我的生日會2014@笑面府

華....今日咩事呀...仲多野做過新年後哥幾日既???仲多野做過星期一既?!?!?好辛苦呀!!!!!!唔通呢d係上天俾我係去旅行前既磨練....仲有聽日喎~~~~點好呀~~~~~~~~



講到我生日咁上下既事喇~約左大學同學仔食飯~~我就提議去食我想食左好耐既笑面府~~~~地址：澳門沙梨頭林茂塘海邊馬路信濤灣地下A-B...電話：2882 7000..記得要訂位因為得幾張枱咋~琵琶蝦芒果沙律 $598....呢個沙律認真貴....通常佢menu無既當日special都貴d既....但係真係好好好味呀~~~~啖啖肉蝦肉爽爽的~~~加埋佢撈洋蔥橄欖油同醋一齊食~無得輸~之前食過佢個蟶子皇柚子沙律都好正~~~超大碟~

香草焗蝸牛 $68.....平!!而且超好吃~個香草配得好香口~~連醬和麵包一起吃好正~

煙三文魚蜆天使麵 $228...好味~

蜜汁豬手 $138.....好正~~咁大碟都係#138.....豬手加上芥末同埋黑醋同吃味道很佳~

石燒牛柳 $198...我地無叫和牛哥d淨係叫左普通牛柳都好好味~

忌廉汁煮雜菇 $68....好好味~~不過食得多就可能會有d漏~~

炒雜菜 $55..好吃!雖然呢度無環境...地理位置又唔優越...但呢度d野食評價都幾高~有兩次公子聖誕聯歡都係呢度搞過~有公子生日又係呢度搞過~我覺得真係幾好味架~~~而且佢有時out of menu既菜式都幾新穎同好味的~有一次試過係薑醋馬介休......睇個名係真係幾怪架...但佢又有本事整得好食喎!!欣賞~

我既生日糕糕係香糕雪糕撻 $48...我超鐘意食呢個好好味~~香蕉批薄薄脆脆香香的~配埋雪糕做出冰火效果~正~好多謝咁多位美美的大學同學為我賀壽~謝謝~

好開心呀~這是我的第一餐生日飯~

2015/03/03的開心事：
忙到完全無咩開心事.....就黎頭都暈
咁呀...好彩咁忙我快手快腳下都準時收工啦!
感恩!
祝福我聽日都要順利收工呀~~



報時：距離東京媽媽慶生之旅2015仲有---1日~~~
報時：距離公子新加坡喪吃自由行之旅2015仲有---31日~
報時：距離關西哈利波特之旅2015仲有---109日
報時：距離冰島格陵蘭自由行之旅2015仲有---208日~
番埋聽日咋~~~我要加油~~~~
執行李執行李執行李~~~~~
我會好乖聽日寫埋blog先去執野架喇~~~
記得黎探我喎~~~~~