毛寶生日會2014@帝影樓

hehe~今個星期一心情感覺好輕鬆~就算多野做都覺得無咩野~~~~可能因為就黎去旅行卦~~~野~~~~~星期五：好攰..真係好攰..一放工餓到手震...連meet舊麵包食都無力->試左新開既魚心..又係哥d任食放題..火鍋+燒烤+刺身壽司.....加埋一....$235....唔算平...但係同同類型既熊出沒比...我覺得雖然魚心係選擇少d...但係好食d喎~.....星期六：晏左起身~食左麥叔叔..以前我單點哥個無敵飽套餐由上年既$24.5變左做$26...無耐~..->去左大會堂睇叮噹套Stand By Me.....其實覺得佢好趕..將40幾集漫畫濃縮做一套個幾鐘既戲.......不過佢臨走哥一刻我仍然有喊(其實我小學哥時睇漫畫版已經有喊->食左間馬來西亞既餐廳..d豬扒幾好味~..->食完再去飲燉湯......星期日：食左永安->再睇荒失失企鵝..有一幕真係笑到我噴眼水..其餘一般般->夜晚食左星際間風味居為貞公子慶生...笑到我呀....今次真係玩得佢好成功~~~



毛寶舊年生日正日我地一齊去左沖繩旅行嘛~咁番黎後我都要有d表示架嘛~帶左佢去我地都想試好耐既地方食餐飯~地點係新濠鋒酒店(Altira)11樓既帝影樓~我地唔係去食中菜~係食.......任食邊爐~(去酒店食任食邊爐係咪好怪呀~~).....電話：2886 8868

環境很舒適~而且又唔怕嘈~~~

很有氣勢~

既然咁舒適~又咁有氣勢......價錢就一定少不免係...貴的~每位$688(未加一)........記得淨係晚市先有得食架~~~其實真係幾貴.............不過見未試過.....試過既人都話好食.....而且上網睇過餐牌都好多野食....咁好啦~同生日的毛寶寶去試下啦~~(其實你/媽媽生日我先捨得去食架咋~)...睇d湯底名都好有氣勢~

其實....我好鐘意見到醬料盤架......因為覺得可以有好多野揀(但其實我永恆地係揀辣椒+豉油+芜茜)

我揀左花膠老雞湯~~~~~

我地一次過叫左超多野食~~~好有氣勢~~~(事實上叫左一次就翻叫唔到...因為太多太大碟~~~而且佢地上菜唔似平價任食咁慢慢上....基本上一叫就一野出哂黎~~~)

開心嘛~生日快樂呀~

佢有澳洲雪花肥牛片同埋和牛片.....哥時上網睇餐牌最吸引我既就係呢兩樣~~~點知....我覺得兩隻既牛味都唔夠重!!!最好食既竟然係.......................黑豚肉片....很反高潮~這是我唯一有翻點的~

基圍蝦~好味~

小象拔蚌....呢個同我平時食開哥d象拔蚌仔有點不同呢...麻麻地~無咩鮮味~

奄仔蟹同埋波士頓龍蝦......蟹就一般啦...因為我覺得蟹都係蒸或燒烤或焗先食到原味....水煮d蟹味會走哂~而波士頓龍蝦我之前無咩期望又反而超級鮮味喎!!而且幾大隻下!

龍躉片...好鞋呀d肉~~其實我第一次食龍躉咋~~有無人話俾我知平時d龍躉肉係咪都係咁鞋架???仲有日本廣島蠔同埋澳洲帶子...兩樣都麻麻

好彩仲有我鐘意食既大沙蜆比較清甜~(不過街市買一斤先廿幾蚊咋喎........)

d菜一出到黎就嚇死我地.....大佬.......多到.....兩個人點食咁多呀?!?!?!?!?!?!?都唔接人頭份量既....

再讚一次...隻龍蝦真係好正~d肉好鮮甜同埋都算幾大隻~睇下隻鉗~雖然龍蝦都係任食....但係每人一隻都已經飽到上心口~

飯後送既中式糖水~仲有粒朱古力脆脆既物體~~~中式糖水好好味呀係蘆薈黎架~打完邊爐食夠哂fresh~其實我最想refill係個糖水~~~

呢餐抵唔抵呀....唔....查實個人黎講覺得唔太抵....雖然佢望落好似有好多好貴既野叫.....但品質就好參差......其實如果我自己去街市買海鮮.....有鮑魚有蜆有象拔蚌有蝦有蟹...再買埋肥牛同菜......基本上買埋支酒都係每人$200有找...............哈哈~貴價邊燼...試過一次就好了~






2015/03/02的開心事：
華~d利是真係逗到今日都仲有~~~
同事利是有90封!!!!!
計埋親戚哥幾封加埋...
總數有124封~~~~~~~~~
好開心咁數完有幾多封.....
然後我唔拆...................(我好懶)
其實我....上年d利是錢都仲未用~~~~~



報時：距離東京媽媽慶生之旅2015仲有---2日~~~
報時：距離公子新加坡喪吃自由行之旅2015仲有---32日~
報時：距離關西哈利波特之旅2015仲有---110日
報時：距離冰島格陵蘭自由行之旅2015仲有---209日~
番多兩日工~就要出發了~~~
個gip都執左少少野入去架喇~~~hehe~