陣電視要訓下午覺...咁短既下午覺我都發夢見到bright XXD...........上星期一...今個禮拜D實習生走哂...又輪番我做哥個崗位...今朝勁忙...學得一個泰文生字添XXXXD...夜晚食飽飽睇住brightwin兩個仔仔一路睇一路做運動~......上星期二...今日獲得新技能~就係我又為brightwin兩個仔仔發癲...要買佢地劇入面對波衫公仔...所以叫同事教我玩泰國集運XXXXXXD...新技能get~......上星期三...放工攰得不像話...但放工後睇到兩個仔仔啲片...開始睇第三次佢地套劇XXD....又有活力番XXD......上星期四...番工爆攰...啲小朋友早我地一日放假...湧哂黎~...放工去左食密利拿.....好喇~終於開始放假喇~..呢個復活節假同新年一樣放咁多~~大拿拿有5日~~(其實係連埋清明一齊放).....上星期五....中午訓到夠起身食杯麵....做家務...夜晚同左媽媽出街食.....上星期六...起身中午等毛寶收工去食xina cafe....睇盤栽....行一陣已經成頭汗....番屋企抖抖....夜晚痴痴貢......星期日...中午食氹仔千笹...再買咖啡呀蛋糕呀上人地新屋參觀~.....之後又行下ikea呀~再衝去威尼斯人車展....夜晚食左黑沙fernando~我大慨10年無食過.....星期一....好開心...仲係假期....中午買左野食去探臭蜆...隻豬子真係好可愛~....夜晚痴痴貢.......星期二....起身媽媽煮牛肉麵~fika完睇左套戲....然後做運動...然後晚飯在家吃.....Brightwin兩隻仔前幾日做野既地方有人確診....目前居家隔離中...好想念這對CP...希望佢兩個無事啦~~.......星期三...放左5日假番工...好攰呀喂~~積左5日既野無壞機又剩~~~.......星期四...噚晚掛住睇bright與win既interview搞到夜訓....但今日又鬼屎咁多野做...搞到我勁攰~~....但我都有飯後運動~棒~~......星期五....今日心情好靚~~因為周五了~~放左工去左食Lofi牡丹蝦飯~~....星期六...明知正日清明會多人~所以揀左今日去拜老豆~但今日勁大風~燒D衣包時D灰散落四周....我成個頭都係衣包D灰...勁似愛回家哥個頭皮XXXXD......然後去左食文華東方個御苑餐廳...勁耐無去~佢以前係頭盤好食過主菜....依家竟然好食過頭盤~~~之前好鐘意食哥個鱈魚同之前一樣咁好食~我好感動~......但杯啡麻麻~.....夜晚會去同菓子軒慶生~~~呢個小子又大一歲了~



2019/10/09
Day 4---Part 4(日本,九州,大分縣,由布市 Japan,Kyushu,Ōita Ken,Yufu Shi->熊本縣,阿蘇郡 Kumamoto,Aso Gun->菊池市 Kikuchi Shi->大分縣,日田市 Ōita Ken,Hita Shi)
影完間房就出去行行~行下佢其他設備~

九州自駕遊之旅2019-10-09第四天Part 3(晴天)

星期日.....起身阿媽煮牛尾湯米...跟住做家務...3個禮拜無做...勁污糟...夜晚屋企食.....呢3日狂煲毛寶叫我睇既泰劇因為我們天生一對.....天呀!!!好靚仔呀sarawat!!!!!13集太少喇!!!一路睇一路尖叫一路碌床單....甜死人喇!!!!!仲有番外篇因為我們依然天生一對...聽日再煲!!!!.......星期一....今日超多野做....營業額高到等於做左4日野咁XXXD....但今日番工我心入面狂諗sarawat....放左工去左痴痴貢....再番屋企睇sarawat番外篇!!!!.....星期二....好救命...今日全部客一係騎呢...一係怪...一係kai XXD...好彩仲有3集sarawat俾啲温暖我....好唔捨得睇完...我唯有重睇XXD......星期三...番工戇居居咁...成個腦都係sarawat...一個為情所困咁既樣坐係counterXXXD......星期四...妖....個電熱水爐無啦啦滴水...煩屎人...聽日先有人黎整;(..快啲搞掂俾我開開心心同sarawat過周末啦~~.....星期五....下午都幾多野做...放工去左食che che.....星期六...早上去檢查牙齒...去攞番整好既咖啡機....中午食左十世無食既雅馨....真係好...難..............再去試間新啡....巧遇我最喜愛的咖啡師~...夜晚終於可以試北方鳴苑!等左好耐~~



2019/10/09
Day 4---Part 3(日本,九州,大分縣,由布市 Japan,Kyushu,Ōita Ken,Yufu Shi->熊本縣,阿蘇郡 Kumamoto,Aso Gun->菊池市 Kikuchi Shi->大分縣,日田市 Ōita Ken,Hita Shi)
食飽飽鰻魚飯又出發啦~天氣勁好~唔知係咪同個風黎緊有關?

