東京富士山之旅2023-12-14第五天(晴天)

6月1日-6月7日...與3個老小孩北海道爽爽中~....6月8日...噚晚本身夜晚9點機到香港~竟然早半個鐘到真係好開心~..但係我番屋企好鐘意搞黎搞去又洗衫...凌晨3點半先訓~我本身諗住今日會好攰~就全日在家訓覺執野休息...點知個身體系統默認10點半就醒XXXD就問毛寶有無興趣出街食中午飯XXXXD我真係好煩~去左食shake shack~食粗薯條好開心~再去上葡京飲啡~..夜晚外賣~....6月9日...去完旅行第一日番工..我覺得我件番工衫縮左水…6月10日..頭赤赤地..唔知關唔關就黎打風事…6月11日…嘔嘔…頭痛左成日..不過今日總算無咁焗咁熱喇~…6月12日…我今日成個腦都係食肉既畫面XXXXD...6月13日...放工就最開心~去左食爀樂~....6月14日...中午去左睇下個鼻..近排成日鼻水倒流~然後去左食Terra~...行下DONKI...探豬~夜晚食金麗軒~



2023/12/14
Day 5(日本,河口湖 Japan,Kawaguchi->町田市 Machida shi->東京 Tokyo)
早~呢日6點起身~~~為既係...睇下日出中既富士姐~

好搞笑~好似有隻飛碟飛緊去富士姐度~有幻想過會唔會舊雲過多陣剛好行到富士姐個頭度...好似富士姐戴帽仔咁!!






天空慢慢由橙色變黃色~令富士姐山頂都染上不同的顏色~好靚~






除咗起身望下日出中既富士姐~當然要浸個靚溫泉啦~呢個溫泉真係好舒服~除左水溫適中之外...應該係我暫時住過咁多次有私人風呂既溫泉旅館以黎...最靚景既一次~好多謝老天爺爺賜我地好天氣~~(呢個日光係浸完沖好涼既狀態XXXD浸緊哥時仲係上面幾張圖咁橙橙黃黃色調~)




浸完再望下富士姐有無戴到帽仔~係無既XXXXD今日好好天呀~~






去食早餐~~原來我地著傳統浴衣定係新式既都係好似要去做苦工咁XXXXXD




噚晚黎食飯已經黑munk munk~就覺得無乜野...依家見到...華...痴線架間餐廳個景!!!!!好靚呀!!!離不離譜!!咁靚!!










早餐餐牌~~








starter佢寫Mount Fuji Water Jelly...緊用富士山水整??口味係earl gray tea..orange..peach jam and mint~清清新新~做starter好適合~




噚日佢帶我地入房咪問我地食唔食納豆既...整法係和牛芝士焗納豆....從來無諗過納豆同芝士可以一齊整...而且係咁夾!!!!超級好食!!!!(利申我鐘意食納豆)...好想自己再整黎食~(但屋企無焗爐)




再來是富士五湖小碟~加火山石烤既魚同豬...好多野食XXXXD...勁豐富~~其實樣樣都好食...特別好食既係火山口烤既豬...我覺得呢舊好味過噚晚哥舊~噚晚哥舊我嫌佢肉質過硬...呢舊剛好~












甜品係生果~我地仲飲埋咖啡~




唔知係咪因為有美景加持...呢個早餐我地好享受~






食飽飽番入房執埋啲野...拿~我地真係有用富士山熔岩石浸過既水黎沖咖啡架~又真係正D喎XXXXXXD我有個同事之後有去住同一間酒店..我叫佢去試...佢話唔覺XXXXXD....個蛋糕真係好好食~



影幾張相同合照...就走了~呢間係我地數一數二鐘意既酒店~~毛寶猛咁讚呢間酒店又靚野又好食~仲話好彩我訂唔到之前哥間...咁都有得讚XXXXXD..帽仔停左無郁XXXD...我地走喇富士姐~








華華華好曬呀~喂...隔離個猿劇場隻馬騮做咩咁認真XXD




一路仲係見到富士姐~




好勁呢區應該真係好多遊客XXXD連泰國野同印度野都有~




連紅綠燈都有富士姐的身影~




下一個景點(?)...Lawson+富士姐....但呢間唔係近車站近民居被蒙黑布哥間....同埋我地真係有幫襯架XXXD...Mapcode：161 271 394*58....頭先杯啡唔係好夠~又去買凍啡~圖二係我地既車~...不過影富士姐都係一早一黃昏影好D...10點打後好背光~






