2010-09-16
Day 2—-Part 4(葡國里斯本)
離開左花地瑪之後…..就坐車去左—-巴林塔(Belem Tower)….
呢個時候又變番凍凍地…..痴線架…有人落車唔帶衫….不停話：ok呀….呢d天氣好舒服呀…….(見住佢打冷震)….我：你頭先講左兩次喇…..你唔好咁樣安慰自己啦……………………………………
唔知係咪心理作用定眼有問題…….硬係覺得呢兩張靚過上面哥兩張?
燕早都有同巴林塔影架!!!!迷你燕早和迷你巴林塔~好kawaii~
遠影疑似金門大橋和耶穌山~哈哈~~~~~
仲有呀~~~發現左燕早有個新朋友仔呀~~~另一個團友帶佢個仔黎~
佢好得意呀~不過團友…..你”禁”扁我地燕早個小肚肚喇…….
又行過少少就見到—-航海紀念碑(Discovery Monument)……..建於1960年，為紀念航海王子亨利逝世500年而建。紀念碑的外形像一艘大帆船，刻有多個雕像，船頭站立的是亨利，後為發現歐洲至印度航線的加瑪，其他是隨同出發的航海家、葡萄牙歷史上的名將、傳教士和科學家等。(以上資料copy from travellife)仲要我再上網搵資….旅行社本小冊子真係唔得呀…….
雖知道三筒去旅行時係有講…..但係一去完旅行就乜都唔記得啦~
行過少少….有個空地…成個地下都係一個大地圖…..顯示左葡國發現新大陸去到幾多個地方…….仲有埋年份~
當然有我地澳門啦~~~時為1514年~
地下d公仔真係….好鬼頂癮囉~哈哈~~~~
跟住行過對面(真係對面咋!!!)…..就係—-謝郎里蒙斯修道院(Jeronimos Monastery)……好似話以前係皇宮….個修道院好靚呀~
你睇下佢d景點幾便利~
是日晚餐地點..食中餐…唔係講笑…我地之前黎都係食呢間中餐!!
我係怪人…每次我口叫住好肚餓呀好肚餓呀…..但係挾完又唔食…..d團友覺得我好奇怪…..問我：好肚餓仲唔食???…..我：um…..我要臭夠四味餸影張相記低我今日食過乜…….團友：點解要係四味???唔可以係三味???五味???…..我：…..er….我都唔係…咁知呀……..寶：你都傻傻地….睇番都唔知自己食咩餸啦
咩呀….我記得呢餐d魚好腥架…..唔好食呀….中餐常客—-蕃茄蛋花湯~….結果我真係七餐中餐我都有堅持等四個餸….影相….然後再狼吞虎嚥~我好記得出發前….我同寶講：華….咁多餐中餐….我去到咁遠唔想食鬼佬中餐喎….俾多d當地餐我食啦………………拿….你地都記住我講過呢句說話呀下~第一次搭台同團友食中餐…..開始有d計傾…..好事好事~~
前幾日我玩左個心理測驗….係講人挾人緣…..
個測驗係睇你點挾餸…..然後測出你同邊類人最夾….
我既分析係：同性寵兒
你最得年齡相近的同性友人喜愛
你是一個沒有機心的人….”認為生活輕鬆沒有壓力就最好”<—-讚~
因此從來不會害人或佔人便宜
你身邊的友人及同事跟你相處…都不會感到甚麼壓力
也不需要擔心被人害…因此同性朋友很喜歡和你在一起。
聽落幾好呀可?
不過睇埋有咩缺點先…….
但切記…不要誤以為朋友多便是好事
其實朋友愈多…你被出賣和被利用的機會亦會愈多
交朋結友的時候…多些觀察對方的行為和說話
並且小心分辨出不良分子…那麼就算你要找個人熟絡的時候
亦不至於誤入圈套。(from忽然一周之心理測驗)
唔怪得我成日咁易lai野…….所以話….新知不如舊友
唔係話你唔犯人…….人地就唔犯你
為左自己利益既時候…..識左幾耐都係無情講….
哈哈~所以大家對周圍都係小心小心~
無論係番緊學….定係做緊野…..
記住總有d屎忽鬼係你左右~
沒有留言:
張貼留言