東京富士山之旅2023-12-11第二天(晴天及後轉陰)

4月6日…同午食左仨勝…去Barbie..揾豬子..去同菓子軒開生日會….4月7日…放左3日假...好多野做~...4月8日...好攰~噚日先第一日番工但我以為自己已經番左好多日~幾時先到星期五~~~....4月9日...無啦啦今日心情低落......4月10日...噚日有個同事又做啲反智野…可能佢…更年期卦XXXD…..4月11日…老夫人去長旅行~(佢去左兩個旅行我一個都未出發XXD)…放工食魚一...再食埋檸檬車露~…4月12日…一大早就去香港~為既係毛寶子好叻咁第一輪就買到Coldplay既香港演唱會飛呀呀呀~~...4月13日...中午食左Terra...搵豬子...夜晚痴痴貢~....4月14日...星期一...朝早做野既量多但唔使用腦...下午做既野少但要用好多腦~.....4月15日....多野做~同埋空氣又臭番~~今日中午我食左個我好鐘意既黑辛辣麵杯麵..最鐘意加塊芝士落去一齊食!!今日仲放肆加兩塊~食食下覺得...呀~辣辣酸酸咁既~新口味呀?行去雪櫃望下包芝士....原來過左期8個月~~~聽日就知我會唔會賴屎~....4月16日....無喎無賴紙喎~即係我食酸左既片裝芝士都無事XXXXD........4月17日…好野~番埋今日工..放復活節假~爆多野做好攰~放工自己去左食comma~番屋企執行李~…4月18-20日..曼谷爽爽中~…4月21日…華..又俾澳航delay~..成凌晨4點先番到屋企…打開個gip搞呢搞ku成6點幾先訓….9點樓下又裝修..11點幾醒左去食IES..去探豬子~夜晚食聯記~老夫人今日番左黎喇~~…4月22日..放完長假開工~預左多野做~…4月23日..妖~~又有D頭痛~~(深深體會旅行真係要襯後生去...去3日曼谷我攰到依家XXXD...可能日日都唔夠訓~再不旅行就老了~)...4月24日...今日起身..暗自羨慕我公司就黎退休既同事.....幾時到我.....4月25日...嗚嗚嗚..我一入職就係度既同事..今日退休喇好唔捨得呀;(((((…終於都來到退休潮既日子…放左工去日麗食退休宴….4月26日…中午去左食文哥~飲林高~行Venetian~探豬子~食鼎泰豐~食gelato~….4月27日..食good..去ikea買野..探豬..去同唯三大學同學慶生…4月28日..唔算太太太多野做既星期一…今周番4日工..下周又番4日工..爽~~…4月29日…我無用..頭痛左成日…..4月30日…我家老夫人老一~祝老夫人生日快樂身體健康~去左天頤同佢賀壽~隻香茅乳鴿仍然好吃~....5月1日...好野~放假~諗住去上葡京間竹味居試佢個土耳其咖啡...間野真係一言難盡....未準備好就唔好營業啦XXXXD既然你未準備好又當班真係俾錢食既食客幫你試業就應該有折XXXXD我俾全費黎俾你試營運今次係我戇居....以後唔使旨意我黎~.....5月2日...仲諗住會好多客仔添...點知又無喎~....放左工去食爀樂~又食~



2023/12/11
Day 2(日本,御殿場市 Japan,Gotemba->箱根,強羅 Hakone,Gora)
一早起身~由於噚日到既時候天都已經黑齊乜都睇唔到...所以諗住打開少少窗簾望下...一打開....好大聲：華!!!!(呢個畫面係06:37)

我華到大聲到呢個人都醒埋XXXXD...俾我嚇醒以為發生咩事...我話：你望下!!!!.....佢今日係俾富士山靚醒~好幸福~仲要岩岩日出D金黃色打落去真係好靚~






好彩有愛要及時~因為刷完牙已經變番藍藍的富士姐~




臨check out前影多張~~~好似開始有雲~




噚晚黎到大堂係咁既~




朝早係咁架~~~富士姐你早~(呢個旅程就係要猛睇富士姐)...8點未夠我地就chcek out出門口~




我地房價無包早餐~所以我地去左最近哥間山下便利店食左早餐先~見到日本便利店就精神!




好精神既樣~買左番澳門食~~我覺得好食毛寶覺得一般~




新野?依家望番覺得好好味咁....做咩我哥時唔叫...




