六公子峴港嘆世界之旅2019-04-05第二天Part3(晴天)

星期日....中午又上左屋企睇....買外賣食後....逐樣逐樣日本住宿..酒店..租車取消...因為澳門宣佈埋日本回澳需14日居家隔離.......算喇算喇~搞掂左之後覺得好攰又耍廢訓晏覺~夜晚回家吃.......星期一....今日有個講普通話既客同我講:你說話好好聽喔~........好鬼衰架讚人既.....星期二...突然決定幾時搬番去舊屋XXD好開心呀~我要用新野~~無得去旅行...我要當係屋企北歐風地渡假!!!嘆下午茶~煮靚早餐~.....星期三....凌晨又頭痛痛醒...起身食左止痛藥又訓唔番...個遊戲好難玩...成日都呆下呆下咁番工...放工行番暫居地時獎自己聽兩次日光......星期四...好開心呀訂左部咖啡機同抽濕機~~又窮喇~~~但咁窮下個月中有ot番又唔報名XXD咩je...要執屋丫嘛~~星期五...好開心..周五..約左毛寶買老麥番舊屋食~毛寶講左一句令我好安慰既說話:係呢度好舒服!!......令我一年既裝修之路個心得到慰藉~好想快啲搬番入去呀~~.......星期六....朝早去左找除甲醛尾數~又一洗如貧~中午去左食Padre....然後去左買香薰機去攞埋d床單~再去買清潔用品聽日清潔清潔一番~~~~夜晚痴痴貢~~



2019/04/05
Day 2---Part 3(越南,峴港 Vietnam,Da Nang)
上番車再次出發....家陣呢個時間外面係酷熱呀大佬~





我記得巴拿山去會安(Hội An)都應該超過1小時車程...因為我好似有呼呼入睡過XXXD~




大概...我估...係一個古城遊覽區~(唔該哂你既介紹XXXD)...有D賣當地特色既手信舖~







又有一間連鎖店喎!但我估唔到係你XXXD




頭一段路就係英愛帶住我地行既~




然後有行過廟橋(來遠橋)又叫日本橋.....呢個位好似有睇到入場券既物體...但極爆多人我都唔知佢點睇...仲有帶我地行下廣肇會館~








又有靚磚~





參觀完就自由活動一番~我地個One Day Tour阿英愛話本身係去一個指定地方包一杯越南咖啡~但我地想自己搵Cafe坐下~於是英愛話退哥杯咖啡錢我地自己去其他地方飲~毛寶一早搵左間去嘆嘆~仲帶我地行下D小巷穿黎插去(安全的...而且日光光猛~)....好勁呀~原來你除左可以做泰仔仲可以做越仔~






揀左呢間The Espresso Station...地址：28/2 Trần Hưng Đạo, Phường Minh An, Hội An, Quảng Nam, Vietnam





我無行過入佢室內唔知咩環境~但戶外位不錯~而且有D黃昏Feel無咁熱喇~







華~女車手呀~女華Dee呀~烈火戰車呀~好有型呀~XXXXXD...影哥時杯唔知架XXXXD因為個頭盔係隔離枱哥個人架~




黎越南之前已經知越南D Cafe好興飲椰子咖啡~雖然我平時飲齋啡~不過都要入鄉隨俗一番~




Coconut Coffee...55,000VND=22.4mop...平!好平!睇下佢描述先：Coconut cream blended with condensed milk and ice, topped with espresso....係幾清既隻味~不過我稍嫌佢椰味唔夠出~(你飲椰子咖啡都係想飲椰味je~如果唔係飲齋啡咪得囉~)





毛寶叫左Iced cube coffee.....55,000VND=22.4mop....查實毛寶家陣都係飲齋啡~唔知佢同我一樣搞咩XXXD....係平囉都係~口味我忘了~




Dark soul latte....55,000VND=22.4mop....黑munk munk咁係幾特別~但飲落其實同普通latte無分別~




華!好有型呀我!查實呢度都幾好拍~但咖啡口味我麻麻~








我又帥~公子s又帥~





我地都有多功能公子~XXXD




純飲咖啡~飲左330,000VND=134.2mop....每人廿幾蚊hehehaha大半個鐘~很可以~




飲完咖啡阿越仔又帶我地穿越特色小巷~








係要去食雞飯呀~不過行到去毛寶原先搵哥間唔見...但附近都有好幾間食雞飯的~好~試試看~我地搵左間最多人食既~眼看都係本地人~




我諗間野堅地道...因為只識越南文英文也不能溝通~相中睇凱公子同店員傾得頭頭是道咁~XXXXXD...都無相干~反正專賣雞飯...你同佢講要幾個好了XXXXD






雞飯每個35,000VND=14.2mop...份量唔算好大...但14.2mop算係好平...飯味正...雞係雞絲狀...鞋雞質地...但好有雞味~我覺得唔錯好食~有D瓜絲狀既沙律跟..(我忘了係咩瓜XXXD)...仲有個湯~






有個公子說：唉呀....我唔係太餓呀...有無人可以同我Share呀?....公子s：你咪自己食半個囉我要食一個呀.....我唔開名喇~呢個人成日話自己食唔哂但偏偏可以食左一隻牛既人係佢XXXXXXXD...點解最右邊個小朋友咁得意既?




