2023/12/15
Day 6(日本,東京 Japan,Tokyo)
早~天氣陰陰天~我地呢日一早8點3就出左門口去搭車~我地今日去東京華納兄弟哈利波特影城~
一路搭緊地鐵一路開住Pikmin~華!大電蘑菇呀!仲要額滿左...想俾飛入都無資格XXXXXD...囂張到又大電又大水晶!!!我一個都入唔到!!XXXD
左豊島園駅出A2出口...一出向左行~一路行燈柱上都掛住哈波旗仔~
到左喇~~
一早係klook訂左飛~岩岩開既時候超難買飛...我去哥時過左半年度...就還好~提早一個月買飛都有~367hkd/人~約左9點半哥個時段~我地9點到左~可以早半小時入去~
入場後有寄存...爆勁多人用!!!因為D人換哂波特裝~~
12月~有聖誕樹喇~
個個等衝入場影相...我地好破格...通常入樂園我地竟會勁早食野避開人潮~(唔係...其實係我地未食早餐好餓XXXD)...一入去中間係入場~左邊係紀念品店~(其實睇完影成出黎都買到...但如果無帶魔杖哥D想入場影相有配件既話就建議買左先入場~)...咁右邊就係餐廳~好正呀扮霍格華茲個學生食堂XXXXD好靚~
佢有D卡位係扮巧克力蛙盒咁既~好過癮~但係有人坐哂~我地去坐番普通學生長枱XXXXXD
好似有兩三個counter買野食~3個都賣唔同野..有D賣蛋糕冬甩咁~個樣係幾靚既~但我唔想早餐食甜野XXXXD...見到佢還原哈波生日蛋糕我好心酸(起起小時候的可憐哈利)...
另一邊哥間就賣D大份D正式D既野食啦~D磁磚好靚~匯率問題...全部野食以樂園標準黎講唔算貴~
我地諗住當brunch咁食XXXXD...好正式咁叫左兩份野食XXXXD...
叫左all day breakfast with drink..2,200円=123.2hkd...份早餐就正常野~包杯野飲叫左熱齋啡~杯咖啡比我想像中好~然後毛寶食完塊多士同我講：9又4份外食淨變2份1俾你~....我：(滴汗).....好爛呀XXXXXD...成塊最好食我揀塊包!!因為佢個面係芝士~
Pork ribs plate with drink...2,500円=140hkd....叫佢因為我以為會同環球片場一樣咁好味~...點知...D肉勁鞋...最好食只能揀面包夾埋茄汁豆...(但我不喜茄汁豆XXXD)...環球片場哈波園區個pork rib真係好好食架..連伴碟既燒粟米都好好吃~
喜獲遊樂場皮皮花盆一個~
睇下佢地幾認真!!扮馬份扮到要戴埋金色假髮架XXXXD
即刻扮下野影番張魔法學校學生飯堂飲啡相先~毛寶又爆金句：我真係蠢到加零一~又笨手笨腳~我真係好唔鐘意咁樣既自己呀~..........到底佢做左D咩XXXXD
好啦~食飽可以入場行喇~有心機行喇~
一入去就咁多集相片回顧走廊~原來初拍攝日係929!!!!第一集個樣真係好細個...我仲記得我有鐘意過Daniel Radcliffe~~最尾仲有張怪獸與牠們的產地~~我又係好愛Eddie Redmayne~~覺得佢做Newt好適合~~
行完呢度就入左Behide the Magic既房group埋一堆人
再開門就入呢度..如果可以...你盡量企第一XXXD....因為一開門就可以影到無人既飯堂(叫得好土炮XXXXD)
都幾靚架~~佢成個霍格華茲飯堂放哂餐具又將老師們假人放哂係度....就好似你自己置身其中咁...好想坐喺度食番餐假(喂)...不過要影襯快影~因為有限時~因為佢要清場俾下一批人睇~
出左飯堂之後D展品就無限你時參觀~
呢度都有識轉黎轉去既樓梯~
然後有好多唔同場景俾你睇~~
包括葛萊芬多交誼廳~
哈利間房同床位~
史萊哲林交誼廳~
呢個好玩~推薦~佢係一堆人入去..分兩邊唔同學院...跟佢提示做D歡呼呀~喝倒采呀~咁佢一路錄影既XXXXD然後做完就會合成一條哈波玩魁地奇既短片XXXXD(成堆人扮觀眾)...幾好笑XXXD
繼續參觀~去到鄧不利多校長室..我唔記得我到底有無見到儲思盆....
