♥二見Supper Moment♥@Corora Sunsets Festival 2017

星期三...好多野好多野做.....人地等左3日...Supper Moment個親親...呀唔係...個握手影相會仲未有結果既~~~~我成日都心急到行黎行去行黎行去呀......放左工去做運動..好差呀...快行咋...5.13km.....沖完涼仲即刻衝去睇人造天劫(Geostorm)....你知唔知我有幾耐未睇過戲?!...但套戲....er...唔...呀..........................一路睇一路個肚打鼓我唯有睇完戲食番個麥叔叔架咋~番到屋企就收到一個消息(喜炸了~~~~)....星期四....咪講左囉~人地呢日放公眾假期嘛~梗係偷懶啦~由於噚晚收到開心心的消息~所以今天不去運動了~中午去左文華東方既MO Express度食中午飯~成個下午係毛寶家執執麥公子d相~夜晚回家吃~星期五....勁多勁多野做~整天都遲籌~放左工之後去左同凱公子賀壽~~~~~~~~~~又係食中菜~~~~星期六...期盼已久的一天~~~~自己睇下面寫咩咪知囉!仲問人!~~~~~~~~(怕醜奔走)....星期日中午去左羅斯福入面既氹仔漁村飲茶~之後去左試搭新哥個大潭山斜行電梯~(好家庭樂呀)...之後又去行左陣威尼斯人個車展..睇下je~....夜晚食左外賣~(其實我都成日食外賣..大家有無咩推介下呀?)....星期一...照樣多野做~~然後放左工快快回家吃完飯去跑步~(但今晚極豐富有鮑魚花膠湯飲~~)....食飽飽去運動~慢跑5.24km~我真係飄忽丫~今日跑左成40分鐘~~~~keep住keep住~~




(我地黎開始進入粉紅色的夢喇~)....咁既~上星期三哥晚就公佈左哥個令我喜炸了既消息~~就係~~~揀中左我可以去同Supper Moment握手同埋影相呀~~~~~~~~~~~~~~~~(其實未公佈前我就好似當我自己羸左咁呀~~已經買好哂船飛~).....因為呢件事我煩左凱公子同埋毛寶唔知幾多日幾多夜~~~~~~~~~~~(因為我狂話唔知會唔會抽中我又唔知會唔會唔記得通知我~~我真係煩死人喇~).....真係慘喇~有人呢日一早陪我過香港~~~~到左香港~~衝左去銅鑼灣先~~~因為我好想好想去買叮噹呀~~~佢依家係時代廣場個log on個中庭有個pop up store~~~超細細的~~仲要排隊入..好彩我地早咋....排左3分鐘~




郵差叮噹~~~又係幾得意既~~




除左買少少精品之外~~我仲買左呢3張postcard~~~寄番澳門~~~$35/張....紙質幾靚架~呢個價仲已經包埋郵費~~我最鐘意係聖誕樹哥張...佢質地仲絨絨地~~仲要有好多靚既印俾你任吸係postcard架~





哈哈~~原來頭先門口哥隻大叮噹就係郵筒~~得意~~仲要個口就係入信位~~~~~~~~~





希望收到啦拜拜~~~~~~~~~~~~




寄完postcard我地就去左時代廣場12樓哥間鮨穴食日本野~(其實上到去見到唔使排就去食~~)....見佢餐牌全部都係食套餐既...岩哂我啦~~我叫左個特上刺身御膳...$278....餐入面仲有沙律..前菜..海鮮蒸蛋..白飯..漬物..味噌汁..甜品.......其實都唔錯喎~




刺身都有幾多下~~如果一個人實食唔哂啦...漏慘了~~可惜在佢塊海膽唔夠鮮味~好彩我係同毛寶share黎食~




毛寶就叫左鯛魚泡飯..$78...幾好食喎呢個~




甜品就一般般啦....




