紐西蘭南島自駕遊之旅2024-04-24第五天(雨天及後轉陰)

1月3日...噚晚11點訓…訓到今日11點半….訓左半日XXD…中午去左食JW lounge叻沙….然後係銀河northface買到成手野(乜事啲野咁靚)…去探豬子~..夜晚去食凱旋軒…又幾好食~~…..1月4日…中午食上河內~夜晚叫外賣食左間唔係幾好食燒雞….1月5日...番工~~多野做~~...1月6日..今日番凍係幾凍喎~....1月7日..今日生意額好低呀我；[....1月8日...唔知點解今日個生意額又彈番起!中午食左媽媽米船麵~好味~.....1月9日..放工去左食響和民..睇尋秦記~睇完落番去時見餐廳侍應行埋我地身邊…我心諗..我地頭先食左飯喇喎又想sell我地食飯?正想拒絕…點知侍應姐姐話:你地頭先個甜品未食就走左XXXD….係喎XXD甜品俾左錢未食就走左XXD…又行番入去食XXD…1月10日…中午去食三月半等左爆耐…然後興起去行水庫~因為上次去Fitz Roy行爛左對行山鞋毛寶幫我買左對新既~去試鞋~去探豬~夜晚痴痴貢完又去左散步成個鐘~…1月11日…中午食左good…去左松山燈塔散步~兜成大個圈番屋企~…夜晚叫外賣燉湯~~……1月12日…工~作~日~...今日都過得幾開心~可能老夫人買小上海我做中午飯~...上網見到我想買哥班機既心水位無左~急急腳衝上網買~~我買左今年第一張機票喇~~....1月13日...依家星期二三四都無乜生意咁；[....1月14日..呢幾日天氣我幾鍾意~唔太熱~又有太陽~行番工都覺得好舒服<3….1月15日…點解公司可以咁煩架XXXD...最憎D人扮聖人....1月16日...放工去左食epic~慶祝朗公子生日~~….1月17日..中午食文哥~又去行水庫~去taste血拼…探豬姐~..夜晚老夫人請大家食超級大餐!!



2024/04/24
Day 5(紐西蘭 New Zealand,Frank Josef->Haast)
早晨~今朝有book到活動~出發之前食個早餐先~

本身出發前諗緊好無reserve一下坐出面食早餐~都係唔好喇~好凍~XXXXD...坐入面望出去一路食咪一樣~(食左成程無人出去坐XXXXD)




酒店價已包早餐~餐牌入面既野都可以叫~咖啡茶哥D自己出面任攞~




我叫左Two free range eggs...梗係揀煎蛋啦~再加菇同腸~毛寶叫左smashed avo~加蛋加菇~....另外佢再俾左碟生果我地食~






我地係出發前訂左Klook既Fox Glacier直升機遊~(會著地)...大約1,537hkd一人~我地本身係app度訂左11:00....點知諗出發時間公司改左12:00(可能要同其他人夾)....當日再send e mail改13:00....起身見到天陰陰有幾粒雨...咁食完早餐我地落reception叫佢幫我地打電話去直升機中心confirm到底今日飛唔飛~(係電話聽英文真係好難明XXXXD)....結論係：佢叫我地去報左到先...到差唔多時間再決定飛唔飛~(我見天氣咁我寧願佢飛唔到退錢俾我XXXXD)...你望下我地沿路既天氣...係咪退款好D呢XXXXD






酒店來呢度大約26分鐘...13:00飛...要12:30報到.....但我地11:45就到左~報左到佢叫我地係等候室等多45分鐘再答我地飛唔飛到~(唔使夾硬黎架喎~)






佢有幾條路線揀既...長短不一...我記得我地揀左最平最短...會land Franz Josef Glacier或者Fox Glacier(睇天氣機師決定land邊度)




等左半個鐘度...12:15佢就同我地講cancel~寫左證明俾我地係app度申請退款~(方便~好快退到款).....問我有無唔開心?真係無XXXXXXD...因為我地兩個i人唔係幾想同其他唔識既人嘰哩咕嚕XXXXD...同埋唔想用腳行去遊覽呢個glacier..所以先揀直升機XXXXD....冰川呢家野睇唔到都無所謂XXXXXD...(因為我偏愛自己睇過既冰島冰川同阿根廷既Glaciar Perito Moreno)...都有坐直升機遊覽過格陵蘭冰川~所以又真係無唔開心XXXXD