好彩食飽野XXXXD睇下幾大!行到我呀XXXD
魔藥學教室~
好多人排隊影既意若思鏡~我唔排XXXXD...因為行到堆去影得影自己倒影XXXXXD...我等人影完襯行開我淨影鏡XXXD
圖書館加埋我..好靚~
然後到禁忌森林場景
華!!終於行到去室外抖下氣XXXXXD...D場景全部都好黑XXXXD...海格間屋~
行左咁耐終於見到野食XXXXD好彩食左野先XXXXD...拿!睇下右邊餐廳幾多人!人頭湧湧呀~...我去左邊飲奶酒啤酒~
奶油啤...1,100円=61.6hkd...送埋隻杯...唔貴~但隻杯無USJ咁靚XXXXD
由於系統默認送杯...所以提供埋洗杯位俾你~都算貼心~USJ要行入廁所洗~
騎士公車~
行過少少就見到哈利入霍格華茲前的童年居所~水蠟樹街4號~
有得行入去參觀~可憐既哈利童年就係樓梯底呢間房過；[
屋入面都有佈置到名場面~
我覺得企係廚房睇好食花生Feel~XXXD
另一個位就係去到9又4份3月台~見到霍格華茲特快列車~呢個就勁過USJ哥個喇..因為可以行埋入去睇場景~
連怪獸與他們的產地都有整
去到魔法部....正中間條柱勁似D北歐公園入面D柱XXXD
呢個都幾好玩~~行入壁爐噴煙幫你影片...扮用呼嚕粉旅行~
斜角巷~都係鐘意USJ~因為USJ係露天~呢度...黑munk munk~同埋個頂睇到D燈XXXD搞到我覺得好唔真XXXD
最尾仲有霍格華茲城堡~用燈光整到佢由日到夜~
好喇~睇完喇終於(講到不情不願咁XXXD)...樂園既野都係咁...完既時候...就係紀念品時間~~~毛寶話去攰~去番大堂坐住等我~叫我自己慢慢睇~我唔客氣喇~
我依家睇番其實呢個蠟燭台係幾靚既~你放左蠟燭入去...D光係D裝飾窿窿透出黎....可惜當時既我...一定係覺得...好難帶番澳門XXXD一係就嫌重XXXXD
哈哈~由於我想同嘿美影相~毛寶臨出去前幫我將嘿美固定係我膊XXXXXD等我影完先出去~
我後生多幾年我就會對D公仔上當...(講成咁我其實上左當怪獸的怪獸書XXXXD)
魁地奇套裝...以前我一定買XXXD
我估唔到呢個蛋糕造型可以出咁多副產品XXXXXD
奶油啤酒個樽又幾靚~
巨型柏蒂全口味豆XXXD
其中一樣上當既野~上當既點係...之前見到既分類帽都係好正式好大頂...咁大舊點買得落手入行李帶番屋企XXXXD...有頂搞笑版細細頂方便我之後cosplayXXXXXD
頭先有D影相位其實有枝魔杖影會靚D...但我屋企已經帶正常版...我應該係入場前黎呢度買呢兩支迷你版其中一支去影相；[...(圖一係筆)....我地俾錢影左條坐係飛天掃帚既片XXXXD無魔杖個氣勢真係差好遠XXXXD
石內卜我愛呀!所以你出精品我ok呀...但大佬呀石內卜你出綺麗風...咁樣好咩?XXXXXD
呢套綺麗風既刺繡pin我又係ok呀~~早知抽一個~~
出去匯合毛寶子~向佢展示我既戰利品~佢仲帶上分類帽~我仲以為我會係度破產...點知係無事既XXXXD...好鐘意怪獸的怪獸書同毛巾仔~
好啦走喇~我地9點入場..食埋野...玩影城...買紀念品...兩點半先走!玩左成5個半鐘!我仲要其實唔算好細心咁影咁睇...都5個半鐘!!如果你真係cosplay哂咁去玩去影相...一定會要用更多時間~記得揀個早D既時間入場~(佢無限你時幾時要走既~)....咁我地又再搭番都營大江戶線~...搭到代々木站之後就轉JR山手線~搭到去涉谷落車~
車站見到呢個扭蛋忍唔住抽~~估下我抽中邊個?梗係抽中最醜哥個啦~定律黎既~
就算之前有黎開東京都唔會次次都黎涉谷~但今次黎係為左...Shibuya Sky.....一早已經係kkday度訂左飛...2人226hkd~訂飛時要揀埋入場時間....揀呢個時間係諗住可以影日景加日落加夜景(無限你時間但入場時間要揀)....但係你睇下個天氣幾好先啦XXXXXXD日咩落丫~....行過樓下時望到佢個牌...Rooftop...close???....下~唔係呀下~.....一早已經買定飛...無視乎當日天氣情況再買飛...個原因係.....佢D飛真係會賣哂之後無得walk in!
