第三個生日飯局…同公司d同事們食飯~
去左觀光塔間singing bean食飯….不過得好少野食….pizza呀…意粉哥d咁樣….不過都幾好味既….最衰佢d侍應既態度懶散….激到我呀…
好開心…今日呢個生日蛋糕係waiwai親手整架….不過….見唔見到個名牌呀….係我….毛寶…臭男人三個一齊架囉…..慳皮…佢地兩個生日都過哂…
我地仲笑佢不如下年整一個就慶祝哂全部人啦…哈哈….超勁呀…呢個係一個籃莓雪糕蛋糕…仲要係朱古力脆皮….痴線架!!!!點整架….仲要好好味tim!!!!!
一個壽星仔+兩個過氣壽星仔~
就係呢個犀利既女人整俾我地架喇~多謝waiwai~好好味呀~
我先係主角黎架…..哼~~~~~~~
唔知親手整既蛋糕會唔會特別靈既呢??希望我地三個既願望都會實現~
呢條女踩我場!!!係我個生日會上面仲有生日禮物收!!!
到我收禮物喇….emi送我想買好耐既Jill Stuart既胭脂
好靚架~~~我超鐘意佢個掃~多謝emi
ada就咁岩又係送呢個牌子俾我..係潤唇膏
多謝ada~仲有個化妝盒送…真係好靚好少女呀~用左我真係覺得自己好似公主呀~(嘔)………….
仲有小貞和elsa的外置hard disk….超有用~仲有個雞雞貼~我依家用緊~
另外sa外加這條手鏈給我~多謝貞貞和sasa~
仲有mina~知我成日用~送我高級電鬈睫毛棒一支~謝謝妹妹
仲有呢樣意想不到~我第一次收到~Twins澳門站演唱會~
多謝小i~waiwai~仲有阿賢~~第一次收演唱會飛做生日禮物~~真係估你地唔到~~~超驚喜~~~Twins既歌真係陪住我成長(講到自己好細咁~)
唔………
依家好似有d矛盾tim…..
一方面我好想時間行快d…可以俾我望到去旅行既時候…
另一方面……我又想d時間行慢d
因為….
我依家仲可以講：我同爸爸點點點…..咪三個幾月前既事囉…
我同爸爸既回憶…….仲可以追溯番幾個月前既野…
我唔想時間行得太快…..令我對爸爸既回憶…..越黎越遠
只可以講：我同爸爸點點點……好幾年之前喇….
我真係唔想……你同我相處既時間……隔得越黎越遠
如果有睇我個blog既人…..我真心想同大家講一句
有機會同爸爸媽媽一齊食飯既時候…真係好好把握
因為…我依家只可以…..同媽媽一齊
望住佢張相同佢一齊食飯……. ;]
不過….我依家都仲係覺得自己好幸福
我擁有好多野…..包括快樂
雖然缺了一塊碎片…叫爸爸…
我寧願唔要加人工…..唔要依家我所享有既物質
換爸爸番黎….但我知唔得….
所以我會活在當下….珍惜我依家有既:]
噚日我講一個男人等一個女人三年係癲既….
都有少少回響喎哈哈~(少少je)
睇黎大家都可能等緊一個人咁……
點解我會話癲既……
因為我之前試過等一個人等左一年零八個月
我好知當中哥種滋味…..真係好難受….
所以…佢比我等得仲耐……….真係能人所不能
所以王祖藍….你好勁….證明你真係好愛呢個女仔
佢仲話…..佢開始留意呢個女仔….係一次教完佢廣東話之後
發現佢個袋裏面袋住既…唔係化妝袋..
係……..一本聖經(王祖藍同李亞男都係基督徒):]
報時：距離新加坡肉骨茶之旅仲有—-4日咋~~~~~~~~
好緊張呀~~~~~~~我要食好多野~~~~~~~~~~
聽晚好開心呀~~去食大閘蟹~~~
又係…….等我報告~
不過應該去完新加坡先報導到喇~
沒有留言:
張貼留言