小t: 東京富士山之旅2023-12-13第四天(晴天)

5月18日...中午又食IES~行左IKEA同taste~..夜晚食李家外賣~…5月19日…好多野做~但開心~因為空氣清新~...放工去左食銘珍~個藤椒蒸老鼠斑真係幾好吃~....5月20日...又頭痛；[.....5月21日..今日個市勁淡呀~...算啦當抖下~...5月22日...今日我運氣滿滿的~~.....5月23日...今日變運氣麻麻~但唔緊要今日係星期五!!可彌補一切XXD放工跑去睇職業特工隊…飯都唔食咬條熱狗入場~成170分~但套戲真係好多犯駁位XXD..深海唔著潛水衫都唔凍屎仲游到咁耐…5月24日..中午食toff..探豬..夜晚痴痴貢~...5月25日...中午食左mgm甜點...去左donki買左個新奶媽去旅行~...探豬~...夜晚去財神同姑媽做節~....5月26日...禮~拜~一~你可以話多野做又可以話無野做XXXXXXD....華~我幾乖呀~我夜晚開始執行李~好似差唔多執哂XXXXXD....5月27日...今日心情輕輕鬆鬆~做好心理準備去旅行~....5月28日...陰天~無客~.....5月29日...呢幾日都覺得對眼好乾~番埋聽日咋~~~我就黎要去旅行喇~~~....5月30日…食完早餐就去網上check in…個網cake cake下..好彩最後搞掂…今日發生好多事..不論係fb界定公司不公平事~what a day~…5月31日...噚晚到今朝我同毛寶既心情真係又低又高XXXD...最後有驚無險既~...中午去左飲茶~去買一陣野就番屋企執埋淨低既野啦~夜晚叫外賣~

2023/12/13
Day 4(日本,伊豆 Japan,Izu->河口湖 Kawaguchi)
早~華~~~今日係咪終於好天喇~~~~

好啦~噚日去左貸切風呂浸~今朝係自己個私人風呂浸先~~~一朝起身都凍凍地~開到地下個暖氣勁暖先剝衫衝出去浸XXXXD...但頂~~唔夠熱既~記得佢話可以開水喉加熱水~加加先~

浸完就舒舒服服去食早餐~乜我地咁早到~未有人~

咁坐番噚晚張枱~原來出面係對坐庭園~噚晚太黑乜都睇唔到~

我地坐低佢就開始再擺擺擺~真係幾豐富~

都係傳統溫泉旅館哥種早餐~大堆頭...好送飯~但老實講...雖然噚晚有哂龍蝦鮑魚咁.....早餐無乜值錢野...但我覺得好食D喎XXXXD~

呢個櫻花蝦尤其好食!加埋紫菜好救命~食左好多飯~

甜品~

猛講傳統溫泉旅館...望下佢個紀念品店就知有幾古舊XXXD~

好~自助嘆埋杯咖啡先~

食埋野就番房執好野check out~咁就出發去我地今日第一個景點~~華~今日係好天到曬呀~

今日第一個景點~伊豆全景公園~Mapcode：116 366 683*45....由溫泉旅館過黎3分鐘車程咋~(其實我cut左一個行程XXXD因為個景點好多樓梯~)

唔好俾紀念品吸住先~我地去買飛先呀下~

好~呢個景點又係坐纜車XXXD...無事!係纜車唔係吊車就無事~天氣好好~成人來回2,500円=140hkd~(現時已加至3,500円...加幅都好大)

上左纜車一陣我大叫一聲：呀~~~....毛寶問我：咩事咩事....我：我咁猛太陽先唔記得搽防曬同埋我唔記得戴冷帽呀頂~~~個頭好醜~~~

纜車單程大約搭8分鐘就到山頂~(搭纜車最好做乜呀~梗係種花啦~)...好喇~到左山頂既碧露台~好曬呀喂~係今日先唔搽防曬!無用!唉呀~雖然好曬但係富士姐有雲遮住呀~

有時D雲都會行開少少影到少少咁多多既富士姐既~

好~陣間再欣賞富士姐~首先去左葛城珈琲The Water Lounge霸個靚位飲個啡先~(呢張其實係我地飲完之後先記得影XXXD記得早D黎~因為我地走哥時就係咁多人~)

