天團蘇格蘭高地之旅2018-10-21第八天(雨天及後轉晴)

星期二.....放左工去左觀光塔食葡式自助餐....一定好食過上周五哥間~~~~~星期三.....呢日都幾多騎呢人~~~放左工番屋企食飽飽就去上狗仔堂~星期四.....番工點都好話知佢屎~~~~放工即奔回家攞gip去機場~~~周五至周日在越南過~~~~~係咪好想知我地玩成點呢~~~~~唔話你知~~~住~~~~星期一....咁快又完左3日假....今日我仲要開ot...放左工算喇算喇~~唔跑喇今日.....噚晚成凌晨1點先到澳門機場.....我今晚要出Blog加好好休息~~



2018/10/21
Day 8(北愛爾蘭 Northern Ireland,The Dark Hedges->Gleno Park & Waterfall->貝爾法斯特 Belfast)
呢日一早起身~7點出發~就為了去噚日人滿為患的The Dark Hedges....希望早d去會無咁多人~~~~好彩酒店係隔離~出發既時候天都未光哂~不過呢日朝早勁大雨~





今次我地仲唔贏!





好像拍得有點神秘feel了~遠處有點陰深feel~如果我有好的相機可能拍得更好~(好廢話~)




但係望真d....咦....前面....好似有人咁既?!?!?!?!?




係...真係有人早過我地7點鐘到...好恐怖~~~不過今日人少左....拍樹隧道好過噚日好多啦!






點都影番張帥帥的來留念啦~姐姐影得好~




落雨濕濕咁影完就番酒店食早餐喇~又係有少少野食自助攞~仲有個主菜俾餐牌你揀~(不過另加錢的酒店住客)




佢即煮...煮左超耐~等左成半個鐘..但得兩枱客~我係圖一既熱香餅+豬耳型煙肉....豬耳型煙肉實在太厚...唔岩我食~不過熱香餅加楓糖就好愛~....毛寶是圖二~大比是圖三~d菇仔好好味~






食飽早餐出發~出發時又停雨了~今朝大雨到我件外套都濕哂~黎到Gleno Park & Waterfall~呢度有好多紅葉~好靚~







一路行過去條路都有深淺不一既落葉~一路行一路覺得眼仔好舒服~




呢個瀑布唔係sell水量勁或者宏偉~但係配埋周圍呀~木橋呀~落葉呀~簡直就係一流~不過最衰今朝落過雨黎啦~如果唔係d葉鬆鬆的會好看多~







不過睇呢個瀑布要幾樣野夾啦~一來可能真係秋天有落葉靚d~二來.....你估你次次黎都見到有咁靚既澳門小精醒俾你襯住黎影既咩~~~~~~XXXXD....當時仲要一路影一路有落葉飄落黎~靚到咩咁~





又遇上兩隻散步的可愛狗狗~hehehe~佢地d毛毛都濕立立的~





參觀完阿sam就踩車番貝爾法斯特(Belfast)




番到黎先去鐵達尼號博物館(Titanic Museum)....我地停車係佢個停車場~~~~上番去諗住買入場劵........點知我地4個覺得好貴~~~~~~~~~~~~~~所以最後決定：唔入~影影外表~逛逛紀念品店就算了~反正我心入面淨係得里安納豆同琦溫~.....博物館外表勁新潮且外表就覺得似船頭~好有型~點解北愛會有鐵達尼博物館?因為艘船係北愛造架!







成個紀念品店d野都唔係好岩我~我淨係覺得呢個幾得意~~應該係模仿番一份當時既報紙~




見到博物館入面間餐廳唔係幾岩食~出去兜下...然後先再係附近睇下有無其他野食~出面周邊仲有好多有關鐵達尼既野可以參觀~但好多都要錢~所以我地都無行埋去細睇了~











我地最後揀左呢個位於博物館旁邊既Hickson's Point....不過呢間都唔算好多野食~就係得手上餐牌哥版咁多~





咦!!!!見到有健力氏黑啤喇!!!!!仲要係生啤喎!!!!飲咯!!!




華~唔知.....個叔叔係咪見我好開心咁影相~~~




佢叫我試下斟埋餘下的~~~~~~~華~~~~開心~~~





唔知係咪我自斟....定真係因為北愛爾蘭既健力士黑啤特別唔同!!係幾好飲既...有咩好飲呀...我無咩形容詞係口袋XXD(就好似咖啡我想講佢好飲既話我就會話佢：華!好香濃呀!.....or：華!好濃香呀!....or：華!好香呀!....or：華!好濃呀!........任君配搭XXD)....我地已經揀最細哥杯....但都係好勁大杯...我一個人真係搞唔掂!