買完野食攞杯去沖啡~好似懶勁咁兩邊一齊沖啡~




由於今日凍凍地~所以我飲熱啡~我地食熱辣辣豚肉包做早餐~




我地又食飽飽出發啦~hello富士姐~我地陣間另一邊見呀下~




喂喂喂!做乜越黎越天陰陰架~~你咪呀XXXXD條路越行越斜~






今日第一個景點就係去搭箱根空中纜車~我地由始發站早雲山站開始搭~呢度有停車場~Mapcode：57 274 139*10我記得當時上網查...因為維修好似唔係每個站既停車場都有開(停車場無料...佢其中大涌谷停車場係有料)~






出發前係酒店我已經係酒店查左今日纜車係有開既先過黎~佢有時會因為天氣原因停駛...所以記得搭前上佢官網睇睇~我地泊好車去買飛先~計埋早雲山站有4個站..早雲山-大涌谷-姥子-桃源台....每個站都大約係搭15分鐘~我地買左往復車飛(梗係啦我地架車係早雲山嘛XXXD...如果你係公共交通哥以就咁搭一程既~)...成人往復2,500円=140hkd~好彩唔算多人~我地都係現場先買飛~(本身諗住KKday買定)










係咪有野食呀?陣間番黎睇呀下~




毛寶鬼咁開心話我地終於打破搭唔到纜車既魔咒...我話：呢D係正式纜車....我地平時坐唔到係得個兜哥種纜車...你睇埋聽日先啦......






華華華~纜車經過大涌谷喇~~大涌谷係3000年前火山爆發既遺跡~有地獄谷既稱號~




左邊係大涌谷...右邊係....富士姐呀!Hello~




大涌谷加富士姐同框~




到左大涌谷站就落車睇睇..(佢有D站要落車再換車廂去下一站...有D又可以直坐)....一見到呢個標...大慨知大涌谷既其中要試既一樣名物係咩XXXD...溫泉呀火山呀...出現既名物一定係溫泉蛋~呢度仲要係黑色既~






我地未望真呢個站我地決定依家搭埋去前兩個站睇下有咩先XXXXD臨上車前見到隻柴~




咁搭埋哥兩個站睇埋有咩睇~發現姥子站係無野睇既~桃源台站搭到去就會睇到蘆之湖~蘆之湖有類似海賊王既觀光船可以坐..不過我又無乜興趣~










咁當遊下車河折返~




我同毛寶發現坐纜車最大得著係...呢個車速最岩係種花~~~~種得勁快~我地仲係呢度入左個大藍色菇打XXXXD






番左大涌谷站睇下野先...得呢個站最大...有野買有野食~睇下紀念品先~




通常睇卡通人物手信都係睇水怪同蛋黃哥架喇~因為凱公子同朗公子鐘意~可惜我哥時去未鐘意Usagi~如果唔係買爆~攬住黑雞蛋好得意~










個富士山御守好可愛~




買少少手信之後就去買黑雞蛋試下啦~500円=28hkd/4個...




我上網見有人寫話有餐廳食黑咖喱...仲有另外既其他餐廳....但我地去到...D餐廳都無開.......淨係得手信店旁邊好似便利店賣簡餐既小餐廳~唔緊要啦照食~




我地買左個粟米濃湯...一個黑色豚肉包(430円=24.1hkd)...同一個類似炸咖喱包既野~(我淨係記低左豚肉包價錢XXXD不負責任blogger)....豚肉包麻麻~估唔到炸包幾好食~凍凍地飲D粟米湯係正既~






黑雞蛋食落就係一隻普通雞蛋啦XXXD..上網睇資料話食得多會長壽喎~








食完又俾精品吸住左...覺得呢個磁石幾過癮~睇後面D字就話係用富士山土壤整架!...買左黎俾自己同送俾人










然後買完野同大涌谷個牌影下相就走了~








回程纜車睇得仲近~




好~下一個景點~








下一個景點係箱根神社~由頭先早雲山纜車黎呢度大約20分鐘....mapcode：57 123 011*23




好少突登去神社...但見係水上鳥居..去望望~泊好車跟指示要行過對面馬路~




諗住水上鳥居可以影下靚相...點知...爆勁多人....仲有條隊要排....




