六公子峴港嘆世界之旅2019-04-06第三天Part1(晴天)

星期日....又食toff樽仔烏冬....搬左4大袋野回舊居....然後我成個下午做清潔~~~做左成個下午~~又抹野又掃地又拖地...毛寶好乖呀幫我手拖地...留左係舊屋成日好想快啲搬番入黎~~夜晚叫左韓燒外賣係舊屋食~~........星期一...今日下午好多野做..好彩晚飯有雞脾食~~澳門今日破左40日不敗紀錄...新增左確診個案....星期二....今日全部客都古古怪怪咁.....星期三...點解今日啲客都係古古怪怪???XXXD....快啲到星期五好嗎?.......星期四....今日成日天陰陰...不過啲客正常番少少喇...我好安慰...加上今日臨天光俾我發夢見到仕燊bb..真係好開心XXD......星期五....噚日行番屋企覺得腳踭好痛...應該係對高筒鞋内踭位啲布行蝕左..令到腳踭磨到甩皮..但暫居地無膠布..唯有今朝照著番工沿路買膠布...越行越唔痛..仲諗住唔買膠布但最後諗住看門口買定...係公司食飽麥叔叔心諗好啦買左膠布順便痴下啦...一剝鞋發現成對襪同鞋內係哂血XXXD係成泡血...可能我流血流到無左知覺...後尾我諗下...其實我今朝換另一對鞋咪無事囉XXXD做咩迫自己呢.....夜晚買左cheap壽司番屋企食..毛寶成隻麥兜咁狂叫我俾個腳踭佢睇....但我都係回佢:點睇呀我痴左膠布呀XXD....星期六....放假但噚晚竟然訓得好差..浪費哂~中午搬左一大堆新煲番舊居....再買左永安外賣食...下午等4件電器黎又浪費左我兩個鐘....同埋裝修又有野煩我...真係好麻煩...夜晚都係叫外賣食~



2019/04/06
Day 3---Part 1(越南,峴港 Vietnam,Da Nang)
早呀喂~又起身食早餐~今日發現....係喎!飲品吧上面放住鼎鼎大名既越式咖啡~~~好!今日要試下先~




仲有呢檔...佢地極度推介我既~~~係粥呀~




今日食呢D~我話你知...我真係好鐘意食煎太陽蛋既!




好~飲下先~Errrrrrr...啡味我覺得係唔錯既!但係真係點呀...太甜喇~~要落好多好多冰~好彩我地攞左一杯大家May下May下咁Je~




點解強推頭先個粥檔??因為佢送粥食既配料超勁好食!!勁岩公子食!我今日先醒覺實在有D遲~佢隻咸蛋整爛佢送粥勁爆好食!!再加上D蝦干....真係不得了!!




食緊早餐討論下今日做咩好先~話哂呢間係一間大大的渡假酒店....我地點都要用下佢D設施既~好~食飽飽早餐入房準備下先~(查實我去左買膠拖鞋XXXD我無帶來~買買下有個公子好急屎要急Call車番去房痾屎)




首先~我地決定周圍望下啦~係喎!酒店連住沙灘架喎~~去望望先~(知道點解我要去買膠拖啦可XXXD)





呢個叫做美溪海灘(My Khe Beach,Bãi biển Mỹ Khê)~






非常長既海岸線~~有900公尺~靚~原來仲有東方夏威夷之稱架~沙就唔算又白又滑哥種~但唔怕太粗既~有印象行得舒服哥次應該係杯結婚請我地去民丹島哥個沙灘~~由於哥次婚宴係沙灘上舉行...D沙又幼滑到不得了喎.......我記得我除左鞋食飯XXXXXXXXXXD...一路腳踏滑沙一路參加婚宴~呢D機會唔係成日有XXXXD.....有人到左越南時係日本買哥個墨鏡鏡架爛左~個樣真係可憐~







完美的一跳...幅相由我操刀....凱公子既一跳...堪稱係完美!唔知係咪佢個人夠輕身呢跳得咁高~連身型都係完美既!