九州自駕遊之旅2019-10-09第四天Part 2(晴天)

星期日..........噚晚無啦啦咳到癲左...12點到3點咳到一秒都都無訓著...含住舊冬薑勉強訓左3小時又咳醒....唯有6點幾坐起身睇電視到10點先再訓到...訓到12點幾....中午食夾麵包...食左另一隻藥好似無咁咳....3點去訓一陣訓左差唔多兩小時....夜晚在家...求你俾我今晚一夜好眠;(...........星期一...噚晚仍然咳咳咳.....咳左3個鐘先訓得著~今日番工全日都好眼瞓~~.....星期二...好開心~~雖然噚晚都有咳醒~但唔揸保心安膏同蜈蚣丸都訓到~yeah~~...不過今日放工我都係去睇左私家醫生~~穩陣啲~~......星期三...噚晚食左醫生啲藥終於訓覺無咁咳~~~今日勁熱辣辣....中午留左係公司食餃子~~夜晚食完飯即睇三生三世十里桃花~~~今晚終於睇到大結局~~~~好唔捨得夜華呀~~~~~~......星期四...今日見到貞~佢以為我電左髮...呢個禮拜已經有兩個人以為我電左髮XXXXD杯幫我解釋只係呢幾日潮濕XXXXD...無錯~我個頭呢幾日真係幾醜~....星期五...臨放工最尾半小時真係攞命~放左工去左食好耐無食既日夜咖啡室~買埋孤島甜品既愛玉番屋企食~夜晚毛寶迫我睇泰劇.....星期六...朝早攞左咖啡機去整....之後去左揾臭蜆食中午飯~隻臭蜆大隻左好多~~試左間氹仔外賣花甲粉幾好食.......夜晚痴痴貢~~~



2019/10/09
Day 4---Part 2(日本,九州,大分縣,由布市 Japan,Kyushu,Ōita Ken,Yufu Shi->熊本縣,阿蘇郡 Kumamoto,Aso Gun->菊池市 Kikuchi Shi->大分縣,日田市 Ōita Ken,Hita Shi)
gogo~又再出發~

九州自駕遊之旅2019-10-09第四天Part 1(晴天)

