六公子峴港嘆世界之旅2019-04-06第三天Part2(晴天)

星期日....中午買左passion外賣...不過我覺得佢差左~亮點係我自己沖左杯長黑黎送甜品~噚晚沖有D呢hea...今日有少少成就~等我星期五去買D咖啡粉先~食飽飽又去左日本(Daiso)掃貨~~買少少廚房野~夜晚叫左刁廚外賣~......星期一...我今日番工換左4個工作崗位...累趴.....呢日一早暫居地發生左一件非常駭人既事......星期二...噚晚勁攰...攰到我睇緊法證烏冬時已經訓著左....最後頂唔順....10點前已睡....直睡到今朝番工...到底我累甚麼?訓左咁多...我決定獎自己食牛脷蛋豬仔包XXD(好似唔關事XXD)......中午訓醒接既第一個客係一個好臭串上左年紀未婚又有公主病既女公務員....上左年紀未婚女公務員唔可怕...可怕既係有公主病XXD...淨係識留難比你弱(年紀)小可愛的...好吧~陪你玩一下下吧~...星期三....噚晚又係一早訓....但今日中午係公司食飽飯又係訓到成個人斜哂XXD有咁眼訓嘛?我唔確定自己有無鼻塞XXD.....星期四....今晚又俾裝修哥啲人推卸責任激到我紮紮跳.....仲要大番我轉頭...本身我好開心架嘛中午食左kfcXXD.....星期五.....朝早有人請我食肥仔記呀!!好開心!!然後俾個聲大大既同事串X我...但你認為我好蝦嗎?.....放工去左行daiso....又當自己去左轉日本...悲不悲哀?....買左外賣番去食....再飲少少玄米茶...又當自己去左轉日本....噚晚設計裝修公司班人串XX咁回我微訊...你以為我會放過你嗎?????雖然我好怕煩...但為免你以為無人回你就等如你KO了我.....我也不跟你客氣了....一路以黎...忍得既我都忍...一直唔該前唔該後....換黎係乜?係佢以為你係笨X呀!正所謂話你戇X又驚你嬲.....自己唔啱仲大我(下刪七萬鬧佢既字)......星期六......去買午餐時順路行埋去Bloom買咖啡豆~佢仲即場幫我磨埋~買左兩隻黎試~兩隻都超香~買左八分目外賣番舊居吃~吃完又自製長黑嘆下~咁樣自己整咖啡我應該慳番好多錢~(前提我要用1780買部咖啡機先~)....之後去買被買衫買植物~好忙~跟住毛寶幫我剪頭毛~好彩呢日早左少少起身~做左好多野感覺好充實~~夜晚痴痴貢~



2019/04/06
Day 3---Part 2(越南,峴港 Vietnam,Da Nang)
好啦~食完越南Pho我地途步行去我地既景點喇~呢段路堅堅堅熱!我成個頭濕哂!我地行到黎呢個號稱粉紅教堂既耶穌聖心主教座堂(Nhà thờ Thánh Tâm Chúa Giêsu)...呢個IG應該都好常見既景點~地址：156 Đường Trần Phú, Hải Châu 1, Hải Châu, Đà Nẵng 550000 Vietnam





都幾多人來~周圍影影網美照先~





呢個時間熱到痴哂線!!我狂躲在樹蔭下影咋XXXXD




齋影外圍~無入內~






實在係太熱~決定去抖一抖~啡一啡佢~(你地食完頭先哥餐有幾耐呀XXXXD)...毛寶揀左呢間Wonderlust~地址：96 Đường Trần Phú, Hải Châu 1, Hải Châu, Đà Nẵng 550000 Vietnam




入到去...華~人頭湧湧~




諗住搵左位坐低先~用自然光都幾夠光猛...係2樓搵左個位坐低....但.....點解好似無冷氣咁既?!....唯有落番一樓...好少少....但真係好少少架咋!你諗下...佢熱到同室外一樣咁焗...但係室內喎!cafe結合埋時裝店同精品店~






我地搵到位坐門口涼少少~咁就去買野飲先啦~




叫左飲品叫左野食再諗住叫下蛋糕仔啦~就咁睇蛋糕櫃叫咋~但係望樣係平實型~




我地坐左係一幅網紅牆隔離(網紅牆是我自己說的XXD)....同埋...呢間咖啡係韓國人開架!