早左到無得早入場~所以唯有等下~睇黎呢個景我地都係影唔到....就算個rooftop開又點?個天氣咁XXXD
差唔多時間可以入場發現...喂!rooftop開番~
搭到電梯上到去...打算行出rooftop發現.......有工作人員係門口負責檢查...袋呀自拍棍哥D唔可以攞出rooftop....連...帽都唔戴得XXXXXXXXD...喂~我同毛寶戴冷帽無洗頭XXXXXXXXXD...D野要放哂係免費locker度....出到去完全無動力影相XXXXXXXD...求其影幾張算喇....
呢個著名既影相位....睇條隊...無番個半鐘...都影唔到...走先~(好凍呀個頭)
落番黎望下D手信....有屎忽甩皮磁石呀~~我做乜唔買既?
落一層又有D藝術裝置影下相~又幾靚~
比預計時間早左完成今日既行程~無諗過今晚食咩既...見早左...同埋有D餓...就諗住係shibuya sky哥棟建築物入面D餐廳揀間黎食~毛寶竟然會揀呢間鐵板燒XXXD(可能見唔算太貴又有set食)...我成日覺得佢唔鐘意食鐵板燒XXXD....餐廳裝修幾靚~我地walk in竟然俾窗口位我地~
我同毛寶點左呢兩個set share黎食~一個10,670円=597.5hkd...有國產牛有鮑魚...另一個就15,180hkd=850.1hkd...有龍蝦食~
我叫左杯阿根廷白酒..1,400円=78.4hkd~...毛寶哥杯乜鬼野來的?無記低XXXXD...Saprkling wine?..1,500円=84hkd....
兩個餐都有既蟹肉沙律同埋海膽醬魚籽既前菜?..正常野~
平餐既鮑魚~貴餐既龍蝦~兩樣都唔錯~
應該係兩個餐既today's special....但我已經唔記得係咩XXXD
然後俾杯野你清清個口~
跟住就上埋兩個set都有既牛~仲有炒飯~同埋頭先個龍蝦頭煲既麵豉湯~
到上甜品...我以為佢就咁上一碟...點知佢拖個甜品車出黎XXXD...仲話如果想試既每樣都可以要一件~都幾大器~
華!點知成餐最好食係佢D甜品XXXXXD..真係全部都幾好味~我平時好少覺得日本D甜品岩我口味~個芝士曲奇勁爆好味~
求求其其行入黎又食左29,040円=1,626.2hkd~真係大使..
好啦~急急腳走喇~D人一路食已經一路話：好想行下街呀~....好啦好啦~行喇~Pikmin開左一起走~一齊同毛寶種花~
行行下我同毛寶都見到隔離都有人開左一起走XXXXXD...佢仲著住要錢買既雪人衫~HI~
行左陣無印~
點點解無印有Naan買XXXXXD
再行去涉谷Parco~
由於Parco有任天堂專門店~所以有任天堂專屬花可以攞~~好似日本得3朶...上次大阪梅田有一朶(係Mario)...呢度有一朶(禮物貼紙皮)...仲帶一朶係...京都?忘了~...之前好似係一日可以攞一次...依家好似改左一個月一次
又係好多人~
見好多人排隊扭蛋...八下係咩...原來係pikmin!!我又要皮皮~排下先~佢好似係入錢按制...就唔係扭既~一按佢會有以前玩game boy mario輸左哥個音樂聲~好過癮~每人只可扭兩次~佢又幾佛心~竟然4隻無重覆~可惜抽唔中我最鐘意既岩石仔~
之前香港有pop up我托人幫我買左XXXD所以唔使再買~
hi子有得行街就開心~
回程時行去涉谷站搭JR番新宿...明明閒日...條街爆勁多人!!哥隻多人法好似新年街年宵哥種逼逼貢!
行到東口就有得睇3D電視~~有貓貓睇~最衰睇唔到依家哥個chiikawa啦~之前仲試過有布甸狗~
入轉7-11~我發現我真係對期間限定雪糕既愛抽離左....突然人間清醒~
但呢個我好想試~之前好似話好難搵...咁岩見到支...試下~好似話多D益生菌~去便便通暢D同埋會訓得好D~飲完之後...便便驗證唔到因為我平時都幾通暢XXXXD...而訓得好D我就哥幾晚其實都訓得幾好XXXD
正呀~(發現東京便利店依家都好多外籍人士員工)
經過哥斯拉酒店~
2025/06/28的開心事：
食左個好吃的午餐~
應該..
我估....
下一篇Blog...
可以講今年大旅行去邊XXXD
呢個耗時1年零4個月既計劃(計到去出發哥時)
我記得我舊年7月開始搞........
沒有留言:
張貼留言