食玩訓西葡之旅20100918第四天Part1(陰天大霧及後天晴)

噚晚我已經覺得自己有d唔妥…..個頭又開始實實地………我已經十二點度就開始訓…….點知今日一起身仍然係難逃一劫…….個頭又開始痛痛地….醒目地中午訓晏覺之前食左粒藥……起身時好左少少…..但係放左工之後…..即係依家……個頭又開始好痛喇……又有d暈暈地….又有少少想嘔…..救命呀~我都唔知點解又痛…..係偏頭痛發作…..定係我呢個老餅自己凍親????我真係唔知呀……我已經向上司報定案驚聽日食完止痛藥都係嘔同痛番唔到工…….但我真係想番工喎…..我想健康咁樣番工….見到同事又可以傾計……都唔想頭痛到放病假……今年我已經放過n咁多日既病假….我自己都計唔到…..不過一定有五日……點解今年我既健康運咁差架??明明無犯太歲架……如果唔係我個鼻既影響…..係偏頭痛….咁點解會患上偏頭痛….唉…….我聽日真係想番工呀….我唔想帶到麻煩俾人…..  ;[



2010-09-18

Day 4—-Part 1(西班牙塞維爾->直布羅陀->西班牙太陽海岸區)

果然……訓完兩晚葡國既酒店之後……西班牙哥d酒店真係…..好娘呀….又舊….真係….連個早餐都唔好食過人…..就算有西班牙火腿….

個早餐都係唔好食囉……個杯果汁難飲到呀…………………



認住佢喇…..下次有機會黎西班牙旅行….見到呢間酒店….

自己就知咩事喇下….



今日既第一站—-西班牙廣場(Spanish Square)…..92年博覽會場地….原來每一個地區都會有佢地自己既西班牙廣場…不過呢個係全西班牙最大最靚架~唉…..不過呢日一出門口時就係咁……陰陰地天……又大霧喎……嗚嗚….

葡國就慢澳門七個鐘…..但係黎到西班牙又快番葡國一個鐘喎….我好叻咁之前哥晚較左隻錶快番一個鐘…..但係…..我唔記得較我個電話呀…..所以我比我原先起身既時間遲左一個鐘…..即係岩岩好夠我刷牙洗頭咋……….所以….呢日…..哈哈…唔夠時間化妝就要出門口喇…….我真係好蠢呀哈哈~

哈哈….個樣好無精神呀~



同我既仔仔阿寶仲有燕早一齊合照~

呢張相由於太暗用左閃光燈…..我成個人似唔似key上去~

神奇地~~個天又突然好天喎~~傻架~仲以為佢落雨tim呀~

慢慢d雲就散哂喇~~~~好開心~



個天有太陽影相真係唔同好多呀…..靚靚靚好多~

對比番之前哥d~~唔同哂~



西班牙廣場個正門~差d高到影唔哂呀~

跟住就坐車去直布羅陀(Gibraltar)喇…..直布羅陀係西班牙境內一個英國既殖民地….之前好似俾佢地全民投票….睇下佢地想做番西班牙既地區定係繼續做英國既殖民地….結果超過八成人都想做英國殖民地….原因….梗係跟住英國有錢d啦…..d人係哥度仲用英磅tim~寶寶話佢好鐘意呢個地方….原因係….佢個名好型(Gibraltar)………哈哈….好搞笑….突然係西班牙境內….有個英國殖民地….咁咪即係好似澳門同香港咁??????



係去直布羅陀既加油中途站發現左佢~華~~~~~~~西班牙火腿味既Lays呀~~即買…..超好味~~~Lays真係識賺錢…..中國版仲有乳豬味~~本身係諗住買兩大包番黎做手信….點知我成日叫毛寶唔好買住…..後面實有機會既….唔使咁早買啦……..er…..點知之後去到d平價超市…..無呢隻味賣~~sorry~

又坐完一輪車(即係又訓完一大輪教)…………我地就係直布羅陀同西班牙既邊界位食中午飯喇~間餐廳對住個海好靚架~

食飽飯先衝入去直布羅陀~睇下我對手….黑到好似勞工手咁







呢個星期番工番早….做乜野個時間都好規矩….

07:55-08:40  起身刷牙洗面食早餐

08:40-12:00  番工

12:00-13:30  食中午飯訓晏覺

13:30-17:30  番工

17:30-18:00  放工番屋企沖涼

18:00-18:30  睇青出於藍

18:30-19:00  打blog

19:00-19:30  食飯同洗碗

19:30-20:00  玩電腦

20:00-22:30  同媽媽一齊睇電視

22:30-23:00  玩電腦

23:00-00:00  敷面膜睇雜誌

00:00-07:55  訓覺覺豬

呢四日都係跟呢個時間表做…..雖然睇落有d無聊

但係我又好樂在其中…….

或者我就只係想咁樣….過無聊平凡既日子…..

個時間表好正….不過下個禮拜番晏…..又唔同左lu~



我聽日真係好想番工架……..希望番到啦

依家我一路打blog…一路有條女幫我按摩緊個頭(我阿媽)

正~