九州自駕遊之旅2019-10-12第七天Part 1(陰天大風)

上星期日...好早起左身~食野做家務~然後夜晚食全蟹宴~好正~....上星期一....華!!!啲小孩考完試喇!!!勁多人!!!!人頭湧湧!!!!......上星期二....天呀!!我個玻璃窗終於裝番塊玻璃喇!!好感動呀!!....上星期三...好開心呀今日放工同左公子去食十二春!!!爆食!!!!7個人飲左20杯野飲就知我地有幾狂XXXD.....上星期四....呢幾日放工都覺得好攰~...食飽飽都有做運動~....上星期五....番工還好~放工去左食千笹~....上星期六....中午試左愛素食~幾好食但上菜慢~又周圍行黎行去~勁熱~夜晚試左金沙城shake shack~....星期日...中午媽媽煮牛尾湯米~fika完做家務~...夜晚叫韓國野外賣~~......星期一...今~日~多~野~做~到~痴~線~我放工做完運動食完飯獎自己食左幾塊薯片~好開心~......星期二...好救命....今日都係好攰...我真係要搵野獎下自己!!食少少薯片少不了!!....星期三...唔知搞咩...一起身又爆頭痛又出疹...去左睇醫生俾左兩日病假我....星期四...今日都係病假....但又有一件驚嚇事發生左.....搞左7個鐘....真心驚嚇....呢啲事好似呢3年每年發生一次...可摸耳唔好再嚇我;(...我好細膽架咋......星期五....今日番工還好啦~...放工去左食che che~......星期六...一早起身去拜老豆...熱到個頭狂爆汗...拜完去左食文華東方個lounge~查實佢個lounge唔算好食XXXD....下午又行東行西做左好多野~夜晚食左鼎太豐~~



2019/10/12
Day 7---Part 1(日本,九州,福岡縣,福岡市 Japan,Kyushu,Fukuoka Ken,Fukuoka Shi)
好喇~訓醒出發食中午飯~聽講呢間係超長龍店~早D出發~由於已 經還左車~所以要搭公共交通啦~第一次搭福岡既地鐵~

買飛都唔難既~






我地由博多駅搭到去天神駅~係12號出口出~行一陣就會見到我地要食既長龍店割烹よし田...地址：福岡県福岡市中央区天神1丁目14−10...佢開11點半...我地係開店前半小時黎到...咦~又話超長龍店既?一個人都無喎~...唔知係咪個風非常接近九州...周圍都好大風...覺得如果企係度等佢開門會有少少凍~




行去隔離街買杯熱啡暖暖個身先~如果我去Lawson唔飲凍啡你知咩事!因為堅係凍!!!




當時新出~好想試但咁梗係無買啦~我最憎攞重野架嘛~不過其實依家澳門都有得買~好飲既~甜左D~




當時又係好想試...後悔無買到黎試~




仲有15分鐘開門~行番過去先~打你個肺~~~突然咁多人既~~~




過多10分鐘.....已經排到咁....直頭排到轉埋彎....本身我地係第一...衰在我無耐性....如果第一輪入唔到去食就慘喇...有排等!




感恩呀!第一輪入到!地下層係有櫈坐既...我地係坐3樓...坐真榻榻米!頂硬上!




餐牌~呢度係出名食鯛魚茶漬飯~....下圖係鯛魚飯食法~餐牌右一係名物鯛茶漬飯...右二係鯛茶漬飯+天婦羅?...右三係有1.5倍鯛魚既鯛茶漬飯...如此類推~





有英文餐牌~可以問佢攞黎睇~




我上網睇其他人講話只可叫一次野食唔可以加點...我無測試過~自己留意下~




我地簡簡單單就咁每人叫左個よし田名物 鯛茶...1,000円=71hkd...飯係任食既(好似)





wow~鯛魚被紫菜同漬汁包圍(叫漬汁好似怪怪的)...好似好靚仔~wasabi自己鐘意加幾多就幾多~其他野撈勻左佢先~





第一吃就咁食一塊先~鯛魚幾有彈性~好香而且越咬越有味~好味呀哀C~




二吃係鯛魚配熱辣辣飯同吃~一流~




三吃係配店家俾我地既茶同吃變茶漬飯~~~好正!D漬汁加茶變茶漬飯味道剛好~





唔夠味仲有魚鬆加~(我估係魚鬆XXXXD)...但我無加~




呢餐稅込價2,200円=156.9hkd...後悔無叫1.5倍鯛魚~有機會再去福岡會二訪~




兩間相連舖我相信係同一集團~個名好似~同埋佢有個大魚缸好多鯛魚XXXXXD唔小心合照左~




食飽飽係附近行下~都搵左D野行~




衝擊一：係天神搵左間Patagonia行...點知因為颱風今日唔開...





衝擊二：搵到間商場有undercover...歡天喜地~到左發現...成間商場無左...係夷為平地既無左XXXXXD!!!見唔見到哥個人失望既側面?




純行過見到好多布甸~試下~當時仲有萬聖節版布甸...但感覺有D伏...唔試~





然後我應該係叫左有咖啡啫哩既咖啡布甸~500円=35.7hkd...不過唔算好食~XXXXD...食完仲無水漱口搞到個口好酸XXXXD...根據我依家既觀察...其實隔離就係family mart...點解你兩個唔去買支水漱口?XXXXD





喂!好彩仲有間大國藥妝店(ダイコクドラッグ)我行下!...福岡縣福岡市中央區天神二丁目12-1...福岡得呢間有免稅~




有咩好野買?我一定一定要買呢個!我鐘意搽既潤唇膏~




大佬呀...398円=28.3hkd...大拿拿平過澳門一半!我次次去日本都大手入貨..為既就係唔使係澳門買浪費錢XXXD但...我D存貨就黎用完喇；[....我仲未去到日本.....




當時新出有綠茶味~貪得意買左支試下~仲未開~貴過其他味架!XXD....448円=31.9hkd




全部都係我以前必買...依家全部開始缺貨中；[....退熱貼就捱澳門貴貨；[







未見過買黎試下...但覺得效能一般~1,900円=135.5hkd...好彩唔貴~




賢者の食卓.....1,650円=117.6hkd...呢樣係唯一一樣依家係澳門平過日本買....而且唔使浪費個gip既位~因為澳門依家都係賣緊110mop=106.6hkd...係咪好過抬番黎~




買黎諗住刷下隻臭腳踭...最後用黎刷我花灑D水漬XXXXXD




幫菓子軒買牙刷~




肥薯條呀~不過我無買~




行完藥妝其實門口就係地鐵入口~原來天神個駅都有地下街~不過無野岩買~





突然明白點解我地去哥時點解福岡D酒店咁貴!





番到博多駅...出東4號出口




東4出口直接連住酒店B2層電梯!cool唔cool?










我係度諗緊...
如果Google退出香港...
咁我依家係度做緊咩?
就黎網都無得上........



2021/07/17的開心事：
做左好多野~
然後聽日又可以整天在家唔使出街~