東京媽媽慶生之旅2015-03-07第三天Part 2(寒冷有雨)

套用內地某16歲少女所說：我每一日都俾自己靚醒.............我今日係俾我自己好靚既心情靚醒~無鬧鐘聲~食好早餐換好衫出街番工......超級天晴但超級乾燥.......令我感覺好似係外國咁~~~~(有無人明我發緊咩up瘋?).......但我知你明~因為我今朝打俾你同你講~你就有同樣的感覺~帶住開心既心情番工~開心就係咁簡單~~~~~呢種天氣最適合聽Jason Mraz~近排聽得佢d歌多~個人都超有正能量~~~~好鐘意聽~下次分享~



2015-03-07
Day 3---Part 2(日本,東京 Japan,Tokyo)
係澀谷駅搭JR山手線來到了新宿~~東口一出過對面街就會見到~~今天的晚餐帶媽媽來吃我很愛的蟹道樂~~地址：東京都新宿區新宿3-27-10....呢個地址係東口店~係4樓~網址

我次次黎都唔使等位的~但今次坐左無耐見好多人等位.....就諗番起...係喎..我次次都係唔係幾正常既時間來的~(一係兩三點..一係八點九點...今次先係正常食飯時間7點黎)...咁要自己留意喇~如果想正常時間食就早d黎喇~因為我見d人等位等左好耐~

wow~~仲有彈古箏呢~好有氣氛~

媽媽叫支凍既酒飲~月桂冠 756円(稅込)=49.1hkd....幾好味~佢既介紹係糖質0..但我飲到有少少甜甜地既~幾好飲~好大支下....連我媽媽都飲唔哂~

我呢~就叫番上次飲過既哥隻果酒~上次飲桃味~今次飲蘋果味~432円(稅込)=28.1hkd....我覺得桃味好味d~蘋果有d似藥水味~但好抵飲~$30hkd都唔使都有酒飲~而且幾多下~

發現已經無左我地上次食哥個全蟹餐喇~所以今次同媽媽一人叫一個唔同既餐試試~我叫媽媽叫呢個蘭既餐 10,800円(稅込)=702hkd....呢個已經係餐牌入面最貴哥個餐...我同媽媽講：叫呢個啦~夠豪氣~襯你呀~

首先來呢個蟹既刺身拼盤先~~wow..點解好似咁單薄咁既?

原來d蟹腳藏左入d冰度呀~~~~好好味好鮮甜呀救命~~~

然後到熟既凍蟹腳~啖啖肉好正~這才是真正的蟹柳吧~~配後尾既醋食超級正~~~

到燒蟹腳.....超香超好味~~~~

而且幾大份...爐都唔夠擺~~~

仲有蟹火鍋~~~好好味~~流哂口水喇我依家~~

蟹腳壽司~仲有蟹膏壽司~好味~

蟹肉湯~

媽媽個餐既甜品除左可以任選特定既之外...仲有呢舊蜜瓜呢~~~我諗起叮噹入面既牙擦仔成日都食呢d蜜瓜架~~真係好甜好好味~~~

好喇~到我喇~我就點左呢個宝樂 7,776円(稅込)=505.4hkd

一個熟的和一個生的蟹腳~生的依然好吃~但同媽媽哥個餐比就差咁d囉~~~

一大舊生蟹膏~正~

我個餐既燒烤部份~我覺得我個餐同媽媽個餐蟹既品種好似唔同~

我哥份火鍋料比媽媽少超多~~但係哥兩條蟹腳可是超級的解美~

看看差別~~~係咪呀?係咪唔同品種呀隻蟹?

雖然兩種蟹唔同~但都係一樣咁好味呢~

我個餐先有既~又黎煮粥~~~

仲使講既???梗係好味啦~~~~~

係咪我揀錯了??點解今次無美女係我面前表演茶道再淋上雪糕度既??(一上黎既時候已經係咁)....但綠茶既澀同雪糕既甜真係好夾~

食飽~舒服哂飲杯茶~我地全部野掃清光~

又係睇戰利品時間~條叮噹毛巾我好欣賞~夠大夠長~最岩去旅行墊係枕頭度訓覺用~~重點係made in Japan的!!小黃雞哥條毛巾我都好欣賞~好靚~....由於之前哥晚係夾公仔機夾唔到阿美...媽咪送左隻俾我~(但比夾公仔機的大一號~)....餐具諗住方便去冰島用~

又俾期間限定吸住了~

呢d係我呢3日買既野...亦係全個日本之旅買既野....少到.....呢個量....應該係我平時一日半既量....真係好少.......

而且係少到.....以上幅圖.....我淨係佔左咁多咋!!!(件衫係outlet既as know as買的....件衫1,080円(稅込)=70.2hkd.....咁平我仲要諗左好耐買唔買好..我阿媽鬧我：搞錯呀...uniqlo都唔得啦......所以我先買)~最開心買左隻新既保暖杯俾自己~

er.....呢張圖既所有野....全部都係我買比毛寶既禮物.....佢無黎仲多野過我......................................

(講明先個打火機純粹人地話要黎點香薰喎....少女到....唔係佢食煙架下~)





超驚~~~
我咪話我呢星期六開始聽番少女時代最愛既Blue既~
跟住我噚晚坐係床度又聽....
然後我阿媽話：咦...呢個咪你以前成日聽哥隊野?
我：下?你點知架?
媽媽：你以前成日係廳度播..日播夜播...(中學就已經花痴mode)
我：你記得哥下先好野
媽媽：佢地咪你床頭貼哥張海報哥班人囉
我：...............(我真係無言....我地聽d歌真係互相影響....佢記得我哥d.....我都識佢哥d~)
呢首原來有10幾年歷史...好恐怖...
但又係冧死我之作....我仲由鐘意Duncan...
變左鐘意Lee Ryan(我研究過我鐘意佢既原因...係因為佢似張嘉輝...但係鬼仔版~係呀~我以前鐘意過張家輝架~十萬噸情緣哥時)..........
想當年我日播夜播呢首歌至我阿媽都上埋腦..你諗下我播左幾多次....
想當年我連佢地既single都有買..真係好癲......
因為single有MV送......當年無咁發達...
我就日日望住呢個MV解渴~

其實我一生中......有過很多男神.....我下次試下做過統計睇下我到底有過幾多個男神.....至今為上最長的一位在任男神叫布志綸~

2015/04/14的開心事：
今日我撞到貞兩次!!
成個下午因為覆診而唔使做野~(唔怪得咁有正能量)



報時：距離關西哈利波特之旅2015仲有---67日~
報時：距離冰島格陵蘭自由行之旅2015仲有---166日~