2015-03-07
Day 3---Part 1(日本,東京 Japan,Tokyo)
這天~寒冷~天陰陰~由池袋出發~早餐係便利店搞掂~
咁我地係池袋搭有Metro樂町線(新木場方向)去到新木場轉JR既京葉快速線去到海濱幕張駅(咁搭快好多~快過上一次~同埋我無坐錯車喇~)....係車站南口一出....就黎到Mitsui Outlet Park幕張....地址:千葉縣千葉市美浜區日比野2-6-1...上佢網址睇下會唔會休息呀~一出哥時望到.........有少少肚痛想賴屎feel.........唔係裝修緊唔開下嘛?!我搭左成個鐘頭車黎架喎!!!!!!!!!後尾諗一諗...唔係呀我明明有上網睇佢無話休息架喎....好彩~原來佢改建緊外牆je~有個:通常營業中入口~~嚇我唔到既~
呢間outlet又真係唔算大~不過毛寶話:outlet唔使大既~岩買就得架喇~........想睇有咩牌子請按我
行左一陣開始落雨添呀~~~又凍喎~咁呀~~坐低食d野先啦~咁就求其揀左間食意粉既餐廳~不過選擇不多~得6款意粉叫咋~我叫個意粉Tagliatelle Bolognese with Mushrooms 1,430円=93hkd....有湯同麵包跟埋~而且麵包係可以揀幾多都得架~餐湯係粟米湯~麵包超好吃~意粉也不錯~不過不算便宜~
媽媽就叫左呢個博多明太子蝦意粉 1,390円=90.4hkd....呢個係單品價~想要我咁樣有湯有麵包就要加錢了~唔抵~但味道唔錯~番到黎毛寶睇到我d相話:咁似我地係沖繩食哥d既
d人啦~話無野買喎......行哂最後......買得最多野既人....又係佢~~~~~~~~~~~無面見人喇~~~~~~
好喇~行完番池袋放低野先~見仲有好多時間先食晚飯~咁就搭一轉車去原宿行行啦~橫掂媽媽未去過原宿~池袋出發->副都心線(澀谷方向)就會去到明治神宮前~出4號一出就會見到呢度~最熱鬧的十字路口~
冷冷的枯枝都別有一番風味~
其實我黎原宿有私心架~因為我買精品買得唔夠皮呀~所以要再黎Kiddy Land睇下有咩新野~地址:東京都涉谷區神宮前6-1-9...網址...上次當眼位一入門口係杯緣子~今次換上我好鐘意既叮噹~~~~~~~可能同套動畫岩岩上映完有關~
哈哈~~其實好少見到有技安既公仔買架~~~~~
其實...我真係超想買呢個毛巾質地既口罩喇....實在係太太太太可愛了~~(好鐘意呢個叮噹咀~~好想咀埋去~~)...但我見成160hkd一個...太貴了~所以影將相又當擁有~(但如果6月再去哥時再見到...我決定不再忍手~~)
頂~~~船梨精扮監獄兔呀~~~好靚~~~~
仲有crossover其他卡通人物~~
好開心佢仲有一整個area專櫃係Kiddy Land~~~~佢仲要crossover埋TSUM TSUM添呀~~~問你死未~~~我忍唔到手~~買左一個~~太可愛了~~~~~
不過後尾番黎至知有好多隻唔同既眼架....我揀錯左呢隻添...我唔係想要呢隻閃閃眼...我想要普通哥隻眼~
TSUM TSUM~
仲有梗係唔少得Sanrio專櫃~
我同我媽完全俾呢d薯蛋頭形既Sanrio公仔吸住左~~~我買左呢隻俾我同事~因為佢好鐘意青蛙仔的~肥肥的身形好可愛~~~(毛寶都話布甸狗好可愛~)
蛋黃哥專櫃~凱公子唔知會唔會發瘋呢~
杯緣子同kitty的crossover呢~kapo話我知依家仲有杯緣子同米老屎既crossover呀~我想要~
原來依家好多都有扮TSUM TSUM呢~~~~不過我無買我最愛的懶懶熊了~因為佢顏色太淺了~~
跟住諗住順路行過去竹下通向媽媽介紹一下啦~點知行過....咦~~~~原來日本間Line專門店在這~~~入去參觀下先~~~
超大的熊大~
不過我無買野呀~因為我最鐘意哥個..都無咩點出商品既...(我最愛係圖中的老闆)
下層係賣家品....韓國有的Line馬卡龍...這裏沒有...失望
點點無印風的角落~
之後帶媽媽行下竹下通~穿過竹下通之後我地就係JR既不宿駅搭車走lu~
FF7好不好看....很難說.....
當你睇左6集.....是沒有可能不看下去~
飛車場面少了些~不夠過癮~
但係今集係最後一集看到Paul Walker
又是沒有可能不去看
現在上戲院是高消費...要慎選
但我還是乖乖的送上我寶貴的80大元~
有人呀~
之前好想睇佢兒時偶像BSB架~
但香港個演唱會一開賣就賣哂~
幾失望呀....點知佢偶像唔知係咪聽到佢失望既聲音..
