我的生日會2019@香港迪士尼樂園

星期日...無咩野做過...起身...食飯...睇道地星期日影院..食下午茶...沖涼..晚飯...得知呢個禮拜公司繼續home office..只番幾個人....星期一.....起身食野做家務~當做運動~可惜做完條腰好痛~好老呀我~好想快D搬番去自己屋企~...星期二...由於睇天氣預報講左星期四五都會落大雷雨..所以鼓起勇氣落樓做補給!!食飽飯今次去第間買..因為間百乖無咩買..今次哥間有冰鮮雞買..已經好開心:]..再去買埋第二輪口罩因為聽日已經到第三輪喇XXXD叻到係買口罩既藥房見到兩條廁紙!!...星期三.....今日起身食左餃子~之後睇Only You~睇完做家務清潔全屋...我唔明只係隔左一日無拖地污糟到乜咁!...然後見到久違了的太陽~係窗台坐下曬下睇下雜誌~又一天......星期四......今朝一早開始落雷雨....今日無安排自己做任何野...打下blog....星期五....今日又安排左自己要做家務~隔天做真係好攰~不過諗住做密D下周番工就無得做咁密....下周公司講左每人番4日每日連番5小時...我竟然抽中可以放周五~~~今日情人節...但無得出街~希望下年有機會再同你去食痷記或者八分目啦<3...夜晚媽媽煮左情人節大餐我食呀~有牛扒有意粉~仲有湯丸~好開心~....星期六....尋晚訓得好差...唔知係咪又濕又熱所致?...中午有豬腳薑撈麵食~幸福唷~



哈哈~舊年某日...我問毛寶：呀~係呢~今年我生日...你有無諗住...帶我去邊咁呀?.....毛寶有少少驚：er...未呀......我：咁岩喇~我自己諗好節目喇~....可能毛寶覺得我有少少唔知醜或者覺得唔使諗做咩感到解脫：係既~有咩訴求~....我：禾爽hee特樹黎樂妍呀~我連晚飯都自己諗好埋喇~......就係咁~我地呢日係我生日正日~就出發去迪士尼樂園喇~~因為去法國哥次旅行我想唔搭機場船去香港機場~改係港珠澳去~所以我安排去迪士尼其實其中一個原因係要實習下搭港珠澳等我到時唔好咁緊張~XXXD....係...我地好now仔...仲未搭過港珠澳~毛寶哥日揸車去暫居地接我~然後揸車去澳門港珠澳口岸停車場泊車~




淨係搵停車場都搵左一陣~泊好車~就行去大樓過關~




單程$65係幾抵既~當時好似有Mpay俾錢平$30....抵到爛...可惜我哥日Mpay唔夠錢XXXD




上左車收到生日禮物~~~




今年係一個壽桃~佢話佢求其整喎~但我都好鐘意~睬~個壽桃有屎眼~





多謝~~*3*




天朗氣清狀~我心感歡喜~




好似大約40分鐘就到香港機場附近啦~




我以為好快~但好似都要1個鐘先到香港口岸~




出左禁區之後...就會見到好大既巴士站....我地去迪士尼...就要搭B5...去迪士尼樂園...不過要查好時間...因為B5唔係全時段都會經迪士尼哥個站....好似07:58-11:10(每12分鐘一班)...呢個時段先會經迪士尼(另外好似19:50-22:15都經)...回程D時間都差不多....其他時間B5只去到欣澳站...要自己再轉地鐵...帶小孩的家長要留意了~我地好似11點度先到~即跑去排巴士~一上車就問司機大哥經唔經迪士尼~好彩趕得到最後一班~車費$5.8




大約20分鐘度就係港珠澳大橋來到特樹黎喇~~由澳門黎到個半鐘度~幾唔錯~一定快過搭船~





華....也太曬了~(呢個人真係煩...落雨又話落雨...曬又話太曬~)




同埋另一個想生日黎迪士尼既原因...就係我成日去迪士尼都係聖誕主題~~而10月係萬聖節呀~~~咦~係怪誕城阿Jack呀~綠色肥鬼好好睇~





入場前合個照先~~~





我地係Klook買入場劵既~用埋D積分當現金減~(D積分係上次買濕爬澳門演唱會飛儲架~~)...每人$560...之後好似仲平...有買一送一~我地用QR Code入場~佢會即時俾番兩張實體飛我地~唔使特登去售票處換~幾方便~我抽到唐老鴨同布魯圖呀~~




南瓜色既米老奇~行咯~





第一件事行去服務中心攞個生日襟章先~我行去攞時竟然無人查證件就咁相信我~Magic~~相傳...你將佢掛係身...D卡通人物巡遊時見到會猛同你揮手...排隊同卡通人物影相可以快D!(人地講咋...我無試呀...你知我係十大怕醜榜之首啦...咁老尷我點會做呀)...咁攞個襟章黎做咩?留念囉吹咩~(影到我個樣咁矇都見到我戇居居)




行到美國小鎮大街...呀!有工程!成條吊臂係度!!




