小t: 東京富士山之旅2023-12-12第三天(陰天有霧及後有雨)

5月3日..中午本身Book左好期待既鮨玥食..雖然今日有新野試~係章魚卵~(不過我覺得無乜食用價值XXD)...但係今日D壽司飯係勁差~~溫度偏熱...而且質感勁黏林勁散..好影響上面魚生既味道...好失望~~~~~~~~去探豬~夜晚痴痴貢~......5月4日..中午去食上河內..再去行Donki…落勁爆大雨(原來淨係路氹落)…再去800伴~夜晚痴痴貢~…5月5日…中午去8卦試左永利皇宮個富貴版美食廣場..有新加坡天天海南雞飯…但完全唔係哥回事~食完勁口渴~~….5月6日…放左3日假丫嘛~係多野做架喇~…5月7日…可憐喇..無生意….5月8日…朝早窄醒睇下幾點..7點53分..心諗咁近起身時間先醒架好掃興..諗住合埋眼多一陣…一醒8點01?!?!?鬧鐘唔響既?!?!原來我噚晚無開鬧鐘XXXD我好戇居XXD…5月9日….好野~~今日星期五喇~放工去左食紅記~..再去食檸檬車露~好開心~…5月10日..中午去左食shake shack~沙北飲啡~去探豬~夜晚去勵皇軒~.....5月11日...9點幾就醒~衝去食仨勝~食飽飽衝去熊貓館攞相機影下相~..夜晚叫刁廚外賣慶祝母親節~...5月12日...工作很多的一天~我今日好乖~放工拖左地~...5月13日...今日午餐竟然係小上海~~....5月14日..竟然俾我發現我俾一包熱浪係我手中過期...仲要益左....5月15日...華...估唔到今日都算多生意~....5月16日...終於都星期五喇~~番慣左4天工作周XXXXD...放工食左Good...再去睇Sammi演唱會~...5月17日...9點都未到就醒左~一早去食左沙北..然後陪毛寶去Apple買野...又去熊貓館探熊貓練下影相~探豬~夜晚痴痴貢~

2023/12/12
Day 3(日本,箱根,強羅 Japan,Hakone,Gora->伊豆 Izu)
早~噚晚訓得好好~一大早起身再浸多次房入面個風呂~今日天氣似乎麻麻喎~又陰天又有霧~

浸到暖笠笠就去食早餐啦~噚日黎到仲見到遠處有矇矇的山...今日淨係見到面前的樹....

華~已經準備好哂早餐啦~~~

我揀左第一張個魚~毛寶揀左金目鯛~

仲有一大鍋菜~但我地食哂XXXXXD我地真係好大食~

食完行番出大堂...咁早又黎無限酒精飲品暢飲XXXXD

慢慢嘆埋個啡先~出面好似落緊雨喇...

介紹番先~呢度大堂仲可以自助整呢個白檀香包~毛寶噚晚都有整放係枕頭隔離陪住入睡~

食飽飽入房執埋D野出發~華...天氣好到XXXD

經過便利店入去補補咖啡先XXXXD順便睇下有咩新鮮事~好多肉~我做乜唔買~

試試試~加粗版雞皮薯條~

我細個好鐘意食愉快動物餅...最鐘意係紫菜味....新既甜味...我其實唔係好接受到~

我明明對牛肉薯片同乳酸味軟糖好有興趣架!我做乜放低呀!

我以前去日本對期間限定既雪糕好感興趣..但近年又好似戒甩左期間限定魔咒~

之前唔係話便利店無左關東煮咩?得番一包包叮熱哥D?又有既~(我愛)

但係入lawson我真係好想食辣味炸雞塊XXXXD真係好好味XXXXD(我才剛吃完早餐)..食辣野一定要配凍齋啡~lawson齋啡世界級~

食飽飽再出發~已經開始落住雨~

今日呢個行程因為落雨我問毛寶去唔去好...因為可能落雨都睇唔到富士姐~毛寶話照去...上網見條橋都有開...好啦~咁就去~我地今日第一個行程就係三島天空步道....係可以係吊橋上睇富士姐既~Mapcode：50 238 643*87...由溫泉旅館過黎大約28分鐘~

成人1,100円(稅込)=61.6hkd...由於今日有雨落緊~派埋雨褸~因為橋上就算點都好都唔可以開遮~~

其實係入口就見到勁厚雲係完全望唔富士姐XXXD..但係都買左飛咯~~照行啦~~~由於落雨都無人行~~如果好天富士姐其實就係左邊~

過左橋有其他活動既~有D樹上既skywalk呀~睇動物呀~之類之類~(梗係另外收費..自己上官網睇~)...但係我地就對呢D無乜興趣XXXXD~~~我地過左橋最有興趣既事就係去食呢個富士姐色既雪糕~~~~~500円=28hkd~但係唔好食架~

食完又回程~~睇下~其實根本一個人都無XXXD單程行15分

呢D景點例牌會放D紀念品俾你買架啦~~~拿~如果好天你會見到橋同富士姐係咁樣~

我就無野買喇~唯一引起毛寶興趣既係....完全同呢個景點係無關既.....佢話要入一樽公仔膠擦俾菓子軒~~膠擦放題係450円=25.2hkd...即係你憑實力入到幾多膠擦吸到個蓋就係你既XXXD毛寶玩左勁耐XXXD