無對比無傷害呀~肥既人咪似我咁囉~同一個畫框...面積大很多~




好難先可以一齊跳起架XXXD




我叫毛寶幫我係海灘黎一張美照...佢送左呢張俾我~XXD




好啦~玩完沙灘~就去睇下佢D泳池~呢個係其中一個~~比較淺水~




原來佢係一路連住去另一個深水池架!行到中間就係噚日食完早餐望出去哥個池~





連接住去埋深水池~依家睇相先見到....圖中最左邊既V字腳搞乜也呀XXXXXXD





有個女仔唔想落水~佢幫我地影相~我就黎責死毛寶XXXXD因為我唔識游水又懶唔想水中行...我要佢"咩"住我行XXXXD好變態呀我~我真是一個沉重的負擔~我地有係池邊叫野飲~我記得我好似叫左mojito~喂~真係唔好飲喎~依家中午時份...熱到痴線~浸住水都勉強都可以既~





然後再番入房玩埋自己房入面個池~~毛寶仲特登跑番上二樓幫我地影相~~




好啦~跟住我地就各自番房洗白白~洗好白白我地就諗住出去...但...用咩方法出去好呢?叫的士又坐唔哂咁多人喎~D公子實在太叻喇~凱公子用App叫車~個App叫Grab~(類似Uber)...叫一架大車就可以坐哂我地6個人~而且都唔貴~




水上活動完一輪~第一站~越仔毛寶帶我地去食Pho呀~~~叫Phở Bắc Hải....地址：185 Đường Trần Phú, Hải Châu 1, Hải Châu, Đà Nẵng 550000 Vietnam




一睇就知：好野黎架!XXD





坐低睇餐牌~有越英中文~好彩~華~食Pho飲紅牛會唔會太過刺激呀XXXXD....發現有一樣野好岩好岩我地飲架!!膠樽哥個呀!!





見你拋鑊拋到咁我好有信心~





先來野飲~~~膠樽就係粟米汁呀~~~15,000VND=6.1mop....又平又好飲呀!濃濃的粟米汁呀~~~甜甜的~好可愛~




叫左野食就上配料~地道的就是給得大方~




我叫既特別牛肉腩粉(Phở Bò Đặc Biệt)...50,000VND=20.3mop....救命呀~~~好好味呀~~湯頭正~牛肉濃~D粉又勁滑!!應該係我暫時食過最好食既Pho呀!天呀!仲要咁平!你估一定貴野先好食架?!錯哂呀!





毛寶叫的河粉鮮牛肉(Phở Tái)...40,000VND=16.3mop...我同毛寶哥個既分別...其實應該佢係生牛肉粉...我就係生熟牛粉~一樣正~10幾蚊一碗...離哂譜~




枱頭仲有蒜片同辣醬...不過我唔用...我唔想湯頭變味~太正~




明明已經一人一粉~但都仲要叫個炒河粉(Phở Xào)...60,000VND=24.4mop....炒得好味~同埋河粉真心滑...同我一樣咁滑~




春卷(Chả Nem)....50,000VND=20.3mop....出色!好味!




我地就係咁~鐘意叫到成枱都係~但強調...我地係掃哂入肚~好鐘意呢D影到成個框都係野食既相...感覺好豐富~(但兩張都唔係我影XXXD一張凱公子影一張毛寶影)





找錢找到D細面額D既錢~




總結：呢間無野唔好食!乜都好食!又平!...缺點係：熱~....因為本身天氣真係好熱~多謝毛寶帶我地食好西~軚泰個樣咩事咁心虛呀?驚俾先生見到食好食既粉無佢份?XXXXD









2020/03/21的開心事：
今日送既4件電器...有一樣係咖啡機~



報時：距離泰國曼谷揼揼揼之旅仲有---90日~
報時：距離七公子台北帥氣行之旅仲有---193日~