新加坡熱辣辣之旅2010/11/22第一天Part1(天晴)

華~我今朝一起身….發現……噚日捧完紮花…..兩隻手今日都肌肉痛……發現姨媽影d相係最靚~哈哈….靚機果然係唔同d~….起身去左拜爸爸….攞d新加坡蝦春卷俾爸爸(老豆最愛:])……拜完老豆之後就去左食安琪兒~~好好味呀~~~~~又去左宏達睇書……買左本書….夜晚同姑媽佢地一齊食飯…..今日簡簡單單….就係咁過左…..聽日又開始番工喇…俾心機~~~~~知道阿家番左黎香港喇…咁就快見到佢啦~



2010-11-22

Day 1—-Part 1(澳門->香港->新加坡)

哈哈~~同上次一樣….搭十點五機….所以搭到最早既七點鐘機場船~見到嘛…我今次都係用呢個型仔既黑色gipgip~好可惜….這個小貞送給我的型仔gipgip….去到新加坡之後…..變左跛豪…….其中一隻腳…..斷左……………….好心痛

佢陪左我四次旅行…..埃及…台灣….西葡…新加坡…..可以話非洲歐洲都行過下……點估到堅強既佢…..去到東南亞先斷腳???可憐~




四點半起身….六點鐘出到機場….睇下呢三條女有幾眼訓~

今次既成員有：我…媽媽…毛寶~



呵呵~又可以試下新既航空公司喇~~新加坡航空公司(singapore airlines)

我咁留意d航空公司….應該不外乎….係為左飛機餐~



食番個靚早餐先~~~竟然俾我地見到機場禁區裏面依家有翠華喎!!!!食個奶油豬仔包餐先…..包+野飲…..28蚊咋!!!禁區去邊度搵d咁好味又咁平既野呀

麵都好好味呀~~~~~個包真係好正呀~~~~~~~我以後係禁區都會食~~~~不過only係廿幾號閘口先有……過左唔知三十幾號又要轉d skytrain先過到黎~~~



受衝上雲霄既影響……強烈喜愛機場~

哈哈~又呃班女陪我入disney store~我話：我想要唔買既…都要影…

寶說：咁我咪好唔掂?……………….我特別鐘意薑餅化身既米老屎~kawaii既呢~



今次去到21號閘口~~新加坡~~我第一次去咋~~

個閘口今次仲唔使行咁遠tim~~perfect~



我地今次搭既飛機呀~~yeah~~~~

hehehehe~~~今次都係用特區護照~我本申請左一年既護照已經有4個國家既吸印喇~~~期待換證前可以吸滿佢~~

起飛lu~新航d機位都幾闊~唔係A380已經好好!!真係好想坐A380呀!!!其實我地個Package有得揀坐A380既….不過….d時間好醜樣….去哥程係下晝4點幾……番黎哥程係朝早七點………………….所以放棄左~

今次一坐低既餐前飲料我已經揀飲白酒~隻白酒勁fruity~~好好飲

個餐牌上面寫左兩隻白酒：Chardonnay同埋Riesling….我無問佢係咩名…不過我會去超級市場睇下有無呢兩隻牌子買哂番屋企試~連d花生都香脆過人~~



yeah~~~到我最愛—-飛機餐喇~~前菜煙燻鮭魚馬鈴薯沙律…主菜羅勒醬炒雞伴以烤菜和馬鈴薯….仲有佢d芝士好好味呀~~

個餐飲我見餐牌有cocktail叫…所以我叫左杯singapore sling~唔錯~~我覺得叫酒飲先唔蝕~(臭酒鬼~)…..d空姐都好有禮貌~



仲有甜品係haagen dazs朱古力雪糕呀~~~~~~~~~~~~~~~~~~

佢d戲都ok新….已經有inception同salt睇~好過上次法航好多~仲有好多任天堂game都有得打….包括mario~



hello~singapore~坐左四個幾鐘就到左新加坡~~1430到達~

咦…..幾好天咁喎……之前我地出發睇天氣報告……係…雷暴…………………哈哈….又開始追連續劇喇你地~~希望唔會悶親你地啦~不過呢個係短劇je~無上次西葡長劇咁長~







今日去買香蠋拜爸爸時…..

個老闆娘話：咦….你都個個禮拜拜你老豆架喎

我：係呀….我掛住佢呀嘛

老闆娘：係呀….係老豆一定好錫你

我：係呀….我老豆鍚到我燶架

老闆娘：無辦法啦….你老豆走得咁突然….

係呀……我仲唔係好想像到我老豆唔係我身邊…..爸爸真係好鍚我地…..佢係一個好人…一個好爸爸…一個好老公……我成日都好掛住佢…所以我個個禮拜去拜佢….我真係…好掛住你呀…..爸爸;[



今日同毛寶食中午飯時就係到講….

出年既旅行(hehehe~已經計劃中)

要放邊幾日假……

仲有講….希望未來既半年…可以儲到幾多錢

希望我可以做到~