我的生日會2014@花道葡萄牙餐廳Fado Legendary Portuguese Cuisine

華~~~有大家既祝福~~人潮減咁dd~~又順利番dd~~雖然最後都係俾某d野kick一kick先收到工~~但重點係：我真的收工了~~要放個小周末了~~~好開心呀~~~~~~~~等我因間食飽飽就去執野~~~~同埋睇電視:p



上年我就黎生日哥時呀~Diana帶我去吃我想試好耐的花道葡萄牙餐廳Fado Legendary Portuguese Cuisine....地址：東望洋得勝馬路2-4號澳門皇都酒店M樓.....電話：2855 2222

好鐘意一入門口呢個位~d顏色襯得好好睇~

餐廳環境舒適~仲有幾個包廂~環境相當寧靜(接近無人入座)

點好菜就有麵包藍喇~~~~令人感到好高級添~~~不過d麵包就一般啦~驚喜不大~但係配麵包食既醬料就好吸引~~有牛油...有蘿蔔..仲有一個好香好香呀黑欖醬!!(要鐘意食黑欖先得~).....連橄欖油都有3種~一種有黑椒一種正常一種有辣椒~

食食下包又佢攞個小前菜出黎~送既~

食完個前菜又送個糕黎(又係送既)....又幾好味喎~咸咸地入面有d葡腸咁~

八爪魚沙律 $70...睇落好細盤...但係佢"質"滿成個盤....所以兩個人食都覺得幾多~問佢攞d醋加落去食更好味~

詩人煮蜆 $120...好味~好香芫茜味~~~

食食下佢就推呢個車出黎喇?咁勁有咩要即席整架我地無叫片皮鴨喎(誤)

華~~~個廚師仲要好靚仔添呀~~~~~

就係煮我地叫既馬介休呀~請看~睇住佢煮都覺得好味!!

炒馬介休﹑雞蛋﹑馬鈴薯絲 $160.....我好鐘意食呀~~呢個有d濕濕地...但係雞蛋漿同馬介休薯絲結合得剛好呢~

烤乳豬 $180....呢個就一般啦~因為乳豬d肉好鞋呀~~但係配既炸小薯片就好好味~

0我~Diana仲同餐廳講左我生日~~有生日小蛋糕呀~~好可愛~~謝謝你呀Diana~

第二個許願的蛋糕~~~~

南瓜蛋糕配乳清乾酪及杏仁 $70....呢個真係值得一試!!佢好似心太軟咁~一整開佢入面就有流心流出~但佢係南瓜味~令我覺得無朱古力味咁漏~~yumyum~

臨走....仲要送葡撻呀救命~~~已經飽到上心口~~~留到第二日當早餐食仲係好好味~~~

之前聽人講呢間Fado好貴又食唔飽....可能佢地係叫Tasting Menu.....但今次自己食過又唔算好貴呀...主菜都係百幾兩百蚊有交易......而且我仲食到好飽添~~~~服務又好~~中午d set仲抵呀.....影個餐牌俾大家睇睇...兩道菜$128...三道菜$158.....有機會去試試先~

Diana請我食生日飯...仲要送禮物俾我~~~真係好多謝你呀~~錫錫~~~卡片套袋仔~好可愛~

2015/03/04的開心事：
絕對係真正收工哥刻~
我認我頭先覺得係嬴左全世界..hehe~
我真係估唔到...今日仲有利是收....................
即係同事利是92封~
總數126封~~~~~~



報時：距離東京媽媽慶生之旅2015仲有---0日~~~
報時：距離公子新加坡喪吃自由行之旅2015仲有---30日~
報時：距離關西哈利波特之旅2015仲有---108日
報時：距離冰島格陵蘭自由行之旅2015仲有---207日~
好野好野好野好野~~~~~~
真係好開心呀~~~今年第一個旅行要出發了~~~
我番黎既時候就得番3個報時器~~~~
今次去完東京之後出年唔知有無機會再去..
要盡情吃喝玩樂先得~~~~
今次只去4天~
下星期一見喇各位~要想我呀~