天團蘇格蘭高地之旅2018-10-22第九天(雨天及後轉晴)

星期二....痴線架....好多野做呀5點鐘之後....到底有無人明我到底有幾多野做??仲俾個客自己唔留心個籌號我叫左下一個先入黎...我已經好心話我幫我依家叫緊哥個做番先下一個幫番你做....已經無叫你出去安排或者重新攞籌.....我X你行出我Counter仲西我面.....你知唔知你本新要再等過架死臭x!!!!妖!...放左工去跑左3.45km.....有無人知我份工有幾大壓力?我淨係想食野..........星期三.........放左工去左上狗仔堂...好熱呀喂~星期四.....番工都係咁上下....放左工.....由於今晚我是一個毒L...於是我就去左挑選我晚飯既佳麗~~~我揀左"一日三餐"既麻辣滷肉飯同埋鹹酥雞...華...鹹酥雞哥個小賤人~香~酥~脆~嫩~完全做好哂本份~麻辣滷肉飯個汁好香~~~然後我轉個彎去左天神巷間"BeBeans"買佢個黑白臭豆腐食...佢個原味係濕濕地有汁咁食既~個汁無咩味但係配上佢大量蒜..芫茜蔥...沖菜...辣椒...覺得好刺激香辣~~~~~~~~~~我下次要試甜醬口味~~~~~~~~~~~~~~~~~~~~~~~~~~食野真係令我舒壓~~~~~~(但食完好口渴)...星期五.....yeah~~~~~辛苦捱過一周晏~~~~要放周末了~~~~~~~放左工去左食小東京...之後去上最後一堂既狗仔堂~星期六.....中午食左Chiado....佢個午餐set又幾抵幾好食喎~然後去左venetian大開殺戒!!我好少一次過買兩對鞋!!!但我真係買左...因為我對番工鞋又開哂口~....夜晚去左好耐無見既小青蛙屋企開p......星期日.....yeah~yeah~我中午食左園林豬扒魷魚撈米加咖哩走青~後來落好大雨...草草搞掂今日要做既野就回家...玩越南買番黎既滴滴咖啡~~~夜晚痴痴貢~~~~星期一.....番工~放工~無咩特別..不過呢幾日唔知係咪天氣唔係咁好...我個頭隔日就戚戚下~~~~



2018/10/22
Day 9(北愛爾蘭,貝爾法斯特 Northern Ireland,Belfast->蘇格蘭,格拉斯哥 Scotland,Glasgow)
呢日朝早幾驚險...因為我地會坐早船07:30番格拉斯哥....仲要預時間去排車隊上船~所以要預鬆d時間去碼頭.....咁我地好早出門口....然後毛寶同大比去左check out...我同阿sam去攞車.....點知....落到停車場發現.....個停車場落左鐵閘...而停車場噚日係reception幫我地拍卡入既.....咁我諗住單人搭lip上番大堂搵大比佢地叫reception開停車場閘俾我地出車.....點知d lip我轉黎轉去都上唔番地面層....我硬住頭皮行一條黑媽媽既後樓梯上去(我超驚因為當時場景告訴我快要遇到喪屍了)...點知會合左大比同毛寶之後發現reception根本未番工...得個入鎖匙盒俾人就咁check out....然後我地3個一齊呆左XXXD...點知最後有個保安見我地跑黎跑去幫我地開左閘~~~好彩咋~~~因為呢日要搭船番格拉斯哥架嘛~(下次如果早check out都係之前一日同酒店溝通好會好d~)....無事喇~出發~~天都未光~





去到已經好多車等緊上船~




開航前20分鐘左右會安排車上船~





大約2小時15分我地又番到格拉斯哥喇~~~~番到黎個天早已光哂~呢日既天氣時好天時厚雲~






我地諗住出番市區食左野先再去行程~不過由碼頭去市區都要成兩個幾三個鐘車程~~~~有個人睇睇下地圖都唔小心訓著左~我係唔會踢爆係邊個~




番到市區我地揀左呢間叫Mussel Inn....地址：157 Hope Street, Glasgow, G2 2UQ....原來愛丁堡都有分店~





麵包不錯吃~不過可能太餓了~因為未食早餐~依家成12點幾了~




我地叫左兩打生蠔....£21.4=222.6hkd(每打).....每隻18.5hkd.....華....佢呢碟唔夠一打得9隻...我地同佢講...點知佢仲好懷疑我地仲係度數黎數去....大佬...查實都一眼睇哂啦....唔通我地食左收埋d生蠔殼咩.....佢足足數左3..4次加再望埋我地食野隻碟...................仲要佢地其中有兩人食到d生蠔腥腥臭臭......以!...你睇下左下哥隻幾唔精神.....





Queen Scallops...£9.9=103hkd...呢個唔錯




毛寶叫左個湯..唔記得咩湯...£4.1=42.6hkd




見佢寫話d青口係Shetland黎...好似好勁咁講哂產地(唔知點解係d餐廳黑板寫當天食材邊邊邊度黎我就會覺得好勁).....於是我地叫左兩款口味既青口...明明我地係叫Natural同Blue Cheese口味...但就幫我落單叫左Shallot(1 Kilo £15=156hkd)同Moroccan(1 kilo £15.2=158.1hkd)....但佢整得唔好味囉兩個味都....唉






Tiger Prawns Noodles....£17.95=186.7hkd.....以多日無食過中餐黎講佢只可以話係僅僅合格咋.......自己諗.....點解用無食過中餐黎做比喻?因為佢個麵係中式麵...