即刻係澳門加場~~~咁我地先買到飛~
所以呢兩個禮拜都狂聽BSB d歌補習~
前晚星期六我溫溫下習時諗起我少女時代既偶像~~~
即刻down番黎聽....頂~
仲係好有感覺!!!!!!聽到hip哂眼..............
就係佢地...英國組合...Blue~
當年第一次聽就係呢首Best in me....係MTV台
(其實我當年係俾第一眼所見既Duncan征服..即係第一個唱歌哥個)......
聽完之後驚為天人~~實在太冧喇~~~殺死人咩~~
Like no-one else can do
That's why I'm by your side
And that's why I love you<3
少女太無知.......就俾呢首歌迷倒......
有人對住我唱都唔知點算~~企唔穩~~~~
我星期六哥晚聽佢地d歌聽到2點先訓...痴左
2015/04/13的開心事:
今日貞送左四支藥膏俾我~好開心唔使俾錢買~
今日收晏時食左好多人地d手信~
今晚阿媽整海帶淡菜湯飯~我姑媽整左咖哩魚蛋~
報時:距離關西哈利波特之旅2015仲有---68日~
報時:距離冰島格陵蘭自由行之旅2015仲有---167日~
原來仲有兩個月就去大阪喇~~
但仲未plan過行程呀...
好驚好無安全感呢~~~~~~團友們快快研究啦~~~
去日本食意粉,會唔會浪費了一次呢?(雖然賣相唔差!)
回覆刪除「d人啦~話無野買喎......行哂最後......買得最多野既人....又係佢~~~~~~~~~~~無面見人喇~~~~~~亅,我覺得關鍵是有無買被您呢?哈哈哈 ......
叮噹咀口罩喎,點可以錯過。
「(我最愛係圖中的老闆)」,嘩,您老闆會查您過 blog 架,哈哈哈 ......
哈哈~有d野唔試唔知好無味既~
刪除無呀~全部佢自己野~~~~
我如果係大阪見到會買番~~
我鐘意佢個得意樣je~~~
所以話呢......女人錢幾時都易揾,無論你係咩年齡去到日本都會失控
回覆刪除又好難得媽媽肯同你去睇公仔
嘩,BSB正呀,不過今次嚟hk我都無睇,但上次就有,high爆^^
無錯無錯~~~不過今次真係殺我唔到~~
刪除咦~又估唔到佢幾鐘意喎~~不過tokyu hands佢就麻麻~奇!
真架~咁我要加緊練歌~
我要唐老鴨杯緣子呀~~
回覆刪除我都好懶仲未plan ah
到時plan完話你知呀 不過plan plan下應該會搵你 wakaka
我又要~~~~~其實哥set真係得意~~~~
刪除我地都未呀~仲係睇緊有咩地方去~~~~~~不過我應該差唔多開始~~~
好呀~歡迎~我地一齊研究下~
嘩~~~~又去日本玩真係開心
回覆刪除野~~~~~今次仲同朋友去一定仲癲~
刪除❤º°¨♡謝謝•ღ¸.♦小t ❥•*¨*♥大家都開心呢
回覆刪除快樂又一天過去了*`☁✬*☾º°¨✫瞓覺呢★°晚安甜夢
我都祝你甜夢~~~
刪除叮噹呀...杯緣子同kitty的crossover呢...我都鐘意既
回覆刪除幾得意呀可~~
刪除是媽媽慶生之旅...無野買....行行買買得最快樂的人
回覆刪除哈哈~我當同佢行下咋~
刪除百六蚊個口罩,自己整啦!
回覆刪除我都有咁諗過~~~但我懶~~~我又無你整野咁靚~~~
刪除啲公仔真係好靚好得意.
回覆刪除行outlet真係唔一定買到野,你媽咪買得咁開心就好喇!
係呀~~~~我都覺呀~~~不過有d我有忍左手架喇~~
刪除我當同佢係日本行下咋~咁佢有野買我都開心既~
都喺閞心旅程,妳媽咪至開心,
回覆刪除有囡囡陪,又有掃靚貨,
日本食嘢真喺幾得,又唔貴……
今年要安排下去一次日本先得!
哈哈~佢開心就得~
刪除我當陪佢行下~
都喺閞心旅程,妳媽咪至開心,
回覆刪除有囡囡陪,又有掃靚貨,
日本食嘢真喺幾得,又唔貴……
今年要安排下去一次日本先得!
我都係今次最緊要有好野食~
刪除快d安排啦~
其實唔係幾明boy band賣樣但多數都唔多靚仔,咁你而家鍾意1d嗎?
回覆刪除唔係呀我覺得佢地好靚仔喎~~而且佢地唱d歌真係好好聽喎!!!!
刪除除了叮噹外, 我其他都唔識, 可能我離開香港太耐了.
回覆刪除我都係睇雜誌識架~
刪除67^^
回覆刪除好快會歸0~
刪除想當年令你為之瘋狂的''李懷恩'' XD
回覆刪除咁多公仔真係好難忍手,口罩要160真係堅貴喎
回覆刪除口罩過癮但160又真係貴咗少少
回覆刪除我最鐘意都係個BOSS呀
回覆刪除香港LINE專門店有佢個頭型咕O臣賣