九州自駕遊之旅2019-10-09第四天Part 1(晴天)

上星期日...好開心~~由於噚日已做哂家務~今日可以盡情玩~~中午媽媽煮賈以食日....fika時我地用毛寶新買既日本制小炭爐烤棉花糖送咖啡!!!...睇黑心居酒屋~~食蒜蓉包...利是~開連續兩年利是...夜晚屋企吃~~再睇黑心居酒屋食宵夜~~.....上星期一...噚晚又發夢自己又再成為高三學生XXXD...仲同自己講:又話讀左一次高三畢左業唔使再讀既?...又呃我XXXD....今日有D做一個月既實習生黎左~令我諗起我初入公司既情況XXXXD...呢個禮拜一下午好多野做~夜晚食飽飽做運動~.....上星期二...今日公司好閒~無咩客仔~.....上星期三...噚晚臨訓有少少喉乾...我以為係天氣乾燥...點知今朝一起身發現喉痛~~~成日都呆下呆下咁過...同客講野又變哂聲....番到屋企食飽飯頂唔順...8點就睡了~.....上星期四...救命~都係喉仔痛~~成日係度食藥急救~~我懷疑係俾人傳染~~.....上星期五....今日把聲仲沙過噚日...同客講野都無聲...放左工食十二春.....上星期六...中午自己煮左意粉食...下午諗住做家務但係食左藥覺得好攰....還是休息好了.....夜晚同舅父食飯~~有西澳龍食~~~~我病左...決定今晚唔出blog了~.....星期日....起身媽媽煮鮑魚麵食...食埋最後3個就無喇...因為係香港先有得買...從來都無諗過香港同澳門既距離可以咁遠.....噚日開始咳咳咳....真係好慘....有兩餐我期待左好耐既飯局無得飲凍飲同酒....憎死你~.....下午嘆完啡就去左下午覺....夜晚媽媽煮青口......星期一....咳左我成晚又無訓...我決定...去睇醫生休息下...家陣坐counter喪咳真係會好尷尬....星期二...仍在休養中~由於噚日睇完醫生番屋企發現依家電視播緊三生三世十里桃花...搞到我又屎忽痕上網搵黎從頭睇~仲俾我發現Netflix有!!!即刻呢兩日發哂花癲咁睇~~從頭看還是發現：我怎能放下夜華這孩子??...其實我好少睇內地劇..唔鍾意古裝仙俠劇......可能係趙又廷太令人揪心~...今天咳好了點~.....星期三....噚晚又走番轉頭喪咳左兩小時才能入睡~~....要番工....好彩今日唔算多客....喪咳都無咁老尷~~....咳到好似個胃要長六舊腹肌......星期四....今晚放工無飯食...原本諗住食杯麵....點知放工肚餓到打鼓...最後去買外賣...一個飯一個湯再加夠份蒜蓉包先夠XXD....食飽又有啲頭痛.......星期五....今日番工多野做...頭都痛埋...好彩夜晚放工去食味藏....今晚個燒飯團好一級棒~~回家繼續追三生三世十里桃花~~~夜華~~~.....星期六...成晚都訓得好差....又咳又頭痛.....朝早已經爬起身食左兩次藥....中午食左念湯舍.....部咖啡機壞左諗住攞去整點知摸門釘~.....試左間新啡~....毛寶幫我剪頭毛~....夜晚痴痴貢~



2019/10/09
Day 4---Part 1(日本,九州,大分縣,由布市 Japan,Kyushu,Ōita Ken,Yufu Shi->熊本縣,阿蘇郡 Kumamoto,Aso Gun->菊池市 Kikuchi Shi->大分縣,日田市 Ōita Ken,Hita Shi)
我地呢日一早起身~真係好早~為咩?除左想浸多次晨早溫泉~我地仲想睇下日出~~~因為噚日黎哥時覺得附近幾靚又有山~用iPhone指南針搵左方位之後~發現東邊位係正旅館入口~等等看~但朝早都幾大霧~都幾有仙氣~

