九州自駕遊之旅2019-10-07第二天Part 1(天晴及後轉陰)

上星期六...中午食左巴黎人法式餐廳....食完陪老夫人去龍環葡韻影下花~~夜晚痴痴貢食順軒......星期日...中午食阿宗....下午做家務...晚上在家吃(每周日都係咁上下).....星期一...今日都幾多野做~下午好啲~放工番屋企收到濕爬既簽名碟~~~~食飽飯做運動~~......星期二...今日番工聽到一個唔好既消息...有個共事好多年...前幾年才退休既同事走左:(......佢係我啱啱入呢間公司乜都唔識時覺得佢係一個好好好既前輩....成日對住我地笑咪咪....聽到呢個消息好唔開心:(......星期三.....工作順利~晚飯媽媽買左燒雞~好開心~....星期四...放工後去左朗公子既慶生趴...好開心~.....星期五....好凍..真係勁凍~~放工去左食che che~~然後早早回家~因為真係勁凍.....星期六...中午試左念湯舍~幾好~食完成身暖笠笠~然後諗住去攞代購杯麵~點知無開~去買洗地水....無貨~今日百無.....好彩去買Palette既新蛋糕仔Matcha St. Honore仲有~好味~當然仲有我最愛既焦糖泡芙啦~~~下午毛寶大人幫我剪頭毛~我都知咁凍揸較剪真係好慘架喇~特此讚揚你~夜晚痴痴貢~



2019/10/07
Day 2---Part 1(日本,九州,熊本縣,熊本市 Japan,Kyushu,Kumamoto->阿蘇市 Aso Shi->宮崎縣,高千穗町 Miyasaki Ken,Takachiho Cho)
早~呢日天氣好像不錯咧~我地無包早餐~起身直接走~去隔離停車場攞車~

今日既第一個景點是中央區既水前寺公園(水前寺成趣園)....酒店黎呢度大約12分鐘車程~地址：熊本市中央區水前寺公園8-1...Mapcode：29 433 579*20....呢個係佢停車場既Mapcode~停車場費500円=35.5hkd~...由酒店過黎12分鐘車程~




跟指示行去出口~~呢日勁熱...依家其實好早咋~




行去公園段路見到有間鋪出面有兩隻鋪哂塵既崇本崇XXXD毛寶話覺得佢好頹...佢要坐埋去頹埋一份XXXXD




好~見到入口喇~去買飛先~400円=28.4hkd...果然係熊本縣~入場劵都要有部長係度XXXD





我見佢好似好多個景點都有名水百選呢個標示!






認真望地圖...好似幾大~




唔緊要啦~入左去先~慢慢行一陣~就咁係入口...已經覺得好靚喇~好啦~可以走喇~(咪走住呀客官!你未睇毛寶想睇到既野架XXXD)





難怪是名水百選~好式庭園feel~






好勁呀公園入面都有神社!呢個叫出水神社~





有御守買~我細細個都有呢個御守...書包仔好得意~買左黎送俾兩位小公子~




我地黎成趣園最重要就係睇呢個綠茶小山~~但...個陽光方向好似有D配合唔到添XXXXD





唔信!行前少少再睇~又有另一個神社...鳥居令我諗起之前特登去既伏見稻荷大社~






好野~終於行到個唔背光既位睇綠茶山喇~~不過可惜我地剛到時見到叔叔為綠茶山剷緊草....剷完草望落好似唔夠綠~





好啦~都要合照一個~






好啦~走喇~個池超多魚....毛寶幾衰呀!呃D魚以為佢手中有野食呀XXXXD但魚仔又信~





喂!個樣做咩迫埋窗仲咁哀怨XXXXD





然後呀...我以為我見到好野!...我好想抽個布質散子包呀!你又估下我抽中邊個XXXD




頂...我又抽中最醜既XXXXD醜唔緊要...我可以照用...點知唔係布質...係皮質既XXXXXD....係2019年哭袋已送出~




查實我地仲未食早餐~順路入便利店逛逛~咦~呢個幾過癮喎~入手先~




Lawson雞扒!頂唔緊喇!!上呀!





蒸包未食過!上呀!!




係日本食便利店早餐/午餐...尤其Lawson...對我黎講完全唔係慘事黎架...係朝思暮想既fine dining黎架~蒸包唔錯呀~唔怕乾~餡也好吃~




到依家無得去旅行...我仍然日想夜想這塊Lawson辣味雞扒....雞肉嫩有汁...調味好吃...180円=12.8hkd...高質!我真係好想再食!我到幾時先可以再食到?；[




仲有不能錯過既Lawson凍齋啡!!飲哂7仔...Family Mart....Lawson最對胃口!!毛寶都鍾意~好掛住呀喂~

2021/01/09的開心事：

剪左頭髮~