講左野食先~蛋糕有Cheese Cake(40,000VND=16.3mop)...Passtion Cake(27,000VND=11mop)...Lemon Tart(25,000=10.2mop)...Mocha Cake(27,000VND=11mop)....Red Velvet(25,000=10.2mop)......最貴才16.3mop....但...全部一般...不論外表同味道~







Stir Fry Corn...37,000VND=15mop....係cafe食粟米感覺有D怪異XXXXD俾粟米怪掃哂




French Fries with Sauce...37,000VND=15mop...呢個掂呀!!除左薯條炸得好食之外...哥兩個醬係車打芝士同埋是拉差辣醬!...估唔到薯條同是拉差咁夾!!




先黎一杯Ice Coconut Caramel Macchiato..55,000VND=22.4mop....偷飲人地一啖...咦..掂喎!啡正喎!同埋呢個價...OK喎!




我決定用網紅牆向佢致敬!靚!




毛寶既Iced Vietnamese Milk Coffe...55,000VND=22.4mop...又係正!啡味濃唔怕過甜~




我既我既我既!Iced Blended Coconut Latte...55,000VND=22.4mop




係喎我要投訴呀我話影相要人幫呀...哥個人唔幫我淨係掛住傾計同飲啡呀...係凱公子見我咁可憐幫我倒啡咋!我唔講哥個人係邊個!我唔講!(係呀~我係同方丈一樣咁小氣架喇~)





佢除左網紅牆出色...仲有一盆龜背超級靚!我決定俾多幾張相佢出~連埋杯啡真係勁靚~好靚~同我同仕燊一樣~出色~






我覺呢個係極度極度好飲!!!極度推介!!呢度既椰啡味配得超好~兩樣都出味~同埋我想講呢間D啡味好岩我~因為我唔鐘意偏酸味既啡~真係好出色!




呢餐嘆啡食左492,000VND=200.1mop...每人才33.3mop...離哂譜呀!平到!D啡又出色!大推wonderlust!




由於佢D啡太正...我決定買佢D咖啡粉番澳門自己沖!每包85,000VND=34.6mop...用佢黎整過double expresso...非常出色~




臨走...麥公子話要買杯行住飲...揀左韓國人既最愛阿咩呢筋勞....韓國人妻真係識揀...我覺得好正~




好啦飲完冰冰涼既咖啡~又行去下一個景點~就係Hàn Market......地址：119 Đường Trần Phú, Hải Châu 1, Hải Châu, Đà Nẵng 550000 Vietnam




佢外圍D舖頭有好多籐織野賣~D女仔又圍住黎睇~其實都唔錯架!除左袋有家品類添...最衰當時我仲未開始裝修...如果唔係個gip咁吉實買D黎可以係屋企用~





臨行入Hàn Market前見到...咦!好吸引喎~




佢有個炭爐熱住D好多汁汁既肉.....然後D法包又圍係炭爐邊keep住烤~




實在忍住喇!買買買!(距離嘆啡同越南Pho有幾耐?XXXXD)...佢D肉你有無覺得好誘人~~




每個20,000VND=8.1mop...痴線架!勁好味!法包烤得剛好~D肉個味好正正子呀~~~加埋D香料...有少少辣辣地既~越式法包體驗~get~!只可惜如此出色又價格合理既越式法包得越南有~如果平時番工有呢個包加杯淨啡...真係上上既享受~




好啦~食住法包行入Market~




個Market有好多唔同既手信舖~我地唔知點解就行左過左手邊哥間開結選購~





有幾樣係出發前諗好左要買既~其中一樣網紅產品係呢樣!即沖哥D越式Coconut Cappuccino~




同系列仲有榴槤味....我...係無買XXD因為我唔飲即沖啡~覺得好甜好肥~....根據有買既人講：好難飲XXXXXXXXXXD....網紅系列~自己諗~




黎到越南~又見到貓屎咖啡粉...我七上八落...事頭婆見我七上八落之下...話送個越南滴滴咖啡過我玩XXXD咁呀..好啦~幫襯你一包啦~一包220,000VND=89.5mop...後尾我Post上IG俾銀佬見到佢問我知唔知其實貓屎咖啡好殘忍...我話我都知一杯平時賣好貴...但係呢包賣89.5mop真極都有限XXXXD所以我先買黎搞下笑~




仲有仲有~主席吩咐我叫我買既~佢話好好用~好多野都可以搽~最過癮係可以用3盒砌番成隻老虎~




女仔買得好開心~事頭婆都樂意俾折頭既~附上卡片俾大家參考下~








2020/03/28的開心事：
買左兩包勁香香既咖啡豆~



報時：距離泰國曼谷揼揼揼之旅仲有---90日~
報時：距離七公子台北帥氣行之旅仲有---193日~