終於講到呢個令我同毛寶都好難忘既旅程喇~老實講~呢個旅程我真係好好好鐘意~~由plan緊既時候~到出發完畢~直到依家~我諗起都會覺得好開心既~點解會揀去睇富士姐同埋去東京呢?因為2023年頭疫情剛過時...大約3月尾我同毛寶有部份里數就黎到期~當時又無商務機位換去丹麥...諗諗下見12月有假又未諗到去邊....不如換最易換既日本商務啦~(因為每日都好多機去)...起碼用咁D會過期既里數(依家哥D keep住有入就唔會過期~)....咁去日本邊度好?...由於之前同公子去哥次東京睇唔到富士山(落雨落到山影都無)...所以諗住襯12月頭天氣比較穩定~去試下玩富士山周邊咯~(而我地都決定左...如果連今次都睇唔到...我地就覺得同富士姐無緣...唔再強求去睇喇~)
2023/12/10
Day 1(澳門 Macau->香港 Hong Kong->日本,東京 Japan,Tokyo->靜岡縣,御殿場市 Shizuoka,Gotemba)
由於我地換左都幾早機...所以我地就決定之前哥日早啲去香港住一晚機場酒店~第二日輕輕鬆鬆咁出發~(前一晚其實都發生左D神奇野~本篇文末再講)...但我想講...間機場酒店好臭又舊~哥晚訓得勁差.....唔緊要啦~出發喇~~~哥日我地凌晨5點幾就出現係機場XXD
哥時就黎聖誕節~機場有好多聖誕裝飾~chcek完in就影下啦~
過左關~梗係逛下lounge啦~我地攞左boarding pass時地勤有推介我地去個近我地個gate既lounge~我出發前又有研究過到底去邊個lounge好~我呢種唔係成日有得坐商務既人梗係要好好珍惜揀個正D既lounge啦~研究完一輪....我覺得上次揀既玉衡堂係最正XXXXD又夠大~咁呀~去啦~(其實其他one world既lounge都入得...但我想試既澳航lounge太早未開XXXXD)...玉衡堂The Pier係Gate 65附近~搭扶手電梯落~(The Pier First係Gate 63...我幾時先入到?XXD)
呢個地頭lounge真係好大好靚XXXXD~~由於家陣先係06:00咋~~所以未有好多人~好多位揀~~~頭先咪講呢個lounge係gate 65附近既...其實我地登機係gate 8XXXXXXXD....其實勁遠...不過我地預早左時間入loungeXXXXD....我記得哥時我同毛寶講：拿~唔準嘆咁耐架~要預番D時間去登機架XXXXXD
上次有係茗茶坊嘆啡嘆茶嘆甜品~今次朝早無係度嘆喇~我地揀左卡位坐~
去叫個麵同點心食先~~~
等緊麵哥時順便去攞野飲下先~~唔知陣間機上面有無得飲~~係度叫定杯Cathay Delight先~~
等我試埋Ginger Forest先~~~之前已試過Cathay Delight~我好鐘意飲~~所以又再飲~Ginger Forest我都覺得ok~但又未話太啱我口味~~對上一次我就飲過Oriental Breeze...到底國泰仲有幾多種既Signature Drinks我仲未飲到呀~~~~
睇下我XXXD又一堆野飲XXXXD....叫左雲吞麵~同埋雞肉燒賣仲有素菜餃~牛角包好難食~個麵其實我想試擔擔麵既~不過我驚食完個口好臭XXXXD下次啦~...雞肉燒賣毛寶勁鐘意XXXD佢話好食過豬肉燒賣...佢仲捧場到去攞多次黎食~BrightWin立牌又悄悄出現~
朝早食唔落太多野~坐多陣見人多就走喇~影下佢棵聖誕樹先~
去lounge食完野先啱啱日出~
又咁啱影到Dior聖誕樹~
我地今次係用里數換機票既~搭國泰CX526班機係08:10由香港直飛去東京成田機場~其實我好老土未飛過羽田...我都唔知羽田機場係咩樣~有機會飛下先~睇下...一早飛塊面又肥肥腫腫XXXXD
出發之前日日都瀏覽富士見予報....咁佢分富士山東北面望佢...同由南面望佢....每個方向都有唔同既指數~分中午前同中午後...指數越高就能夠越清楚睇到富士姐~最高係10....出發前一個禮拜睇...日日都係10!....點知到出發哥日睇....點解既?點解後日變左....好似完全見唔到既；[[[[[.....