我同毛寶分享飲呢個Seafood Chowder....£8.95=93.1hkd.....都幾貴架喎~不過幾夠熱..同埋個湯唔算好漏~但塊包好難食~




再叫左呢個Cajun Chicken Sandwich....£6.95=72.3hkd....竟然係個包平過個湯!!!!不過個包d雞好鬼鞋!個包麻麻反而後面堆椰菜沙律幾醒胃~




大比佢地叫左Boneless Pork Ribs.....£6.5=67.6hkd.....呢個又竟然再平過個包~不解~呢個個樣唔靚...但我覺得幾好送飯~有點東坡肉feel~




仲要咁早都一路食一路有人彈奏樂曲~




食飽飽番去博物館停車場攞車~忘了幾錢一小時~之後就直奔我地呢晚既民宿喇~呢個類似服務式公寓~叫Dream Apartment Belfast....地址：Obel Tower 62 Donegall Quay, Belfast,BT1 3AT......仲有reception check in....一晚£144=1,497.6hkd....每人每晚374.4hkd~個廳都幾大~





我同毛寶間房~大比佢地哥間係套房~




廁所~....不過沖涼哥度由於我地唔知洗衣機佢用左熱水洗衫....所以我同毛寶沖完涼後...大比就無哂熱水....真慘.......(仲要沖沖下先無....)




食晚飯前有件好重要既事做!!又出發!




途經呢間好像說是全北愛爾蘭最大的商場Victoria Square~




其實我地想搵附近既沙北咋~~~~~~~~~~~~~




搵沙北我唔係想飲一杯香香濃濃既北愛咖啡~係!想!搵!沙!北!杯!!!!!!!!!!!!!!!!!!!!!!!!!!!!!!!yeah~~~~~~自從南美之後我就有鋪儲沙北杯癮(但又唔係度求都買架喎..我又好有性格架喎~)




佢有Northern Ireland同埋Belfast!!!不過研究完一輪...我本身想買哂兩隻...但六角石柱既北愛爾蘭杯出色好多~~~買一隻好喇~





買完後途經係2018年8月尾曾發生大火既地標性商場Primark Mall...真係燒得好勁!






之前已經經過呢個壁畫喇~依家環圈玩完北愛爾蘭之後仿佛又回到圓點了!!!!!(點解你地隻手指可以咁靈活既)






呢晚係我地最後一晚係北愛爾蘭喇!!!我地決定唔好亂試~~一於食過好食就繼續食既Mourne Seafood Bar Belfast...地址：34- 36 BANK STREET, Belfast............上次有上網訂位~今日想訂都訂唔到!...唯有點呀?佢開5點我地咪提前企係餐廳度等囉!!!好彩~仲有~我地之後黎既都無枱喇!!!入座佢有問我地可唔可以個半鐘俾番枱佢地~





呢日!我叫左杯cocktail Torreador~£8=83.2hkd....甜左d~




Natural Oysters(半打)~~~£9.5=98.8hkd...每隻16.5hkd.....呢度係一打~真係好好味~





又黎Japanese Style既生蠔~~~£9.75=101.4hkd.....每隻16.9hkd......




Scallop Ceviche & Mackerel Pate....£8=83.2hkd....唔.....不好吃~~~~~~~~~~~~~~~~~XXD




再來兩煲Mourne Mussels & Crusty Roll(Main).....£12.5=130hkd.....




上次黎每人半打Natural Oysters~~今次每人一打~~~~~~好正~~~~~~好開心~~~~





呢餐食左£133.65=1,390hkd....每人347.5hkd...為北愛之旅寫上完美句點(番黎呀!個旅行未完架!完左北愛爾蘭咋!)




回程民宿時見到用磁磚整既Belfast地圖!靚~食完出黎仲未天黑~








2019/04/08的開心事：
今天的ot是為了明天的未來呀~
仲有毛寶黎探狗仔~



報時：距離北非摩洛哥之旅2019仲有---16日~
報時：距離狂歡三寶台北快閃瘋食之旅仲有---58日~
報時：距離九州自駕遊之旅仲有---180日~
華!!!又就快到下一個旅行出發喇~~~~~~~

仲要係中長度旅行~~~
好緊張呀~~~~~~~