九州自駕遊之旅2019-10-07第二天Part 2(天晴及後轉陰)

星期日...中午又係阿媽煮麵...今日太凍我決定罷工唔做家務~睇左成個下晏溏心風暴之家好月圓XXXD....夜晚屋企食.........星期一...番工順利~不過勁凍~放工食飽飯做運動~.....星期二....今日朝早都好凍~今日個工作崗位企到勁腳攰~...夜晚又無咁凍喎~食飽飽做運動~.....星期三....放工番屋企食飯~食飽無做運動諗住寫下blog~但掛住睇家好月圓一粒字都寫唔出XXXXD....星期四....無乜也特別~個心淨係諗住聽晚餐飯~流口水~本身團年飯想訂星際品味坊~點知佢因疫情停業近一年再開番...晚餐無單點~得自助餐~我最憎~....星期五...今日反高潮又少人啲喎~番工番得舒服啲~好開心放工去食味藏~~好好味~~......星期六...中午食左comma cafe....然後去代購攞豆皮杯麵~...下午去左同臭蜆玩~隻蜆豬子大隻左好多~夜晚食左老上海~



2019/10/07
Day 2---Part 2(日本,九州,熊本縣熊本市 Japan,Kyushu,Kumamoto->阿蘇市 Aso Shi->宮崎縣,高千穗町 Miyasaki Ken,Takachiho Cho)
食飽飽又再出發啦~好好天~

然後就見到我地下一個目的地出現係路牌上~無錯~我地去看阿蘇山~





我：華!前面堆雲咁假既會唔會唔無雲係阿蘇火山口D煙呀?....毛寶：你都痴線既......點會咁大煙呀





越行好似越放晴~不停上山~






勁多芒草係兩旁~勁靚~







到了~由水前寺公園黎到呢度大約1小時7分鐘...我地黎到呢個位係可以望到少少阿蘇山同埋草千里(草千里ヶ浜,Kusasenri-ga-hama)...地址：熊本縣阿蘇郡阿蘇町草千里濱....Mapcode：256 456 769*12...呢度得幾個停車位...不過見大家都係i埋架車一邊~因為有個位影相...大家影完就走~





華!好靚呀~係秋天黎仲有一大堆芒草係前面...真心靚~





前面望住呢個山係烏帽子岳(Mt.Eboshidake)~




望向右邊....點解呢邊條路...咁似天團一齊去蘇格蘭天空島時去Quiraing行山望落去條路既~一樣咁靚~




講緊好靚好靚再向左望就係阿蘇山....喂!你咪噴煙噴到把把聲既阿蘇山!我要向你申訴呀!我頭先話你噴煙俾人話我痴線呀XXXXD





呢...咪呢個人話我痴線囉~




呢度勁好影~睇下影得我幾靚~






好啦~我地再去近少少睇阿蘇火山~




差唔多到哥時見到有直升機起飛~唔通係近距離睇阿蘇火山口?






咦~應該真係喎~唔知幾錢呢?好想坐~





到了~由頭先哥度黎到呢度大約3分鐘車程咋~本身其實有個更近更靚既位可以睇到阿蘇火山既....仲有纜車坐添....但前幾年阿蘇山好似好活躍....所以都封哂~阿蘇火口西駅停車場(其實有兩個...兩個都寫哂係度)Mapcode：256 459 156*22....另一個Mapcode：256 460 222.27......其實兩個都好近~邊一邊有位就泊邊度啦~




只可以係低位咁樣睇佢~偷偷看~偷偷望~突然咁厚雲既~搞到D煙唔夠出位添~





最近係咁~無辦法~佢太活躍~所以可能真係要坐直升先可以近少少睇個衰妹~






睇完阿蘇仔仔就走啦~




然後來到南阿蘇村呢個區~睇黎都幾多野玩~





下一個景點係白川水源~由阿蘇火山黎呢度大約24分鐘~地址：熊本縣阿蘇郡南阿蘇村大字白川...Mapcode：256 251 381*76....泊好車就行入去~






買飛先~又係你呀崇本崇XXXXD...100円=7.1hkd~





又係好山好水既日本名水百選代表~





話得好水講少少資訊先XXXD呢度每分鐘會湧出60噸14度既常溫水....60噸係好勁...但有咩咁好睇呀?...中間...藍藍地既?!




喂....係呢度D水一直湧出黎!!!D水藍藍的!!





D水清澈見底!!見到哂個底每粒石....有一個位特別藍!好靚~






好似去左忘憂深林咁(有無人知我講咩?)...好舒服~




臨走見到個個去飲下D泉水...我地都飲下咯~一飲...D泉水勁凍!!凍到刀片𠝹喉既感覺!喉好痛!




而且好多好多好多人自備水樽(我講緊係5L哥種筒裝)裝水走~(係容許咁做架仲俾埋個漏斗你入水咯~~)....唔個熱番少少會唔會清甜D?XXXXD




就算你無帶...佢都有賣吉樽XXXXD




毛寶影既~

2021/01/16的開心事：

見到蜆豬子~

然後佢聞我個鼻<3