My happy happy birthday 2010---Part 6(毛寶Portofino篇)

今日睇左套戲….煞破天劫(Unstoppable)….講架火車係人為疏忽下….高速行駛至一個鎮度….由於太過高速有可能令架火車脫軌….個故事就係講兩個男主角點樣救番個鎮….係美國架….仲話係真人真事改篇….幾好睇幾緊湊~今晚去左同carmen慶祝生日…食笑面府….好好味好飽~~好開心….我噚日都好乖架有打開個gip….執左少少野落去……..今晚….我都未想執….玩左成日好攰架嘛~



生日哥個夜晚…同寶寶係屋企影完懶懶熊之後…就去左氹仔venetian既Portofiano意大利餐食飯~毛寶請架~

麵包~整得幾靚…..但未夠好味….可能點麵包既醬唔太吸引

前菜送既~ok好食~有咸香火腿~

仲叫左一直都好想食既海鮮塔seafood tower黎食….好靚呀~

都ok架~好似480蚊…有8隻蠔…8隻蝦…8隻青口….仲有一隻龍蝦~蝦同青口都好好好好味呀….龍蝦都幾好味~



有生蠔既一面~~不過我覺得都係上次係美國食既哥d生蠔好食d~

個架下面仲有四隻醬揀~d醬都幾好味架~



除左seafood tower之外仲有叫到牛扒食…佢d牛扒都ok喎~

我地無叫其他野食喇…因為我地岩岩先食左懶懶熊生日蛋糕嘛~



呢個佢送既~哥杯野好似檸檬….但有強烈既酒精味~

有人個樣已經醉醺醺喇~



我地仲叫左兩杯法國既白酒黎品嚐海鮮~隻白酒ok喎~但唔記得牌子~

餐飯好好味呀~多謝你呀now闆~*3*我好開心好開心好開心~super~



呢張佢話…………….用個頭遮著個陳字話自己就係哥個天后喎……………..

華!!!!!!!!!!!!!!好靚的生日禮物呀~~~原來的那隻變大了~更閃更漂亮了

多謝你賣碑bee~(呢個時候我特別好口~)我發覺今年d禮物都好玩命………全部人都癲哂……………………………*3**3**3**3*



過左我生日成個月….仲有禮物收….真係好~多謝阿泉~

我好鐘意…..好似無人試過生日送水晶球俾我…係幾米既向左走向右走~

噚晚仲等我搵番向左走向右走本書出黎睇睇…….一翻開哥頁就寫：人生總有許多的巧合，兩條平行線也可能會有交會的一天。……..但可惜既係….睇完全本書….男女主角最後都係無再相遇………………真係永遠一個向左走向右走



仲有連埋音樂盒架……等我仲不停咁搖佢睇佢d閃粉….原來一扭個音樂盒佢裏面成個景會轉~連d閃粉都一齊飛起….好靚~原來家陣d水晶球進化到咁架喇?不過首歌係cats既memory….好似有d古怪…如果係配上孫燕姿既遇見…..仲襯~

唔知我有無講過….其實我係好鐘意望住d有規律既野發呆….見到時鐘會望….見到水流會望…..望住呢個識轉既水晶球…..又發呆……發呆真係好舒服~多謝







報時：距離新加坡肉骨茶之旅仲有—-1日~

真係出發喇~~今次同埋媽媽一齊去就放心哂~

唔使擔心佢一個人係屋企吽臭~

希望我地順順利利~天氣好~想去既地方都去到

想食既都食到~唔…..仲有想買既野都買到~~

好呀好呀~~好開心呀~~~

又有四日唔見大家喇~~

星期一就會搭朝早七點機場船過香港

好緊張呀~~大家等我帶d肉骨茶同海南雞飯番黎喇~~

拜拜~