Hard Rock Hotel下午茶tea set

噚日朝早陪媽媽番大陸…….一早起身….搞到噚日同今日都好攰…..夜晚就去左睇Twins…..今日就去左拜爸爸同埋食下野…..買下禮物……不過中途發生左一件好驚險既事……..令大家三魂唔見七魄咁…..但係有驚無險…….最後好彩大家都無事….不過諗番都有d驚驚….岩岩發生到依家我不停咁諗番頭先哥種感覺…..我已經係咁…..何況係你本人…慘慘



好似係放緊大假既時候….有一個星期日約埋carmen同crystal去COD間Hard Rock Hotel既R BAR飲左個下午tea~

128蚊兩位用..都幾抵~即係60幾蚊一個人…..酒店下午茶…可以接受~



有杯野飲既…..我揀左杯Mocha飲…其實我好少揀咖啡類既…

我都唔知點解揀左佢…..不過我覺得麻麻地……朱古味唔夠濃香



其實我地係為左呢個咁搞野既結他層架而黎架~~~~~~~~~

呢度有兩set係度….因為我地有四個人~



哈哈~~~佢攞兩set結他出黎既時候真係好震撼呀~~~~~~~~~~~~

介紹下有咩野食先…有3層…第1層係：英式鬆餅配草莓果醬及意大利軟芝士

個鬆餅…..唔好有期望…..個軟芝士..無咩味….果醬都幾好味~



第二層：煙三交魚法包同埋火腿芝士三文治同埋

煙三文魚好好味….另外哥個就普通野囉~



第三層：朱古力布朗尼..香蕉蛋糕..甘筍蛋糕同埋紐約芝士蛋糕

我覺得個芝士蛋糕ok既…不過其中一個好難食呀….唔知咩味….好似橙皮味….嘔…不過佢地個個都話幾好味喎…變態…..最後哥個香蕉蛋糕幾好味喎…………..即係話呢….呢度個tea set係好抵既….可以食飽飽既…..但味道就係中等啦~勝在個架好玩…..切合Hard Rock Hotel呀~報告完畢~







小朋友….小寶貝….

無論發生咩事….我都會係你身邊撐你!!!

雖然我自己頭先都嚇得說不出話來同無乜幫到手…

只怪我太無用….飲番匙念慈奄定定驚先~



今日太驚…唔post歌住喇…



報時：距離新加坡肉骨茶之旅仲有—-7日~

一個禮拜咋….我地都要加油呀!!

就黎去旅行喇~