天團蘇格蘭高地之旅2018-10-23第十天Part 1(雨天及後轉陰)

星期二....呢日最轟動應該就係哥單娛樂新聞....成個下午大家都議論紛紛....以為佢會放工落大雨...點知無雨之餘仲要有太陽~~咁放工去左跑步~3.44KM~拉緊筋時見到所有拉筋既人都好專注係部電話度.....望真d原來大家都睇緊出軌事件個記招XXD.....星期三....我又頭痛了整天....跑步拜拜~.....星期四....多野做就梗啦~~~放復活節假啦嘛~~~~(我個心係咁諗)....但反高潮又還好唔算太多喎~唔通因為d人去哂旅行?放左工去左麻辣英雄同我唯三既大學同學Karen慶生~~~~~(食完成個人都好臭...我覺得楊丞琳食完都會忍唔住要洗頭XXD)......星期五....yeah~~開始放復活節假~~但今年少可我唔去旅行~~中午去左試Hide Yamamoto個午餐set...下午行下街街陪毛寶媽睇爬山鞋....夜晚去左京花軒同我媽提早慶生~星期六.....中午有人要換計油...去左食Terra~~佢個葡萄牙混搭pizza我好欣賞~...跟住去左美樂町攞貨..但攞完極度爆勁大雨~~仲諗住去超級市場買去旅行d野......真係大雨到完全買唔到....唯有番屋企休息同寫下blog~夜晚痴痴貢~~星期日.....中午本身想食Comma Cafe...點知無開...食左綠廚房........食飽飽去左買去旅行d野食~下午約左另外4個公子去左金麗華下午茶~~~仲帶埋八寶啦~小公子姊妹啦~仲有菓子軒一齊添~全部小朋友都好乖~~~~~夜晚痴痴貢~星期一...真係好開心...呢日仲係假期~我早上已經左騰右騰再買去旅行既野~~中午食左發達+TOFF....唔小心買左條新褲去旅行添~係咪估我唔到我今日放假都出blog呢~~我真係好乖XXD....夜晚又痴痴貢~我今晚要好好休息....聽日要開OT~~



2018/10/23
Day 10---Part 1(蘇格蘭,格拉斯哥 Scotland,Glasgow->Puck's Glen->Finnich Glen, the Devil's Pulpit->Onich)
早呀喂~噚晚訓得勁好~B & B有早餐嘛~食早餐先~~~有某部份自助~




大碟入面哥d係噚晚有餐牌揀好架喇~都算豐富既~哥兩條係素腸仔~麻麻~左邊哥塊成塊pizza形狀既好好味~同埋我都幾鐘意食black pudding~其他團友應該麻麻~士多啤梨同藍莓都好好味~個樽orange jam係民宿主人阿媽homemade的~




食飽飽check out就出發了~~~~




呢日既第一個景點就係Puck's Glen~~行下公園咁~佢第二幅圖入面個路牌有精靈圖~呢度一定勁靚勁有仙氣~






睇緊路線時....又見到有狗仔黎散步喇~~咦~~你係咪Hush Puppies呀~~~~佢勁搞笑~~一路行對眼無離開過我地~~~我地係咪生得個樣有d怪呀~~~~~~同埋佢同佢主人勁似樣~~~







好喇~開始行喇~




仲影緊橋哥時已經有第二隻狗仔衝過~呢度d狗仔一定好開心~~呢度有咁多公園俾佢地跑跑~




初段都有少少難行...因為地下係樹根外露既路...而且呢日有細密雨...有點濕滑~





呢個公園有好多衝天大杉!!!好靚!







發現澳門小精靈一枚...入手!



而且呢度d樹好多都鋪滿青苔!!一見呢d會點呀...會話呢個地方好有靈氣呀~空氣好好呀咁囉~毛寶張相好靚~





同埋發現呢...呢度有好多樹係打橫訓係度架!!!仲要係連根拔起咁訓係度!






再行入d~




舊尖石似唔似哈利波特頂分類帽XXD




行入d就有好多齊口切既樹!






被我形容為生到爆哂花既樹...同一條樹幹爆出好多樹枝~




好鐘意同一幅相入面有好多種唔同既樹係入面~好繽紛~同埋有d樹又變左色咁~




黎到呢個位...你就可以揀由下而上定由上而下咁行喇~其實都係環一圈~我地就揀左由下面上喇~我地係紅色箭咀落...就係黑色箭咀落番黎~




好啦~由下路開始啦~





華!!!見到第一個勁有靈氣既位喇!!!







我覺得呢個公園好勁架...你每行幾步...就好似有一個新既景影架!!!就好似哥次去四國哥個栗林公園咁...佢有個美喻就係一步一景...我覺得呢度都可以媲美...但呢度仲勁...因為呢度係自然景!轉個彎.......又唔同美態!!!!!!!!!!!







再行!




又有位影帥照!






真係唔係行多好多步咋!!!又有靚景!!!!





真心帥!真心好拍!好山好水..成就帥照的誕生!




好搞笑呀!!!行前d有人係條河中間疊祈福石~~~~





過左頭先哥d位就上山喇!但上到山個人認為指示有d唔清晰~而且開始有少少大雨~





指示唔清到我地要開mapsme睇~~~~~好彩順利落番山~我個建議由下而上咁行好似好d~因為我地頭先影d景都係一路行一路睇到...如果由上而下行d景就要拎番轉頭先會發現到~不過當然...你又可能會有另一番既體會je~






唔知點解沿路行番去起點又覺得唔同左同埋好靚!





都話會有另一番體會啦~就講就出現~好啦~行左大約兩個鐘(本身應該係一小時可以行完既不過我地喪停低影相)...就返回停車場取車走人~推介呢個景點~好好拍~










2019/04/22的開心事：
就黎去旅行嘛~



報時：距離北非摩洛哥之旅2019仲有---2日~
報時：距離狂歡三寶台北快閃瘋食之旅仲有---44日~
報時：距離九州自駕遊之旅仲有---166日~
好野~有個中長度既旅行去下放鬆下~~~~
番埋聽日...番埋後日大半日就出發了~
大家不要太想我也不要不想我~~~~
回來見~