好耐無搭國泰~遲左少少先放人boarding...話technical problem..然後勁急放人上機~又勁快board完XXXXD
華~~虛榮門呀虛榮門~好耐無穿過虛榮門~
用里數換...咁梗係換商務啦~~~今次我又揀左坐呢個section既商務得8個位~靜D~XXXXXD....上次無留意...由於每行得兩個位...我坐前面即係其實我係第一個位...咁第一個位就係有個擺bb籃既高枱係度~所以少左一格窗XXXXD...我同經濟位一樣得一隻窗XXD......記得~如果香港飛東京想係差唔多到既時候睇到富士山~記得去程揀A既窗口位坐~...最衰哥陣時未有新既商務Aria Suite坐啦~依家佢得幾架機又好難撞到~之前飛短途...依家飛緊倫敦~
個遙控有新到~但上次玩過我既座椅控制今次玩我唔到架喇~(仲係咁舊~)
喂!點解唔係伊雲水黎架!
welcome drink好似係揀左蘋果汁~(因為早餐無酒?)
等我睇下今日食咩先~我個人咁傳統..絕對唔會揀西早XXXXD...不過我估國泰早餐來來去去都係哥幾味XXXXD
野飲~機上signature drink係cloud nine同cathay delight~係喎我仲未飲過cloud nine~但我又唔想咁早飲酒....(有咁難諗咩XXD)
咁起飛前已經問左因間想食咩飲咩~無耐就起飛喇~
國泰個娛樂系統都幾多野睇既~但又好似唔夠阿聯酋咁多XXXD
同埋佢依家有Disney+...多左好多野睇~~
所以最後我揀番尚氣睇XXXD...幾時有續集?我好想睇XXXD...俾朝偉殺屎XXXXD
起飛無耐有野食~前菜我淨係揀左生果~上左生果同麵包先~~我揀左又飲cathay delight~加洋甘菊~個牛角跪到咀損XXXD
我講左...我個人好傳統...我唔要西早!所以我係揀食叮叮點心XXXXXD...雖然好多成日坐商務既人成日都話國泰既點心係垃圾..但係我ok喎XXXD又有辣醬~(點心加辣醬無得輸XXXD)..我仲食得津津有味~我真係垃圾口~毛寶竟然叫雞肉伊麵!!!估佢唔到!!
睇完尚氣我就一直留意住電視地圖!!!地圖出現左富士山喇!!
依家好似已經係呢個航程同富士山最近既距離喇!!
好努力咁望出面....華!!!!見到喇!!!!但唔算好近好近!
5分鐘左右就越黎越遠lu~~通常見D人回程應該會近D~回程再影~
經過完富士山就差唔多到成田機場喇~
雖然遲左boarding...但係都早左少少到~利害~好耐無去過東京喇!!!好激動!