原來今日下午都開始有雲...聽日直頭遮哂富士姐...多謝老天爺爺俾我地睇到咁靚既富士姐~尤其係....住最貴哥間酒店~




華~乜家陣高速D指示牌睇到埋塞唔塞車架?？~




本身諗住去埋可以見到富士姐既商店街...但覺得去埋D時間好似好趕..就放棄了XXXXXD....直接係Lawson去下一站南町田新開既outlet Grandberry Park....Mapcode：2 311 777*00(停車場mapcode)




除左要黎行街街之外...呢度仲有Snoopy Museum Tokyo~~仲有甩皮聖誕樹~










急急腳行去先~怕人多~




呀~可愛~仲有聖誕樹裝飾~






成人票價2,000円=112hkd~




注意事項~




請進~




然後入一間房...睇個小短片~好可愛~








跟住就一系列既手稿啦~展品啦~
















重中之重其實我係要黎同呢個特大甩皮展品影相~~好可愛~可能已經開左一排~同埋係閒日~完全無人~可以慢慢影~












仲有特大甩皮狗屋仔可以俾人行入去影~






參觀完就要去購物喇喎~~










好鐘意細既索繩袋~~唔好阻我~~1,980円=110.9hkd...有齊兩個袋~




買左我同媽媽一人一個~








呢個博物館鎖匙扣我又忍唔住買左~




小花樽都好得意~但我真係唔插花XXXD










好搞笑~扮甩皮報紙~








我買左呢支筆~~好鐘意~但仲未捨得用~




毛寶買左呢架車~




毛巾都殺左我好多錢~~




買完野行過隔離Peanuts cafe食野~
















我竟然無影低餐牌...所以提供唔到幾錢...我記得就唔算好貴既...但係無樣好食XXXXXXD...係影下相D餐具杯墊又有甩皮~最好食係個薯角XXXD夠脆~野飲好甜~飲兩啖就唔想飲~






甜品~朱古力撻~一堆cream~好鬼漏同甜~不過個扮雪地既cream上面有脆皮腳印~~好~可~愛~






cafe仲有D精品賣再殺一殺你D錢~不過吸引唔到我~






食飽飽就行街街囉~經過一間賣寵物用品既~見到個貓/狗屋仔勁得意!有個係校巴!!真係好靚~可惜帶唔到番澳門送俾豬子~但大家心知...查實D貓...最鐘意係訓唔使錢既紙皮箱XXXXXXXXXD






D人話喎~呢兩間太大間佢又覺得好驚~無耐性睇~(D女仔真係麻煩XXXD)






然後呢...我係Columbia買左條無款..全黑...減價後價值3,500円=196hkd既功能褲XXXXD月下貨真係好吸引~~






我勁鐘意呢個得兩啖既暖水杯~同埋隻色勁靚~我記得唔使100hkd~成日帶去旅行~好好用~(我記得毛寶買左隻黑色去參加公子百元福袋~好實用~)






我地租車時揀左晚上七點還車...當初上網睇Google map...由Grandberry Park去還車點...大約車程係40分鐘...咁梗係唔會真係預40分鐘啦...仲要預下自己會行錯路或者要搵還車點之類...所以7點還車一開始就預最遲5點半要上車走(預多一倍時間)...但最後我地行哂我地想行既野...決定提早下午4點半就開車走~(即係40分鐘車程我地預早兩個半鐘)...呢張圖係未到5點影...個天已全黑~睇高速公路顯示牌寫...前面好似有塞車...




越近首都圈...就行得越慢...入到呢個高速公路地下迴旋位之後....直頭半個鐘無郁過XXXXD好彩上車前去左廁所~






唯有諗慢行既好處...可以種花..同埋入左個大蘑菇XXXXD






眼見時間一分一秒過去..真係好緊張~因為我同事之前試過真係遲左少少去還車真係要罰錢XXXXD好彩出左高速之後就唔怕塞~




出左高速到另一個考驗...就係我地係新宿還車~(因為酒店係新宿)...人多車多...行車線都多~令到揸開郊區既我地好緊張...睇地圖既緊張...揸車既更緊張~




最後我地成功一take過就去到還車點~到達時間係18:44...即係我地最後係用左兩小時十五分先去到目的地~好彩平時我地都鐘意預多時間唔會淨係預到岩岩好~上車時行車公里數係39110km~落車39716km...行左606km~毛寶好叻~