我地9點半上到黎哥時我地係第二組客人~呢個water lounge有咩咁吸引?就係對住富士姐飲咖啡!!!點解叫water lounge?因為櫈既前面就係一個水池~齋啡唔貴既~就450円=25.2hkd~

但無得話你想坐幾耐就幾耐~前面有個沙漏~野飲黎左就計時~到時間就下一組客人~都好既~個個都有機會享用到望住富士姐飲杯野~

我想影靚相攞威...迫毛寶叫佢俾佢頂帽我戴住影張XXXXD我壞透喇XXXD

飲完啡周圍睇下..網上推薦呢就係呢個碧露台個水池觀景台影富士姐..因為有可能影到連埋富士姐既倒影~但係...errrrrr...好多人XXXXD....同埋...我發現係呢度見到好多泰國遊客XXXXD

咁食個雪糕先XXXXD~~~食左咖啡雪糕~450円=25.2hkd~

呢度仲有個葛城神社~係呢度又攞到隻神社皮~

等多一陣終於等到泰國團走左人少D~但係有少少風令水面影唔到逆富士~同埋已經好多雲遮住山頂~

算喇~放官網圖俾大家欣賞下就好喇~

雖然我影唔到逆富士...但我喜獲一隻間條衫法鬥XXXXXD好可愛呀喂~

好啦~望住富士姐飲左杯啡我都心足~走喇~搭番纜車去山下紀念品店睇睇~有興趣呀對呢個金目鯛脆餅餅~但可惜個盒既形狀唔得我歡心XXXXD

呢個好靚呀!應該係羊羹?有唔同口味唔同色...係富士姐造型!重點係細盒易帶~~

呢個...又係衰在個盒太大....

乜你地都興呢種二次創作?XXXXXD

好啦~走喇~今日真係好好天呀呀呀~

我地揸去下一個景點大約30分鐘~但係黎到發現....本身搵既停車場原來唔係公眾停車場~兜左好耐都兜唔到位~唯有係後少少有間提供車位既餐廳停低食中午飯~食飽跑去望下個景點~家庭式狀餐廳~(唔記得講呢度係富士市~)

叫左冷豆腐...330円=18.5hkd~

我地叫左仙台牛舌御膳(1,980円=110.9hkd)同燒鯛魚茶漬飯(750円=42hkd)...正常味道但又唔係話特別好味~

食飽衝去我地個景點!其實唔係特別景點...而係有某D特別D既影富士姐既位~就係呢個會影到條行人行車天橋同好大個富士姐....但如圖所見...富士姐俾好大舊雲遮住左...係咩都影唔到XXXD遮得十分之完美~....mapcode：72 231 551*86

算囉~走咯~頭先想影富士姐個天橋隔離其實就係行車天橋...咁岩線我地離開就係行呢條橋~哥層雲真係岩岩好遮住富士姐個頂~

越向東北方行...富士姐就開始無咁怕醜~肯出黎見我地喇~好大個富士姐呀~

大約42分鐘就由富士市黎到河口湖附近~下一個點係安排左去大石公園~不過又驚去埋再去今晚個重中之重溫泉旅館會過晏~不過毛寶話：唔緊要啦去埋啦~都黎到咯~依家天氣又咁好~....好啦~照去~

俾D聲我!!尖叫!!越近目的地就見到越大個富士姐!!呢邊好清呀!!唔怪得富士見晚預報都有分東北向同西南向啦~~~yeah~~

好喇~黎到大石公園喇~Mapcode：59 089 356*20...好彩有黎咋~~好好天~大石公園唔同季節會有好多唔同既花去襯富士姐...網上資料寫會有鬱金香..水仙..油菜花..德國鳶尾..羽扇豆..貓薄荷..薰衣草..鼠尾草..波斯菊..綠色掃帚草...紅色掃帚草....但我地黎既時候係冬天...所以係...無花去襯托富士姐XXXXD...不過又咁諗...如果有埋開花...應該更多人~

無花都唔緊要~因為富士姐勝於一切!!有雪既富士姐仲高貴~

合個照先~~華...口腫面腫又生暗瘡....

