樂廚Enjoy Deli

噚晚已經巧努力~收復左5篇blog~但係我有上千篇blog~唔知幾時先可以全部收復哂呢~~~~~~~今日番工有Chlo仔請食咸煎堆~開心~



呢間舊年新開既cafe黎既...吸引我去試既原因係因為係一間泰式既cafe~澳門好似無咩泰式cafe~感覺幾得意~所以去試試~叫做樂廚Enjoy Deli...地址：澳門厚望街12號朗晴軒地下C鋪...電話：2852 2510.....我去過幾次都好多人食~我當時可以訂位的~如果有得訂就最好訂位了~

泰式奶茶 $38....唔....好似唔夠香濃~係普通泰國食店飲哥d好味d~

洛神花梳打 $38....呢個好味~酸酸maymay咁~好似飲緊中國涼茶紫貝天葵咁~而且很大杯~抵飲~

樂廚泰式沙律 $68.....都幾多料下...不過個味調得有點過咸~~~食完個口好乾~

泰式熱炒迷你雲吞 $58.....個樣好醜...味道其實ok...但又唔係話好好食喎~(好茅盾~)

泰式沙爹 $68.....超大份~一份有成8串~~~~而且雞肉燒得唔怕乾~~~個沙爹醬好好味~~其實我唔明點解附加多士的~~我用黎點醬食~

泰式雞米粉 $48....泰式濃湯~配上一隻大雞鎚同雞翼~仲有舊白蘿蔔同埋苦瓜~湯底好味~幼幼的米粉正!

冬蔭功湯米 $88.....價錢好嚇人......cafe咋喎.....

不過食又覺得個價錢ok~因為真係幾好味個冬蔭功湯~而且米粉的掛湯情況理想~好味~

泰式蝦醬炒飯 $58...幾得意~好有多材料撈埋一齊食~蝦乾仔~豆~臘腸~之類之類~口感有好多種材料~味道也佳~

班蘭蛋糕配芒果醬 $42...感覺好唔平衡...$58咁大個飯...食個蛋糕要$42?不過一食...真係好好味~~係我好鐘意哥種質感..就係....食完等如無食哥種~~好驚食到好實的的既蛋糕..呢個入口好輕柔~班蘭味出色~值得一讚~

焗原個蘋果布甸 $58....個外貌極不討好...但係一食又係驚為天人~~~~開頭以為熱架...點知原來係凍的~蘋果加埋入面既布甸一齊食好好好好好好味呢~以為佢上面咁多cream會好漏~點知一d都唔怕~我第一次食~覺得好好味~係呢...同埋點樣整出黎架?

柚子蛋糕配蜜糖忌廉加焦糖脆脆 $42....比起singing bean哥個更好食!!!!!佢d蛋糕點樣可以整到咁軟綿綿架~~~加左柚子醬係入面令到個蛋糕食落一d都唔怕漏..正!

焗原個啤梨布甸 $58.....雖然同蘋果既原理一樣...但係唔知點解...我覺得....蘋果好味d

總括黎講呢間cafe既食物唔錯呢~但甜品比熱食的評價更高~~諗諗下又好掛住佢個蘋果布甸~~~搵日去食先~





2015/04/21的開心事：
我諗番起你前幾日既野覺得好搞笑.....
我：點算呀...我個blog有好多相都無左呀...;[
你：我都覺得好唔開心呀...我係睇你個blog大架......
頂~~我諗起：我細細個就聽個呢個名架喇~



報時：距離關西哈利波特之旅2015仲有---60日~
報時：距離冰島格陵蘭自由行之旅2015仲有---159日~
下~~原來仲有兩個月咋????
但我仲未寫好行程呀...
好驚呀...........
同埋我近排會好忙咁轉blog...都無咁多時間排;[