下一個景點......係被稱為富士山家姐既姊妹山"大室山"...又稱為綠茶山~其實一早係溫泉旅館食緊早餐上網佢官網睇已經知因天氣關係....登山吊椅係無開~即係你亦都登唔到山~~~~~(噚日毛寶坐到纜車佢以為我地已經打破坐唔到吊椅既魔咒~點知我話：我地個魔咒係X流流吊椅唔係纜車~你睇埋聽日點先~)....係喇...如圖所示..我地又係坐唔到既....繼塔斯曼尼亞..鳥取..天空島之後....依家又加埋呢個大室山喇~~~~XXXXD..呢個山每年2月舉行燒山~

我地諗住照去...諗住上唔到去望下座山都好~以~好似天氣係咪轉好中呀~~

點知越上....就越大霧................然後我地無聽個GPS講上高速...點知轉左入小路......能見度勁低~~~~~要慢駛~~

一到大室山吊椅停車場....er................連前面個牌都睇唔到XXXD....Mapcode：488 552 423*28...頭先吊橋過黎1個鐘~

一場黎到無理由咩都唔做..唯有去佢對面間cafe食下野....附近好似得呢間~同埋我地都未食中午飯~

呢個好似好勁~~叫下~

除左叫左個十勝牛丼...仲叫左個明太子海鮮意大利粉...各1,300円=72.8hkd....但係......巧難吃.......茅味................

食飽橫掂天氣麻麻索性直接去今晚既溫泉旅館算喇~

大約1個鐘度黎到今晚既伊豆長岡溫泉吉春...Mapcode：116 396 748*15

登記同埋嘆welcome drink~竟然welcome drink有白酒揀~

我地今次斥巨資訂左兩層樓XXXXD...今次間房係【露天付メゾネットスイート】特別室『竜田』.....佢帶我地入房時行過其他房.....呢度都幾大~迷宮咁...佢話我地知邊度溫泉..邊度食飯..我有少少唔記得路XXXXD....經過其他房就覺得周圍好舊XXXD...一入我地房....覺得好好多~

我估佢哥4間特別室先有翻新過~因為上網睇其他房都係舊舊的~我地訂既呢間特別房叫竜田~一泊二食兩人價係94,600円...一人係47,300円=2,648.8hkd....華華華~~有D貴...但佢露天風呂付...同埋有兩層XXXXXD...第一層就係露天風呂...和式客室...有梳妝房...廁所...其實呢一層已經等如一間和式房~

二樓行上去就係洋室~有床有梳化廁所咖啡機~樓上靚好多~~和室有D舊~但又發現一個事實......喂...原來租兩層行上行落好辛苦XXXXD勁攰呀喂~我地決定去旅行以後唔租兩層XXXXD

我地決定行出房浸溫泉~我地依家好少去公眾浸~先欣賞阿笨與阿占~

行過足湯~但無人浸~

吸引我地行出房浸係因為佢有5個無料既貸切露天風呂~點先借到...佢帶我地行時...同我地講...你見門口無鞋你除鞋係門口...然後就鎖門用ok啦~無人哥D我地都望過~呢個最大~~有岩露天+壺風呂~~順便係度沖埋今晚涼再浸溫泉~~呢個幾舒服喎~(但個大同靚既程度唔夠上次我地去鳥取哥個咁勁XXXXD)

浸完行過佢D溫泉後休憩地方...好大既...但好暗XXXXD

好啦~上房放低野去食飯~呢間溫泉旅館應該好大...間餐廳勁大~

一黎到已經有一部份野食係度~~

叫左杯梅酒...望下個餐牌...

望緊餐牌期間佢又已經悄悄放低好多野食XXXXXXD

你問我呢...呢餐就係普通哥D溫泉旅館既懷石料理啦~我地就揀左鮑魚龍蝦餐(無要和牛)...無要和牛就係怕太飽....刺身類ok既...其他料理一般般...係量多取勝哥種....成個懷石料理記憶點係好飽...極飽...鮑魚ok..睇住佢新鮮放落黎燒....龍蝦就係無味肉質鬆散不吃也罷...呢餐真係太普通唔逐樣寫(我懶)

毛寶影既靚靚~

Sammi個澳門演唱會係威尼斯人搞~
睇完啟德場之後...
再睇呢個場就覺得.......好細XXXXXD
今次個座位勁近!!!!乜我咁勁會抽到好位~
D衫真係好靚!!!有幾Part我都幾鐘意~~~
最估唔到係請埋許生合唱我最鐘意許生既哥首....
世紀末煙花!!!!!!!!!!!!!!!!!!!!!!!!!!!!!!!!!!!!!
痴線架!!!!!有少少眼濕濕.....
Sammi望許生真係好心心眼.....
希望許生對佢好d;[

2025/05/17的開心事：
今日去熊貓館兩隻野勁精神!!!!!
猛表演食野痾屎同行黎行去!!
好俾面~

報時：與老小孩s北海道賞花自駕遊之旅仲有---14日~
上網睇天氣北海道仲係冷冷的XXXXD
得10-20度~~~~~感覺過兩個禮拜會一程機又番去冬天~
就快出發~
但今年竟然仲未有第3個旅行報時~
諗住睇定d先~
第4個大旅行就舊年7月已經搞緊XXXD
但仲未買機票XXXD~