好啦食飽飽越仔又帶我地行番去古城購物街哥邊~






沿途見到小貓咪~同佢say個hi後秒逃~XXD





D女仔去番古城大街哥邊話要行下買下野~我無咩岩買呀~我好似齋買左個磁石咋~日落中既古城~美~












我地之後行到去河邊影下相啦~D有燈籠既船仔好靚~








我以為胡志明市先會興呢種個客坐前面既觀光單車XXXXD主席之前有同我講過佢坐既故事...所以打爆我頭都唔坐XXXXD





兜個圈又再行番大街哥邊繼續行啦~




大街哥邊D籠亮燈了~好靚~呢個古城睇IG都見到好多靚靚燈籠照所以我地先揀去巴拿山同會安<3








夜晚的廟橋~





有好多人夜晚去遊船河...不過我地唔去喇~因為夠鐘走了~要同英愛會合回程了~




陪毛寶上車前去廁所...佢地去左買野飲~凱公子話呢個好好飲~話好似細個番大陸必飲哥隻椰皇XXXXXD(好有回憶)




俾大家睇埋另一面額既越南盾~華!50幻呀!即係成203.3mop呀!




我地今朝一上車已經麻甩佬上身話要揼揼骨爽爽佢~問英愛有無推介佢話有一間佢D港澳客好鐘意去...叫The Best Spa




如果無記錯....呢個按摩係大約500,000VND=203.3mop...兩小時...熱石按摩...全身




其實一入店...已經令我不安...行上房...更不安...我地分開兩間房....狂歡三寶一間...首先叫我地除衫先(熱石丫嘛)...圍住毛巾係呢間房幫我地洗洗隻腳...但佢係用一個木盆...裝D唔熱唔凍既水....去幫你假洗...唔流動既水...無用清潔用品...好不安......然後面朝下訓低...開始按......狂叫佢唔使按頸部...唔好咁大力....成班女女唔識聽英文....花左好一陣時間溝通....然後再開始按.....完全唔係哥回事....都唔到位既按得...全身都按得唔舒服~一到熱石位...舊熱石熱L到........然後我按緊哥時聽到杯哥邊不停咁發出"伏" "伏" "伏"...一D拋重野落床既聲(面還在朝下中)....到佢叫我面朝上訓時....我俾佢按到我變哂聲...佢開始按我個頭既頭皮...狂捽捽到我feel到我頭髮甩係塊面度....感覺頭髮俾佢就快擦光....一路按我一路諗：時間可否快D過?XXXD




狂歡三寶率先按完...坐係大堂飲杯茶定定驚....我問杯：何解你哥邊不停有"伏" "伏" "伏"既聲?.....杯：佢不停咁將我D手腳拎起再拋起跌落床XXXXXD....我：會舒服咩?....杯：梗係無啦XXXXD.......我仲以為得我一個唔舒服添XXXXD...杯續說：佢按完我頭皮...然後!佢將捽完我頭皮既手....再捽落我油林林既面上.....(好臭XXXXXXD)....頭油加面油一起放面上感覺好差XXXD毛寶都話佢哥個唔舒服....同泰國差好遠....以為淨係我地間房咁差...點知呢個時候麥公子衝落黎爆嬲話勁爆唔舒服...........再問餘下兩位都一樣XXXD...呢間野都係不了~




我地六個公子受到好大既驚嚇XXXXD番到去火速沖涼...頭仲洗左兩次XXXXD我地受到好大既傷害~即刻叫Room Service定定驚XXXXXXD....狂叫野食安撫心靈~~




我覺得佢D野飲都麻麻je~我叫左Long Island Iced Tea~175,000VND=71.1mop




果然係韓國人既天堂~~有香炸雞....220,000VND=89.4mop...都唔錯~過下口癮~




泡菜豆腐湯....265,000VND=107.8mop....呢個當真不錯~入面D豬五花極度好吃!讚一個~




牛肉千層麵....305,000VND=124mop...一般~個pizza好味D~




睇餐牌有Pho....但有一個係會安米粉...覺得未試過試下....Er....我食番普通Pho好了XXXD...220,000VND=89.5mop...我以為哥塊野係炸既脆既...點知唔係...同埋個烤豬肉同韓式湯個豬肉大不同...韓式湯好味D...個粉又乾....唔通個廚係韓國廚?D韓式食物好味D喎~好喇...我地食飽飽無咁驚喇~訓喇~




呢個旅程就係買左呢3個磁石~係會安古城就係買左橙色哥個...都唔平呀!買佢既原因係越南好出名竹既野藤既野咁丫嘛~呢個都幾好呀~








2020/03/13的開心事：
當有實際日期搬番舊屋~心情就是開朗的~



報時：距離泰國曼谷揼揼揼之旅仲有---97日~
報時：距離七公子台北帥氣行之旅仲有---200日~
泰國都唔知點....唉~