Pan Fried King Scallops....£22=228.8hkd.....呢個係最好食既一道~帶子好吃....而且外觀也算色彩繽紛~




Garlic Bread....£3.8=39.5hkd......呢個也不錯吃~我最鐘意食蒜蓉包~霞~~~~~~~~~~~~~~~~~~~~~




呢餐簡直係世界級.....難食





呢餐我地食左£138.55=1,440.9hkd....每人360.2hkd...每人咁貴...食到垃圾....呢間好似網上評價不錯的...聽人講我地呢種情況叫中伏~




好啦食飽飽又再出發~見佢好天諗住博一博以下景點...因為呢個景有d棘手~好天去既話會得心應手d~




點知行行下又陰天......仲好似有少少想落雨.......其實加上埋夠唔夠日光俾我地來回...呢個時候好似已經四點幾五點~咁呀...唯有先去視察環境




我地想去既景點叫Finnich Glen, The Devil's Pulpit.....係個景點既對面有個小停車位.....目測可以停2-3架車左右...由於係去探下路....所以我地3個女人仔去睇下先..阿sam留係車度等陣~




個景點入口亦都非常神秘!!!!





入口在公路旁...真係要小心d行囉






個景點有得Devil呢個字應該都唔好惹~呢條路可以話係無開過既~~行上去既時候要跨過樹....行過一埋勁爛既泥...攀過亂草行上頂~~不過唔算太高係一種安慰






終於行到魔鬼既入口~...er........我無乜信心今日行~~~~~~~~第一關首先d石級望落好跣下又濕濕地....第二關仲有棵樹要我彎腰行....又濕又跣又彎腰....er.....我地擇日重賽咯~~~~





唯有係個頂度裝落去望望先XXD





好啦~沿路折返~




好啦~去酒店啦~阿sam今日揸左咁耐車都攰喇!




我地今晚住係半山上既民宿The Corries B&B




呢間房係大比同sam既~我鐘意咁樣兩邊窗~




呢間就我同毛寶既~每房£92=956.8hkd....每人478.4hkd...我幾鐘意間房望落好舒服~唯一不足真係廁所太窄~





已經預備好支水俾我地飲~貼心~




welcome drink好蘇格蘭呀XXD岩哂喇我未飲過威士忌!!!!今晚試試你先~




本身我幾鐘意呢間房.....但臨出門口望住呢幅畫..我有少少不寒而慄.....諗緊好無同毛寶講...因為怕影響大家既入住心情....因為明明入黎哥時無野架.....點解此刻幅畫下面滿佈水氣?仲要有大粒水珠...我心諗：仆街喇係咪顯靈呀?幅畫入面個湖流緊水出黎呀?????驚到我死




我好細聲同毛寶講：我唔知應唔應該講....但我真係好驚....幅畫下面呢...頭先無野架喎.....點解越黎越多水氣既...會唔會幅畫有古怪呀....................................................毛寶：.............................幅畫下面有水氣....係因為你岩岩係幅畫下面........用水煲向牆煲左兩次水XXXXXXXXXXXD........佢講完之後我完全唔知點樣面對自己XXXDDDDDDDDDDDDDDDD....唔記得影低..呢個係水氣本身既位.............我係咪好低能XXD你可唔可以應承我唔好話俾其他人知呀??????????XD




原來民宿出面對住個湖!如果好天望一定好靚~(好彩無去睇自個景點~因為已經開始下微微雨了~)...咦!!!唔通你就係頭先房入面幅畫個湖?!?!?!?!?!?!?俾你累慘了!!!!




民宿主人推介我地行落山下酒店餐廳食晚飯..因為佢哥度無提供~好彩行落山都係8分鐘左右~




大家都話唔係太肚餓...唔知係咪因為中午食隻唔係好新鮮既蠔.......咁諗住叫兩個湯4個人暖下胃....今日Soup of the day係極緻漏既磨菇湯!!!!!£4.45=46.3hkd......一個人飲應該會無命




我同毛寶兩份食叫左個素漢堡Tofu Burger....£10.95=113.9hkd.....都ok既~





大比佢地叫左Ham and Mushroom Pizza.....£12.9=134.2hkd...超勁大個...而且好味~讚~皮薄餡靚~




呢餐食左£39.5=410.8hkd....每人102.7hkd




番到民宿望下佢個open area....其實就係間屋既廳~入面有個真火爐呀係真火爐呀係真火爐呀!!!!我好鐘意真火爐~




仲好大器咁放好多野飲野食隨便攞隨便食~




番入房沖好涼..我就約左個女士進行威士忌之夜~支花好靚~同我一樣咁靚~




呢段片我同毛寶錄左n咁多次XXXXD...我做影哥個要扮第一視角咁影所以我要從後包住毛寶伸隻手去佢前面影...我想影哥時毛寶叫我倒酒...我：下?我又倒又影個磨?XXXXD.....由於句野太重鄉音....我地一倒酒開始影句野又重新出現係我地耳邊XXXXD...我當時心諗咁我又倒酒又影野咁你做咩呀XXXD...笑到我就黎賴尿XXXXXXD

上完狗仔堂我又可以固定番~
星期一~四~出Blog喇~
多d黎探我話~
(咦..但我好似今個星期四約左人食飯喎XXD)



Supper去左美國錄音呀...
好想念仕燊寶寶~



2019/04/的開心事：
一個我等左好耐既微訊佢終於都主動覆左我XXD
我覺得毛寶好勁...我咁講佢都估到我講咩XXD



報時：距離北非摩洛哥之旅2019仲有---9日~
報時：距離狂歡三寶台北快閃瘋食之旅仲有---51日~
報時：距離九州自駕遊之旅仲有---173日~
喂!!!!!!!!!!!!!!
單位數倒數喇~~~~~~~~~~~~~~~~~~~
我仲係唔係王!!仲唔係新世界!!!!