香港一天遊@2019-03-23(陰天及後轉雨)

星期二......今日生意好差呀~我賺唔夠數~由佢啦~.....放工去左跑跑~~跑左3.48km~係今年既第二十跑~~好叻~...我噚日去跑完步時行經某條街…然後撞到我親表姐剛下班回家…我同佢打招呼…呀妖…然後佢話佢唔認得我XD…但我一個禮拜見佢5次XD…今日跑完再見到佢…佢主動同我打招呼話認得我了…多謝XD…星期三....唔...番工無特別...放工去左上狗仔堂...星期四.....放左工後有d野搞...無得上黎寫blog......星期五....勁爆多野做....放左工去左食葡餐...都...幾難食下....我唔開名喇~之後去左UA睇小飛象...我以前細個睇好多迪士尼卡通...但我真係無睇過小飛象~(但睇睇下係覺得有悶場).....星期六....中午食左Comma Cafe....下午開左利是~~~夜晚開菓子軒既兩歲生日趴~不經不覺這小子已兩歲了~~星期日.....去左拜老豆..因為我清明會去旅行~之後去左食有間咖啡....但...d野食越黎越難食...我不要再去~~~下午剪頭毛去旅行~~~夜晚痴痴貢~~~~星期一.....鬧鐘響哥刻覺得...假既...幻覺黎既je...嚇我唔到既....點知真係要起床了~~~~~~放左工去跑步~跑左3.52km....今個禮拜得今日可以去跑.....真係呢~~~唔關我事架唔係我懶呀~~~~



2019/03/23
(澳門 Macau->香港 Hong Kong->澳門 Macau)
我今日決定打尖~~出香港一天遊~~哈哈~點解會過香港呢?因為我地要過香港買d野~所以已經一早預設左呢日過黎~本身我地係諗住試下港珠澳大橋既...話哂未試過.....點知....我計下計下.....來回車費要$130....係機場哥頭去銅鑼灣來回要$60....加埋都$190....同埋唔知係機場坐去銅鑼灣要幾耐...為免費時失事...加上有朋友有優惠價$250買船飛....那~算了吧~係澳門去港島區我還是搭船好了~.....哥日我地搭9點9船~唔知係咪因為港珠澳起完佢行番以前條航道呢?我覺得好似坐左好耐咁...到左機場先再到上環碼頭~~~成80分鐘先到~不過我想講少左好多人搭船~



一落左船...我地就去搭地鐵啦~一落地鐵我地兩個對眼離唔開美心個餅櫃.....係我最鐘意食既牛奶蛋卷呀!!!!!!!!!!!!!!!!!!!!!流哂口水!!!!你睇下哥個少女~~~那乳牛的身驅!粉嫩粉嫩的形態~~~哥pat牛奶我簡直係為之神魂癲倒!!(講咁多我係買唔到黎食...因為我無可能依家買攞住成日...又無可能走哥時買因為我走哥時已經關左!!!!)....點解!!!!點解澳門哥間美心唔係呢間!!!!!!!!!!!我好想食呀!!!!!!!!!!!!!!!!!!!!!!!!!!!!!!!!!!!!!!!!$78咋!!!!!!!




約左12點食中午飯~到左銅鑼灣後仲有半個鐘淨....於是我去左sogo~完成我媽俾我既第一個營養任務先!...我媽話想我去香港買頂可以吸住頸既帽去摩洛哥呀~於是我係sogo運動層左睇右睇~有幾間都有~最抵係呢隻牌子丫!!!!減價中才$2xx.....好抵呀~~~~~仲可以防蚊喎!!!!!!!!!買!!!!





跟住呢~買完岩岩好夠12點~我地黎到sogo隔離食飯~今次揀左呢間大蔵季節料理(Okura Japanese Restaurant)...地址：香港銅鑼灣軒尼詩道525號澳門逸園中心7樓....點解揀佢?因為我未試過係香港食Omakase嘛....之前皮皮去台北食我之前食過唔錯哥間山肴鮨...皮皮話唔夠香港呢間好食~~佢力推呢間~好~試下先~(又話慳錢?!)





