六公子峴港嘆世界之旅2019-04-05第二天Part2(晴天)

星期日.....中午叫外賣食左真點心同茶茶子...下午睇完破壞之王就耍廢午睡...夜晚買食味方丈外賣回暫居地~~聽日要番全日了...頂住呀!....星期一....正常上班....今日特別多怪人~唔緊要~~放工晚飯食燒鴨脾~~~~星期二.....個肚冤冤下....同埋番工張枱瘋狂做消毒....又煩裝修啲野.....星期三.....頭痛...難道是因為落雨??番凍??吹東風??轉天氣??...我唔知..我淨係知生意額好差得3位數....星期四....無咩特別~係個頭仲有少少痛~不過好似話日本下周一起對中國南韓旅客實施強制於醫療機構隔離14日...仲要港澳人士暫停左免簽證...我個佐賀之旅應該都可以說再見了吧~...星期五...以前逢周五癲狗咁開心會約毛寶出街食飯~家陣就乜都無~快D回復正常啦~~依家番工無咩期待~~無旅行期待...無得放工開心癲狗玩~星期六...一早就貢起身(係8點起身呀!星期六喎!)...因為要出去舊屋開門俾人上去做清潔~~之後我同媽媽就去左飲啡~~再去行Daiso~再去行超市~然後先到中午飯時間去食Comma cafe...再去埋約除甲醛同防爆玻璃~再去睇植物~再去買埋枕頭床單~(好開心呀!!!做左成個幾月既隱青!!!我今日終於滿足左購物慾!!!!!!!!!其實我平時無咩購物慾架XXXXD).....再番去睇清潔....夜晚痴痴貢....到底我今日點解可以做咁多野~



2019/04/05
Day 2---Part 2(越南,峴港 Vietnam,Da Nang)
食飽飽我地Call車番房~去個廁所攞埋袋袋就出去啦~我地呢日靠凱公子上網Book左個一日遊~呢個一日遊再加機場來回接送共3,500RMB....每人就係583.3RMB....到依家....我仲係一蚊越南盾都無~我地去番酒店正門大燈位等一日遊領隊黎接我地~




喂喂喂~出發喇~一日遊有司機哥哥之外...仲有個靚女導遊~因為我覺得佢幾靚女+有少少似李英愛....我地叫佢做英愛~英愛佢係越南人~但識講比毛寶好既普通話XXXXXD....而且笑容好睇~牙好白呀我好羨慕~wow~天氣好好唷~








好喇好喇~係車上英愛有錢換俾我地喇~出發前問左換錢要用人民幣換~港幣都唔收~當時澳門幣兌人民幣匯率係0.823左右...1Mop=0.823RMB....而1蚊人民幣兌到3,000越南盾(VND,₫)...根據神算t屈指一算...1Mop=2,459VND~我為我自己鼓掌....條數咁難都識計~望下D越南盾....好多個零呀~~面值100,000一張...今次有排玩~....家陣真係可以話...有百九幾萬係我手~(其實一張100,000VND=40.7Mop...XXXD)





富有越南特色的畫~





查實呢日算早出門口~但已經感受到....哥股熱氣~





好似由酒店出發坐左個幾兩個鐘車....就差唔多去到我地第一個目的地~越行越郊外狀~




我地既第一個景點：巴拿山(Ba Na Hill,Bà Nà Hills)....呢~即係成日有對手托住橋哥個景點呢~個門口成個乜乜影視城乜乜樂園既入口






等緊英愛幫我地買飛期間見到呢個蠟像館既相....er....有人想去嗎XXXD




我地去左抖涼~英愛幫我地去買飛~(因為要搭纜車上~)...話實在...好銀熱呀!纜車飛英愛話我知係720,000VND=292.8Mop...華...都唔平喎~唔好唔見張飛呀~




行去搭纜車條路都好靚~D屋仔顏色對比好靚~






然後呢條路就勁似去緊D樂園排緊機動遊戲XXXXD





黎越南有一樣好好影~就係...佢地D地磚~好出色~




好似行左成個松山先行到黎呢個搭纜車位~好喇小朋友們~我地排隊上纜車喇~




YEAH~我搭到纜車喇~你知啦~我成日都因為各種原因搭唔到纜車架~我地仲岩岩好可以自己搭到一架纜車唔使同人一齊搭~大家同英愛Say個Hi啦~佢D牙勁白笑容勁好看而且說話很溫柔~




張相影到我個鼻拳頭咁大!





