BarCelona Tapas & Rice

呀~~~我回來了~~~~有想我嗎??我真係好攰~噚晚機番到澳門.....然後今日就番工喇~~都幾多野做~~不過都算順利~~不過今日中午差d無飯食...因為去左覆診...點知約左12點半睇醫生...等到一點十先睇完(但我番兩點工...)...跑到番公司無時間買飯.....好彩有杯子幫我買~~好感謝~~~戰利品多唔多呀.....er................係我去咁多次日本....最少................算啦~當慳番d錢啦~同埋媽媽玩得開心就好~我今晚要早d訓先....連醫生都話我個樣好唔夠訓....



前排又約左舊同學齊齊聚餐~試左呢間BarCelona Tapas & Rice....地址：澳門慕拉士街16號富大工業大廈地下B座(消防局旁)....電話：2872 1084.....建議訂位...座位不多~

地下係食西班牙烤雞....一樓先係Bar.....裝修得幾靚~

餐牌分飲品同食品~每個餐牌都係簡單的3版~

西班牙香檳水果酒 $300....如果單點一杯就$60.....其實都貴喎.....叫左一jar每人得哥少少.......不過係幾好飲~

送既小食~幾好食~有少少黑欖味~(我發現我幾鐘意食黑欖~)

咁去食西班牙野都少不免叫tapas食啦~

橡子飼養48個月伊比利亞黑毛豬火腿拼盤 $288....如果真係如佢所描述係俾48個月既黑毛豬我地食我又覺得呢個價錢唔貴喎~都有好多塊下~同我媽媽去香港city super買番黎既都係咁上下~咁媽媽買多佢少少啦~但要$300幾hkd.....依家有哂餐廳先$288~

特色蕃茄醬麵包配蒜蓉﹑橄欖油和蕃茄 $28....普通...而且蕃茄蓉好少....其實呢個好易整~不過餐廳價只係$28真係無野講....

烤黑毛豬肋排配焦糖菠蘿 $88...無咩特別....而且$88得幾條豬肉絲感覺好唔抵~我地有六個人...真係每人得一兜豬肉絲

香煎魷魚配磨菇和伊比利亞火腿 $88..呢個不錯吃~魷魚新鮮~配橄欖油同火腿食好好味~~

特配醃制烤黑毛豬肉串 $78.....$78...得兩串....只好每人咬一粒.............................................而且好乾好鞋~

廚師精選西班牙松露披薩 $98...好香好好味~~

烤牛臉頰配磨菇醬 $128....er....好鞋....好鞋....好彩得兩小舊....但係又要諗.....兩小舊但我地6個人分.....舊肉係顏到爛蓉蓉的~~~~

鮮嫩牛柳粒配熏煙茄子 $148....我覺得我影大左碟野....味道唔錯......但係唔會個個人都係兩個人黎食tapas架喎...........食到呢度....我個肚仲係餓到咕咕叫....

西班牙紅蝦和黑毛豬燴飯 $158.....呢個都整得唔錯~好好味~份量又正常番~

好似成個餐牌都係黑毛豬咁~~~我覺得呢間野真係撞手神囉......有d就幾抵.....但有d真係不合比例..........叫人唔知點叫好....我地叫以上呢幾樣野問個侍應姐姐夠唔夠食...佢話其實你地叫左好多喇......但係...最後我地無一個人飽囉......個豬肉絲真係唔夠正常人sip牙縫啦下話~~~~最後我地埋單...每人已經食左兩百多....但係無一個人飽......我地之後.....仲去左師傅仔怒食小炒先可以夠飽番屋企訓...........間野唔係唔好食...係唔適合晚飯時候食........完(但如果唔係食晚飯都要200幾蚊...我做咩唔行入酒店呢?)





我好嬲呀!!!!!!
噚日有人通知我....
有個內地既唔知咩論壇......
偷左我兩張相係佢篇野度(但完全無咩關係)...
超嬲!!!!!你有無問過我呀!!!!!
話哂有我d野有我個樣架!!!!
我想叫佢整走佢但要註冊先可以留言....
仲要入真電話...發個確認碼俾你
再send去一個大陸電話度做確認...
我完全唔想留真電話....
再發現...佢篇野已經係2014年寫....
我唔知佢係咪第一個人偷我圖....
可能已經俾人偷左好多次都唔定.....
我都無咩可以做到....
只可以真心咁咒偷我圖既人手爛......偷呀拿!!!!!!
搞到我依家對寫blog有d意興闌珊.......;[



2015/03/09的開心事：
番到黎派手信俾朋友仔啦~
見到大家都開心~我都開心~
跟住今日杯子請我食crepe同埋餃子~~
好好味~~~
然後毛寶又請我食飯後果果~~
仲要幫我meet埋皮~~謝謝~



報時：距離公子新加坡喪吃自由行之旅2015仲有---25日~
報時：距離關西哈利波特之旅2015仲有---103日
報時：距離冰島格陵蘭自由行之旅2015仲有---202日~
wow~~~~仲有唔夠一個月~~~
就要同公子自由行去新加坡喇~~~
好緊張呀~~~~~
日本blog...唔知幾時先出到......