我係fb預約的~預約時叫佢俾餐牌我望下~但omakase無係餐牌入面....問左大約幾錢~就直接預約時訂左吧枱話想食omakase~我地係佢開門前到~我地黎到料理長仲未番到呢~哈哈~




見到雪櫃好多材料呢~~~




係咪好掛住我同毛寶呢~食飯前送張合照俾你地先~(會唔會睇完唔想食飯?XXD)





YEAH~師傅番到黎喇~大家好~佢係鄧師傅~張相影到佢好認真~但佢同我地傾計都幾搞笑~鄧師傅：你地有咩唔食架........乖小孩：無~.........鄧師傅：咁你地有咩好想食架?..........乖小孩：海膽!!!!!!!!!!!!!!(千古不變的答案)




先上一系列既前菜~雖然都係大路野~但個茶碗蒸我又覺得幾好味~暖暖個胃先~






鄧師傅介紹~中午既Omakase主要係壽司既omakase~~~~然後佢就放塊葉上黎......我：華~~~好似去左日本呀~~~~~~(因想起了築地)......佢地個蘿蔔同埋酸薑真的很好吃~食完見鄧師傅refill蘿蔔俾我地...所以之後我好放心喪食~~~~~~~




1.石鰈魚壽司.....偏淡味...比較爽口感既~作為開頭~不錯唷~




2.石鰈魚緣側壽司....係無燒過既...鄧師傅說：平時出面食到既有燒過....點解要燒?...並唔係因為等油花味出d...而係因為唔新鮮!為左要掩飾!......................對....新鮮的食落爽爽的!!!而且油花味好出!!!!呢件事我都係對上一次去台中先知左口魚邊正常食應該係要爽的!並唔係燒到林pat pat的~....好好味呀~




3.金目鯛壽司...鄧師傅：魚皮有輕灼過~咁樣食落口感會好d~......好好味~~~~我每次食金目鯛都好鐘意望佢塊皮~因為d色好靚~





4.九繪壽司.....鄧師傅：你可以話同龍躉哥科既~




5.針魚壽司......好靚呀佢外觀~d銀色係唔同角度睇都唔色~





唔記得之前有無食過~好像有又好像無~已經忘記得一乾二淨...淨係記得好味~




6.縞鰺魚壽司...上網睇原來縞鰺係高級食材~~原來比Toro還要高級.....難怪那麼好吃~




7.櫻鱒壽司.....鄧師傅：要問一問你地先..因為好多人都唔食既....我地今日有黎自淡路島既櫻鱒...三文魚d fd....如果要食呢個一定要先冷凍至零下四十度消毒先可以食用...有好多人介意食三文魚話有蟲所以連呢個都唔食既....但係真係幾好食......你地想唔想試?.......我：你有信心俾我食我就有信心食!.......................好彩有食丫~真係如鄧師傅形容...魚味重過三文魚但油份更少無咁膩口~真心不錯~




8.系撚鯛壽司....介紹呢個時鄧師傅靦靦腆腆咁講出系撚鯛呢三個字我笑左XXD...紅衫魚同科....口感好綿密呢~點解我地d紅衫魚淨係可以蒸黎食~~~~~睇佢側面條魚皮條黃線真係好紅衫魚XXD




9.平政魚壽司...鄧師傅：黎自鹿兒島隔離既櫻島~........隻色又幾靚喎~好粉紅粉紅~口感好肥嫩同濃郁呀~~~救命呀~~~~




估唔估到下一舊壽司係咩呀~~~~鄧師傅話佢d貨通常係夜晚番貨...會熟成一晚先serve俾大家~咁樣會好食好多~(當然要新鮮食哥d除外啦)