見12點幾諗緊好無係旅行社呢條街食D野先...但見都係意粉pizza之類就算~直接揸車走去我地下一個景點~來到了馬松森湖(Lake Matheson)...從Fox Glacier來大約5分鐘~其實條徑就係圍住馬松森湖行一圈~






個條河仔D色令我諗起係塔斯曼尼亞見到既茶色河~...行行下又見到個牌~~成日都話會撞到kiwi~~一次都未撞過~












行到某個位就揀行左定右...其實都係順時針行個湖一圈定逆時針行個湖....用個半鐘行(包埋影相)...行左成個圈之後...我覺得應該係順時針行會舒服D~不過行既時候有少少雨但不致大雨~...唔怕太熱既~...但你問我靚唔靚呀...還好啦~可能今日天陰陰~有D位本可以睇到雪山倒影係湖度都睇唔到~(因為山有霧包住同埋雨打落湖做唔到倒影效果~)




















行完出黎見到有個打卡位...呢個框框入面可以影到Mount Cook同埋Mount Tasman?...可惜今日天氣太差咩都睇唔到XXXXD






一個已完善發展既景點會點?梗係有個紀念品店加cafe啦~不過呢個景點又唔使錢都幾好~我地食完早餐行埋景點依家已經下午兩點8~順便去食D野休息下先~






見到雪櫃有D野飲幾得意~叫支試下先~




叫左個Lemonade叫左個茶...我垃圾...咳到痴筋...已經唔係好敢飲凍野...叫毛寶番少少俾我試一啖~




叫左個soup of the day..NZD$16.5=77.9hkd....仲叫左個Beef Bagel...NZD$24.5=115.6hkd...bagel少貴~




雖然係少貴...但係勁爆驚艷!!!!D牛好似牛𦟌位勁濃牛味勁好食!!加埋入面既沙律..pickles..焦糖洋蔥...仲要個醬辣辣地咁勁開胃~~






睇下我mark到個口幾咁大去食XXXXXD...我成日都會諗番起呢個Bagel~如果呢個Bagel係澳門...我諗我會成日去食~




食飽飽行埋佢個紀念品店先~都幾多野買~






喂~大佬~終於見到D靚既磁石呀!!!!!買!!












食飽飽又買完野就出發去今晚既住宿~一路天氣都麻麻~落下雨又停下咁~








經過1小時34分鐘就到達今晚既中停點住宿~Heartland Hotel Haast...搵個receotion搵左勁耐XXXD...到左counter又無人~




一晚房價962hkd(內含179hkd雙人早餐)...車就停係自己房門口...似汽車旅館XXXD...房勁舊...真係...wow~XXXXXD






對間房好不安~去酒店餐廳食飯先~(附近無乜餐廳)..華~間餐廳一行入去好似去左美國D鄉村酒吧咁XXXD




毛寶叫左支cider飲...NZD$6.5=30.7hkd....我無乜印象...可能我好乖無飲~




無乜野食好揀~叫左chilli chicken nachos...NZD$18=85hkd....同埋fish of the day...NZD$28=132.2hkd....味道其實都好味既~但全部野都好炸~我又覺得熱氣了(咳咳咳~)






毛寶今日得一張靚靚~









2026/01/17的開心事：
今晚超多海鮮~~~
有南澳龍~~蟶子王~~超大海肉蟹~~
魚~~南青口~~~~~~
好正呀~~~~~~



上面岩岩提到我急急腳買左機票XXXXD
所以又開始有報時喇~
報時：距離與老夫人曼谷慶生之旅仲有---75日~
喂...我發現我都幾鍾意請人生日去曼谷XXXXD
諗起老夫人好耐無去泰國~佢都話想去行下~
咁佢幾年前大壽時疫情又無得去旅行...
想今次請佢去一個靚旅行補番~
不過可惜毛寶要番工唔同我地一齊去....
嗚嗚；[；[