上星期日...好開心~~由於噚日已做哂家務~今日可以盡情玩~~中午媽媽煮賈以食日....fika時我地用毛寶新買既日本制小炭爐烤棉花糖送咖啡!!!...睇黑心居酒屋~~食蒜蓉包...利是~開連續兩年利是...夜晚屋企吃~~再睇黑心居酒屋食宵夜~~.....上星期一...噚晚又發夢自己又再成為高三學生XXXD...仲同自己講:又話讀左一次高三畢左業唔使再讀既?...又呃我XXXD....今日有D做一個月既實習生黎左~令我諗起我初入公司既情況XXXXD...呢個禮拜一下午好多野做~夜晚食飽飽做運動~.....上星期二...今日公司好閒~無咩客仔~.....上星期三...噚晚臨訓有少少喉乾...我以為係天氣乾燥...點知今朝一起身發現喉痛~~~成日都呆下呆下咁過...同客講野又變哂聲....番到屋企食飽飯頂唔順...8點就睡了~.....上星期四...救命~都係喉仔痛~~成日係度食藥急救~~我懷疑係俾人傳染~~.....上星期五....今日把聲仲沙過噚日...同客講野都無聲...放左工食十二春.....上星期六...中午自己煮左意粉食...下午諗住做家務但係食左藥覺得好攰....還是休息好了.....夜晚同舅父食飯~~有西澳龍食~~~~我病左...決定今晚唔出blog了~.....星期日....起身媽媽煮鮑魚麵食...食埋最後3個就無喇...因為係香港先有得買...從來都無諗過香港同澳門既距離可以咁遠.....噚日開始咳咳咳....真係好慘....有兩餐我期待左好耐既飯局無得飲凍飲同酒....憎死你~.....下午嘆完啡就去左下午覺....夜晚媽媽煮青口......星期一....咳左我成晚又無訓...我決定...去睇醫生休息下...家陣坐counter喪咳真係會好尷尬....星期二...仍在休養中~由於噚日睇完醫生番屋企發現依家電視播緊三生三世十里桃花...搞到我又屎忽痕上網搵黎從頭睇~仲俾我發現Netflix有!!!即刻呢兩日發哂花癲咁睇~~從頭看還是發現：我怎能放下夜華這孩子??...其實我好少睇內地劇..唔鍾意古裝仙俠劇......可能係趙又廷太令人揪心~...今天咳好了點~.....星期三....噚晚又走番轉頭喪咳左兩小時才能入睡~~....要番工....好彩今日唔算多客....喪咳都無咁老尷~~....咳到好似個胃要長六舊腹肌......星期四....今晚放工無飯食...原本諗住食杯麵....點知放工肚餓到打鼓...最後去買外賣...一個飯一個湯再加夠份蒜蓉包先夠XXD....食飽又有啲頭痛.......星期五....今日番工多野做...頭都痛埋...好彩夜晚放工去食味藏....今晚個燒飯團好一級棒~~回家繼續追三生三世十里桃花~~~夜華~~~.....星期六...成晚都訓得好差....又咳又頭痛.....朝早已經爬起身食左兩次藥....中午食左念湯舍.....部咖啡機壞左諗住攞去整點知摸門釘~.....試左間新啡~....毛寶幫我剪頭毛~....夜晚痴痴貢~



2019/10/09
Day 4---Part 1(日本,九州,大分縣,由布市 Japan,Kyushu,Ōita Ken,Yufu Shi->熊本縣,阿蘇郡 Kumamoto,Aso Gun->菊池市 Kikuchi Shi->大分縣,日田市 Ōita Ken,Hita Shi)
我地呢日一早起身~真係好早~為咩?除左想浸多次晨早溫泉~我地仲想睇下日出~~~因為噚日黎哥時覺得附近幾靚又有山~用iPhone指南針搵左方位之後~發現東邊位係正旅館入口~等等看~但朝早都幾大霧~都幾有仙氣~

九州自駕遊之旅2019-10-08第三天Part 3(陰天)

星期日...媽媽煮烏冬...fika...做家務...瘋狂地rummikub XXXD....仲加埋貞對戰...好好玩...夜晚在家吃....星期一...呢日都幾多野做~放工食飽飽做運動~做完運動同毛寶玩rummikub~又一日~....星期二...今日做既崗位忙左大半日~做到頭毛計仔都濕哂~噚日錯失無食10蚊9件麥樂雞....星期三...到今日仲收到利是~好開心~...屋企洗水缸無水用中午無番屋企食~吃到了久違了的雞扒湯米雙汁走青~夜晚睇東張西望見到香港有全荽宴...我真係好想試~....星期四...唔知點解今日成日個頭都醃下醃下咁...所以我決定...唔做運動休息下喇~......星期五...中午無番屋企食...跟公司啲同事叫左韮菜煎餃外賣~~好好吃但個口好臭XXXD....話好左落雨...但成日都無落...然後放工就落雨了XXD...咁都要食飯既~~去一間我未食過既越南茶記食....個檬粉實在係太難食喇...我仲食左我此生食過最難食既雞翼...食飽之後去買愛玉番屋企食....番屋企途中爆勁大雨~~~成身濕哂~~難忘的元宵~~....星期六....中午起身食豆皮烏冬~做家務~夜晚同貞公子去倫敦人新開既餐廳慶生~開心~



2019/10/08
Day 3---Part 2(日本,九州,宮崎縣,高千穗町 Japan,Kyushu,Miyasaki Ken,Takachiho Cho->大分縣, 別府市 Ōita Ken, Beppu Shi->由布市 Yufu Shi)
其實別府仲有其他溫泉可以參觀丫~我地又懶XXXXXD...去完明礬溫泉湯の里小屋食埋粟米就走XXXXD~

九州自駕遊之旅2019-10-08第三天Part 2(陰天)

