九州自駕遊之旅2019-10-06第一天Part 2(天晴)

上星期一...中午求其煮啲野食~然後成個下午睇netflix套今際之國的有栖~~好睇~~夜晚去左同姑媽佢地食冬至飯~~....上星期二...迫自己一早起身XXXD...飲咖啡...寫下blog...中午媽媽買野我吃....下午同毛寶睇埋今際之國的有栖大結局...夜晚在家吃...晚上開飲酒P~......上星期三...番工咪番工囉~番一日之嘛~(但多野做到痴筋XXXD)....放左工去800伴食美食廣場...掃下超級市場啲貨~~.....上星期四...平安夜~...中午去左Lofi~~...食完就去左買一列為左下周番冷既禦寒物品...包括暖風機同1L既保温水樽...天氣預測得6度咋！好驚！....忙完一輪去左食日式烤肉慶祝~~番屋企睇左刻在你心底的名字.....上星期五....聖誕節~~中午係屋企食烏冬飲咖啡....之後係netflix睇左套西班牙戲叫mirage...夜晚帶左三隻小妖食玥龍軒~...硬係覺得佢依家啲服務怪怪的.....夜晚再睇多套永夜飄流......上星期六...中午食左後巷...然後買齊一大堆野上臭蜆豬度開生蠔p~~仲一邊睇全民造星決賽~~.....星期日....起身做家務...中午媽媽煮麵...食完飲咖啡再做家務...做到腰好似要就腰斷咁攰....夜晚屋企食.....星期一...番工喇番工喇~番3日半又放3日半喇~多野做但心存放假希望~.....星期二...好攰...算早訓但係訓既頭一個鐘係醒左10幾次~....星期三...好興奮!!!番埋今日聽日番半日就放假了!!!!......今晚有濕爬既joox live~.....星期四...今日番半日都幾多野做~~放左工貞同春艷請我地食the kitchen做收爐飯~多謝~然後一系列買野...夜晚食齋...再上去摸2020年最後一次既臭蜆~~....再回家同老夫人開除夕P~~...(好唔慣今年無仕燊陪我跨年:[....).......星期五....喂喂喂!一月一日呀!...由於話除夕同元旦係最凍既~所以我決定打爆個頭都唔出街~~中午整左兩個日本即食粥食~飲咖啡...寫下blog~(聽日多野做都係今日出blog好了~)...今晚決定左整意粉食同埋睇叱咤!(終於睇完叱咤第二日唔使番工~)



2019/10/06
Day 1---Part 2(澳門 Macau->日本,九州,福岡 Japan,Kyushu,Fukuoka->熊本縣熊本市 Kumamoto)
咁....煲左煲風生水起水又出發啦~個天好似已經日落咁款...其實又唔算好晏咋喎XXXD

黎到一個叫桜の馬場城彩苑既地方~地址：熊本市中央區二之丸1番1-1...Mapcode：29 459 891.66.....有停車場...200円=14.2hkd...





其實桜の馬場城彩苑呢個地方係大名鼎鼎既熊本城山腳下既一條仿古老街....係熊本城附設其中一個觀光設施







咁我梗係行左主角先啦...其實係城彩苑行過兩步就到~...熊本熊既熊本城(くまもとじょう)....(其實我無咩特別好鐘意行城堡既物體....但係熊本市內好像無咩行~)....雖然我唔特別鐘意...但.....熊本城因去年地震....關閉維修.....靜左~(係呀....我地去九州前一年熊本有大地震；[...)






就只能夠我偷偷看我偷偷望XXXXD





我地行到一個最接近到佢既位~合影一個~好彩我沒有很愛看...如果唔係可能我會喊XXD明明就自己出發前無上網看看XXXD




我地本身諗住係桜の馬場城彩苑行行逛逛食少少野....但...D野唔係好岩我地行呀...野食又無咩特別想食...走咯~




感覺好混吉feelXXXD~又揸車走咯~




毛寶揸車~我周圍望~熊本市內好似都幾多電車~好靚~





揸車去當時岩岩新開既Sakura Machi Kumamoto...地址：熊本縣熊本市中央區櫻町3番10號....Mapcode：29 459 592*17....有停車場...但唔係連住商場既...奇怪~要行番地面層行過隔離商場正門入~




唔得喇~食野先~揀左呢間竹乃屋 別館...係商場3樓~都幾多人等位~我地都等左幾分鐘~




呢度餐牌係日英中韓文都有XXXD唔使驚唔識叫~都幾多野食揀~叫左野食先上D小前菜~




叫左杯梅酒(前)...390円(稅拔)=27.7hkd...福岡產梅使用...一般般...不過夠平~...我仲叫左杯凍茶...100円(稅拔)=7.1hkd...