10.吞拿魚壽司...但我忘了佢話那個部位~~~好好味呀~~~~~




11.都係吞拿魚壽司...但係另一個部位...叫蛇腹....佢話因為d油花似蛇腹喎~~~加左少少海鹽....d魚油好香呀喂~




12.紋甲魷魚壽司....有紫蘇係入面~好香~同埋爽爽的口感~哀c~




13.帆立貝壽司....來自青森的~加左d青檸.....我覺得呢件係成餐最一般哥件...同埋青檸好似重手左少少~~~~~食到黎呢度鄧師傅說：不如你地講下你地仲可以食幾多件?等我可以安排下重可以俾你地試d咩?.....我+毛寶：5件.......鄧師傅：華?!都幾多架喎!.................(死啦...我地係咪嚇親鄧師傅呀?)




14.赤貝壽司.....鄧師傅：係來自瀨戶內海...加左少少咁多鹽....我唔姑寒架~係成隻俾你食架~................頂!好好味呀!!!!我勁鐘意食赤貝...好鐘意!!!!




鄧師傅向我展示下一道...er.....我有記低...但發展我記錯重點字..................唔知咩蝦...但唔係牡丹蝦~有無人可以幫到我XD




15.唔知咩蝦壽司.....成隻蝦俾你......仲要連d膏都放埋上蝦身俾你食................帝王級既享受~~~~~~~~~~~~~





16.唔知咩魚壽司...............鄧師傅話係池魚哥科....好好味~~~





17.紫海膽壽司.......鄧師傅：來自石卷....每年11月至2月當造...同埋呢度唔係一塊黎架~~係三塊鋪左係度架~~~~(知喇~知你唔姑寒喇~XXXD)





18.小太卷.......完了~好不捨呀~




鄧師傅問我地要小烏冬定係麵豉湯....乖小孩：麵豉湯!!!!.....鄧師傅：好喇..見你地叫麵豉湯我知你地真係飽喇XXD




餐後仲可以揀一杯咖啡或橙汁.....整杯咖啡先...我今日好早起身~




見我地食到飽飽...鄧師傳派卡片~你人真好~地點其實真係幾方便~





然後我地就埋單喇......開頭張單黎到....我望左一下...每Set $1,160.....好正常丫....因為我覺得一個omakase既壽司set唔會俾我食到18舊咁高質既壽司....而食到第13舊鄧師傅問我地仲可以食幾多舊時我地答5舊....哥5舊我其實當係自己加上去架..........點知再望落去....張單連埋服務費總共$1,276.....下!!!!!!!!!!!!!!!!!!!!!!!!!!!!!!!!!!!!!!!!!!!!每人才$638?!?!??!?!...唔計服務費....個set才$580?!?!?!?!?!?!高質到咁?!?!?!?!?!鄧師傅你係咪蝕錢唔同我地講呀............................我好驚呀....然後我將呢件事話俾推介我既皮知....皮說：無可能架喎!!!!!我次次都係食13舊咋喎!!!!!!!!!!!.................但我真係食左18舊...........................................................................你地唔好學我咁大食....我唔想鄧師傅蝕錢........................台灣食既omakase鐘意加調味提鮮......鄧師傅食到既係接近原汁原味....證明佢對自己食材勁有信心.......而且我覺得鄧師傅d食材真係幾特別~大推介~~~~~(查實我舊年係台中都食左一間令我好開心既omakase....不過遲d先講~)




食飽然後行左過對面希慎......(其實我呢日黎香港前有諗過會唔會係香港撞到sunny bb~但點知佢地哥段時間去左台北錄音...嗚嗚)......華~有中指貓呀~