上星期一...今日好好生意!!我好開心XXXD.....上星期二....就快過新年...懷疑啲人去哂過年...無乜人....(但明明呼籲大家唔好離澳過年架)...無所謂~我都準備好過節mode~....上星期三...落雨...落足成日雨....仲要又大風又大雨.....上星期四....今日番半日咋~~放左工同公子去日麗飲收爐茶~~...之後衝去抱抱聞聞俾壓歲錢蜆豬子~年三十都見到佢好開心<3.....夜晚同左媽媽食璇宮...璇宮啲扒我覺得好食過好多5星級酒店扒房~但價錢平一半有多啦~....上星期五.....大年初一!!!新年快樂呀喂~悠悠閒起身同媽媽食左個杯麵嘆左啡..就去同阿爹說聲新年好~...再同舅父姑媽們去觀光塔飲下午茶...之後舅父車我地遊車河行大運~...番舅父屋企打麻雀贏左30蚊!!!好意頭~~食埋飯先番屋企~~....上星期六...大年初二...中午去左毛寶家食開年飯...下午去左舅父屋企開賭王群英會~~但我輸左200蚊XXXD....今年竟然一鋪圍骰都無開過XXD...輸到底褲都無XXXD.....夜晚都係舅父屋企食.......星期日...大年初三...兼情人節...兼赤口XXXD....中午食鼎泰豐...行下倫敦人(其實係原本既金沙城)...Lady M飲下啡....去路環遊車河...探臭蜆..同舅父食海灣.......星期一....年初四...中午去MGM飲茶...有人生日呀係屋企切蛋糕...夜晚食金悅軒.....星期二....年初五....中午媽媽煮阿宗麵線~呢日係世界休息日....盡情在家休息~...夜晚在家吃...同毛寶連線沉迷燒腦遊戲rummikub.....非常之燒腦燒時間.....星期三....新年後第一日番工...預左多野做....但收到好多好多利是~~....夜晚回家食飽飯食左好多零食~~...再同毛寶玩rummikub對戰.....星期四....今日個位勁多野做又企得耐....攰攰~~今日都收到好利是~~.....星期五...痴孖筋...又係攰到抽筋.....好彩放工去左食柏既西澳龍蝦刺身餐~~好好味~~....今晚rummikub 4場輸左3場俾毛寶...不服!!!!....星期六...中午毛寶請左老夫人去食改左名後既風雅廚拜年~...之後我地去左掃我地最鐘意食既松露爆谷~~~然後毛寶幫我剪頭毛~夜晚痴痴貢~~



2019/10/08
Day 3---Part 2(日本,九州,宮崎縣,高千穗町 Japan,Kyushu,Miyasaki Ken,Takachiho Cho->大分縣, 別府市 Ōita Ken, Beppu Shi->由布市 Yufu Shi)
食飽飽再出發~由於D景點都係我自己上網搵mapcode...所以當去下一個景點行呢條路....荒山野嶺又一架車都無...我覺得係行錯路XXXXD

九州自駕遊之旅2019-10-08第三天Part 1(陰天)

上上星期日....中午媽媽煮麵..fika後又做埋淨低既家務...下午茶...下午覺...到晚飯XXXD.......上上星期一...噚晚訓得超差~覺得又熱又濕~好似成晚都無深層睡眠咁...可以話無訓過都唔過份~...但我夜晚食飽飯都有做運動~算係咁啦~....上上星期二...噚晚發夢又考中學畢業試....起身就頭痛...好廢~.....上上星期三...仲係有啲頭痛....個人又熱氣...番工發左成日呆.......上上星期四...朝早仲係有啲頭痛...下午好番啲.....毛寶話多謝我呢10年係咁寫旅遊記事...等佢依家無所事事可以睇下~......上上星期五...千年等一朝~終於到星期五~~放工去左食che che~~好好味~~之後剪頭毛~~.....上上星期六...一朝起身爆勁頭痛...朝早去洗車然後食terra....然後探臭蜆....夜晚同舅父團年~~頭痛到無mood出blog......上星期日...起身仲係頭仔痛...食完野嘆啡就做家務...訓個晏覺就食飯...媽媽今晚煎金蠔好好味~......上星期一....今日唔算好多野做...但唔知點解心情有啲低落.....所以獎自己唔做一日運動.....上星期二....心情又靚番~~夜晚食飽飽有做運動~~....上星期三...放工同左公子去食飯呀好開心~~試左雍泰美膳....仲有得睇濕爬既live~~~仲要連續兩個~~~.....上星期四...番工近排都無乜人...以前應該好開心...但依家少客又反而有少少擔憂~夜晚又有濕爬live~~好忙~....上星期五...放工後去左攞年花....再去食enjoy deli~...有左年花...感覺到新年好似要來了~~~......上星期六...朝早特登早啲起身...做咁啲家務...中午唔敢食太飽~食左個豆皮杯烏冬....再去800伴攞梅酒...再去睇餐具....唔敢食太飽因為呢晚帶3隻小妖去天頤~~今晚好正~~.....星期日.....中午媽媽煮左水餃鮑魚麵~又做一陣家務...下午茶...沖左涼終於肯寫blog~夜晚媽媽煮~



