富良野日式料理

天知道我有多傷心?????有人通報話我知...想睇番我之前d blog....我有好多相都無左...........我諗緊...會唔會係blogger內部升級中暫時睇唔到某d相咋......但係我睇其他blog友又唔怕喎........之後我留意到....搬左黎blogger用picasa存既相就完全無問題.....但之前係yahoo blog經tumblr轉黎blogger哥d先有唔見相既情況出現.........有d一篇唔見幾張...有d直情成篇blog d相無哂...得番d字....應該最近先係咁....因為我無幾耐之前仲睇緊自己個法國blog.......................我到底做錯d咩呀........個blog每兩年都俾d新野我玩.......係迫我放棄嗎????2013年10月打後哥d blog先係完整的.....之前哥d就無左好多相....就算我好有心咁upload........我都唔記得邊張相打邊張相放係哥個位啦下嘛....................................我灰心..我失意..尋求blog友幫忙..........................................救救小t blog...........................我依家全力救緊我個冰島blog...將d相重新upload....但星期六晚只救了4篇.....唉...都唔知幾時先可以救番哂......救完冰島再去救法國個blog啦...救哂所有旅遊blog我先會再救其他.........唉~



本身哥晚放工諗住去打邊爐...點知無位...咁行下行下行過呢間新開既叫富良野日式料理....咪入去試下囉~當時係試業中...地址：澳門賈伯樂提督街14A駿景園R/C+SL B...電話：2855 3102

枱同枱之間超逼....可以話坐得好唔舒服....近既程度係好似同隔離枱一齊黎食飯咁.......我係完全聽到隔離枱對情侶既所有對話內容~

先黎壽司：三文魚壽司 $23...紋甲魷魚壽司 $30...帆立貝三文魚籽軍艦 $35...海膽軍艦 $58......全部都好正常....同埋都新鮮....價格就ok唔算貴

黑蜜糖厚燒玉子火焰壽司 $20.....完全係俾佢個名吸引而叫的.....我諗呢個厚度同厚燒應該差好遠.........而且亦都食唔出黑蜜糖既味......不過見佢$20...就算啦(咁不如餐牌收番厚燒二字好過)

黃蘿蔔小卷 $20...正常的味道

木魚絲炸豆腐 $38.....價格ok....而且味道也佳

牛油焗金菇 $48...味道唔錯...但係一碟得好少....

西京燒銀鱈魚 $128......其實個味道真係幾唔錯...可惜....得一小舊........一個人食都嫌少....

山葵奶酪蟹肉稻庭 $68....呢個完全唔掂!!!好似求其擺d野出黎俾我食咁......個賣相已經好衰架啦.....原來只係將d蟹柳整絲再自己撈d類似wasabi沙律醬既物體同吃......好漏...一d都唔好味....與其個餐牌臭夠數...我寧願你普普通通整個淨稻庭烏冬就算....有時多元化但做得唔好仲衰!!!

呢間野咁都每人食左200幾蚊呀....我同隔離枱既情侶個評語一樣：呢度食完好似無食過野咁................又唔算特別好食既情況下...一次過~無take 2





2015/04/20的開心事：
原來有咁多人幫我推廣我個blog架喎~多謝~
可惜無錢賺~~~~~~~~
但我個blog依家搞成咁....
我都唔知要用幾耐時間先可以收復番;[[[[[[[[[[[[



報時：距離關西哈利波特之旅2015仲有---61日~
報時：距離冰島格陵蘭自由行之旅2015仲有---160日~
有人加入我地個關西之旅呀~
guess who~