無限自拍






呢日我自己都有營養目標架!!!我要去誠品呀~~~~我搵緊我既目標既時候......突然見到好多人圍住一角.....話係非分熟女新書發佈......我勁老土....以為係d好出名既台灣小說家既新書發佈會.......我睇緊野哥時.....有個好高好瘦既女仔經過我面前....正想問毛寶：呢個台灣女仔係邊個哥時..........毛寶：阿sa真係好瘦呀!...............我：下?!阿sa黎既咩?...我完全認唔到既?.........毛寶：阿sa你都唔認得?!...佢前面既仲有卓韻芝同埋葉童喎!...........我：我完全睇唔到.....因為我既注意力去哂我既營養目標度!!!我呢日要黎搵係兩年幾前supper出既溫柔革命前傳~~~~~~~~~竟然俾我知道誠品仲有~即刻衝去買~~行過仲唔小心見到.........................妖....又有哈波pop up book....呢本仲要極度出色...望一望價錢....$750...............................................................我頭先餐omakase才$680喎................................我仲話慳錢.............慳條毛...番澳門要乞食喇.........................




買完又貢過去恩平道.....我當時就係企係呢個位......我問毛寶：見到我想睇咩未?.....毛寶：.....er.....




俾個close up你喇!!!你地見到未????????




上樓前其實仲有一個增遊既景點架....就係白沙道個街道牌呀....毛寶：點解??!?!.............因為.....supper粉就會知.....因為有句說話：蘭芳道內遊戲~白沙道內盡興~...................無錯~團友~佢地係度拍過LOVE is nearby既MV XXXXD...我本身其實係想行埋蘭芳道既~但呢個時候開始有少少雨~算了~放過毛寶~




我要去既地方就係Museum CONTEXT....地址：香港銅鑼灣恩平道19號1樓.......WOW~~~~~~~




牆身已見魔法處處!!!!!!!!!!!有波特同天狼星既通緝街招~~~





呢間係一間充滿魔法既鋪頭~~~~舊年有多人係FB tag左我....但佢係一間pop up store....但唔知點解到今年仲有~~~真好彩呀我~




呢度d貨品都幾多~~好多種類~~但唔知點解舊年去英國哥時都見唔到咁多~~~好正呀~~









造價$5,555既光輪2000.....難怪係當年有錢仔爭相炫耀的貴價貨!




竟然又俾我撞番上次去蘇格蘭後悔無買既怪獸的怪獸書公仔!!!!!!其實我想買...但佢比英國貴兩百....而且......我諗我雙手攞唔到咁多野.............................我又再一次放走佢....






佢有部份賣既野又唔係好關波特事既~





我好欣賞呢個巫師棋~





佢仲有d係怪獸與牠們的產地系列~~~~~~我想買玻璃獸架...但俾人禁止左~我無講邊個呀~





佢仲有Newt個皮篋買!!!!係好靚既!!!!!!!!!!!!!但你知唔知呢個幾錢呀??係$2,995呀!!!!!!!!!!!不過真係幾靚...仲有Newt個名牌架!






魁地奇我應承左自己要入手架!....但係去到現場見到係紙皮造...我又的唔起心肝去買....所以最後我係呢度只係買左一樣野......你估下XXD....因間話你知~




其實重點係要黎呢度影!相!!!!!!!佢有個位俾你影!!仲要借埋衫俾你去影!!大器!!!(不過條頸巾有d臭XXD)






一系列的瘋狂影~~~~天呀!!!!!點解我咁似哈利架!!!!好靚呀d相~~~~~~~~~~~~~~~~~~~~(唔知有無人留意到個篋係榮恩既呢XXD)









哈哈~~~~~我淨係買左呢隻怪獸與他們的產地既樹精XXD....我諗住睇第三集時插係我衫袋帶佢去睇~




阿媽既下一個營養目標...就係要幫佢去么鳳買一舊未剪開既冬薑!阿媽話止咳好得架!!!地址：香港銅鑼灣富明街3號......隔離正街係總店~有好多其他涼果零食買...好羨慕香港仲有呢類型既野賣...澳門....算罷啦~




然後轉過去利舞臺間無印.....因為我地黎香港....就係為左佢!!!!!!!!因為今個月出發去摩洛哥驚三大長老食唔慣非洲野.....買d無印湯同即沖飯俾佢地沖下~~~~~(點解澳門無無印架)