一到日本就有比卡超壁畫既精華攞~~唔係特別鐘意但係覺得可愛~
好彩係頭頭幾個人落機~過關都唔算太耐~
成田機場服務好勁呀!!出到黎頭等同商務D行李已經好乖咁跟航班分好企係度等你....只怪我平時見識少...搭開經濟位
我地Terminal 2降落~租車公司係哂1樓~我地今次經Nippon Rent a car租左車~....講起~我地係第一次係成田機場租車~之前都係大阪租車多~去到counter...佢俾表我地填...然後就車我地去俾錢攞車~
去到攞車填表....發現呢間租車公司好多外國人職員...咁英文溝通無問題啦...佢本身係諗住俾架藍色車我地既...然後到俾錢時....我望下個價錢....點解同我原先上網租車個價唔同既?...大拿拿....多左成萬幾円(我記得大約700幾hkd左右).....我地問個外籍女職員呢個萬幾円係乜.....然後佢答我係租ETC既錢...然後我同佢講：租ETC卡300円咋喎...你地個網係咁寫....定呢個係ETC既任用plan?...但我地無租喎.....跟住佢先再問另一個外籍男職員.....全部對話都係英文....我：我想問我地上網個租車價唔係呢個喎....我想問呢萬幾円係乜?.....男職員：呢個係租雪軚既錢.....我：我地無租雪軚喎.....男職員：如果你無租雪軚係雪地撞左車...個保險係唔包架喎!!(個樣仲要有少少囂張)....我：咁你睇黎緊一個禮拜天氣報告東京有無雪落?....男職員：無.....我：咁平地無雪落你個保險包唔包?.......男職員：包.........我：咁無雪落我要雪軚做乜?.........我覺得佢開頭係側側膊加左萬幾円諗住我唔覺...問黎問去最後知係乜又夾硬迫我租雪軚.....仲恐嚇我保險唔包你雪地撞車....你話有天氣報告預測....有雪落...為個客好或規定有雪落要租雪軚我理解....但唔係無雪落夾硬恐嚇我要租.....我覺得呢個位呢兩個外國籍職員都好蠱惑...之前都租過呢間...但今次係東京租感覺好差....千萬記得租車費係幾多!!因為佢通常攞車先俾錢!!
我地租左5日車...連埋保險..共54,560円=3,055.3hkd...每日租車費係611.1hkd~....仲未講匯率~當時係5.6.....高左少少~不過又還好啦~10算哥時我地都去過~5.6其實都係好抵~...由於我地唔肯俾雪軚錢~佢就話唔俾藍色車我地喇~換左呢架舊舊舊既車俾我地~呢5日多多指教~~一攞車已經行左39110公里~同埋毛實投訴架車個放咖啡既咖啡架好渣斗XXXD係呀..佢勁著重呢樣野~
真係由有日光揸到日落XXXXD...今次有租ETC卡dor~可以行ETC車道~到時還車先一次過俾番D高速公路錢~
由成田攞車黎到呢度都成個鐘囉~應該家陣係上野哥頭?因為見到晴空塔~
入到目黑區有少少塞車~
華華華真係揸到天黑喇XXXXD不過其實去到呢個位只係下午5點咋XXXXD可能12月早天黑~
黎到富士姐既懷抱喇~~~~可怕太陽已下山~~搞到淨係見到富士姐既身影~~~
係大約6點左右我地就黎到靜岡縣既御殿場市(Shizuoka,Gotemba)...我地今晚住既酒店係Clad Hotel...經hotels.com預訂~....呢間酒店其實就係御殿場個Gotemba Premium Outlets隔離~所以其實泊車就係泊outlet個停車場~我無記錯好似泊一晚係1000円=56hkd....Mapcode：50 806 163*65(*後數字通常唔使入都好精準)...你睇大堂平平無奇~聽日你就知~
一晚房價1,216.4hkd...每人608.2....唔算好大~但大細可以接受~都新~開左唔算耐~應該剛有疫情時先開~衛浴分離~有溫泉~房客可以免費浸...但係隔離棟建築....同埋佢係有日歸溫泉...我覺得如果有日歸溫泉唔係房客都浸得就...雜雜地~唔會去浸~
放低野去個廁所出黎都6點半喇~由於酒店外唔係outlet既話要去番普通街道要揸車落山(都轉好多個圈下落山)....所以晚餐選項最方便就係酒店餐廳(但望過都係食set..同埋收好早)...另一選項就係outlet餐廳解決....咁我地揀左後者~因為當時店舖收8點...餐廳收9點...我地諗住快行買到最後一刻...然後先係outlet D餐廳食野XXXXD(但依家營業時間好似唔同...建議出發前去官網睇睇~)....酒店同outlet有條連接橋連住~方便~