食飽飽就行去搵下呢間GOD DAG好日...GOD DAG係北歐語入面係good day咁解~賣生活雜貨既~我地黎其實係想搵哥日既pop up artist "Chingpaper"...幫我地畫一粒人頭~~(之前有幫Supper Moment畫過靈感床哥個mv架~~~好靚架~~佢畫得勁似~~)....點知等了又等佢都未黎~~唯有叫店主影低我地張相交俾佢畫然後再寄番澳門俾我地啦~~GOD DAG好日地址：香港灣仔軒尼斯道365號富德樓4樓....佢地呢間賣d野都好靚架~~~毛寶都有進貢到銀兩~~佢地仲有咖啡呀輕食呀~坐係度應該幾舒服~~我好想快d收到我粒人像呀~~





又要趕下一埸~~今日既重點節目~~就係要入赤柱參加呢個Corora Sunsets Festival~~~~好彩哥日大會有專車免費安排公眾來回赤柱廣場及海洋公園港鐵站~(or來往柴灣)...如果唔係我都唔識點去~~~~我從來都無去過赤柱架~~今次可謂為左Supper Moment獻出第一次~~(好無謂既第一次~~)




哥日係赤柱大街都有好多workshop呀~人體彩繪呀~(其實我都唔知仲有咩..個心已經飛走左~~)




但我既目的只有一個~~~就係去指定地點攞呢張對我好重要既門劵~~~(毛寶話我緊張到搞到佢都緊張左好多日~依家終於攞到係手喇~~)




除左Supper Moment之外仲有其他表演單位既..咁我攞完張門劵之後~就同毛寶呢度行下哥度行下~再坐係度睇左陣表演~(有個非洲鼓既表演係幾精彩既~~幾high~).....到時間我就扔下毛寶一人霸位~我自己就....hehehe..................係Sunny bb呀~~~~~~~~~~~~~~~~~~~~我地排緊隊哥時由於我排第一行邊邊....佢同我隔離個粉絲傾緊計....當成個仕燊企係我面前時....我......成個人呆左....................淨係見到佢鼻紅紅又食喉糖咁...唔知佢係咪唔舒服呢?仲不停大叫好攰~




之後開始影相~~~~~我好似排第八~~~~其實我有諗到d野同佢地一齊影相架~~不過哥個場合太多人~~~~我實在鼓唔起勇氣去做~~~~~~~~~~~~~加上我之前哥幾個人都無握手~~~~所以我都無握手~~~~~不過我都唔會握~~~因為我真係緊張到出哂手汗~~~~~~~都唔好意思同人握手~~~~~~~~~~~~~雖然第二次合照但係我都緊張到成個人定左格~~~~~(呢張係阿達幫我揸機自拍~果然係美男達~咁叻自拍~)




同哂30個人影合照之後sunny仲聽到舞台既歌自己跳舞~你真係好可愛~




個見面會完左我仲企係度屎等睇下佢地啦~(繼續扔下毛寶mode)...好耐無見呀~~我有3個月無見過佢地喇~~~~~





仲係唔夠呀~~影完傳媒相佢地又未上台.....我仲企係度等~終於見到有人邀請佢地影相我先跟住一齊影咋~~~~我唔知點解我個人怕醜得咁緊要呀今次~~~~唔夠膽開口問~~~(係啦...其實我個人不嬲都咁怕醜架~你地都知架~)......同阿達Selfie左先既~~因為佢影前影後都笑meme咁令我夠膽開口問~~~~再之後打蛇隨棍上影埋阿雞同CK~~~~野~~~~~~你地好好人呀~~~~~






Sunny bb之前係後台既~~最後終於俾我等到啦~~~~~~~~~雖然現場太黑有d矇~~~但係我都好滿足啦~~~~好開心呀!!!!!!!!影完都唔夠膽同佢講野講句多謝你就火速逃跑~~~~(好怕醜呀~~~~~~~~~~~~~~~~~~)...我真係好鐘意Supper Moment呀~~~~~~~~~~我真係好鐘意陳仕燊呀~~~~~~~~~~~~我覺得佢地對d粉絲好好呀~又有禮貌~依家咁紅都仲咁樣...真係好難得~希望你地keep住對粉絲咁好啦~~~~我諗直到下次你地再黎澳門我接你地船我先再夠膽同你地傾計~太多人喇~~~~~~~~~(跑走~)




哈哈~dum低個小朋友成個鐘要去接番佢喇~好彩佢霸住個位咋~~~我再出番黎哥時超多人~好彩我地企哥度剛好高左一級的~佢地個環節係19:00-19:30~但佢地7點先可以出黎set野試音~所以都搞左好一陣~~~~~查實我都好享受睇住你地set野架~