2019/10/08
Day 3---Part 1(日本,九州,宮崎縣,高千穗町 Japan,Kyushu,Miyasaki Ken,Takachiho Cho->大分縣, 別府市 Ōita Ken, Beppu Shi->由布市 Yufu Shi)
唉唷~做咩咁陰天既~

九州自駕遊之旅2019-10-07第二天Part 3(天晴及後轉陰)

星期日...中午起身媽媽整賈以食日~~fika後做家務~~夜晚媽媽整煎蝦碌~~~.......星期一...番工~今日都ok~不過一路做個腦一路諗住野食...因為夜晚食完飯又要做運動XXXXXXD.......星期二...喂~好開心呀~中午老夫人買左園林我食呀!係我最鐘意既豬扒魷魚撈米加咖喱走青~好好味好開心~.....星期三...放工後無飯食~我食左我最鐘意既豆皮杯麵~.......星期四...我鼻窿下邊生左粒石頭瘡...谷好耐都未有膿~所以我今日出動KFC上校對付佢!...最後........佢谷唔起膿不特止....仲生多兩粒瘡XXXXXXXXXXD.....咩喎...今晚食飯後有做運動架!........星期五...下午勁多癲人XXXD...做到我氣促....好彩放工去左食十二春開心開心一下~~之後仲叫左舒淇廚房個芋圓圓番去臭蜆屋企食~~順便同臭蜆蜆玩~~~.....星期六...本身諗住出街食中午飯~點知係張床唔想起身...所以中午起身食個我最鐘意既豆皮杯麵好了~之後做家務~再出去行街~買左D新年濕濕星既野~然後鞋櫃寄到黎去攞~夜晚老夫人請我地食鮨玥~好開心今日做左好多野又食左好西~



2019/10/07
Day 2---Part 3(日本,九州,熊本縣熊本市 Japan,Kyushu,Kumamoto->阿蘇市 Aso Shi->宮崎縣,高千穗町 Miyasaki Ken,Takachiho Cho)
好啦~走喇~好似去完阿蘇山之後天色都麻麻~

九州自駕遊之旅2019-10-07第二天Part 2(天晴及後轉陰)

星期日...中午又係阿媽煮麵...今日太凍我決定罷工唔做家務~睇左成個下晏溏心風暴之家好月圓XXXD....夜晚屋企食.........星期一...番工順利~不過勁凍~放工食飽飯做運動~.....星期二....今日朝早都好凍~今日個工作崗位企到勁腳攰~...夜晚又無咁凍喎~食飽飽做運動~.....星期三....放工番屋企食飯~食飽無做運動諗住寫下blog~但掛住睇家好月圓一粒字都寫唔出XXXXD....星期四....無乜也特別~個心淨係諗住聽晚餐飯~流口水~本身團年飯想訂星際品味坊~點知佢因疫情停業近一年再開番...晚餐無單點~得自助餐~我最憎~....星期五...今日反高潮又少人啲喎~番工番得舒服啲~好開心放工去食味藏~~好好味~~......星期六...中午食左comma cafe....然後去代購攞豆皮杯麵~...下午去左同臭蜆玩~隻蜆豬子大隻左好多~夜晚食左老上海~



2019/10/07
Day 2---Part 2(日本,九州,熊本縣熊本市 Japan,Kyushu,Kumamoto->阿蘇市 Aso Shi->宮崎縣,高千穗町 Miyasaki Ken,Takachiho Cho)
食飽飽又再出發啦~好好天~

九州自駕遊之旅2019-10-07第二天Part 1(天晴及後轉陰)

