九州自駕遊之旅2019-10-08第三天Part 2(陰天)

上星期一...今日好好生意!!我好開心XXXD.....上星期二....就快過新年...懷疑啲人去哂過年...無乜人....(但明明呼籲大家唔好離澳過年架)...無所謂~我都準備好過節mode~....上星期三...落雨...落足成日雨....仲要又大風又大雨.....上星期四....今日番半日咋~~放左工同公子去日麗飲收爐茶~~...之後衝去抱抱聞聞俾壓歲錢蜆豬子~年三十都見到佢好開心<3.....夜晚同左媽媽食璇宮...璇宮啲扒我覺得好食過好多5星級酒店扒房~但價錢平一半有多啦~....上星期五.....大年初一!!!新年快樂呀喂~悠悠閒起身同媽媽食左個杯麵嘆左啡..就去同阿爹說聲新年好~...再同舅父姑媽們去觀光塔飲下午茶...之後舅父車我地遊車河行大運~...番舅父屋企打麻雀贏左30蚊!!!好意頭~~食埋飯先番屋企~~....上星期六...大年初二...中午去左毛寶家食開年飯...下午去左舅父屋企開賭王群英會~~但我輸左200蚊XXXD....今年竟然一鋪圍骰都無開過XXD...輸到底褲都無XXXD.....夜晚都係舅父屋企食.......星期日...大年初三...兼情人節...兼赤口XXXD....中午食鼎泰豐...行下倫敦人(其實係原本既金沙城)...Lady M飲下啡....去路環遊車河...探臭蜆..同舅父食海灣.......星期一....年初四...中午去MGM飲茶...有人生日呀係屋企切蛋糕...夜晚食金悅軒.....星期二....年初五....中午媽媽煮阿宗麵線~呢日係世界休息日....盡情在家休息~...夜晚在家吃...同毛寶連線沉迷燒腦遊戲rummikub.....非常之燒腦燒時間.....星期三....新年後第一日番工...預左多野做....但收到好多好多利是~~....夜晚回家食飽飯食左好多零食~~...再同毛寶玩rummikub對戰.....星期四....今日個位勁多野做又企得耐....攰攰~~今日都收到好利是~~.....星期五...痴孖筋...又係攰到抽筋.....好彩放工去左食柏既西澳龍蝦刺身餐~~好好味~~....今晚rummikub 4場輸左3場俾毛寶...不服!!!!....星期六...中午毛寶請左老夫人去食改左名後既風雅廚拜年~...之後我地去左掃我地最鐘意食既松露爆谷~~~然後毛寶幫我剪頭毛~夜晚痴痴貢~~



2019/10/08
Day 3---Part 2(日本,九州,宮崎縣,高千穗町 Japan,Kyushu,Miyasaki Ken,Takachiho Cho->大分縣, 別府市 Ōita Ken, Beppu Shi->由布市 Yufu Shi)
食飽飽再出發~由於D景點都係我自己上網搵mapcode...所以當去下一個景點行呢條路....荒山野嶺又一架車都無...我覺得係行錯路XXXXD

點知行到咁上下...又見到個景點牌喎XXXXD好啦~放心哂~

我地下一個景點係由布川溪谷...地址：大分縣由布市挾間町朴木....Mapcode：46 219 762.81....由原尻の滝黎呢度要1小時5分....但行近一望....下!!!因為上次熊本地震震到佢好多落石!唔俾落喇!!!




揸左成個鐘黎到落唔到去實在太震驚...我地望望貢左好耐...有個叔叔走過黎同我地解釋(工作人員)...但佢只識日文...我地用Google Translate黎溝通XXXXD...佢可能見我地太失望...提議幫我地同塊牌影相XXXXXD.....呢個景點好靚...睇唔到好可惜...我覺得好似上次去蘇格蘭高地個The Devil's Pulpit





然後佢唔知點解叫我地跟住佢行




我地係咪個樣太失望XXXXD佢想送多個景點俾我地?...叔叔帶我地去睇花~~






今次堅既...佢叫我地揸車上少少...有個步道~




好~泊好車跟住箭咀行...睇黎有條吊橋~





條路開靚左既~唔難行~...喂~等等我呀~




非常詳細既案內圖XXXXXD




好~行去吊橋睇睇~





哦!!原來係呢條吊橋望落去可以睇到由布川溪谷~~~~就咁望都咁靚~俾我入到去仲得了~





好啦~走喇~又去下一個景點啦~天陰陰的~




大約28分鐘左右就到左明礬溫泉既湯の里~地址：大分縣別府市明礬溫泉6組...Mapcode：46 519 862*47









而參觀呢D湯の花小屋係免費既...可以俾你睇到點樣係D小屋入面利用地熱蒸氣滲入明礬溫泉後係表面上形成既結晶...而呢D湯の花用途好廣...可以做藥...工業既火藥之類之類~(第二張相左右兩旁地下都係哥D結晶)





淨係睇D屋仔都好得意~覺得古人好勁~









唔敢掂~覺得好熱~




呢度仲希家族溫泉可以租~





明礬地獄要俾錢入~我地無入XXXXD




其實爆勁肚餓...但附近好似得呢間~岡本屋売店~試試佢~(就係湯の里對面)




華~原來個風咁靚架~好心擴神怡~呢間都好多人食~咁岩線有位~真好彩~




簡簡單單地叫左熱既溫泉玉子烏冬(550円=39.1hkd)~同埋溫泉玉子飯(300円=21.3hkd)~




烏冬係咁啦~但個飯真係有驚喜!!因為溫泉蛋漿加紫菜融入熱飯真心一絕~好正!




望住咁既景食喎!廿幾蚊咋喎!好味喎!靚景喎!




仲有仲有~地獄蒸し塩玉子..100円=7.1hkd......地獄蒸布甸...330円=23.4hkd....睇佢介紹係用硫磺蒸架~布甸就實實的~不過就幾有蛋香~焦糖味都香~





蛋呢~唔知呢~覺得無咩特別~





D蛋唔知係咪係呢度蒸架呢~




然後行番過湯の里哥邊D手信店買左對部長襪仔俾八寶~




行過見到溫泉蒸乜乜物物~又食~





粟米大王梗係揀食粟米啦~300円=21.3hkd.....粟米正喎!...好嫩肉~











牛年第一篇blog~
開blog大吉~
不過我最近勁懶~
一個月都寫唔到一篇XXXXD
隨時消失~~~~~~



2021/02/20的開心事：
買左好多好多松露爆谷~
有排食~