食玩訓西葡之旅20100918第四天Part2(陰天大霧及後天晴)

yeah~今日精神爽利咁起身~~~好開心~~我可以番工~全靠噚晚左右夾擊咋…….左…就係我阿媽係我一路打blog一路幫我按摩個頭……佢超大力咁按我d穴位(話係老豆教佢)…..按完第一次之後……真係無咁痛囉….超恐怖…..但係無耐又痛番…..之後食飽飯又再幫我按一次…………華……真係無再咁痛同想嘔…..不過條頸同膊頭臨訓時仍然好痛…….到右喇……哈哈….右就係我老豆……我噚晚發夢又見到佢喇….夢見同阿爸哥邊d親戚一齊食食下飯…..佢就出現….我仲話佢…咁串咁遲先黎……睇落佢個氣息唔錯唔錯……仲得得戚戚咁答我：係呀吹咩~………我仲問左佢一個一路以黎好想知既問題…..就係：究竟我地燒俾你d野你收唔收到架??………………點知佢答我：車…梗係收到啦….唔係你燒黎做咩呀??………………………..哈哈哈….一貫串我既口吻~~之後仲同所有人一齊食左餐好開心既飯~~~搞到我今朝一起身…..全身無哂痛症~心情勁靚~~~見到佢依家都仲係咁開心咁係另一個地方生活…我覺得好安慰:]…….爸爸雖然唔係我身邊….但係用第二種方法繼續疼愛我:]….其實我到依家仲係度諗緊係咪爸爸知道我頭痛所以係夢入面安慰我…..哈哈….



2010-09-18

Day 4—-Part 2(西班牙塞維爾->直布羅陀->西班牙太陽海岸區)

上回講到我地係直布羅陀個邊皮位食飯….那…又係爛蓉蓉湯喇~

跟住個主菜係…..牛…..係一堆好鞋口既牛……個味….幾鹹~

甜品就幾唔錯喎~雪糕….又幾可口喎~

食飽飯就衝左出去同對住餐廳既海灘…影影合照~

其實我同阿寶身後面個山就已經係直布羅陀黎架喇~



掂一掂d海水先~又唔係太凍喎~我地仲係個海灘度執左個幾靚既貝殼~

好~之後我地就過關喇~….個海關好簡陋…..完全係假睇我本護照…….一過左關之後……..就見到好英式既哈里阿波電話亭~完全就係去魔法部既電話亭~

直布羅陀個機場超過癮…..佢個機場超細…….平時如果無飛機飛既話佢會中間俾人同車通過(因為過左個機場先去到西班牙)…..一有飛機降落先封……仲搞笑係我地哥日去佢話因為今日無機所以成個機場都休息喎…..咁都得…….



呢個應個可以算係直有羅陀既地標喇卦~不過我都唔知佢叫咩名…..上網搵都淨係叫直布羅陀山(Rock of Gibraltar)~~yeah~到左喇~

之後我地就跟哥d city tour上山遊覽車喇~上緊山哥時三筒話：下面呢個係泳池…不過依家無水……………….華~~好正呀個公眾泳池向海架~~

仲有呢個山上小瀑布….有少少千奇百趣feel~

珍奇到O咀~



呀~呢個係直布羅陀山上面既一個燈塔呀~

係燈塔呢個地方望過去~~今次真係見到喇….見唔見到有山呀???

對面就係北非喇~~吹到我個頭癲哂~~



我記得呢個時……毛寶係非常唔舒服架….成個人梅哂~

跟住就去參觀聖米高鐘乳洞(St. Michael Grotto)

一入去哥時我同毛寶都話：華…..又幾靚喎….華….又幾犀利喎~

今朝起身….

洗面時覺得個太陽穴痛痛地….

我仲係度諗：仆街…個太陽穴生暗瘡tim

點知再摸下…..第二邊個太陽都係咁….

我先知……原來我個太陽穴唔係生暗瘡……

係瘀左…….因為媽媽噚晚幫我按摩大力得滯….

哈哈…我到依家重見到個太陽穴黑左~