毛寶寶生日派對2010---Part 1

呀………………….噚晚訓覺哥時已經頭痛….諗住食粒藥訓就最穩陣….點知半夜醒左發現食左仲痛過唔食哥陣時…..終於訓下醒下捱到天光….諗住起身睇醫生….點知一起身又嘔左兩次……落街諗住搭的士…..點知七點幾….學生哥番學…一架的士都無…..唯有行上去山頂…..一路行…..d北風不停吹我身驅…….好凍呀….上到去等左一陣就有得睇…..個醫生問我咩事….我話頭好痛同埋嘔…..醫生話：好嚴重喎………我：唔係呀下…我成日都係咁架喎……….醫生：咁好大件事喎…仲要成日都係咁???…………..搞到我好驚….之後佢就叫我放鬆當我個頭係波咁玩…不停咁扭黎扭去……….又用支電筒不停咁係我眼前不停fing黎fing去……問我有咩feel…我話好暈好想嘔…..最後佢都唔知咩事咁就話同我打止嘔針……諗多一陣又問我：你係點樣嘔??……….我諗左一陣….點樣嘔….我點樣答先岩??有好多種嘔法…..正當我諗緊………靜左一陣..佢再問我：你係咪噴住嘔??…..我：唔係呀…咪普通嘔囉………佢再話問食藥丸怕唔怕嘔…..我就話應該唔怕…佢又諗一陣…..咁都係唔好打針喇…就咁食藥啦….我都唔明有時d醫生講到好嚴重..有時d醫生又唔理我…….番到屋企又嘔多次….今日都無胃口淨係食左幾塊磅包咋……幾時先搣甩散仔雯呢個名??我呢個禮拜已經吞左八粒止痛藥落肚喇….希望真係唔傷腸胃啦



生日快樂~呢一日係毛寶生日之前一日~我地同佢慶祝生日既晚宴….揀左間新野試下…..就係西環咖哩屋同美心亨利隔離哥間新開既日本餐….我唔記得叫咩名喇~因為個名好似好難記~佢d裝修都唔錯既….出面對住既環境都ok(對住西環湖同觀光塔….佢地上次食過係哥度睇埋燒煙花~)不過食野既種類就比較少…..哥日我地叫左個刺身拼盆……唔….我覺得麻麻地je~

其實個重點推介係佢地個咖喱飯!!!!好好味!!!!佢d咖哩辣度分左五級!!我地試過第二第三級……好似係第二級既兔仔級比較好食(係呀佢係用動物黎分等級~)….第三級我唔記得係咩動物tim…好似係狼….我咁鐘意食辣我都頂唔順…..上面哥個係兔仔級既咖哩豬扒飯(好好味~)…下圖係狼級既咖哩牛肉飯(辣)….

一個飯五十幾蚊….以呢個質素黎講……個飯既價錢算係ok~



仲有其他小食….好似雞奕…茄子蝦天婦羅…都係麻麻地………….

仲有呢個類似牛肉刺身…有d半生熟咁樣….不過我覺得佢個邊肥得滯

都要成220蚊度….同類型既野我會選擇食比薩既t-bone多d~五個人食左七百幾蚊…..又唔算太貴…都食得飽….總括黎講呢間野我諗我會再幫襯….但只限於佢既咖哩飯…..其他哥d都唔會再試lu~因為咖哩飯最好味同最抵~



出席既靚小姐有呢幾位~~~~~~~

大會致送生日禮物俾毛寶小朋友….真係好似一個電磁爐呀………..

其實係一個外置hard disk…..都幾實用架~



之後我地就一齊搵甜品食…去左氹仔一間新新地既自助乳酪….

香港都開左呢d好耐架喇….我地依家先有……..自助乳酩係你鐘意要咩味乳酪要幾多要咩配料都係自己整…..加到最後攞去俾佢磅….以重量多少黎俾錢…..佢呢個好似100克15蚊



我之前去美國哥時都有試過…..d配料超多又靚d生果又新鮮

佢呢度超少選擇…..仲要樣樣都好似用淨咁…….



見毛寶請我地食飯咁好我就請佢食甜品….點知呢兩個加埋……..

要成八十七蚊囉!!!!!!!!!!!!!!!!!我已經知道其實咁磅都好重….唔加咁多野…..都可以貴成咁……又唔係好食…..我去食Haagen Dazs好過…….如果你想試下新野…真係要小心d………唔好咁貪心落咁多野….以我所知….高士德都有一間







番到屋企訓左陣….起身..

諗住開下個電腦…..

個仆街竟然係我銀包咁艱難既時候同我講佢壤左…

都唔識同個主人共渡時艱…..

經過多方面既絢問…肥輝話可能個火牛燒左或者底板壞

佢話如果個底板壞可能要成兩千蚊先整得好…

下?!兩千蚊…..我決定左唔整……廿蚊我攞起都有困難….

最後我求救阿bean

原來只係火牛燒左同條唔知咩線壞…..

多謝你幫我整番好部仆街電腦呀電腦醫生~

依家換左個火牛….成部電腦靜哂……

我有d唔認得佢呀……



報時：距離新加坡肉骨茶之旅仲有—-17日~