請毛寶幫我影帥照~佢都好好心機幫我就位...好彩有你咋毛寶~我先有同富士姐合影既美美照~好鐘意~我同你講...呢兩張相勁難影!

影多兩張就走喇~我覺得望到富士姐個心會感到前所未有既平靜...果然係人家既神山~唔係浪得虛名~望住呢兩張相...就覺得歲月靜好.....

假架!現場爆勁多人!!頭先毛寶幫我影哥兩張都猛借位影XXXXXD所以好多謝毛寶咁有耐心幫我影XXXXD...頭先我地影哥個位就係紅箭咀哥個位~落去影時仲唔預心踩中泥地~

走咯~去酒店喇~你都有同富士姐合影架~

好喇~到左今次旅行既重頭戲!!!咁呢個旅行係12月架嘛~咁其實7月時D溫泉旅館都陸續要訂架喇...咁我開頭係睇中秀峰閣湖月...因為佢有D房翻新左同埋幾抵住...而且係河口湖第一排既住宿(可以影到逆富士)...缺點係：極!度!難!訂!.....所以當佢開放時我就要搭正11點(日本時間12點)開搶!!好彩哥日係星期五~我仲同毛寶講：哥日所有伙計同我取消休假一齊搶房!!...點知搶左兩個鐘得個吉~成晚訓唔好~諗住猛睇有無人放房出黎...然後星期六毛寶去左番工...我自己一個起身決定訂第二間XXXXXXD...其實呢間係我第二選擇....不過呢間就唔係河口湖第一排D溫泉旅館囉~但係!!佢裝修好新!(因為我唔鐘意住太舊~選擇唔太多岩我心水~)....今晚住宿係馥府河口湖...大石公園過黎4分鐘~Mapcode：161 361 858*32

大堂chcek in時已經見到富士姐~~好靚~

迎賓好簡潔~得兩杯茶~

大堂有souvenir shop~靚~陣間先行下~

check左in就帶我地去房間~大堂同餐廳係同一個building...房同公眾溫泉係另一building~

經過有D board介紹可以join佢地D活動(另外付費)...有個好似係帶你去無人島睇日落..有D就清晨玩獨木舟睇富士姐~不過有分月份...12月就唔算好多活動可以join~同埋我估如果join佢地D活動可能住兩晚先夠時間享受~

我地住406號房~入房喇~

我地就book左梢プレシャススイート呢個房型~(好似係第3個價位既房~我無揀最平XXXXD因為我想住高D)....一泊二食2人價110,300円(稅込)=6,176.8hkd...每人3,088.4hkd...個價錢無問題...如果我覺得貴係我有問題je~同埋我早訂...佢有早割~提早30日前訂有平D~好似都平左幾舊水架~~~咁我地入房後就被帶領坐梳化講解~有兩個人向我地講解呢間酒店房D野...問我地今晚幾點食飯...同埋有一個好重要既問題問我地：聽日早餐有一味係納豆..唔知你地食唔食呢~.....我：食呀~我係屋企晚晚都食~....講解既人：oooooo~you are so Japanese~~~.....過獎~我好鐘意食納豆~XXXXXD....佢地走左之後~~我地就猛影相猛影片~~我俾毛寶睇番我第一選項哥間溫泉旅館D房....毛寶：華...我鐘意呢間多好多囉!好彩你訂唔到第一間咋XXXXXD...好~欣賞下間房~佢所有房都向住富士山~但訂貴D房就高D望得好D~同埋間房好新好北歐風~~

千金散盡~就係為左呢個景~~~俾D掌聲我自己~

我覺得我地就係最佳時間入房~舒舒服服欣賞富士姐~日落中的富士姐~很美~magical moment~D陽光灑在富士姐身上...有種難以形容的感動~好彩唔好天哥日間溫泉房無景睇架咋!!呢日好天氣我真係謝天謝地!!!!如果間房咁貴先落雨我喊~雖然呢個唔係河口湖第一排溫泉旅館...亦影唔到逆富士...但我覺得呢度係完美~