上星期六...中午食左巴黎人法式餐廳....食完陪老夫人去龍環葡韻影下花~~夜晚痴痴貢食順軒......星期日...中午食阿宗....下午做家務...晚上在家吃(每周日都係咁上下).....星期一...今日都幾多野做~下午好啲~放工番屋企收到濕爬既簽名碟~~~~食飽飯做運動~~......星期二...今日番工聽到一個唔好既消息...有個共事好多年...前幾年才退休既同事走左:(......佢係我啱啱入呢間公司乜都唔識時覺得佢係一個好好好既前輩....成日對住我地笑咪咪....聽到呢個消息好唔開心:(......星期三.....工作順利~晚飯媽媽買左燒雞~好開心~....星期四...放工後去左朗公子既慶生趴...好開心~.....星期五....好凍..真係勁凍~~放工去左食che che~~然後早早回家~因為真係勁凍.....星期六...中午試左念湯舍~幾好~食完成身暖笠笠~然後諗住去攞代購杯麵~點知無開~去買洗地水....無貨~今日百無.....好彩去買Palette既新蛋糕仔Matcha St. Honore仲有~好味~當然仲有我最愛既焦糖泡芙啦~~~下午毛寶大人幫我剪頭毛~我都知咁凍揸較剪真係好慘架喇~特此讚揚你~夜晚痴痴貢~



2019/10/07
Day 2---Part 1(日本,九州,熊本縣,熊本市 Japan,Kyushu,Kumamoto->阿蘇市 Aso Shi->宮崎縣,高千穗町 Miyasaki Ken,Takachiho Cho)
早~呢日天氣好像不錯咧~我地無包早餐~起身直接走~去隔離停車場攞車~

九州自駕遊之旅2019-10-06第一天Part 2(天晴)

上星期一...中午求其煮啲野食~然後成個下午睇netflix套今際之國的有栖~~好睇~~夜晚去左同姑媽佢地食冬至飯~~....上星期二...迫自己一早起身XXXD...飲咖啡...寫下blog...中午媽媽買野我吃....下午同毛寶睇埋今際之國的有栖大結局...夜晚在家吃...晚上開飲酒P~......上星期三...番工咪番工囉~番一日之嘛~(但多野做到痴筋XXXD)....放左工去800伴食美食廣場...掃下超級市場啲貨~~.....上星期四...平安夜~...中午去左Lofi~~...食完就去左買一列為左下周番冷既禦寒物品...包括暖風機同1L既保温水樽...天氣預測得6度咋！好驚！....忙完一輪去左食日式烤肉慶祝~~番屋企睇左刻在你心底的名字.....上星期五....聖誕節~~中午係屋企食烏冬飲咖啡....之後係netflix睇左套西班牙戲叫mirage...夜晚帶左三隻小妖食玥龍軒~...硬係覺得佢依家啲服務怪怪的.....夜晚再睇多套永夜飄流......上星期六...中午食左後巷...然後買齊一大堆野上臭蜆豬度開生蠔p~~仲一邊睇全民造星決賽~~.....星期日....起身做家務...中午媽媽煮麵...食完飲咖啡再做家務...做到腰好似要就腰斷咁攰....夜晚屋企食.....星期一...番工喇番工喇~番3日半又放3日半喇~多野做但心存放假希望~.....星期二...好攰...算早訓但係訓既頭一個鐘係醒左10幾次~....星期三...好興奮!!!番埋今日聽日番半日就放假了!!!!......今晚有濕爬既joox live~.....星期四...今日番半日都幾多野做~~放左工貞同春艷請我地食the kitchen做收爐飯~多謝~然後一系列買野...夜晚食齋...再上去摸2020年最後一次既臭蜆~~....再回家同老夫人開除夕P~~...(好唔慣今年無仕燊陪我跨年:[....).......星期五....喂喂喂!一月一日呀!...由於話除夕同元旦係最凍既~所以我決定打爆個頭都唔出街~~中午整左兩個日本即食粥食~飲咖啡...寫下blog~(聽日多野做都係今日出blog好了~)...今晚決定左整意粉食同埋睇叱咤!(終於睇完叱咤第二日唔使番工~)



2019/10/06
Day 1---Part 2(澳門 Macau->日本,九州,福岡 Japan,Kyushu,Fukuoka->熊本縣熊本市 Kumamoto)
咁....煲左煲風生水起水又出發啦~個天好似已經日落咁款...其實又唔算好晏咋喎XXXD