同鋼牙大鼻影完相之後身一件做既事係......即刻衝入美國小鎮大街既Coner Cafe食中午飯先~呢間唔係快餐....係食西餐的~我地入到黎哥時一個人都無~~(我地專係揀d人地衝去玩既時間食飯...人地食飯既時候我地就衝去玩~)
wakakakakak~~個位夾得好好呀~~~泡泡龍個樣好襯你~
其實我係特登高呼話要黎呢度食架~~~~因為我好想呢杯野~~~叫光影仙子 $68~~~~~好貴呀~~~但係好靚呀~~~我上網睇到哥時就好鐘意~~~一定要佢地陪我去飲~~~~係柚子味的~幾好飲~~~~~好少女呀~~~~
咁~呢~我就叫左呢個價值$268套餐~~~~~~(我真係唔慳家~)
朗公子就跟我個餐加$35叫左呢杯焦糖雪糕浮冰(原價$52).....佢話好好味~~~
套餐既前菜係煙三文魚柳配可口可樂小點子伴木瓜牛油果沙律配酸忌廉汁...好味!擺得好靚~
主菜我揀左低溫燒豚肉伴雜菜大麥意大利飯配可口可樂特製燒汁....開頭我以為低溫要好滑好軟林林...點知就好鞋~~~不過味道幾好味~~但係早知就揀另外一個海鮮酥盒啦~
甜品係可口可樂朱古力慕絲蛋糕伴可口可樂刨冰....朱古力味香濃~好味~
朗公子的中式甜酸雞球(配白飯﹑蠔油時菜及冬瓜湯) $178....估唔到個甜酸雞球咁好味!!!!下次再再叫呢個~
毛寶的新加坡海鮮喇沙湯麵(配沙爹雞肉串燒及番茄青瓜沙律) $178.....毛寶說湯唔熱...好淡....雞肉沙爹好鞋....求其擺幾粒番茄同青瓜就話係沙律....服左佢....呢個不推介!
食飽飽一行出黎朗公子就見到d小食檔有個好靚既爆谷筒...梗係鼓勵佢買啦~~~~
咁跟住我就可以借黎同城堡影相喇~~~~hehe~
三兄弟於城堡前留影~(好似以前d旁述~~哈哈~)
經過明日世界後進入幻想世界....(明日世界我無玩佢d野...因為......嗚嗚....space mountain維修中).....梗係要搵朗公子最愛拍個照先啦~~~~點知排緊米奇時剛好換班~~米奇接米妮收工!!!!恩愛到~~~~~拖住手一路揮手走~~~~(我最驚換班後唔係米奇係維尼我真係企係度!!)
好彩仲係你~~甜心~~同米老屎影相真係好開心架~~~
之後我地仲排埋布魯圖添~~~~(其實我想影高飛的..但換班後不知所蹤~)
2015/03/21的開心事：
見到個同事今日係咁笑咪咪..
咪問下佢咩事咁開心囉~
點知佢答我：我買左隻新既洗頭水呀~洗到我個髮型好靚~
開心...原來就係咁簡單...
重點係：我有俾佢傳染左d開心~
佢開心到過左中午仲係開心緊......................
報時：距離公子新加坡喪吃自由行之旅2015仲有---10日~
報時：距離關西哈利波特之旅2015仲有---89日
報時：距離冰島格陵蘭自由行之旅2015仲有---188日~
新加坡進入倒倒倒數中~
乖乖地番埋今個星期工~
好快有得玩~
上網睇呀前晚極光極極極強!!!
強既程度...係強到俄羅斯...
甚至波蘭都有!!!!!!!!!!!!!
超強呢!!!!!!!!!!!!!!!!!!!!!
強勢在10月會再爆發嗎?
想在冰島看到綠色跟紫色的極光!
隻洗頭水咩牌子?
回覆刪除米老鼠魔力真係勁,朗公子影相多數笑瞇瞇好少笑得咁燦爛..
我都唔知呀~佢話今晚話我知~
刪除哈哈~因為佢最愛既公仔就係米老屎囉~
有結果未?
刪除我都聽人地講話迪迪尼D野食好貴>_<
回覆刪除而且我都想去迪迪尼同海洋公園呀>口<
種有開心係真係會傳染架!!!個人開心D好既!!:)
其實唔食呢d餐廳食快餐就唔係好貴je~~~$50幾有交易..但就唔係幾好食囉...