我記得呢晚....好X凍XXXXXXXD...凍到入心XXXXD
hehe~又影到你入Beams~
無乜好買XXXXD...最靚係童裝XXXXXXD
我其實去日本都好鐘意行Sanrio~因為我身邊D朋友好多都鐘意Sanrio既公仔~不過outlet呢間又無咩收獲~
然後行到差唔多8點咁我地咪去搵下餐廳食野~雖然話商舖收8點餐廳收9點...但係行過D餐廳一係D野賣哂....一係已經收左~....呢個時候我慌慌地.....因為我好凍好餓......(距離係航班上哥餐早餐已經係12小時前XXXXXD...係囉做乜落左機唔去便利店買D肉食下先XXXXD)
然後終於俾毛寶搵到間cafe有熱野食!!!仲有意粉叫!!好興奮呀!!如果單叫意粉就995円=55.7hkd....連埋野飲既set就1,351円=75.7hkd...本身諗住坐低食埋....但係接近收工時間所以毛寶提議攞走食~.......我提議企係出面食埋...因為我真係好肚餓~好想快啲塞D野食入肚~毛寶話攞番酒店慢慢食啦~.....然後我企係outlet扭左好耐屎忽花話一定要依家即刻企係度食XXXXXD(係咪好頂我唔順XXXXXXXD我平時都無乜野...但我一肚餓到極緻就係咁煩XXD)
最後梗係俾毛寶拉左我呢隻癲狗番酒店啦XXXXXXD...我都唔知我扭咩....毛寶揸左3個鐘車咁辛苦都未出聲；]....然後想講呢餐....勁好食!!!!....有個係肉醬意粉...一個係菇類既白汁意粉...雖然攞左外賣後10幾分鐘先食...但仲係勁熱辣辣!!味道同意粉質都一流~我同毛寶都覺得好好味~~兩個野飲揀左熱辣辣水果茶~但好甜~搞唔掂~依家望番相先知係Tully’s coffee~
講番前一日先~我地咪搭機前一日已經過左香港既?...我地去到機場酒店check左in上左酒店房放低野之後....因為係網上見到BrightWin既Win呢一日係香港出席完活動之後...就會搭機走!...知道大慨時間夾到...然後咁岩線同我一齊追既中同都話去等...咁....試下咯~....等左一個鐘度....點知好似話delay班機....咁...我餓...又唔知佢幾時黎..咁我就同左中同同毛寶去左樓下哥層食delifrance~~食飽飽再上番去...見到D人仲等緊....當我仲傻傻的企係度望緊另一面時....中同大叫我：喂!佢係呢邊落緊黎呀!!.......就係咁...我跑到去...佢就行係我側邊....我有影到片~一路行...有人一手將我推開自己跟住影...(後生女...追星追得有禮貌D好無?)...然後佢行左去check in...成堆人圍住....然後我企堆一邊望....點知佢check完in...就係我面前經過!!!就影到呢張相喇XXXXXD(其實係片黎既我cap出黎)...唉唷~好水嫩呀~佢係我面前經過我硬哂軚XXXXD....仲近過俾最貴演唱會飛XXXD
然後入閘scan完機票會除口罩影相做人面識別...原來有人會對住人面識別影既相甜笑XXXXXD...食可愛大架?XXXXD...好喇~花痴完喇~雖然依家已經唔再鐘意佢地....但係佢地都令我解鎖左好多成就(雖然係無聊野)
2025/04/05的開心事：
豬子好俾面..
同佢玩伏伏伏左幾下~
(貓奴好卑微XXXXD)
報時：距離公子復活節曼谷之旅仲有---12日~
報時：與老小孩s北海道賞花自駕遊之旅仲有---56日~
然後入閘scan完機票會除口罩影相做人面識別...原來有人會對住人面識別影既相甜笑XXXXXD...食可愛大架?XXXXD...好喇~花痴完喇~雖然依家已經唔再鐘意佢地....但係佢地都令我解鎖左好多成就(雖然係無聊野)
2025/04/05的開心事：
豬子好俾面..
同佢玩伏伏伏左幾下~
(貓奴好卑微XXXXD)
報時：距離公子復活節曼谷之旅仲有---12日~
報時：與老小孩s北海道賞花自駕遊之旅仲有---56日~
就快去曼谷....希望順順利利....
唔好再有餘震...平平安安~
沒有留言:
張貼留言