越黎越高~







好似越上山天氣越差咁噃~同埋對手手出現左喇大家睇到無?





華...多人到




有錢在身就想買野~買番粒磁石先~但磁石唔算好出色~





找番其他錢俾大家睇下~




好喇行出去我地指定要黎既景點望下先~




滿滿的人~成條橋都充滿左人~




英愛話幫我地影相XXXXXXD人地善意幫你影相一定要俾面影下....但記得!一定要再自我檢查~




六位公子就是帥!就是有型!唔係我認屎認屁呀!我Selfie得真係唔錯~






佛手托住條大橋確係幾靚既~ig都有好多人打卡~




衝呀!!!呢兩張相表唔表達到條橋有幾咁多人呀XXXD





依家望番落去感覺個天又清D~




好啦行左一次條橋就離開啦實在太多人好難影到好相~








其實條橋係幾靚既影相~都算值得一遊~(但我不會二訪)...因為一上就要用半天~




突然發現“就是你“手勢係全球熱棒的!





買多個磁石~




我去左買磁石佢地就去左買椰青飲~天氣實在太熱~




然後英愛話上到黎唔好淨係睇條橋都順便參觀埋其他啦~咁就參觀下啦~







查實我都唔知係咩黎~但個花園D花係幾靚~













教左你地幾多次呀!要用人像Mode黎影!XXXXD





再影埋大佛~







再轉呢架車去另一個位~




就係再轉車XXXXXD咁岩線又可以7公包車~





睇下....出面天氣越上越差...勁大霧...定係因為已經上到太高?




喂!搞咩呀!上黎玩過山車呀?XXXXD我地本身諗住玩...但後來我地問英愛佢話要排好耐...你知7公啦...點會排Je~XXXD放下...就是擁有啦~





我們去了環球片場嗎?XXXXXD






真係真係一個主題樂園黎的....er....我無諗過會黎到越南既主題樂園~(不過都係順便黎既Je~)...隻公仔個樣好頂癮...好似細個去珠海D乜乜樂園玩見到既公仔咁XXXD





家陣我地上黎其實係食飯既XXXD






係食自助餐既~張入場卷個價好似係買左纜車+自助餐....所以個價都OK既包左一餐~本身聽到係自助餐我都鄒一鄒眉頭...越南自助餐喎...有乜好食呀...但望下個場幾大下...又幾多野食喎~






查實味道都不錯~正常野~食得飽~放心~不過你話好好食就唔係架喇~




好啦~食飽飽英愛就問我地使唔使再行下~我地就灑手拎頭喇~走咯~以為天氣轉差點個落番某一高度時發現天氣晴朗~






呢度梗係有紀念品店啦~~~有好多老翻既迪迪尼公仔~~最出色係藍色哥隻原創公仔~






落番黎行經頭先鮮艷屋仔條路毛寶就幫我影下相啦~













2020/03/07的開心事：
見到間屋乾乾淨淨咁...係開心既
但今日又有裝修野激到我
我真係覺得間裝修公司好差...............



報時：距離與三老九州佐賀自駕遊之旅仲有---28日~
報時：距離泰國曼谷揼揼揼之旅仲有---104日~
報時：距離七公子台北帥氣行之旅仲有---207日~
好彩間航空公司宣佈左可以申請全退款....
酒店同租車都可以免費取消....
(本身想租哥間酒店無免費取消..好彩後尾轉另一間
如果唔係就要蝕幾千蚊了~)
我仲覺得自己準備得懶好咁~
去唔到真係有D失望.....
但依家都算係非常幸運架喇~唯有下年再搵個時間去啦~
俾我將呢個報時留多一陣啦.........
今日去行Daiso時佢狂播日文....
我以為自己去左日本呀....
(才想起我一個月後無得去~你說悲不悲哀~)