刪除海洋公園我就真係好耐都無去過喇~~
係呀~~我都好多謝佢傳左d開心俾我~
你果杯野飲真係好少女呀~~但望落個樣。。。。。。。好似唔係咁好飲咁喎～～
回覆刪除都唔係呀~幾好飲架~~柚子味囉~~不過好難想像柚子味會係呢個色je~
刪除泡泡龍....真係夾得好好,好好笑.......
回覆刪除光影仙子.....仙子係咪攞得走架,攞得既話貴少少都抵返
哈哈~~梗係~~我就位架喎~
刪除係呀!!!可以攞走架~~~
好友´*☁･ﾟ♦早唞✬*☾º甜夢★°¨✫
回覆刪除謝謝~我都祝你甜夢~
刪除Coner Cafe西餐...呢間...好滋味呢
回覆刪除由其...甜品係可口可樂朱古力慕絲蛋糕伴可口可樂刨冰....朱古力味香濃
係呀~我有幾次黎都食呢間~
刪除好靚呀杯野飲 我黎緊四月都會去呀^^
回覆刪除我都好耐好耐冇去啦
唔知仲有無呢~~~如果你叫就同朋友share黎飲啦~~杯野好大杯飲極都飲唔哂~~
刪除好囉~~好耐無聽見你話去~
邊個咁可愛心花放:)仲要感染埋你:)?
回覆刪除我都想知咩洗頭水咁勁！？！：目
唔好以為洗頭事宜我就無興趣丫:P
哈哈~~見到你面就話你知啦~
刪除我今日有問佢呀佢話今晚影俾我睇~
佢腥俾我就腥俾你啦~
我今日見到你~~~^^~~
刪除中國菜套餐都貴咗少少，下次妳再叫未必咁好味啦，可能已經唔同咗人做，就可能唔同味啦
回覆刪除都係架~不過都有可能同一個人整都會無咁好味~可能佢心情唔好架嘛~
刪除去得迪迪尼食嘢又点可能慳到家，全球迪廸尼食嘢都係貴，一次半次算啦
回覆刪除我個同事買年票兩公婆連阿女一個月去兩三次，有時帶埋阿爸阿媽去，佢話唔想食熱狗同漢堡飽果d，大多數去restaurant，佢就金囉，不過囡囡鐘意去，無計..........
你呀，一好返d又食蝦蟹，食少少好啦，因住又爛面呀
哈哈~~不過有一次去洛杉磯哥個迪迪尼d野食又幾好食喎~
刪除如果我係香港住我都會買年票~只不過我依家過黎仲要計埋船飛..咁我梗係唔買啦~
哈哈~~去旅行真係無理由唔食喎~
個爆谷糖好得意,唔知有沒其他款式？
回覆刪除我地淨係見到呢個咋~
刪除光影仙子個顏色真係幾靚喎
回覆刪除係呀好少女~~~
刪除「噚晚第一次煲粥就成功~~d粥好綿」，讃！
回覆刪除「人地食飯既時候我地就衝去玩~)」，盡！
「泡泡龍個樣好襯你~亅，絕！
「煙三文魚柳配可口可樂小點子伴木瓜牛油果沙律配酸忌廉汁」，正！
「咁跟住我就可以借黎同城堡影相喇」，古惑！
哈哈哈 ......
hehe~我又真係幾叻既今次~
刪除係呀~如果唔係依飯就會好多人~
你個西餐有咁多可口可樂味既野又幾得意喎~ ~
回覆刪除米奇老鼠同你張合照~~你地橋到咁肉緊, 真係好似情侣~~個張影得好靚呀~~
係呀我都覺得幾得意~~~
刪除hehehee~~~~其實我最愛都係鋼牙大鼻~~
好想飲焦糖雪糕浮冰, 勁like焦糖味 :)
回覆刪除查實我都好like~~我地兩個都係好少女~
刪除我每次入迪迪尼都是去Coner Cafe食午餐，不過我好耐無入迪迪尼啦，估吾到個餐價錢升左咁多﹗
回覆刪除係呀我以前去食個餐係百幾蚊架咋...仲包埋甜品...依家貴左成百蚊!!
刪除焦糖雪糕 ....... YUMMY ^_^
回覆刪除聽說極光是跟太陽活動有關, 而今年太陽活動超強, 你可能今年的極光睇得好過癮.
回覆刪除杯光影仙子 , 還以為是 PETER PAN 那隻, 原來不是