食玩訓西葡之旅20100918第四天Part4(陰天大霧及後天晴)

好叻呀~今日星期日…..我十二點半先起身~~可能噚日真係太早起身同太攰……..本身我噚晚想睇埋無線套發哥賭神2先訓……點知真係太眼訓…..我聽一隻歌已經訓左~哈……好鐘意咁快訓著既感覺~今日中午去左拜肥仔……因為聽日係佢既生忌……唉~之前仲諗住今年同我一齊搞生日會tim…..講真真係有d感慨!今日買左好多野去拜佢……希望佢真係收到我既心意啦……一大堆野食…..又燒左一大堆野…..燒到我同毛寶身水身汗……多謝寶寶陪我一齊去拜爸爸…….好多謝你:]



2010-09-18

Day 4—-Part 4(西班牙塞維爾->直布羅陀->西班牙太陽海岸區)

離開左直布羅陀之後…..我地就要坐兩個鐘車去—-米哈斯山城(Mijas)….佢係一個好多有錢人住既渡假區…..佢地起d別墅全部都係白色….所以有白色山城既稱號….雖然無希臘既咁靚…..不過都可以止下渴先~

好可愛好忠心……但係好臭既驢仔….要我騎上去…都係唔係咁好喇~

呢間係米哈斯最出名而且風景最靚既餐廳…佢既招牌菜係—-西班牙乳豬~

每個地區都有自己既鬥牛場….睇個場既大小…就知道佢地住既人數同受歡迎程度有幾高…..而呢個就係佢地既小小鬥牛場~

第一張唔知點解可以影到我隻腳好似跛左咁…恐怖~定係我識縮骨功?

佢d橫街窄巷又係有另外一隻feel~

以前係同一個地方….同過爸爸媽媽影合照:]

充滿回憶~



係呢度大約留左九個字就離開喇….時間太少………

米哈斯山城牌坊仔~…..咁梗係同我地澳門既牌坊無得比啦~不過都靚:]

不過我覺得住係呢度都幾唔方便喎……..咁遠出市區…..

但係住既景觀係一流的~



仲有盛產果仁…..佢用d糖漿同d果仁一齊煮….呢隻零食超好食~~~~~~~~超愛呀~~~~~~不過我無買番黎因為我驚擺唔到咁多日……如果去既朋友仔真係可以買黎試下喎~幾唔錯~都唔算太貴…3euro一盒…重點係我愛既味~哈哈~

不過我地既二姊姊(二姊姊係邊個…遲d先介紹~)去過約旦…..佢話哥度都係有呢d食~佢好似話約旦哥d仲要好食d tim







頭先番去阿婆度…

同我表妹玩wii…..

又玩到隻拇指超痛…..哈哈~

今日又同毛寶講出年去旅行d野~

如果真係去到我地今日講既地方……

咁就好喇~

要有錢有時間…..仲要趁後生去既地方……