我地最鐘意人地去玩時我地就食野架啦~一到乜都未玩食野先!見無人丫嘛~去左大街餐廳~




又坐到玻璃屋哥邊~光猛D~餐枱張紙墊又幾少女喎~




我地叫Set食啦~




我個前菜揀左羅宋湯....er.........唔好飲~主菜我揀左小鎮特式三文治配薯條...$178....華!!可愛到!!茄汁都係米老奇!!係得個可愛二字囉~連個包都好難食~薯條係唔錯既~





毛寶都係叫左$178 Set~前菜就叫左煙三文魚羽衣甘藍藜麥沙律...佢呢個前菜出色多了~主菜就揀左新牛肉肉醬配不含麩質螺絲粉及溫泉蛋....主菜麻麻~





雖然唔算好食~但配埋杯凍美式都話哂係我既生日午餐~




食飽...梗係玩下佢D頭Cool先啦~~~唉呀~好可愛呀~~




點解你條眉咁有戲既~~~XXXXXXD




有人幾乖呀~話我今日生日俾我做主人佢做狗仔~但我覺得我都係襯做狗仔~





扮可愛扮到毛寶話打哂喊露...係喇係喇~走喇~(咁遠都睇到你個樣幾乞人憎XXXXXD)




首先去到Tomorrowland~





我地諗住去Hyperspace Mountain攞張Fast Pass先~(其實你望下抬頭~唔攞Fast Pass都只係排10分鐘~)...攞左先啦~因為想玩另外兩樣未玩過既野先~驚多人排呀~(用QR Code入場都俾番張飛我地應該都係俾我地用黎攞Fast Pass~)





第一樣玩既係Iron Man呀喂~~呢個開左以黎都未玩過~要排15分鐘~





都算排得幾快~毛寶：到底有無人會戴得呢幅眼鏡好睇?....我估連仕燊都唔會戴得好睇啦XXXXXD....玩後感：好頭暈~




出到黎睇紀念品見到菓子軒最驚既綠巨人相關商品~拉姨即刻話要扮俾佢睇XXXXD




第二樣玩既係蟻俠~好似都係排10分鐘左右~不過其實即係以前巴斯光年咁樣玩~雙手好攰~我以為自己好高分~點知毛寶仲高分~





萬聖節紀念品很可愛~






去個廁所再玩~見到被女友迫戴Duffy頭cool~~又幾可愛喎~




去完廁所諗住再去玩...行過某個位...咁怪既...好似有野同我打招呼既???本身已經行過左...但又忍唔住行番轉頭望....頂~~~佢無人同佢玩呀!自己打開門Now客XXXXXXD




咁佢HI到我~咁我咪俾下面囉...後尾有兩個女仔同我地一齊入去...我地行到入佢房時佢收埋自己係門口隔離...我地4個行到入去佢嚇Q我地(我又真係俾佢嚇到XXXD)...好明顯前面個女仔好鐘意佢~(呢隻野係咪Starwar入面架?)





其實佢咁高...我有少少驚...佢送走左前面兩個女仔...er...咁咪到我....




喂....唔好咁望我啦XXXXXXXD




毛寶你好勇敢~~




然後去左玩Hyperspace Mountain~玩完出黎就有巡遊~






你地仲唔係望住我~~~~





然後行過反斗奇兵大本營~純影相~因為唔激既遊戲我嫌佢唔夠激....而激既遊戲我又嫌佢太過激XXXXXXD好麻煩呀呢個人~










迷離莊園唔使排~又玩下~






玩完又睇紀念品~呢次D萬聖節Tsum Tsum我都覺得幾得意喎~同一隻有兩個款~~~






當日仲有好多人特登去買呢隻特價米老奇....$79又確係抵~





我有生日禮物架~~~毛寶送左個行李牌俾我~我好開心~




行過見到....有邊個小朋友會想買肥鬼爆谷筒呀XXXXD咁醜





灰熊山極速礦車唔使點排~玩左兩次~一次坐最前~一次坐最後~好玩~




迪士尼街頭表演係幾熱鬧既~~




仲有個同小朋友既互動環節我覺得幾得意~




我反反覆覆咁攞左兩次Fast Pass~共玩左4次Hyperspace Mountain!太好玩~玩完4次你就會好似我咁XXXXXXXXD睇下我個頭幾靚XXXXXD毛寶迫我玩完唔準整番個頭影張相XXD




好靚~非常靚~




南瓜擺設好得意~






佢仲有呢個地方我未去過!叫童話園林~好多公主景影~好靚~仲有D小機關玩~好得意~





















出番黎見到有第二次遊行~華...有人曬Duffy冷~




第一次巡遊係普通嘉年華Feel~第二次係萬聖節主題~~






買奇好似國王出巡咁~就算係國王都要望下我呀!