好彩唔算太眼訓~因為噚晚食飽飽番房玩一陣電話已經訓著XXXXD我估9點左右~訓到6點起身其實已經訓左9個鐘~....出緊喇出緊喇~~可惜雲霧仲係好多~睇唔到個咸蛋黃~但有耶穌光~都正~






等左半個鐘都係咁~算囉~番入去浸個早晨溫泉喇~





番入房見到向住溫房塊玻璃有D野...蟲?...望真D......下!!小青蛙~~~




兩個圍住玻璃狂講好可愛好可愛kawaii kawaii~毛寶：佢好得意呀~我地執D葉餵佢食~...我：乜....蛙食葉既咩?......毛寶：...er......XXXXXXXD....然後我地一齊浸溫泉~唔知有無嚇親小青蛙~




浸完溫泉去食早餐~~去番我地噚晚食飯間房~




喂~都幾多野食喎~






全部都係D好送飯既野~我都幾鐘意食~(我覺得好食過廣受好評既晚餐XXXD)










然後食食下收到老夫人WhatsApp我...話有個颱風衝緊去日本...我即刻上網搵搵颱風消息....華.....似乎係一個極大既颱風衝緊上黎.......九州個位係個圖入面12日3時既隔離...睇黎同九州擦邊而過....我地13號飛機走...佢13號清晨已經去到關東地區...應該...影響唔到我地..卦?.....但值得留意既係...佢好似會登陸東京...再上北海道....(事實上呢個2019年既19號颱風係一個超強颱風...對日本影響極大；[....)




依家望出去天氣超好....唔通九州都打得成風?




唔理喇~個風最近九州係3日後~玩左先喇~呢道食飽飽早餐都有啡同甜品嘆~正~




救命呀XXXXXD兩個人食完早餐咁多野洗...如果要我洗番我會崩潰XXXXD




走喇~計埋噚晚食飯既酒...入湯稅...一泊二食...共51,890円(稅込)=3,684.2hkd...每人1,842.1hkd~都ok既~房大溫泉好~又新又大又靚~我幾鐘意~




佢幫我地D行李上左車就提議幫我地影相留念~好曬既呢~





好喇~出發~我地走時佢地係門口向我地揮手說再見了吧~係揮到架車行到超遠都仲揮緊~感動~




好多樹隧道呀<3






上高速公路~呢段高速公路470円=33.4hkd






今次個GPS都幾可靠~無跣過我地~當然我搵既Mapcode無懈可擊才是主因~(疫情並無減低我認屎認屁的心<3)




好啦~又見到景點個路牌出現啦~




今日第一個景點就係鍋之瀧(鍋ヶ滝).....地址：熊本縣阿蘇郡小國町黑渕下滴水.....Mapcode：202 199 043.10...由溫泉旅館黎呢度要52分鐘~又由大分縣跳去熊本縣XXXD




一落車就見到...喂~咁熟口面呀XXXXD





好啦去買飛~




成人300円=21.3hkd...入場費又唔貴既~




成個園區咁~靚路唔難行~




按字面解釋...呢個瀑布係由阿蘇火山生成?係咪呀XXXD




行去瀑布段路唔算難行~但呢條樓梯我行番上黎時又扯蝦~




到了~5分鐘左右可以行到架喇~





瀑布後面仲有條路可以行架~行過對面~






行到過黎睇又另一番風味~





呢邊超多人企係度影~走喇~




呢兩張毛寶的~左又送一張俾你~右又送一張俾你~













之前提到開左兩年既利是~
舊年因為疫情收少好多利是~
(因為舊年根本無番工)
但都有72封~有4570~
今年好似報復性派利是咁~
有130封~~有6410~~
多謝哂大家~~



2021/03/13的開心事：
食左個好好味既手抓餅~
俾個健康既周末我好嗎?