心諗排到埋去扭黎扭去影哥時一定好老尷XXXD...毛寶幫我遠影一張+我地企埋一邊等換人影相時影張無人鳥居就算了~






行番上黎哥時見到隻柴仔...點解你會咁得意架~成隻千與千尋既無臉男咁XXXXD




本身我地諗住走架喇...然後我俾俾一樣野吸左我地行上樓梯~






能令我動起來行上樓梯...就係我地玩哥個種花遊戲皮克敏XXXXD....開探射器見到日本限定既神社圖案...衝呀!!




上到黎就放探射器..絕無觀光成份XXXXD






華!!!成功呀我!!好開心~第一隻神社仔~




下一站!!雕刻之森美術館~~Mapcode：57 246 854*47...有泊車料金...如果係參觀美術館就憑入場劵3小時500円=28hkd




好啦買飛先...其實可以上網買定飛或者其他平台買飛...但我唔知自己係咪去硬所以無買定~成人票1,600円=89.6hkd~






咁佢有分室外展品同室內展品...亦有常設展品同非常設展品...咁我地周圍行下影下笑下~都幾開心~(但無話好仔細研究既XXXD)


















其實我邊有咁多藝術修為...我係為左黎呢個打卡點影相XXXXD...呢個叫鴻運交響雕塑(幸せを呼ぶシンフォニー彫刻)~






呢個係一個充滿彩繪玻璃圓柱型既建築物~好靚~可以沿樓梯行上去影~百萬網紅景呀XXXD








呢個展館外型望落好特別....行入去睇原來係兒童遊樂設施~好似好好玩~毛寶都話好想玩XXXXD










我地仲去左佢個園內餐廳休息下~飲下咖啡食下牛奶雪糕~各450円=25.2hkd~而且對住鴻運交響雕塑~個景ok~




臨走就行下佢個紀念品店~貓貓茶包又幾可愛~




無野岩我買~我淨你買左左邊哥個磁石~扮緊頭先鴻運交響雕塑d彩繪玻璃~幾得意~




參觀完博物館之後我地就直接揸5分鐘車去我地今晚既住宿箱根強羅 白檀~~Mapcode：57 245 672*17....訂既時候留4點到~我地3點半就到~我係佢公式度約~










架車一到就有人出黎迎接~幫我地搬行李之類~然後就請我地坐低~佢會去幫我地做登記~我地就開始嘆迎賓茶同茶點~天氣亦都好似開始唔好XXXXXXD






望下大堂~有任取既咖啡茶~




仲有個真既火爐~~靚~




今次房型我揀左和洋室広緣付＋大文字眺望~一泊二食94,600円=5,445hkd兩人~每人2,722.5hkd~來~先來room tour~
























貴唔貴呀?我又覺得還好既~因為有兩餐食~(但不能是自助餐...我不喜溫泉旅館仲要我行黎行去XXXXD)....同埋間房有埋私人風呂~最近都鐘意係私人風呂浸~不去公眾了~感覺衛生D~其實有間仲貴...但我唔捨得XXXXD(因為後面都有間貴既XXXD)...咁就呢間張張就就住間無咁貴架啦~room tour完睇埋其他野~佢叫白檀應該無用檀香做全館主題...的確一入館都覺得清香~佢每房仲有好似蚊香機咁既香薰機(我係咪形容得好市井XXXXD)






房內招待茶點~




廁所哥邊有個茶水間同mini bar位~全部任飲任食~雪櫃入面好似仲有個葛絲涼粉D fd既物體...陣間試下先~








浴室備品~






無論咩款既浴衣我同毛寶都唔會著得好睇XXXD




然後我地就洗白白去浸下個私人風呂啦~沖完涼就去浸...因為天氣凍~想快啲浸溫泉...一下唔記得試下水溫...隻腳一入去就大叫：巧熱呀喂~~~然後開凍水調番個水溫~再浸~華~好舒服~~~浸完我地就換浴衣去食飯喇~(我地兩個真係好似阿笨與阿占XXXD)




好~到預定時間就去食飯~




Ready~~






坐低叫左杯梅酒on rock先..一個叫左木內梅酒...1,000円=56hkd...一個叫左相模灘梅酒...1,200円=67.2hkd....然後再望下...好似有啲好貴價既一支支茶喎...仲要用透明玻璃杯飲...好似好勁...睇下有咩咁巴閉先~




原來係連JAL既頭等艙都有供應既RoyalBlueTea!!...我見D人話搭親都要猛飲!餐廳價大約10,000円-12,000円一支(560hkd-672hkd)....茶都要呢個價一定係精釀!唔得!我點都要叫黎試下!我叫一杯咋~