租左ETC...到還車再計行左幾多次高速公路~收費一清二楚~總共行左12,350円=691.6hkd~




還好車我地就行去我地留係東京呢幾晚既酒店~




大約行6分鐘就到酒店~同事推薦我住Hotel Groove Shinjuku...係Hotels.com預訂~係新宿東口附近...都近歌舞伎町...不過佢係大街外圍...又唔算好雜~






搭𨋢上到唔知幾樓自助check in~都ok簡單既~我呢啲電子白痴都識用~佢直接係呢部野出埋房卡~幾好~




因為我好耐好耐無去過東京...都唔知邊間酒店好~開頭諗住住上野...走既時間直接搭sky liner走唔使轉車~但諗諗下方便走哥剎那...平時出街又唔方便~就問下同事最近住過邊間酒店好既~佢推介左我呢間喇~但呢度個地點其實都唔錯...其中一個同事推介我既重點：機場巴士就係酒店門口XXXXXD...就算落雨都唔怕....唯一要留意係最提前上網買定巴士飛~無現售票~同埋班次唔算密~我地班機剛好時間搭上~好似一日得哥6班XXD唔密~車飛詳情及預約...記得記得上網買定~無現場買飛同full full地~



呢度我當時去好似開左兩年度?呢間房係東京黎講我覺得算大XXXXXD....但房價都唔平~我地係度住4晚...共8134.7hkd...每晚房價2033.7hkd~都幾新幾乾淨~滿意~








其實我地酒店係位於新宿當時新地標東急歌舞伎町TOWER~入面好似複合式建築咁...有兩間酒店(我地係平哥間..另一間高D貴D~)....同埋有餐廳遊玩設施...(包括好多好多扭蛋~)...咁個入口要行出左酒店既門口再行去另一個入口先去到餐廳哥邊~我地攞左房之後諗住去睇下有咩餐廳食~點知又唔係好岩心水~










唔岩心水就去囉~酒店建築外觀~




見未係好餓~周圍行下睇下有咩吃~






行過神社~我又行入去放探射器~~好野~get~神社皮皮盆~






與毛寶在新宿街頭散步~花花滿滿~




人地D應援咁勁既XXXXD




行過蟹道樂話不如上去睇下有無位食下咯...諗住8點幾應該無乜人..點知人地full house dor~我好奇...明明毛寶次次食完又肚痛..佢又會提議去食既?XXXXD




最後行左唔知去邊...揀左間樓上居酒屋XXXD~




餐牌全日文...有D有圖...睇圖叫或者估估下叫XXXD叫左梅酒~仲有居酒屋一坐低叫完野食既收費前菜~




鮟鱇魚肝~780円=43.7hkd...喂~我好鐘意鮟鱇魚肝架~好味~而且好平~送酒一流~




亂叫個豆腐~唔記得幾錢~上面有D韓式魷魚泡菜咁一齊食~幾好食~...枝豆..580円=32.5hkd....燒飯團...240円=13.4hkd(個)...唔好食...燒得唔夠~味藏好味D~...仲有個鯖花魚...幾好味~價錢忘了~










仲叫左D炭火燒既雞肉串(720円=40.3hkd)同埋雞心(680円=38.1hkd)....雖然雞肉好香炭烤味...但肉質鞋左少少~雞心爽爽的好正!!






叫到成枱野食~好開心~




喜獲西武新宿車飛紅皮一隻~呢樣就係呢個遊戲令我著迷之處XXD




食飽再去不夜城夾下公仔..家陣好方便!!支付寶都可以直接嘟完夾公仔~~






其實我專攻水怪黎夾...諗住夾到就送俾朗公子做手信XXXXD點知今次一隻都夾唔到~不過依家真係好多水怪公仔~












然後去藥妝...杯公子叫我幫買龍角散...點知我買錯呢個俾佢XXXXXD我好蠢XXXXXD




買喉痛露噴劑~




感冒藥好似疫情後就限買...每人只可買一盒...不過好彩我都係幫人買一盒~




買養潤水~648円=36.3hkd...真係好平..澳門賣80幾蚊...




呢個遊戲果然要出去行下架~當季皮會易D齊~




毛寶既靚靚~我好鐘意佢幫我影哥張Lawson加富士紅合照~Lawaon凍齋啡好正~~



































2025/06/14的開心事：
見到好耐無見既豬~