但我心中最愛...始終係Kai王之王既高飛!好似我見咁多個扮高飛既人都扮得好好!勁Kai~我同毛寶講：我覺得我好似高飛狗~一樣咁Kai~











死啦~我心仔仆仆跳~好似有男仔請我一齊跳舞咁~




我衰咸濕...不停打聽鋼牙大鼻之後會係邊度出沒影相...因為一影有兩隻...怕Kai王單拖~條隊超短就截龍!好彩排到~




我有D後悔...可能呢兩隻野做完巡遊好攰~無乜活力~而且影相的員工有點求其~




點解呀!Kai王同布魯圖一齊出呀!我行到去已經截左龍呀!點解我唔一早排呢邊呀!嗚嗚!Kai王勁有活力架!



算啦...拜拜!下次見!下次我唔會衰咸濕架喇!



去埋小鎮大街D紀念品店逛逛~







我好鐘意望TSUM TSUM~但好少買XXXD




呢個幾得意喎!扮BB喎!




然後有人叫我影佢...我問：點解揀呢隻?....毛寶：咩呀~我扮緊獅子王入面隻猩猩舉起獅子仔哥幕呀!




BB衫又係出色!





我想問呢兩隻係邊套卡通片架??真係會有小朋友想買?XXXXD





我媽好鐘意佢架~呢隻可以坐...不過我又嫌佢太大隻~




我媽成日話佢地係佢自己同我老豆XXXD好啦~買呢對細細隻俾你帶去旅行啦~最後毛寶仲搶住俾錢~





紮頭髮呢個又係出色~




萬聖節既你地好醜呀XXXD




再東影影西影影D萬聖節裝飾~







再同肥鬼影個鼻窿合照就走了~







夜晚再影+長曝又有唔同感覺~有D淒清Feel~




拜~拜~~~走既時候好似6點左右~




由於呢個時間無車經迪士尼去港珠澳~所以我地要搭地鐵去欣澳站...然後一出欣澳站就見到巴士站~又係搭B5去港珠澳~拜拜香港~





番到澳門攞番車就衝去食我既生日大餐~~係我自己指定要食既!!無錯~就係金非豬潤麵~~~




唔好意思~我吹吹35歲蠟蠋再講~祝我生日快樂~身體健康~我愛既人可以留係我身邊耐D~~





大佬~牛一喎~仲唔叫到成枱野食呀!




我既豬潤炸豬扒米 $37....豬潤真係無得彈~~~加埋佢個辣菜甫~~一絕~炸豬扒麻麻~我覺得十月初五街呢邊呢間好食過澳門廣場店!豬潤大塊D厚D多D!




毛寶既白蜆蠔仔米~




重點推介：麻辣豬紅 $36....勁爆入味!佢D辣加少少入去個豬潤米度一齊食勁正~必點!




蠔油鮑汁萵笋 $36...我好鐘意食萵笋~不過呢個油左少少~

好啦~食過35歲生日大餐~多謝毛寶請我陪我玩左成日~我呢日過得好開心呀~








呢3個禮拜都係4-5日先落一次街.....
買買補給品.......
要響應賀特呼籲...唔好出咁多街..少聚集~
呢種幾日先落一次街我諗要數到中學放暑假~
當年我可以兩個禮拜足不出戶....hea在家都不覺悶..
依家落街買補給品當係放風...
行超市超開心......
依家會為買左隻雞買左包湯圓買左個雪糕番屋企而開心~
希望疫症快過!
大家重回正常的生活!
辛苦哂一眾前線!
我下周都重回崗位喇~
(澳門政府真係勁XXD派每個澳門居民3000蚊電子消費劵XXD)



睇左好多個生日Blog~
下周開番旅遊Blog~



2020/02/15的開心事：
宣傳番先~~仕燊同釗峰有合唱新歌呀~勁好聽~叫"日光"

以伸手不見作起點

這次傲氣傲得英勇連汗也是甜

無須急於高攀去證明宏願

神一早給譜寫你我生命線

日光普天照

心播着你夢的交響從日光找到永遠

(實在係太有才華...聽完成個人都好有希望~~Sunny Chan!!Sunny Chan!!Sunny Chan!!)

報時：距離與三老九州佐賀自駕遊之旅仲有---49日~
報時：距離泰國曼谷揼揼揼之旅仲有---125日~
報時：距離七公子台北帥氣行之旅仲有---228日~