今晚既餐單~




個RoyalBlueTea既茶葉有分用日本..台灣..福建既~咁一場黎到試下日本架啦~我地揀左香焙KAHO..1,700＝95.2hkd/杯....深深的顏色...佢個介紹都寫話This tea has a fragrant, smoky aroma and a rich, satisfying taste, without any bittermess or astringency, containing hints of caramel, chestnut, and coffee.....實在太深層次...我呢D人點會識?總之就好濃香好香濃啦!(同咖啡既形容係一樣XXXD)






好~開始喇~




一早係枱上面ready既係先付け同旬彩~先付け係醃左既魷魚!佢本體好食之餘連旁邊既山菜都好好味!...然後全盤旬彩都幾好~尤其哥條醃蘿蔔仔!!爽脆!!唯一不滿係裝飾哥塊紅葉!好枯XXXD






然後到吸物同御凌ぎ...喜知次清湯...通常入面都有柚子皮...個湯熱熱又好鮮美...加左柚子又好清新~...然後無啦啦呢個位有粒飯團仔..佢撈左D野一齊食又幾好食~但我唔知係咩...佢寫係aerial tuber同lily bulb...到底係乜?




到御作り...佢上左半條wasabi原型俾我地!!咁樣會新鮮D咁食?我第一次磨wasabi!!一路磨一邊soksok聲XXXD同埋好似洋蔥咁會澀眼XXXXD...sashimi都唔錯~






進肴食熱石煎牛~牛係群馬縣赤城山牛~熱石牛好多溫泉餐都有...但就唔一定好食...但呢個又真係好食XXXXD..烤完一輪仲係好嫩又濃牛味...配埋wasabi麵豉醬一齊食好出色!








溫物係魚...yellowtail...用昆布包住蒸...又幾好味喎~




揚物係鮑魚天婦羅~~正~~好少係鮑魚天婦羅~~




最後係お食事~




甜品~樣樣少少地都唔錯~雪糕係柚子味~不過我其實麻麻地日本D甜品~........我覺得呢餐又係無咩話貴材料既~但係勝在份量剛好唔怕太飽~味道亦唔錯~




臨走前俾我地揀埋聽朝早餐食咩魚~~~




然後食飽飽係本身諗住番房休息既!但係一行出黎...喂!!!happy hour開始!!!攤哂D零食呀酒呀!!任飲任食!!好大器!!!










然後咖啡茶都always ready!!




火爐又起埋暖笠笠唔怕凍~




咁我同毛寶係大堂度坐下又飲又食一番傾下計先啦XXXD好正呀呢度~(其實我番房仲食埋葛絲涼粉D fd既物體...有一個係醋漬既..有一個又加紫菜既...都幾好味XXXD)




今日既皮皮收獲~yeah~今日攞到既神社仔係大吉呀~~仲有攞到早雲山既車飛~開心~






毛寶呢日既靚相~

























































好日唔去香港...通常過去都係有目的~
因為你叫我齋過去行街我又麻麻
(我好老我覺得好多人好攰~~~)
咁今次去睇coldplay又係有目的~~
我地一早過到香港就去食bakehouse既大澳蝦籽包先~
然後行下東薈城~
因為呢日天氣報告話可能有極端天氣..
我地驚落好大雨...就直接搭地鐵去左啟德先..
去買左官方紀念品再行下airside...
食左個好難食既馬拉麵~就直接去主場館入場~
(哥時先5點幾XXXD)
早d入去食啟德名物炸薯條~~
講真個演唱會真係好好睇呀氣氛又好!!!!
第一次睇咁大型既演唱會~~~~~
呢個演唱會應該係我睇過既之中最好~~~~
同埋coldplay係外國巨星中算係好勤力...
唱成兩個鐘~~~~~~~
然後今次係第一次去啟德呢個新場~~
個場配套好好~~~我哥日可能早入安檢算快~
仲有廁所好多好乾淨~
走既時候散得夠快~~
而且有演唱會時散場有特別班次巴士...
由啟德直去港珠澳~~~~35分鐘左右~~
好方便~~新場真係值得一讚~~~~~



2025/05/02的開心事：
食左好多肉~
然後噚日先放完公眾假期...
然後番左今日工又連放3日~~~~~~~~~~



報時：與老小孩s北海道賞花自駕遊之旅仲有---29日~
仲有一個月咋~~~我都未去過北海道呀~~
緊張~~