食玩訓西葡之旅20100923第十&十一天Part3(晴天)

今日放假真係爽yy囉~訓到十一點鬆d…..起身睇一陣電視……又睇”衝上雲霄”….吳鎮宇真係好有型~同埋陳奕迅首歲月如歌…….真係襯絕~今日個blog既background都好有衝上雲霄feel~之後去左食野…食飽飽就去左探好耐無見既柏仔~~仲係咁靚仔….但都仲係咁臭…………..之後仲去左毛寶屋企幫我剪左頭髮~又變番短短….不過依家洗完頭之後自我感覺良好~~唔該哂親愛的寶寶~因為最緊要係唔使錢$$$$$$$哈哈~今日仲大破慳囊….買左本書…….我平時都有買開亦舒d書黎睇….竟然俾我發現我無買到最新哥本既之前一本….最新哥本都出左成兩個月….我竟然依家先發現無買再之前一本….太差勁……….




2010-09-24~25

Day 10&11—-Part 3(西班牙巴塞隆那->法國巴黎->香港->澳門)

食飽左中午飯就出發去機場….但係等d團友退稅等到人傻囉…….我地又無買名牌…等佢地等左成個幾鐘……我地發現西班牙個機場同香港個機場好似….仲有好多野買tim…..不過由於等退稅既團友…..所以已經無時間買野….

臨上機有個團友話：我真係忍唔住問下你…你係咪今年岩岩18歲??………………………哈哈….如果你覺得我講呢段說話係認緊叻….我係呀~




上機lu~byebye西班牙……咁就完左十一日既旅行….

實在太肚餓…..佢派咩我就食咩……………….不過都唔係太好食

個幾鐘頭機到左法國…..差唔多日落lu~

之後等左兩個幾鐘又上機….好野~又到飛機餐時間…….見到有得飲香檳梗係唔執輸啦……於是我就同空姐講我想要杯香檳….點知個空姐問我：may i ask your age?…..我：………..下……..i am 25 already……………………空姐：i am sorry!!!!!!!you look so young…………………………如果你認為我都係有認叻….我認~

呢程機訓到癲…無想像中咁難過…起身..又食野~

不過air法蘭西既降落真係唔係好得…..最尾哥次直頭震到d器官散……………

飛左萬幾公里終於飛到番香港…..再搭多程機場船就番到屋企lu~見到可愛既媽媽~




總結一下今次既旅行：

1.跟勝景遊(Kuoni)團費16999+小費1320+稅項&燃油附加費2520=hkd20839….我個人黎講係無乜點使錢…..最貴哥樣使費就係flamingo….45euro….加埋其他食野買手信…..超慳咁使左2800hkd……全因我地都無買名牌……買手信又知慳識儉咁去平價超市~好叻

2.法航真係信唔過….出發之前已經聽到佢地罷工….又係因為個延長退休法案….早我地之前一日出發既其中一團….就撞正佢地罷工…回程係法國機場等左足足兩日…………頭都臭埋…….依家又話罷工緊喇…..如果我再十一月去歐洲既話一定好驚………………..如果可以既話我下次跟團都盡量唔揀air法蘭西….如果我係自遊行…..張機票點平我都唔揀佢….

3.又識到班好好玩既團友….又係一大收獲~

4.點解我今次叫呢個旅程做食玩訓….因為太多長途車坐……坐車梗係訓覺啦….訓醒又會食中午飯…..食完中午飯又去玩…..所以咪改個咁既名囉…..不過我覺得自己大部份相個樣都唔係咁好….原因應該係岩岩訓醒…又要人影相既緣故…..

5.去完呢次旅行…..好想即時再去多個好勁既旅行…..所以我要慳錢

6.呢次係我最長既一次遊記….寫左成個月先寫得哂….恐怖~




完滿結束喇今次既旅程…..請期待下次旅程既遊記…聽日開始又繼續寫番我既生活小故事喇~希望大家聽日都仲繼續聽我up廢話啦~

~~~~The End~~~~

好衰架…

我阿媽同我講話出年不如一齊去北歐睇午夜太陽….

係畢業禮物喎…..

之前係老豆話請我去架….

我問佢依家係咪夫債妻還……不過你又唔驅喎~哈哈~

有得去就好喇~不過出年d假唔知生唔生性呢…..




報時：距離新加坡肉骨茶之旅仲有—-19日~

呢次都未去…..我已經個腦又諗緊下一次喇……………