熊本天草產既地ダコのッ切リ....590円(稅拔)=41.9hkd...其實我係唔會特登叫八爪魚刺身食....唔知點解會叫左XXXXD...但係呢個唔錯~幾好味~




馬刺....690円(稅拔)=49hkd....馬肉刺身之前都有食過~唔知點解食落有D似魚味XXXD加D薑同蔥食....又有另一番風味~




呢個係赤鶏もも焼き 1人前...390円(稅拔)=27.7hkd....炭火烤雞腿肉呀喂~好黑....令我諗起上次四國哥隻分為"若雞"和"親雞"既骨付鳥....咸到痴筋....心有餘悸....但也一口咬下去...咦~唔係喎~呢個好味喎~有炭烤香味...雞肉嫩滑~雖然樣衰...但好味~推~





福岡特產~呢度都有得食~とりかわ(5本)...650円(稅拔)=46.2hkd....烤~雞~皮~開頭驚叫5支食唔哂...毛寶話：我最多幫你食一支架咋!......點知係細細支咁既~而且係烤得極度脆~超勁好食~最後毛寶食左兩支~





焼鯖魚...130円(稅拔)=9.2hkd...好平...烤得好好味~




再來呢個博多名物(我做咩食咁多福岡系既野?我地係熊本XXD)...博多もつ鍋(1人前)....990円(稅拔)=70.1hkd...牛腸鍋呀~(烏冬湯底)....砌到咁高XXXD




博多名物...我本身安排左番福岡時搵一既晚飯時去食牛腸鍋~(牛腸鍋專門店)....所以本身唔諗住係呢度叫...但毛寶話：係呢度叫個一人前試下先啦...食成餐牛腸鍋咁刺激!如果岩食先番去專門店再食!.......好彩有聽佢講.....因為食第一舊覺得好好食....再食多兩舊覺得牛腸好肥好漏~好彩呢度有得叫一人前熱下身....我想像唔到我成餐食牛腸鍋會變成點






睇下凍左佢油到




呢餐都唔錯~幾好食~食左4,983円(稅込)=353.8hkd...每人176.9hkd~




食飽飽諗住行下個商場...見到Mont Bell咪行下囉~為乜呢個人試帽試得咁老尷?不過我地咩都無買XXXD




我見到呢個覺得好正XXXD去野外...仲要磨墨寫毛筆字~~或者畫畫XXXD重點係裝水支野佢扮係日式外賣裝豉油D魚仔~~




商場無咩岩我地行~都係走喇~夜晚好早周圍就靜蠅蠅~




然後我地泊車番酒店附近...然後途步行過去shimotori下通商業街...諗住行下街食下宵夜~但....已經D舖關哂門又靜蠅蠅咁....er...家陣8點咋喎




算囉~行下便利店買野番去食算喇~呢個幾得意...有各地特色野食口味薯片...但係有成47都道府縣咪有排試XXXD




呢個我依家望到想試...但點解我哥時無買XXXD




當時近萬聖節~肥薯條出左黑色薯條XXXXD唔知咩味~買後試下~(買左直到去法國哥次旅行先食XXD)





呢個睇推介話呢個牛奶布甸好好食~入入入~




當時得令俾傳媒鋪天蓋地要試既~生巧克力雪糕~買買買~




呢個我都想試呀~~~(但無買...怕食唔哂)




花椒豉油味柿の種XXXD我諗起我地平時食打邊爐既豉油




好~試生巧克力先~好漏呀XXXD




再黎Ohayo牛奶布甸...又滑~又濃香奶味~我鐘意呀~下次再買~(係幾時?)




買埋呢兩隻糖俾司機食~右邊哥隻真係激酸~











2021/01/01的開心事：
話哂新一年!
所以我決定今日出blog喜慶下~~
祝各位happy new year~~~~
發生係我地各位身上都盡是好事~
病毒快快走~經濟轉番好~
快D可以安心去旅行玩~
舊年懶到寫唔切回顧添哈哈XXXXXD