同埋自己買下零食去旅行囉~




下一站....又係我臨出發時加既~~~搭地鐵去金鐘站行去中西區海濱長廊(中環段).....就係非常符合潮流咁去搵Companian打卡~~~~~~~~~~~~~~~~~~




呢個KAWS:HOLIDAY又幾有趣既~不過上網睇好似台北站坐係度易影d......香港呢個訓係維港又係有d難影~要搵一個位影得佢好d都有d難~





最後搵到個觀景台可以無野遮住仲可以影埋維港景既~靚~媽咪!!Cow叉眼呀~~~~~~~~





然後我地幾醒呀~無行回頭路搭地鐵呀~行去左中環碼頭搭渡海小輪去左海港城...因為有少少雨唔想周圍去....係海港城搵野食先~揀左呢間塚田農場....地址：海運大廈L2 OTE202.....目測好多人食....要排隊......原來係日本開過黎的~





排隊等緊哥時睇下自己d戰利品~~~~仕燊~~~~~




哈波~~~~~~~~~~~~




等左15分鐘度就有位喇~~好野~~~華~幾勁喎~餐廳對住維港景!




我地係俾門口既大餐牌吸引左入黎....係因為哥條美人卷~





海老牛油果美人卷....$56........唔....其實無咩特別.....越南唔炸春卷咁....只不過點豉油.......





叫左個美人涮鍋(原味)...我地揀左和牛&豬腩肉....$520.....幾有氣勢既~




有兩個汁跟....日式麻醬有少少辣既....另一個係淡到無乜味既柴魚汁(?)....




之後有個好有禮貌生得好似余德丞既弟弟侍應問我地：你地識唔識點樣食呀~.......姐姐梗係唔識啦~教我啦教我啦~整熟d肉先....然後整熟d蔬菜




然後用肉包住d蔬菜咁樣食.....咦...係幾好食既!因為d蔬菜口感不錯!肉也挺重牛味/豬味.........食頭4舊我覺得好好食....但越食越悶....因為舊舊都係肉包菜......同埋個湯黎滾越咸...最後咸到要加水~




另外叫多左碟菇....$75




呢餐食左$757.9...每人$379.....又話慳錢既




食飽飽..我地醒呀....搭番渡海小輪過中環....然後直接由中環碼頭行番去港澳碼頭~超快~搭渡海小輪影下維港景好靚呀~呢日既香港一日遊就咁結束喇~




未完架...我知既...我知你地好想睇我本哈波既pop up book既~




今次我同毛寶仲不計成本...以一鏡到底既拍攝方式黎製作左呢本pop up book既開箱文!!!!!!!!!!!!!!真係值$750架!!!!你睇下!!!!(用一鏡到底係因為本blogger並唔識接片XXD)

算喇算喇!唔睇我條一鏡到底介紹片就算喇!!!!!(自我發脾氣的blogger).....佢最勁係........佢可以成本打開哂!!!!!!!!!!








我開左今年豬年利是喇~
有成127封~
多謝各位~
我係當年開番當年既利是....
證明我是真的窮了~
今年有成$58xx.........
好勁~~~~~~~~~~~~~~~
多謝各位善長~~~~~~~~~



唔知大家怕唔怕呢?
我最近一直都係電話登入唔到自己個Blog...
點解呢?



2019/04/01的開心事：
今日係愚人節...但無俾人玩~~~~



報時：距離六公子峴港嘆世界之旅2019仲有---2日~
報時：距離北非摩洛哥之旅2019仲有---23日~
報時：距離狂歡三寶台北快閃瘋食之旅仲有---65日~
報時：距離九州自駕遊之旅仲有---187日~
係上星期我地終於都訂好越南既車同行程喇~
開始有少少期待越南旅行~
星期四一放工就直衝機場~~~~
好緊張唷~~~~~~~~~~