超勁high呀!!!!!一黎就靈感床!!!!!!!!!!!!!!我諗Sunny對眼一定係評估過現場環境唔適合插水~~佢今次無落黎~~~再跟住一首點滴~~~頂~~~出哂汗呀成個身~~~~好彩係夜晚同埋係秋天咋~~~~~~~




好開心呀~~~呢日係第一次係現場聽新歌大丈夫呀~~~~




好難得影到哂4個人既相~~因為有時阿達套鼓成日遮住佢~





你仲唔係望住我哥邊~~~一定係~~除非唔係~~




之後再黎幸福之歌~~encore位係說再見了吧~~~






頭先係後台又話自己好攰好攰.....上到台仍然可以有活力令觀眾high翻天的應該只有你~~~<3....最開心係有第二次encore位唱"飛"~~~~~~~~~~~~~勁開心~~~次次睇親Supper現場都係high到痴哂線~~~~雖然呢篇blog係二見Supper Moment...二見只係解近距離接觸咁解~其實我睇過佢地5次現場架喇~~第一次係澳門溫柔革命演唱會(睇完瘋狂愛上)..第二次係澳門Hush音樂會..第三次係Yes!Rock Festival..第四次係Gimme Me LiVe...第五次就係今次咯~希望將來有好多好多機會再睇你地既Live~~~同埋希望你地出年開到紅館演唱會!!(重點係要我搶到飛~)...毛寶話睇完佢地個表演....困擾佢多日既背痛消失~睇你地個表演真係舒筋活胳~




睇完失左一陣聲...因為叫得太大聲~又坐免費巴士去番海洋公園港鐵站再去其他地方食野~揀左商場入面既美食廣場求其食碗粉就算~食完發現同我今朝食日本野食同一集團~




食飽飽就去碼頭番澳門啦~~影埋呢日我買既叮噹你睇喇~超鐘意~佢地好得意~下面成包m巾咁既百寶袋其實係模仿時間布既環保袋~我超鐘意~~~~~~




最後想講係....我搭左好幾轉港鐵..有好多個廣告都有Supper Moment....但有一個我一定要舉機影一影既.....就係由艾粒扮Supper Moment既海報~~~真係勁似~~~~~~~~~好好笑~~四個都扮得好似呀~~~

我個粉紅色的夢又告一段落~~~~~希望我下次可以鼓起勇氣同仕燊傾下計啦~~~~~~~~~~~~~~(好羨慕香港粉~~).....(毛寶申訴：有無搞錯呀!!俾Supper Moment打尖!!!!)....好~呢位讀者既聲音我聽到喇~由於Supper Moment太重要~旅遊blog被打尖~星期四馬達加斯加與你再聚~我處理左你既投訴喇~真係好多謝毛寶~~~因為佢又陪我瘋了一次~仲要多謝我個追星永遠榮譽顧問凱公子~






er...咁呢.....事緣就係因為...
因為我被揀中去參加呢個Supper Moment既握手影相活動~~
咁我要inbox回覆主辦單位資料~
我搵黎搵去都搵唔到主辦單位個fb messenger..
於是決定係電腦搵唔用電話搵...
點知....俾我發現到一堆陌生訊息.......
立立雜雜...咩都有....
最多係問我去旅行d野...我竟然一個都睇唔到!!!!!
真係感到抱歉...我真係好想答你地架~~~
我唔係臭串呀~~~~
只係fb messenger幫我block哂咋.......
我到家陣...用電腦睇fb messenger先知....
er....係呢咁多個訊息入面...
我淨係覆左一個人咋...因為哥個人問我仲有無寫blog...
我淨係答左呢個問題咋................
其他旅遊有關既問題........我諗大家都出哂發啦..
唔要我啦~~~(嗚嗚)
下次如果有野想問我...係我最新哥篇blog問我啦~~~
fb messenger我睇唔到陌生訊息架~~~~
唔好唔要我呀~~~~~~~~~~~~~



2017/11/06的開心事：
一年入面同到自己偶像selfie兩次..
自覺幸福~
唱著~~~幸福~~~之歌~~~~~~~~~~~~~~~~~



報時：距離日本大阪自由行之旅2017仲有---31日~
報時：距離新加坡熱辣辣聖誕節之旅2017仲有---45日~
咦...喂...新加坡我咩都未搞過喎~
大阪仲有一個月我又係咩都未諗喎~