睇埋房入面有咩先~浴室備品...佢D body cream超香~~高大尚的氣味~~好鐘意~~

雪櫃有D野飲免費...有D要俾錢...無價錢牌就唔使錢...要錢就會有個木牌~

呢個點心蛋糕...勁推!!痴線架!!超級好食!!不過我地唔係依家食既係第二日先食~

佢其中一樣有介紹既野係...佢話呢壺水入面放左富士山熔岩石去濾水...話D水特別好飲...真既?let's see~XXXD

而房既角落都有富士山溶岩石既裝飾~

然後毛寶話：間房咁靚~開支酒慶祝下~.....所以我地開左雪櫃最細最平既sparkling wine扮下野XXXXXD

飲左酒坐左陣~就去沖涼浸溫泉啦~~~我地房入面有私人風呂~好正~向住富士山架~~~今次D水溫岩岩好~令人浸得舒服既溫度~

浸完溫泉舒舒服~換浴衣去食飯~(連套浴衣都唔係傳統野~佢仲好系統默認俾細碼我XXXXD我著唔落打電話換左次XXXD)...我主人去左邊？無人陪我影相XXXXD

好啦~到左預約時間就去食飯~~餐廳門口係食飽先影XXXD人地已經洗哂野~一開始時係好多廚師整緊野~

座位好搞笑~好似戲院咁分幾層既~我地坐最下哥層~

我地個位係最底~

今晚既餐牌~有日文有中文~

我叫左sake笹一...山梨縣產...我叫左一合...1,700円=95.2hkd...我竟然叫sake?我係梅酒控喎~通常叫sake都係毛寶喎~

毛寶叫左Fufukawaguchiko original lemon sour...1,200円=67.2hkd

Starter就係咁靚靚攞上黎~呢個係2人份~

分好一份份~薪火燒大根同帆立貝...仲有D鯛魚蔥味噌....唔.......好好味呀!!!!D烤物有柴火香味!!!

汁物係蟹湯..入面仲有鱈魚同柚子~舒服~

Appetizer林林總總~好多野食~其實全部都好食~深刻好食哥樣係白子茶碗蒸~

好喇~到sashimi part~都OK~

到grilled food...係烤豬...毛寶讚不絕口~我就還好~可能我覺得佢鞋左D~但味道係ok既~

中間有個清清個口既dish~腐皮狀既野~

好彩我地隔離哥枱食先過我地~一早知去到lava stone哥part會燒到個火勁高XXXXXD如果唔係我會叫出聲~~

舊和牛好好味呀頂XXXXD

食事係三文魚飯...好少個飯會係用三文魚..開頭有少少失望...但係一食就知好野~勁香~但又唔怕漏~毛寶好少可勁捧場..佢竟然食左兩碗~~

甜品D生果都ok既~個和菓子係紅豆口味~我覺得D紅豆好大粒但有D澀~

走既時候發現~佢有間包廂~我估係最貴間房既人用~都正常既~最貴哥間真係好貴~我唔捨得~

原來我地食飯對住哥片草地可以行出去~出面仲有個營火~

望番餐廳哥邊~行左一陣番入去~因為有D凍~

上番大堂行下個souvenir shop~

有佢房入面提拱既護膚品body cream賣之外...仲有富士山既熔岩石賣...原來可以用黎做香薰礦香用!貴就唔係好貴...係好重XXXD

本身想去佢間bar飲下野~但行入去一個人都無XXXXD走先唔等喇~

番房途中經過公眾室內風呂~行入去望下~

我地其實想八浸完溫泉有咩野飲野食XXXD我地無入溫泉睇...因為當初上佢官網睇就知個風呂係室內同勁細..個特點係個風呂既石係用富士山熔岩石做~....華~都好多野飲喎~又水又啤酒又牛奶又果汁~

攞左兩支雪條食~

夜晚臨訓(毛寶已入睡我仲玩緊)...聽到個廁所自己打開(自動感應哥D)...都無人行過....我本身打開廁所門...房至走廊門...嚇到我即刻兩對門都關上~本身打開係為左我夜晚晚起身痾夜尿XXXD不過感應廁所其實唔可信既~之前我明明坐係度佢都關廁所蓋好似想食左我咁XXXXD...哥晚我地兩個都訓得勁好XXXXD

毛寶D靚靚~